လံာ်စီၤပၤခံဘ့ၣ်တဘ့ၣ် 15:8 - Sgaw Karen Common Bible

⁸ လၢကီၢ်ယူဒၤစီၤပၤဧူးစံယါပၢတၢ်သၢဆံဃိးနံၣ်တနံၣ်အပူၤ န့ၣ်, စီၤယၤရၤဘၣ်ခံဂၤတဂၤအဖိခွါစီၤစကၤရယၤကဲထီၣ်ကီၢ်အံၣ် စရ့လးအစီၤပၤ, ဒီးအဝဲပၢတၢ်လၢၡၤမရံအပူၤဃုလါန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:8 Iomraidhean Croise

လံာ်စီၤပၤခံဘ့ၣ်တဘ့ၣ် 10:30

ယွၤစံးဘၣ်စီၤယ့ၤဟူ, “နမၤတ့ၢ်လံတၢ်ခဲလၢာ်လၢယမၢနမၤဘၣ် စီၤအၤဃာ်အစၢၤအသွဲၣ်တဖၣ်န့ၣ်လံ, လၢတၢ်န့ၣ်အဃိ, ယအၢၣ်လီၤနၤလၢနစၢၤနသွဲၣ်တဖၣ်, ကမ့ၢ်ကီၢ်အံၣ်စရ့လးအစီၤပၤ, တုၤလၢပှၤလွံၢ်စိၤတစိၤဒၣ်လဲာ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 14:21

ကီၢ်ယူဒၤအပှၤဂီၢ်မုၢ်ပာ်ထီၣ်အဝဲအဖိခွါစီၤဧူးစံယါလၢ အသးအိၣ်တဆံဃုနံၣ်တဂၤလၢစီၤပၤအလီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 14:29

စီၤယၤရၤဘၣ်ခံဂၤတဂၤသံဝဲဒီးဘၣ်တၢ်ခူၣ်လီၤကွံာ်အီၤလၢ စီၤပၤတဖၣ်အတၢ်သွၣ်ခိၣ်ဒီးအဝဲအဖိခွါစီၤစကၤရယၤကဲထီၣ် စီၤပၤလၢအလီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 15:1

လၢကီၢ်အံၣ်စရ့လးအစီၤပၤယၤရၤဘၣ်ခံဂၤတဂၤပၢတၢ်ခံဆံနွံ နံၣ်တနံၣ်အပူၤန့ၣ်စီၤအမၤစယါအဖိခွါစီၤဧူးစံယါကဲထီၣ်, ကီၢ်ယူဒၤအစီၤပၤ,

လံာ်စီၤပၤခံဘ့ၣ်တဘ့ၣ် 15:13

လၢကီၢ်ယူဒၤအစီၤပၤဧူးစံယါပၢတၢ်သၢဆံခွံနံၣ်တနံၣ်အပူၤ န့ၣ်, စီၤယၤဘ့ၣ်အဖိခွါစီၤၡၤလူၣ်ကဲထီၣ်ကီၢ်အံၣ်စရ့လးအစီၤပၤ, ဒီးအဝဲပၢတၢ်လၢၡၤမရံအပူၤတလါန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:17

လၢကီၢ်ယူဒၤအစီၤပၤဧူးစံယါပၢတၢ်သၢဆံခွံနံၣ်တနံၣ်အပူၤ န့ၣ်, စီၤကၤဒံအဖိခွါစီၤမနၤဃ့ၣ်ကဲထီၣ်ကီၢ်အံၣ်စရ့လးအစီၤပၤ, ဒီးအဝဲပၢတၢ်လၢၡၤမရံအပူၤအနံၣ်တဆံန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:23

လၢကီၢ်ယူဒၤအစီၤပၤဧူးစံယါပၢတၢ်အနံၣ်ယဲၢ်ဆံအပူၤန့ၣ်, စီၤမနၤဃ့ၣ်အဖိခွါစီၤပကၤဃယၤကဲထီၣ်ကီၢ်အံၣ်စရ့လးအစီၤ ပၤဒီးအဝဲပၢတၢ်လၢၡၤမရံအပူၤခံနံၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 15:7

စီၤဧူးစံယါသံဝဲဒီးဘၣ်တၢ်ခူၣ်လီၤကွံာ်အီၤလၢစီၤပၤအတၢ် သွၣ်ခိၣ်လၢစီၤဒၤဝံးအဝ့ၢ်ပူၤ, ဒီးအဝဲအဖိခွါစီၤယိၤသၣ်ကဲထီၣ်စီၤပၤလၢအလီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 15:9

ဒ်ပှၤလၢအမဲာ်ညါတဖၣ်အသိးန့ၣ်, အဝဲမၤတ့ၢ်တၢ်ဒဲးဘးထီ ဒါယွၤန့ၣ်လီၤ. အဝဲပိာ်ထွဲဒိအၢတဲာ်သီလၢစီၤနဘးအဖိခွါ စီၤပၤယၤရၤဘၣ်မၤတ့ၢ်ဝဲ, လၢအမ့ၢ်တၢ်ဆှၢဃီၤကီၢ်အံၣ်စရ့လးဆူတၢ်ဒဲးဘးအပူၤန့ၣ်လီၤ.

တၢ်ကတိၤဒိ. 28:2

တုၤထံကီၢ်တကီၢ်အိၣ်ဒီးတၢ်ပူထီၣ်လီထီၣ်န့ၣ်, ပှၤပၢတၢ်ကအိၣ်တဖုဝံၤတဖုလီၤ. မ့မ့ၢ်, ဖဲအအိၣ်ဒီးခိၣ်နၢ် တဖၣ်လၢအသးဆးဒီးကူၣ်သ့ကူၣ်ဘၣ်န့ၣ်, ထံကီၢ်ဝဲအံၤအဂံၢ်အဘါကဆူၣ်ဒီးကအိၣ်ဂၢၢ်ကျၢၤဝဲလီၤ.

လံာ်ဟိၤၡ့ 1:4

ယွၤတဲဘၣ်စီၤဟိၤၡ့, “ကိးအမံၤလၢစီၤယံးစရ့လးတက့ၢ်. အဂ့ၢ်ဒ်အံၤ, တယံာ်ဘၣ်ဒီးယကစံၣ်ညီၣ်ကီၢ်အံၣ်စရ့လးအစီၤပၤ, လၢတၢ်မၤသံလၢပှၤလၢအဝဲအစၢၤအသွဲၣ်တဂၤ, စီၤယ့ၤဟူ မၤတ့ၢ်ဝဲလၢယံးစရ့လးအတြီၤပူၤအဃိန့ၣ်လီၤ. ယကဒုးကတၢၢ်ကွံာ်စီၤယ့ၤဟူအဘီအမုၢ်န့ၣ်လီၤ.

လံာ်ဧၤမိၣ် 7:9

တၢ်အလီၢ်တဖၣ်ဖဲစီၤအံၤစဲးအစၢၤအသွဲၣ်တဖၣ် ဘူၣ်ထီၣ်ဘါထီၣ်တၢ်န့ၣ်ကဘၣ်တၢ်မၤဟးဂီၤကွံာ်အီၤလီၤ. အံၣ်စရ့လးအတၢ်လီၢ်စီဆှံတဖၣ်ကဘၣ်တၢ် ပာ်တီၢ်ကွံာ်အီၤလၢတၢ်ဟးဂူာ်ဟးဂီၤအပူၤလီၤ. ယကမၤကတၢၢ်ကွံာ်စီၤပၤစီၤယၤရၤဘၣ်အပှၤဟံၣ်ဖိလီၤ.