လံာ်စီၤပၤခံဘ့ၣ်တဘ့ၣ် 16:12 - Sgaw Karen Common Bible

¹² တုၤစီၤအၤဃးဟဲက့ၤဝဲလၢဝ့ၢ်ဒၤမ့ၤစ့းန့ၣ်, အဝဲထံၣ်ဘၣ်ဝဲ တၢ်လုၢ်လီၢ်န့ၣ်ဝံၤဝဲလံန့ၣ်လီၤ.

လံာ်စီၤပၤခံဘ့ၣ်တဘ့ၣ် 16:12 Iomraidhean Croise

လံာ်စီၤပၤအခီၣ်ထံးတဘ့ၣ် 12:33

ဒီးလၢလါဃိးလါတလါထီၣ်တဆံယဲၢ်သီတသီအနံၤ, မုၢ်တနံၤဖဲအဝဲအကစၢ်ဒၣ်ဝဲပာ်လီၤတ့ၢ်ဝဲအီၤန့ၣ်, အဝဲလဲၤဆူဝ့ၢ်ဘ့ၤသ့လးဒီးလုၢ်ထီၣ်တၢ်လုၢ်တၢ်ပာ်တမံၤလၢတၢ် လုၢ်လီၢ်အဖီခိၣ်, ဒ်တၢ်မၤတၢ်ဘူၣ်တၢ်ဘါအမူးလၢအဝဲဒုးအိၣ်ထီၣ်တ့ၢ်ဝဲလၢကီၢ် အံၣ်စရ့လးအပှၤဂီၢ်မုၢ်အဂီၢ်အသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 13:1

ဖဲစီၤယၤရၤဘၣ်ဆၢထၢၣ်ဝဲဖဲတၢ်လုၢ်လီၢ်လၢကလုၢ်ထီၣ်ပာ်ထီၣ် တၢ်န့ၣ်ယွၤအဝံတဂၤလၢကီၢ်ယူဒၤလဲၤတုၤဝဲဆူဝ့ၢ်ဘ့ၤသ့လး ဒ်ယွၤမၤလိာ်အီၤအသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 16:11

လၢတၢ်န့ၣ်အဃိစီၤအူၤရံယၤဘှီထီၣ်တၢ်လုၢ်လီၢ်တခါလၢအလီၤ ဂာ်တမံၤဃီဒ်သိးန့ၣ်, ဒီးမၤဝံၤအီၤတချုးလၢစီၤအၤဃးဟဲက့ၤကဒါက့ၤဒံးဘၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 16:13

လၢတၢ်န့ၣ်အဃိစီၤအၤဃးဆိၣ်ကဲၤထီၣ်တၢ်လုၢ်ဆၣ်ဖိကီၢ်ဖိ အတၢ်လုၢ်တၢ်ပာ်တဖၣ်ဒီးဘုဧိၤဟုဧိၤအတၢ်လုၢ်တၢ်ပာ်တဖၣ်လၢတၢ် လုၢ်လီၢ်န့ၣ်အဖီခိၣ်, ဒီးလူလီၤတၢ်လုၢ်စပံးထံဒီးတၢ်လုၢ်မၤဃူမၤဖိးအသွံၣ်လၢ အဖီခိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:23

အဝဲလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်ဆူပှၤစူၤရံဖိတဖၣ်လၢ အမၤနၢၤတ့ၢ်အီၤအကစၢ်တဖၣ်လၢအမၤနၢၤတ့ၢ်အီၤအအိၣ်န့ၣ်လီၤ. အဝဲစံးဝဲ, “ပှၤစူၤရံဖိအကစၢ်တဖၣ်မၤစၢၤတ့ၢ်ကီၢ်စူၤရံ အစီၤပၤတဖၣ်, အဃိယမ့ၢ်လုၢ်ထီၣ်ပာ်ထီၣ်တၢ်ဆူ အဝဲသ့ၣ်အအိၣ်န့ၣ်, ဘၣ်သ့ၣ်သ့ၣ်, အဝဲသ့ၣ်ကမၤစၢၤယၤစ့ၢ်ကီး လီၤ.” တၢ်အံၤဟဲစိာ်တၢ်တတၢးတနါတဖၣ်လၢအဝဲအဖီခိၣ်ဒီးအပှၤကလုာ် အဖီခိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:25

လၢကယဲၢ်ဝ့ၢ်ဖးဒိၣ်ဒီးဝ့ၢ်ဖိလၢကီၢ်ယူဒၤအပူၤခဲလၢာ်န့ၣ်, အဝဲဘှီထီၣ်ပှၤဘါတၢ်ဂီၤတၢ်ဖီၣ်အတၢ်ဘါလီၢ်တဖၣ်, လၢတၢ်လုၢ်နၢမူတဖၣ်ကဘၣ်တၢ်ဆူးကဲၤအီၤဆူပှၤကလုာ်ဂၤအကစၢ် တဖၣ်အအိၣ်အဂီၢ်န့ၣ်လီၤ. လၢကျဲဒ်အံၤန့ၣ်အဝဲဟဲစိာ်ဃီၤယွၤ, အဝဲအမိၢ်ပၢ်ဖံဖုလၢပျၢၤတဖၣ်အကစၢ်ယွၤအတၢ်သးထီၣ်ဘၣ်အီၤန့ၣ်လီၤ.