လံာ်စီၤပၤခံဘ့ၣ်တဘ့ၣ် 16:10 - Sgaw Karen Common Bible

¹⁰ ဖဲစီၤပၤအၤဃးဟးထီၣ်လဲၤဆူဝ့ၢ်ဒၤမ့ၤစ့းလၢကလဲၤသဂၢၢ် စီၤပၤဖးဒိၣ်တံးကလးပလ့စ့ၢ်အဂီၢ်န့ၣ်အဝဲထံၣ်ဘၣ်တၢ်လုၢ်လီၢ် ဖဲန့ၣ်, ဒီးဆှၢလီၤကဒါက့ၤန့ၢ်ပှၤလုၢ်တၢ်အခိၣ်စီၤအူၤရံယၤလၢတၢ် လုၢ်လီၢ်န့ၣ်အက့ၢ်အဂီၤအဒိတမံၤဃီတခါတုၤလၢက့ၢ်ဂီၤအဆံး ကတၢၢ်အဒိ, လၢာ်အခၢးဒၣ်လဲာ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 16:10 Iomraidhean Croise

လံာ်စီၤပၤခံဘ့ၣ်တဘ့ၣ် 15:29

ဖဲစီၤပ့ကးကဲစီၤပၤအကတီၢ်န့ၣ်ကီၢ်အၤၡူၢ်အစီၤပၤဖးဒိၣ် တံးကလးပလ့စ့ၢ်မၤန့ၢ်ဝ့ၢ်တဖၣ်လၢအမ့ၢ်ဝဲဧံၤယိၣ်, အၤဘ့ၤလးဘ့ၤသမၤကၤ, ယၤနိဃၤ, က့ဒ့ၣ်ဒီးဃါစိၢ်, ဒီးလီၢ်ကဝီၤတဖၣ်လၢကီၢ်ကံးလဧးလၢအမ့ၢ်ကၤလံၤလါဒီးနးသၤ လံဒီးက့ၤကိးပှၤဂီၢ်မုၢ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ် အသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 16:11

လၢတၢ်န့ၣ်အဃိစီၤအူၤရံယၤဘှီထီၣ်တၢ်လုၢ်လီၢ်တခါလၢအလီၤ ဂာ်တမံၤဃီဒ်သိးန့ၣ်, ဒီးမၤဝံၤအီၤတချုးလၢစီၤအၤဃးဟဲက့ၤကဒါက့ၤဒံးဘၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 21:4

အဝဲဘှီထီၣ်ပှၤတစူၢ်တနာ်ယွၤအတၢ်လုၢ်လီၢ်တဖၣ်လၢယွၤအတၢ်လုၢ် ဟံၣ်အပူၤ, တၢ်လီၢ်ဖဲယွၤစံးတ့ၢ်ဝဲလၢ, အဝဲကဘၣ်တၢ်ဘူၣ်ထီၣ်ဘါထီၣ်အီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:19

စီၤပၤဒၤဝံးစံးဝဲ, “ကယဲၢ်တၢ်ခဲလၢာ်အံၤအိၣ်လၢတၢ်တိာ် ကျဲၤလၢတၢ်ကွဲးလီၤအီၤဒ်ယွၤအနီၢ်ကစၢ်ဒၣ်ဝဲသိၣ်လီၤမၤလိာ် ဒီးဟ့ၣ်လီၤယၤလၢယကမၤထွဲအီၤအပူၤအသိးန့ၣ်လီၤ.”

စံးထီၣ်ပတြၢၤ 106:39

အဝဲသ့ၣ်မၤတကဆှီအသးလၢ အတၢ်မၤတဖၣ်အဃိ, ဒီးတသးတီဒီး ကစၢ်ယွၤန့ၣ်ဘၣ်.

