လံာ်စီၤပၤခံဘ့ၣ်တဘ့ၣ် 16:11 - Sgaw Karen Common Bible

¹¹ လၢတၢ်န့ၣ်အဃိစီၤအူၤရံယၤဘှီထီၣ်တၢ်လုၢ်လီၢ်တခါလၢအလီၤ ဂာ်တမံၤဃီဒ်သိးန့ၣ်, ဒီးမၤဝံၤအီၤတချုးလၢစီၤအၤဃးဟဲက့ၤကဒါက့ၤဒံးဘၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 16:11 Iomraidhean Croise

လံာ်စီၤပၤခံဘ့ၣ်တဘ့ၣ် 16:10

ဖဲစီၤပၤအၤဃးဟးထီၣ်လဲၤဆူဝ့ၢ်ဒၤမ့ၤစ့းလၢကလဲၤသဂၢၢ် စီၤပၤဖးဒိၣ်တံးကလးပလ့စ့ၢ်အဂီၢ်န့ၣ်အဝဲထံၣ်ဘၣ်တၢ်လုၢ်လီၢ် ဖဲန့ၣ်, ဒီးဆှၢလီၤကဒါက့ၤန့ၢ်ပှၤလုၢ်တၢ်အခိၣ်စီၤအူၤရံယၤလၢတၢ် လုၢ်လီၢ်န့ၣ်အက့ၢ်အဂီၤအဒိတမံၤဃီတခါတုၤလၢက့ၢ်ဂီၤအဆံး ကတၢၢ်အဒိ, လၢာ်အခၢးဒၣ်လဲာ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 16:12

တုၤစီၤအၤဃးဟဲက့ၤဝဲလၢဝ့ၢ်ဒၤမ့ၤစ့းန့ၣ်, အဝဲထံၣ်ဘၣ်ဝဲ တၢ်လုၢ်လီၢ်န့ၣ်ဝံၤဝဲလံန့ၣ်လီၤ.

လံာ်စီၤပၤခံဘ့ၣ်တဘ့ၣ် 16:14

တၢ်လုၢ်လီၢ်တိၢ်ဘီလၢအဘၣ်တၢ်ပာ်စီဆှံထီၣ်တ့ၢ်အီၤဆူယွၤ န့ၣ်, အိၣ်ဝဲဒၣ်ဖဲတၢ်လုၢ်လီၢ်အသီဒီးယွၤအတၢ်လုၢ်ဟံၣ်အဘၢၣ်စၢၤ, အဃိ, စီၤအၤဃးသုးကွံာ်တၢ်လုၢ်လီၢ်တိၢ်ဘီန့ၣ်ဆူအဝဲ အတၢ်လုၢ်လီၢ်သီအကပၤအကလံၤစိးတခီန့ၣ်လီၤ.

လံာ်စီၤပၤခံဘ့ၣ်တဘ့ၣ် 16:16

စီၤအူၤရံယၤမၤတၢ်ဒ်စီၤပၤမၤလိာ်အီၤအသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 21:4

အဝဲဘှီထီၣ်ပှၤတစူၢ်တနာ်ယွၤအတၢ်လုၢ်လီၢ်တဖၣ်လၢယွၤအတၢ်လုၢ် ဟံၣ်အပူၤ, တၢ်လီၢ်ဖဲယွၤစံးတ့ၢ်ဝဲလၢ, အဝဲကဘၣ်တၢ်ဘူၣ်ထီၣ်ဘါထီၣ်အီၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 21:7

အဝဲပာ်လီၤကစၢ်မုၣ်အၡ့ရၤအပနီၣ်လၢယွၤအတၢ်လုၢ်ဟံၣ်ပူၤ, တၢ်လီၢ်လၢယွၤစံးဘၣ်တ့ၢ်စီၤဒၤဝံးဒီးအဖိခွါစီၤၡလိၤမိၤ လၢအဂ့ၢ်, စံးဝဲ, “ဖဲအံၤ, ဖဲဝ့ၢ်ယရူၤၡလ့ၣ်အပူၤ, တၢ်လီၢ်ဖဲ ယွၤအတၢ်လုၢ်ဟံၣ်အပူၤအံၤ, မ့ၢ်တၢ်လီၢ်လၢယဃုထၢတ့ၢ်ယဲလၢ ကယဲၢ်လီၢ်ကဝီၤခဲလၢာ်လၢအံၣ်စရ့လးအဒူၣ်တဆံခံဒူၣ်အပူၤဒ် အမ့ၢ်တၢ်လီၢ်လၢယကဘၣ်တၢ်ဘူၣ်ထီၣ်ဘါထီၣ်ယၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:4

အဝဲဘှီထီၣ်ပှၤတစူၢ်တနာ်ယွၤအတၢ်လုၢ်လီၢ်တဖၣ်လၢယွၤအတၢ်လုၢ် ဟံၣ်အပူၤ, တၢ်လီၢ်ဖဲယွၤစံးတ့ၢ်လၢအဝဲကဘၣ်တၢ်ဘူၣ်ထီၣ်ဘါထီၣ် အီၤလီၤစိၤလီၤထီန့ၣ်လီၤ.

လံာ်ယၡါယၤ 8:2

မၤန့ၢ်ပှၤခံဂၤလၢပနာ်န့ၢ်အီၤသ့, ပှၤလုၢ်တၢ်အခိၣ်စီၤအူၤ ရံၤယၤဒီးစီၤယဘ့းရ့ကယၤအဖိခွါစီၤစကၤရယါလၢအကကဲထီၣ် ပှၤအုၣ်အသးတဖၣ်တက့ၢ်.”

