လံာ်စီၤပၤခံဘ့ၣ်တဘ့ၣ် 16:3 - Sgaw Karen Common Bible

³ ဒီးပိာ်ထွဲကီၢ်အံၣ်စရ့လးအစီၤပၤတဖၣ်အဒိအတဲာ်အခံန့ၣ်လီၤ. အဝဲလုၢ်ထီၣ်ဒၣ်လဲာ်အဖိခွါဒၣ်ဝဲဒ်တၢ်လုၢ်မ့ၣ်အူတမံၤဆူ တၢ်ဂီၤတၢ်ဖီၣ်တဖၣ်, မၤဒိးလုၢ်လၢ်လီၤသးဘၣ်အၢလၢပှၤဂီၢ်မုၢ် မၤတ့ၢ်ဝဲ, ပှၤဂီၢ်မုၢ်လၢယွၤဟီထီၣ်ကွံာ်တ့ၢ်အီၤလၢထံဧိၤကီၢ်ဧိၤအပူၤ ဖဲပှၤအံၣ်စရ့လးဖိတဖၣ်ဟဲထီၣ်ဒုးတၢ်အခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 16:3 Iomraidhean Croise

လံာ်စီၤပၤအခီၣ်ထံးတဘ့ၣ် 14:24

တၢ်အၢအဒိၣ်ကတၢၢ်လၢတၢ်ခဲလၢာ်အဖီခိၣ်မ့ၢ်, လၢပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်အလီၢ်တဖၣ်န့ၣ်, ပှၤပိာ်ခွါတဖၣ်ဒီးပှၤပိာ်မုၣ်တဖၣ်အိၣ်ဝဲလၢအမၤတၢ်ဒ်ပှၤဃဲ သဲမုၣ်တဖၣ်အသိးန့ၣ်လီၤ. ကီၢ်ယူဒၤအပှၤဂီၢ်မုၢ်မၤကယဲၢ်တၢ်လီၤသးဘၣ်အၢတဖၣ်လၢပှၤဂီၢ် မုၢ်လၢယွၤနီၣ်ထီၣ်ဟီထီၣ်ကွံာ်အီၤလၢကီၢ်ပူၤမၤတ့ၢ်ဝဲန့ၣ် လီၤ. ယွၤနီၣ်ထီၣ်ဟီထီၣ်ကွံာ်တ့ၢ်ပှၤဂီၢ်မုၢ်တဖၣ်အံၤဖဲပှၤအံၣ်စရ့ လးဖိတဖၣ်ဟဲနုာ်ဆူကီၢ်ပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:16

အဝဲသ့ၣ်ဘိးဃၣ်ကွံာ်ကယဲၢ်ယွၤ, အဝဲသ့ၣ်အကစၢ်ယွၤအတၢ်ဘူၣ်တၢ်ဘါ အတၢ်သိၣ်တၢ်သီခဲလၢာ်ဒီးသိန့ၢ်ဂီၤဖံးဖါခံဒုအဂီၤလၢ တိၢ်, စ့ဒီးထး, လၢကဘူၣ်ထီၣ်ဘါထီၣ်ဝဲအဂီၢ်န့ၣ်လီၤ. အဝဲသ့ၣ်မၤစ့ၢ်ကီးတၢ်ဂီၤတၢ်ဖီၣ်တခါလၢအမ့ၢ် ကစၢ်မုၣ်အၡ့ရၤအဂီၤ, ဘူၣ်ထီၣ်ဘါထီၣ်ဆၣ်ဧိၤဖီဧိၤတဖၣ်, ဒီးမၤကစၢ်ဘဧၤလးအတၢ်မၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:17

အဝဲသ့ၣ်လုၢ်ထီၣ်ပာ်ထီၣ်အဖိခွါတဖၣ်ဒီးအဖိမုၣ်တဖၣ်ဒ်တၢ်ဆိၣ် ကဲၤနၢမူဆူပှၤတစူၢ်တနာ်ယွၤအကစၢ်တဖၣ်အအိၣ်လီၤ. အဝဲသ့ၣ်သံကွၢ်တၢ်လၢပှၤသံအကလၤဒီး, ပှၤဖးတၢ်ဟဲဝံဟဲစိာ် တဖၣ်အအိၣ်ဒီးအဝဲသ့ၣ်ဟ့ၣ်လီၤအသးလၢာ်လၢာ်ဆ့ဆ့ဆူတၢ်မၤတၢ် လၢအကမၣ်လၢယွၤအမဲာ်ညါ, သတးဒီးထိၣ်ဂဲၤအဝဲအတၢ်သးထီၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 17:19

