လံာ်စီၤပၤခံဘ့ၣ်တဘ့ၣ် 16:18 - Sgaw Karen Common Bible

¹⁸ ဒီးလၢတၢ်မၤဘၣ်ကီၢ်အၤၡူၢ်အစီၤပၤဖးဒိၣ်အသးအဂီၢ်န့ၣ်, စီၤအၤဃးသုးကွံာ်စ့ၢ်ကီးစိၤမိၤလၢစီၤပၤအလီၢ်ပစိာ်အိၣ် ဝဲလၢအဖီခိၣ်န့ၣ်လၢယွၤအတၢ်လုၢ်ဟံၣ်အပူၤဒီးကးတံၢ်ဃးကျဲစၢၤ လၢတၢ်ပာ်လီၤဆီအီၤလၢစီၤပၤကဟဲနုာ်ဆူယွၤအတၢ်လုၢ်ဟံၣ် ပူၤ, အဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 16:18 Iomraidhean Croise

လံာ်စီၤပၤအခီၣ်ထံးတဘ့ၣ် 10:5

အဝဲထံၣ်ဘၣ်တၢ်အီၣ်တၢ်အီလၢအဘၣ်တၢ်ပာ်လီၤအီၤလၢအစီၢ်နီၤ ခိၣ်, အပဒိၣ်ပပှၢ်တဖၣ်အတၢ်အိၣ်တၢ်ဆိးအလီၢ်သ့ၣ်တဖၣ်, အဝဲအတၢ်ကရၢကရိထီၣ်ပှၤမၤတၢ်လၢနီပူၤတဖၣ်ဒီးတၢ်ကူတၢ်ကၤ လၢအဒ်သိးသိးလၢအဝဲသ့ၣ်ကူသိးဝဲ, အခ့အပှၤတဖၣ်လၢအပာ်လီၤန့ၢ်အီၤလီခီတဖၣ်ဖဲအဝဲအီၣ်တၢ်အခါ ဒီးတၢ်လုၢ်တၢ်ပာ်တဖၣ်လၢအဝဲလုၢ်ထီၣ်ဝဲလၢယွၤအတၢ်လုၢ်ဟံၣ် အပူၤန့ၣ်လီၤ. တၢ်န့ၣ်မ့ၢ်တၢ်လၢအဒုးကမၢကမၣ်အီၤဒီးမၤသးလီၤကတုၤအီၤန့ၣ် လီၤ.

လံာ်စီၤပၤခံဘ့ၣ်တဘ့ၣ် 11:5

ဒီးဟ့ၣ်လီၤအဝဲသ့ၣ်တၢ်မၤလိာ်တဖၣ်ဒ်လာ်အံၤအသိးလီၤ. ဖဲသုဟဲဒ်သိးသုကမၤသုမူသုဒါလၢအိၣ်ဘှံးအနံၤန့ၣ်, သုဝဲပှၤသၢပူတပူကဘၣ်ခိးနူၢ်ဧိၤစီၤဧိၤ,

လံာ်စီၤပၤခံဘ့ၣ်တဘ့ၣ် 16:17

စီၤပၤအၤဃးသုးကပၤကွံာ်လ့ၣ်တိၢ်ဘီတဖၣ်လၢအဘၣ်တၢ်သူ အီၤလၢယွၤအတၢ်လုၢ်ဟံၣ်အပူၤဒီးသုးကွံာ်သရာ်တဖၣ်လၢအအိၣ်လၢ အဖီခိၣ်န့ၣ်လီၤ. အဝဲဟံးထီၣ်ကွံာ်စ့ၢ်ကီးထံဒၢတိၢ်ဘီလၢဂီၤဖံးတိၢ်ဘီတဆံ ခံဒုအပျိၢ်လိၤဒီးပာ်လီၤဝဲလၢလၢၢ်တဖျၢၣ်အဖီခိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 16:19

ကယဲၢ်တၢ်အဂၤလၢစီၤပၤအၤဃးမၤတ့ၢ်ဝဲန့ၣ်, ဘၣ်တၢ်ကွဲးနီၣ်အီၤလၢကီၢ်ယူဒၤအစီၤပၤတဖၣ်အလံာ်တၢ်စံၣ်စိၤ တဲစိၤအပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:18

တုၤဃီၤလၢအဆၢကတီၢ်အဝဲန့ၣ်, အဝဲသ့ၣ်အဒူၣ်ထၢတဖၣ်, အဟံၣ်ဖိဃီဖိဘၣ်တၢ်ပာ်လီၤအီၤဖဲတၢ်လုၢ်ဟံၣ်အတြဲၤမုၢ်ထီၣ်, ဖဲစီၤပၤတဖၣ်လဲၤနုာ်ဝဲ, အကျဲစၢၤန့ၣ်လီၤ. လၢညါန့ၣ်အဝဲသ့ၣ်ဆၢထၢၣ်ပၢၤတၢ်ဖဲတြဲၤတဖၣ်လၢပှၤလဲၤနုာ်ဆူ ပှၤလ့ၤဝံဖိတဖၣ်အသူၣ်ဒဲအလီၢ်န့ၣ်လီၤ.

လံာ်ယဃ့းစက့လး 44:3

ဘၣ်ဆၣ်သနာ်က့, စီၤပၤဖိခွါလၢအပၢတၢ်ကလဲၤဝဲဖဲန့ၣ်ဒ်သိးကအီၣ် တၢ်အီၣ်စီဆှံလၢယမဲာ်ညါန့ၣ်လီၤ. အဝဲကလဲၤနုာ်ဝဲဒီးဟးထီၣ် လၢတြဲၤအကျဲစၢၤခီဖျိကျဲစၢၤကျိၤထံးအဒၢးလၢအအိၣ်ဖဲ တၢ်အိပူၤအကတၢၢ်န့ၣ်လီၤ.

လံာ်ယဃ့းစက့လး 46:2

စီၤပၤဖိခွါလၢအပၢတၢ်ကလဲၤတၢ်လၢတၢ်လုၢ်ဟံၣ်အဂၢၤလၢ တၢ်ပျီပူၤဒီးလဲၤနုာ်ဆူကျဲစၢၤထံးအဒၢးပူၤခီဖျိကျဲစၢၤကျိၤထံး ဒီးဆၢထၢၣ်ဖဲတြဲၤဖးဒိၣ်အထူၣ်တဖၣ်အကပၤဖဲပှၤလုၢ်တၢ်အခိၣ် တဖၣ်ဆိၣ်ကဲၤထီၣ်အဝဲအတၢ်လုၢ်တၢ်ပာ်တဖၣ်ဒီတဒုညါဒီးလုၢ်ထီၣ် အဝဲအတၢ်လုၢ်မၤဃူမၤဖိးတဖၣ်အခါန့ၣ်လီၤ. ဖဲတြဲၤဖးဒိၣ် န့ၣ်အဝဲကဘူၣ်ထီၣ်ဘါထီၣ်တၢ်ဝံၤဒီးဟးထီၣ်ကွံာ်ကဒါက့ၤဆူ တၢ်ချၢန့ၣ်လီၤ. တချုးလၢမုၢ်ဟါလီၤဒံးဘၣ်န့ၣ်တၢ်တဘၣ် ကးတံာ်ဃာ်တြဲၤဖးဒိၣ်ဘၣ်.