လံာ်တၢ်ဟးထီၣ်ကွံာ် 24:4

စီၤမိၤၡ့ကွဲးလီၤကယဲၢ်ယွၤအတၢ်မၤလိာ်တဖၣ်န့ၣ်လီၤ. မုၢ်ဆ့ၣ်ထီၣ်တနံၤဂီၤဂီၤန့ၣ်, အဝဲဘှီထီၣ်ဝဲတၢ်လုၢ်လီၢ်တခါ လၢကစၢၢ်ခီၣ်ထံးဒီးဆီလီၤလၢၢ်တဆံခံဖျၢၣ်, တဖျၢၣ်စုာ်စုာ်လၢပှၤအံၣ်စရ့လးဖိတဆံခံဒူၣ်, တဒူၣ်စုာ်စုာ်အဂီၢ်လီၤ.

လံာ်တၢ်ဟးထီၣ်ကွံာ် 39:43

စီၤမိၤၡ့သမံသမိးကွၢ်တၢ်ကိးမံၤဒဲးဒီးထံၣ်ဘၣ်ဝဲလၢအဝဲ သ့ၣ်မၤတၢ်ခဲလၢာ်ဒ်ယွၤမၤလိာ်တ့ၢ်ဝဲအသိးန့ၣ်လီၤ. လၢတၢ်န့ၣ်အဃိစီၤမိၤၡ့ဆိၣ်ဂ့ၤအဝဲသ့ၣ်တဖၣ်န့ၣ်လီၤ.

လံာ်ယၡါယၤ 8:2

မၤန့ၢ်ပှၤခံဂၤလၢပနာ်န့ၢ်အီၤသ့, ပှၤလုၢ်တၢ်အခိၣ်စီၤအူၤ ရံၤယၤဒီးစီၤယဘ့းရ့ကယၤအဖိခွါစီၤစကၤရယါလၢအကကဲထီၣ် ပှၤအုၣ်အသးတဖၣ်တက့ၢ်.”

လံာ်ယံးရမံယၤ 10:2

အဝဲစံးဝဲဒၣ်, “ပိာ်ထွဲကျဲတဖၣ်လၢပှၤကလုာ်ဂၤတဖၣ်ပိာ်ဝဲန့ၣ်တဂ့ၤ. တၢ်ထံၣ်တဖၣ်လၢမူကပိာ်လိၤလၢသုညီနုၢ်ထံၣ်န့ၣ် မ့ၢ်မၤပျံၤမၤဖုးတ့ၢ်ပှၤကလုာ်ဂၤတဖၣ်ဒၣ်လဲာ်, ပျဲအမၤတံာ်တာ်သုတဂ့ၤ.

လံာ်ယဃ့းစက့လး 16:28

မ့ၢ်လၢပှၤဂၤတဖၣ်တမၤသးမံဒံးနၤဘၣ်အဃိ, နဃ့ၢ်လူၤပိာ်ထွဲ ပှၤအၤၡူၢ်ဖိတဖၣ်အခံန့ၣ်လီၤ. နမ့ၢ်တ့ၢ်အဝဲသ့ၣ်အပှၤဃဲသဲ မုၣ်, ဘၣ်ဆၣ်ဒီးအဝဲသ့ၣ်စ့ၢ်ကီးတမၤသးမံဒံးနၤဘၣ်.

လံာ်ယဃ့းစက့လး 43:11

ဒီးတုၤအဝဲသ့ၣ်အမဲာ်ဆှးလၢတၢ်လၢအမၤတ့ၢ်ဝဲတဖၣ်အဃိဝံၤန့ၣ်, ဒုးတၢ်နၢ်ပၢၢ်အဝဲသ့ၣ်ယွၤအတၢ်လုၢ်ဟံၣ်အက့ၢ်အဂီၤအဒိလၢ တၢ်ပာ်လီၤပာ်စၢၤအီၤလၢအမ့ၢ်, အက့ၢ်အဂီၤအတကွီၣ်, နုာ်က့ၤ ဟးထီၣ်အကျဲစၢၤကျိၤထံးတဖၣ်, တၢ်ဘှီထီၣ်အီၤအက့ၢ်အဂီၤ, တၢ်လၢအဘၣ်တၢ်ရဲၣ်လီၤကျဲၤလီၤအီၤကိးမံၤဒဲးဒီးအတၢ်သိၣ်တၢ်သီတဖၣ်ဒီးတၢ်ဘျၢတဖၣ်လၢတၢ်ကဘၣ်မၤထွဲအီၤန့ၣ်တက့ၢ်. ကွဲးလီၤတၢ်သ့ၣ်တဖၣ်အံၤခဲလၢာ်လၢအဝဲသ့ၣ်အဂီၢ် ဒ်သိးအဝဲသ့ၣ်ထံၣ်ဝဲကသ့လၢတၢ်ကိးမံၤဒဲးအံၤ ဘၣ်တၢ်ရဲၣ်ကျဲၤအီၤဒ်လဲၣ်ဒီးမၤပိာ်ထွဲတၢ်သိၣ်တၢ်ဘျၢခဲလၢာ် ကသ့ဝဲအဂီၢ်န့ၣ်တက့ၢ်.