ဘၣ်ဆၣ်ကီၢ်ယူဒၤအပှၤဂီၢ်မုၢ်တဖၣ်ဒၣ်လဲာ်တစူၢ်ဘၣ်ယွၤ, အဝဲသ့ၣ်အကစၢ်ယွၤအတၢ်ဘူၣ်တၢ်ဘါအတၢ်သိၣ်တၢ်သီ တဖၣ်န့ၣ်ဘၣ်. အဝဲသ့ၣ်ကွၢ်လိမၤဒိးလုၢ်လၢ်တဖၣ်လၢကီၢ်အံၣ်စရ့ လးအပှၤဂီၢ်မုၢ်တဖၣ်တူၢ်လိာ်ဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:8

ပိာ်ထွဲလုၢ်လၢ်တဖၣ်လၢအအိၣ်ဒီးပှၤဂီၢ်မုၢ်အခံ, ပှၤဂီၢ်မုၢ်လၢယွၤဟီထီၣ်ကွံာ်အီၤဖဲအဝဲအပှၤဂီၢ်မုၢ်ဟဲနုာ် လီၤအခါ, ဒီးတူၢ်လိာ်မၤထွဲလုၢ်လၢ်တဖၣ်လၢကီၢ်အံၣ်စရ့လး အစီၤပၤတဖၣ်ဒုးအိၣ်ထီၣ်တ့ၢ်ဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 21:11

“စီၤပၤမနၤၡ့ၤမၤတ့ၢ်တၢ်လီၤသးဘၣ်အၢတဖၣ်အံၤ, တၢ်တဖၣ်လၢအအၢဒိၣ်န့ၢ်ဒံးတၢ်လၢပှၤကနၤဧၣ်ဖိတဖၣ်မၤတ့ၢ်အီၤ န့ၣ်လီၤ. ခီဖျိအတၢ်ဂီၤတၢ်ဖီၣ်တဖၣ်အံၤန့ၣ်အဝဲဆှၢဃီၤကီၢ်ယူဒၤအပှၤ ဂီၢ်မုၢ်ဆူတၢ်ဒဲးဘးအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 21:2

စီၤမနၤၡ့ၤမၤတၢ်ဒဲးဘးထီဒါယွၤ, ခီဖျိတၢ်ပိာ်ထွဲပှၤ ကလုာ်တဖၣ်အတၢ်မၤလၢအလီၤသးဘၣ်အၢတဖၣ်အခံ, ပှၤတဖၣ်လၢယွၤဟီထီၣ်ကွံာ်တ့ၢ်အီၤလၢကီၢ်ဖဲအဝဲအပှၤဂီၢ်မုၢ် ဟဲထီၣ်ဒုးတၢ်အခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 21:6

အဝဲလုၢ်ထီၣ်အဖိခွါဒ်တၢ်လုၢ်မ့ၣ်အူအသိးန့ၣ်လီၤ. အဝဲမၤတၢ်ဒုၣ်တၢ်အဆၢအကတီၢ်, ဒီးတၢ်မၤကဒါမဲာ်ဒီးသံကွၢ်တၢ် လၢပှၤဖးတၢ်ဟဲဝံဟဲစိာ်တဖၣ်ဒီးပှၤသံအကလၤတဖၣ်, န့ၣ်လီၤ. အဝဲမၤဒဲးဘးတၢ်ထီဒါယွၤဒိၣ်မးဒီးထိၣ်ဂဲၤထီၣ် ယွၤအတၢ်သးကဲၤထီၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 21:9

ဘၣ်ဆၣ်ကီၢ်ယူဒၤအပှၤဂီၢ်မုၢ်တစူၢ်ဘၣ်ယွၤဘၣ်. ဒီးစီၤမနၤၡ့ၤဒုးမၤအဝဲသ့ၣ်လၢတၢ်ဒဲးဘးဒိၣ်ဒၣ်တၢ်တက့ၢ် တဖၣ်ဒၣ်လဲာ်, ဒိၣ်န့ၢ်ဒံးတၢ်ဒဲးဘးတဖၣ်လၢပှၤကလုာ်တဖၣ်မၤတ့ၢ်အီၤ, ပှၤတဖၣ်လၢယွၤနီၣ်ထီၣ်ကွံာ်တ့ၢ်အီၤလၢကီၢ်ပူၤ, ဖဲအပှၤဂီၢ်မုၢ်ဟဲထီၣ်ဒုးတၢ်အခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 23:10