လံာ်ယံးရမံယၤ 23:11

ယွၤစံးဝဲဒၣ်, “ဝံတဖၣ်ဒီးပှၤလုၢ်တၢ်အခိၣ်တဖၣ်န့ၣ် တယူးယီၣ်ဘၣ်ယွၤဘၣ်. ယထံၣ်ဘၣ်တ့ၢ်အဝဲသ့ၣ်မၤတၢ်အၢလၢ ယတၢ်လုၢ်ဟံၣ်အပူၤဒၣ်လဲာ်န့ၣ်လီၤ.

လံာ်ယဃ့းစက့လး 22:26

ပှၤလုၢ်တၢ်အခိၣ်တဖၣ်လုၢ်သ့ၣ်ခါပတာ်ယတၢ်ဘူၣ်တၢ်ဘါအတၢ်သိၣ်တၢ် သီဒီးတအိၣ်ဒီးတၢ်ပာ်ကဲတၢ်လၢအစီဆှံန့ၣ်ဘၣ်. အဝဲသ့ၣ်တပာ်လီၤဆီတၢ်လၢအစီအဆှံဒီးအတစီ တဆှံန့ၣ်ဘၣ်. အဝဲသ့ၣ်တသိၣ်လိတၢ်လီၤဆီလၢတၢ်လၢအကဆှီဒီး အတကဆှီဘၣ်အဘၢၣ်စၢၤန့ၣ်ဘၣ်. ဒီးအဝဲသ့ၣ်တကနၣ်ဃုာ်မုၢ်အိၣ်ဘှံးနံၤန့ၣ်ဘၣ်. လၢတၢ်န့ၣ်အဃိကီၢ်အံၣ်စရ့လးအပှၤဂီၢ်မုၢ်တယူးယီၣ်ပာ်ကဲယၤ ဘၣ်.

လံာ်ဒၤနံးယ့လး 3:7

မၤသးဒ်န့ၣ်ဒီး, တုၤအဝဲသ့ၣ်နၢ်ဟူကယဲၢ်တၢ်ဒ့တၢ်အူတဖၣ်သီၣ်ထီၣ်န့ၣ်, ကယဲၢ်ပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲးဒီးပှၤကတိၤအ ကျိာ်အကလုာ်ကလုာ်ခဲလၢာ်ချံးခီၣ်တီၤလီၤဒီးဘူၣ်ထီၣ်ဘါ ထီၣ်တၢ်ဂီၤထူလၢစီၤပၤနဘူၤကးန့စၢ်တ့ထီၣ်ဆီလီၤတ့ၢ်အီၤန့ၣ်လီၤ.

လံာ်ဟိၤၡ့ 4:6

ယပှၤဂီၢ်မုၢ်ဘၣ်တၢ်စံၣ်ညီၣ်ဃါမနၤလီၤ. အဂ့ၢ်ဒ်အံၤ, အဝဲသ့ၣ်, တသ့ၣ်ညါအၢၣ်လီၤယၤဘၣ်. သုဝဲပှၤလုၢ်တၢ်အခိၣ်တဖၣ်ဂ့ၢ်လိာ်သ့ၣ်ညါအၢၣ်လီၤတ့ၢ်ယၤ, ဒီးညိကွံာ်တ့ၢ်ယတၢ်သိၣ်လိလီၤ. ဒီးလၢတၢ်န့ၣ်အဃိ, ယကညိကွံာ်သုဒီးတသ့ၣ်ညါအၢၣ်လီၤဘၣ်သုဖိခွါတဖၣ် ဒ်ပှၤလုၢ်တၢ်အခိၣ်တဖၣ်အသိးဘၣ်န့ၣ်လီၤ.

လံာ်ဟိၤၡ့ 5:11

ကီၢ်အံၣ်စရ့လးတူၢ်ဘၣ်တၢ်မၤနးမၤဖှီၣ်, အဝဲအထံအကီၢ်လၢအမ့ၢ်အတၢ်နီၢ်နီၢ်လီၤမၢ်ကွံာ်ဝဲ, မ့ၢ်လၢအဝဲလဲၤဃု တၢ်မၤစၢၤသပှၢ်ပှၢ်လၢပှၤလၢအဟ့ၣ်အီၤတသ့ဘၣ်အအိၣ်အဃိန့ၣ်လီၤ.

ကလၤတံ 1:10

တၢ်အဝဲအံၤ, မ့ၢ်အသီၣ်မၤအသးဒ်သိးယဂုာ်ကျဲးစၢးမၤန့ၢ် ပှၤကညီအတၢ်ဘၣ်သူၣ်ဘၣ်သးဧါ. တမ့ၢ်လ့ၤတက့ၤဘၣ်. တၢ်လၢယအဲၣ်ဒိးန့ၣ်, မ့ၢ်ကစၢ်ယွၤအတၢ်ဘၣ်သူၣ်ဘၣ်သး န့ၣ်လီၤ. မ့ၢ်ယဂုာ်ကျဲးစၢးဒိးန့ၢ်ပှၤကညီအတၢ်ဘၣ်သူၣ်ဘၣ် သးယၤဧါ. ယမ့ၢ်မၤဒံးဒၣ်ဒ်န့ၣ်ဒီး, ယတမ့ၢ်ခရံာ်အခ့အပှၤ တဂၤဘၣ်.