လံာ်ယဃ့းစက့လး 43:8

စီၤပၤတဖၣ်ဘှီထီၣ်အနူၢ်ဧိၤစီၤဧိၤအကျဲစၢၤအကျိၤထံးဒီးအတြဲၤအ ထူၣ်တဖၣ်သဃဲၤလိာ်အသးဒီးယတၢ်လုၢ်ဟံၣ်အကျဲစၢၤကျိၤထံးဒီးတြဲၤ ထူၣ်တဖၣ်တုၤဒၣ်လဲာ်လၢအဘၢၣ်စၢၤန့ၣ်အိၣ်ဒၣ်ထဲတၢ်ဒူၣ်တဒူၣ် ဧိၤန့ၣ်လီၤ. အဝဲသ့ၣ်မၤမဲာ်ဆှးယမံၤစီဆှံခီဖျိတၢ်လီၤ သးဘၣ်အၢတဖၣ်လၢအဝဲ, သ့ၣ်မၤတ့ၢ်ဝဲအဃိ သတးဒီးလၢယတၢ်သးကဲၤထီၣ်အပူၤန့ၣ်ယမၤဟးဂီၤကွံာ် အဝဲသ့ၣ်န့ၣ်လီၤ.

လံာ်ယဃ့းစက့လး 44:12

ဘၣ်ဆၣ်မ့ၢ်လၢအဝဲသ့ၣ်မၤတၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ် လၢကီၢ်အံၣ်စရ့လးအဂီၢ်, ဒီးလၢကျဲဒ်အံၤန့ၣ်အဝဲသ့ၣ်ဆှၢ ဃီၤပှၤဂီၢ်မုၢ်ဆူတၢ်ဒဲးဘးအပူၤအဃိ, ယၤ, ယွၤပၢဘၣ်တၢ် ခဲလၢာ်ကစၢ်ဆိၣ်တၢ်သမှံၤသပှၢ်လၢအဝဲသ့ၣ်ကဘၣ် တၢ်စံၣ်ညီၣ်န့ၣ်လီၤ.

လံာ်မးသဲ 15:6

အလီၢ်တအိၣ်ဘၣ်လၢအကယူးယီၣ်အမိၢ်အပၢ်လၢၤဘၣ်န့ၣ်လီၤ. လၢကျဲဒ်အံၤ, သုမၤဟးဂီၤကွံာ်ယွၤအတၢ်မၤလိာ်, ဒ်သိးသုကမၤဘၣ်သုလုၢ်သုလၢ်ဒၣ်ဝဲန့ၣ်လီၤ.

လံာ်မးသဲ 15:9

အဝဲသ့ၣ်အတၢ်ဘူၣ်ထီၣ်ဘါထီၣ်ယၤန့ၣ် အဘျုးတအိၣ်ဘၣ်. အဂ့ၢ်ဒ်အံၤ, အဝဲသ့ၣ်သိၣ်လီၤသီလီၤတၢ်သိၣ်တၢ်သီလၢ ပှၤကညီဒုးအိၣ်ထီၣ်တဖၣ်, ဒ်အမ့ၢ်ယတၢ်မၤလိာ်တဖၣ်အသိးအဃိလီၤ’ ” (ၡါ. ၂၉:၁၃).