ပှၤတစူၢ်တနာ်ယွၤအတၢ်လုၢ်လီၢ်စီဆှံတိဖ့းလၢအမ့ၢ်အဝဲသ့ၣ် အတၢ်ဘူၣ်ထီၣ်ဘါထီၣ်အလီၢ်လၢအအိၣ်လၢဃံနိၣ်အတၢ်တြီၤပူၤန့ၣ်, စီၤပၤယိၤၡံယၤမၤဘၣ်အၢဘၣ်သီကွံာ်အီၤ, ဒ်သိးပှၤလုၢ်ထီၣ်အဖိခွါမ့ၢ်ဂ့ၤ, အဖိမုၣ်မ့ၢ်ဂ့ၤဒ်တၢ်လုၢ်မ့ၣ်အူအသိး, ဆူကစၢ်မိလးအအိၣ်အသုတသ့လၢၤနီတဂၤတဂ့ၤအဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 8:18

အဝဲအမါမ့ၢ်စီၤအၤဃာ်အဖိမုၣ်, ဒီးဒ်စီၤအၤဃာ်အဟံၣ်ဖိဃီဖိ အသိးန့ၣ်အဝဲပိာ်ထွဲကျဲအၢကျဲသီတဖၣ်လၢကီၢ်အံၣ်စရ့လး အစီၤပၤတဖၣ်ပိာ်တ့ၢ်ဝဲန့ၣ်လီၤ. အဝဲမၤတ့ၢ်တၢ်ဒဲးဘးထီဒါယွၤ,

လံာ်ကွဲးနီၣ်တၢ်ခံဘ့ၣ်တဘ့ၣ် 22:3

အဝဲအမိၢ်နီၢ်ဧသၤလယၤ, ကီၢ်အံၣ်စရ့လးအစီၤပၤဧိၣ်ရံၤအလံၤ မုၣ်ဒီးစီၤပၤအၤဃာ်အဖိမုၣ်, ဟ့ၣ်တ့ၢ်အီၤတၢ်ဟ့ၣ်ကူၣ်လၢအဆှၢဃီၤအီၤဆူတၢ်အၢတၢ်သီအပူၤ န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:2

စီၤမနၤၡ့ၤမၤတ့ၢ်တၢ်လီၤသးဘၣ်အၢအတၢ်မၤတဖၣ်ဒီးမၤတၢ်ဒဲး ဘးထီဒါယွၤ, ဒ်ပှၤကလုာ်တဖၣ်လၢယွၤဟီထီၣ်ကွံာ်တ့ၢ်အီၤလၢကီၢ်ပူၤဖဲ အပှၤဂီၢ်မုၢ်ဟဲနုာ်ဝဲ, မၤတ့ၢ်အသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:6

အဝဲလုၢ်ထီၣ်တ့ၢ်အဖိခွါတဖၣ်လၢဟံၣ်နိၣ်အတၢ်တြီၤအပူၤဒ်တၢ် လုၢ်မ့ၣ်အူတဖၣ်အသိးန့ၣ်လီၤ. အဝဲမၤတၢ်ဒ်ပှၤနာ်တၢ်ဝံတၢ်ကလၤဒီးတၢ်မၤကဒါမဲာ်ဒီးသံကွၢ် တၢ်လၢပှၤဒွးတၢ်ဟဲဝံဟဲစိာ်ဒီးပှၤအိၣ်ဒီးပှၤသံအကလၤတဖၣ် န့ၣ်လီၤ. အဝဲမၤတၢ်ဒဲးဘးဖးဒိၣ်ထီဒါယွၤဒီးထိၣ်ဂဲၤထီၣ်အတၢ်သးထီၣ် န့ၣ်လီၤ.

စံးထီၣ်ပတြၢၤ 106:35

မ့မ့ၢ်ဒိးတ့ဒိးဖျီဃုာ်အသးဒီး အဝဲသ့ၣ် ဒီးအဝဲသ့ၣ်အတၢ်တဘူၣ်ထီၣ်ဘါထီၣ်ယွၤအကျဲတဖၣ်န့ၣ်လီၤ.

လံာ်ယၡါယၤ 57:5

ဒ်ပှၤတစူၢ်တနာ်ယွၤတဖၣ်အသိးန့ၣ်, သုအိၣ်ဃုာ်လိာ်သုသးလၢသ့ၣ် စီဆှံတဖၣ်အဖီလာ်ဖဲတၢ်ဂီၤတၢ်ဖီၣ်တဖၣ်ဘၣ်တၢ်ဘါထီၣ်အီၤ န့ၣ်လီၤ. သုဟ့ၣ်လီၤသုဖိတဖၣ်ဒ်တၢ်လုၢ်တၢ်ပာ်တဖၣ်အသိးလၢလၢၢ် ပူၤလ့ပူၤတဖၣ်ဘူးဒီးထံကျိတကျိအထၣ်န့ၣ်လီၤ.

လံာ်ယံးရမံယၤ 32:35

အဝဲသ့ၣ် သူၣ်ထီၣ်ဘှီထီၣ်တ့ၢ် တၢ်လုၢ်လီၢ်တဖၣ် လၢ ဘဧၤလး အဂီၢ်လၢဟံၣ်နိၣ်အတြီၤပူၤလၢ ကလုၢ်ထီၣ်အဖိခွါ တဖၣ်ဒီးအဖိမုၣ်တဖၣ်ဆူ ကစၢ်မိလးအဂီၢ်န့ၣ်လီၤ. ယတမၤလိာ်တ့ၢ် အ ဝဲသ့ၣ်လၢ ကမၤတၢ်အံၤအဂီၢ်ဘၣ်, ဒီးအဝဲသ့ၣ် ကမၤတၢ်ဒ်သိးအံၤ ဒီးဒုးမၤကီၢ်ယူဒၤအပှၤဂီၢ်မုၢ် လၢတၢ်ဒဲးဘးန့ၣ်, ယတဆိကမိၣ်ထီၣ်ဒၣ်လဲာ် အီၤဘၣ်လီၤ.”

လံာ်ယဃ့းစက့လး 16:21

တၢ်န့ၣ်ဒၣ်လဲာ်တအိၣ်ဃုာ်ဒီးနဟံးန့ၢ်ယဖိတဖၣ်ဒီးလုၢ်ထီၣ်အဝဲ သ့ၣ်ဆူတၢ်ဂီၤတၢ်ဖီၣ်တဖၣ်န့ၣ်ဒံးဘၣ်.

လံာ်ယဃ့းစက့လး 16:47

မ့ၢ်နသးမံတ့ၢ်လၢနကပိာ်အဝဲသ့ၣ်အခီၣ်လီၢ်တဖၣ်ဒီးမၤဒီး အဝဲသ့ၣ်အတၢ်မၤတဖၣ်လၢအလီၤသးဘၣ်အၢန့ၣ်ဧါ. တမ့ၢ်ဘၣ်လၢတစိၢ်ဖိအတီၢ်ပူၤဒၣ်လဲာ်န့ၣ်, နအိၣ်မူအၢန့ၢ်ဒံးအဝဲသ့ၣ်လၢတၢ်ခဲလၢာ်လၢနမၤတ့ၢ်အီၤ အပူၤန့ၣ်လီၤ.

လံာ်ယဃ့းစက့လး 20:26

ယပျဲအဝဲသ့ၣ်လၢကမၤဘၣ်အၢလီၤက့ၤအဝဲသ့ၣ်အသးဒၣ်ဝဲလၢ အတၢ်လုၢ်တၢ်ပာ်ဒၣ်ဝဲတဖၣ်, ဒီးယပျဲအဝဲသ့ၣ်ကလုၢ်ထီၣ်ပာ်ထီၣ်အဖိဝဲၢ်ကိတဖၣ်န့ၣ်လီၤ. တၢ်အံၤမ့ၢ်ဒ်သိးတၢ်ကစံၣ်ညီၣ်အဝဲသ့ၣ်အဂီၢ်ဒီးဒုးနဲၣ်အဝဲ သ့ၣ်လၢယမ့ၢ်ယွၤန့ၣ်လီၤ.