ရိမ့ၤ 12:2

တဘၣ်အိၣ်မူထိၣ်သုသးလၢပှၤဟီၣ်ခိၣ်ဖိတဖၣ်အတၢ်အိၣ်မူ အတီၤတဂ့ၤ. မ့မ့ၢ်တခီ ပျဲယွၤလဲလိာ်သုလၢသုသူၣ်ကံၢ်သးလဲ ခီဖျိတၢ်လဲလိာ်ကွံာ်သုတၢ်ဆိကမိၣ်လၢာ်လၢာ်ဆ့ဆ့တက့ၢ်. အန့ၣ်ဒီး, သုကသ့ၣ်ညါကစၢ်ယွၤအတၢ်ဘၣ်အသး - တၢ်လၢ အဂ့ၤ, ဒီးတၢ်လၢအဒုးသးမုာ်သးခုအီၤ, ဒီးတၢ်လၢတၢ် ပှဲၤမ့ၢ်တၢ်ဒ်လဲၣ်ဒ်လဲၣ်န့ၣ်လီၤ.

လံာ်သိၣ်လီၤသီလီၤတၢ် 12:30

တုၤယွၤမၤဟးဂီၤကွံာ်ပှၤကလုာ်တဖၣ်န့ၣ်ဝံၤအလီၢ်ခံဒီးပလီၢ် သုသးလၢသုတပိာ်ထွဲဘၣ်အဝဲသ့ၣ်အတၢ်ဘူၣ်တၢ်ဘါအလုၢ်အလၢ်အခံ တဂ့ၤန့ၣ်တက့ၢ်. အဂ့ၢ်ဒ်အံၤ, တၢ်န့ၣ်ကမ့ၢ်တၢ်မၤသံတၢ်န့ၣ်လီၤ. တဘၣ်ကျဲးစၢးဃုသ့ၣ်ညါအဝဲသ့ၣ်ဘါထီၣ်ကစၢ်တဖၣ်ဒ်လဲၣ်, လၢသုဘါထီၣ်တၢ်ဒ်အဝဲသ့ၣ်အသိးကသ့ဝဲအဂီၢ်န့ၣ်တဂ့ၤ.

လံာ်စီၤယိၤၡူ 22:28

မ့ၢ်ပတၢ်ဆိကမိၣ်လၢ, တၢ်ဒ်သိးအံၤမ့ၢ်မၤအသးဒီး, ပစၢၤပသွဲၣ်တဖၣ်ကသ့စံးဝဲ, “ကွၢ်တက့ၢ်. ပမိၢ်ပၢ်ဖံဖုလၢပျၢၤတဖၣ်မၤထီၣ်တၢ်လုၢ်လီၢ်ဒ်ယွၤအတၢ်လုၢ်လီၢ်အသိးန့ၣ်လီၤ. တမ့ၢ်လၢတၢ်လုၢ်မ့ၣ်အူအဂီၢ်မ့ၢ်ဂ့ၤ, တၢ်လုၢ်တၢ်ပာ် အဂီၢ်မ့ၢ်ဂ့ၤန့ၣ်ဘၣ်. မ့ၢ်တၢ်အုၣ်အသးလၢသုဝဲဒီးပဝဲအဘၢၣ် စၢၤန့ၣ်လီၤ.”

၁ ပ့းတရူး 1:18

အဂ့ၢ်ဒ်အံၤ, သုသ့ၣ်ညါတၢ်လၢအပှ့ၤက့ၤသုဒ်သိးသုကထူၣ် ဖျဲးထီၣ်လၢတၢ်အိၣ်မူလၢအတကဲဘျုးလၢသုန့ၢ်သါလၢမိၢ် ပၢ်ဖံဖုလၢပျၢၤတဖၣ်အအိၣ်န့ၣ်လီၤ. တၢ်အံၤတမ့ၢ်တၢ်တမံၤလၢတၢ်မၤဟးဂီၤအီၤသ့ဒ်စ့ဒီးထူ အသိးန့ၣ်ဘၣ်.