လံာ်ယဃ့းစက့လး 20:31

မုၢ်တနံၤအံၤဒၣ်လဲာ်န့ၣ်သုလုၢ်ထီၣ်, တၢ်ဟ့ၣ်တမံၤဃီတဖၣ်, ဒီးမၤဘၣ်အၢသုသးဒီးတၢ်ဂီၤတၢ်ဖီၣ်တမံၤဃီတဖၣ်, ခီဖျိသုလုၢ်ထီၣ်သုဖိတဖၣ်ဆူအဝဲသ့ၣ်အအိၣ်လၢမ့ၣ်အူပူၤ န့ၣ်လီၤ. အန့ၣ်ဝံၤဒီးသုဝဲ ပှၤအံၣ်စရ့လးဖိတဖၣ်ဟဲဒံးဆူယအိၣ်ဒီးသံကွၢ်လၢယတၢ်ဘၣ်ယသး မ့ၢ်တၢ်ဒ်လဲၣ်န့ၣ်လီၤ. ဒ်ယၤ, ယွၤပၢဘၣ်တၢ်ခဲလၢာ်ကစၢ်, မ့ၢ်နီၢ်နီၢ်ကစၢ်ယွၤလၢအမူဝဲတဂၤအသိးယစံးယဲ, ယတပျဲ သုသံကွၢ်ယၤတၢ်နီတမံၤလၢၤဘၣ်.

လံာ်တၢ်ဘူၣ်ထီၣ်ဘါထီၣ် 18:21

ဟ့ၣ်နဖိနီတဂၤလၢတၢ်ကဆူးကဲၤထီၣ်အီၤလၢတၢ်ဘါထီၣ်မိလး အဂီၢ်တဂ့ၤ. အဂ့ၢ်ဒ်အံၤ, ကကဲထီၣ်တၢ်မဲာ်ဆှးလၢကစၢ်ယွၤ အမံၤအဂီၢ်န့ၣ်လီၤ.

လံာ်မံကၤ 6:7

မ့ၢ်တၢ်ကဘၣ်ယွၤအသးဖဲယဟဲစိာ်န့ၢ်အီၤသိအဒုလၢအကထိ တဖၣ်မ့တမ့ၢ်သ့ၣ်စၤယံးအသိလၢအယွၤလီၤဝဲ အကတၢၢ်တအိၣ်ဘၣ်န့ၣ်ဧါ. မ့ၢ်ယကဘၣ်လုၢ်ထီၣ်အီၤယဖိဝဲၢ်ကိလၢယတၢ်ဒဲးဘးတဖၣ်အဘူး အလဲအဂီၢ်ဧါ.

လံာ်သိၣ်လီၤသီလီၤတၢ် 12:31

ဘူၣ်ထီၣ်ဘါထီၣ်ယွၤသုကစၢ်ယွၤလၢကျဲတဘိဃီဒ်အဝဲသ့ၣ်ဘါထီၣ် အကစၢ်တဖၣ်အသိးန့ၣ်တဂ့ၤ. အဂ့ၢ်ဒ်အံၤ, လၢအဝဲသ့ၣ်အတၢ်ဘါထီၣ်အကစၢ်တဖၣ်အပူၤန့ၣ်, အဝဲသ့ၣ်မၤတၢ်သးဘၣ်အၢတဖၣ်လၢယွၤသးဟ့ဝဲန့ၣ်လီၤ. အဝဲသ့ၣ်လုၢ်ထီၣ်ဒၣ်လဲာ်အဖိတဖၣ်လၢမ့ၣ်အူအပူၤလၢတၢ်လုၢ်လီၢ် တဖၣ်အဖီခိၣ်န့ၣ်လီၤ.

လံာ်သိၣ်လီၤသီလီၤတၢ် 18:10

လုၢ်ထီၣ်ပာ်ထီၣ်သုဖိတဖၣ်လၢမ့ၣ်အူအပူၤလၢသုတၢ်လုၢ်လီၢ်တဖၣ် အဖီခိၣ်တဂ့ၤ. ဒီးပျဲသုပှၤဂီၢ်မုၢ်မၤတၢ်ဒုၣ်တၢ်ထုမ့ၢ်ဂ့ၤ, သံကွၢ်တၢ်လၢပှၤကွၢ်တၢ်ပနီၣ်တဖၣ်အအိၣ်မ့ၢ်ဂ့ၤ, အူတၢ်အူတၢ်သမူတဖၣ်မ့ၢ်ဂ့ၤ,