လံာ်စီၤပၤခံဘ့ၣ်တဘ့ၣ် 15:5 - Sgaw Karen Common Bible

⁵ ယွၤတီၢ်စီၤဧူးစံယါလၢတၢ်ဆါအၢလီၤပျံၤလီၤဖုးတမံၤလၢ အဘၣ်အီၤလၢအမုၢ်နံၤလၢအအိၣ်လီၤတဲာ်အပူၤန့ၣ်လီၤ. အဝဲအိၣ်ဝဲဆိးဝဲလၢဟံၣ်လီၤဆီတဖျၢၣ်အပူၤ, ဘၣ်တၢ်ဆိကတီၢ်ကွံာ်အီၤလၢကယဲၢ်အမူအဒါတဖၣ်, ဖဲအဝဲအဖိခွါစီၤယိၤသၣ်ပၢက့ၤထံကီၢ်အခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:5 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 3:29

မ်တၢ်စံၣ်ညီၣ်လၢတၢ်ဂ့ၢ်န့ၣ်ကလီၤဘၣ်ဝဲလၢစီၤယိၤအာ်ဒီး အဒူၣ်ဖိထၢဖိခဲလၢာ်အလိၤတက့ၢ်. လၢအစိၤကိးစိၤဒဲးန့ၣ်မ်ပှၤပိာ်ခွါတနီၤလၢအဒူၣ်ဖိထၢဖိ အကျါကအိၣ်ဒီးဃဲအတၢ်ဆါမ့ၢ်ဂ့ၤ, ပှၤဘၣ်တၢ်ဆါအၢမ့ၢ်ဂ့ၤ, ပှၤလၢကြၢးဒၣ်လၢအမၤပှၤပိာ်မုၣ်အတၢ်မၤမ့ၢ်ဂ့ၤ, ဘၣ်သံလၢတၢ်ဒုးတၢ်ယၤအပူၤမ့ၢ်ဂ့ၤ, ပှၤလၢအီၣ်တလၢအီတလၢမ့ၢ် ဂ့ၤန့ၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 8:15

စီၤဒၤဝံးပၢတၢ်လၢကီၢ်အံၣ်စရ့လးဒီကီၢ်ညါအဖီခိၣ်, ဒီးမၤလီၤတံၢ်ဝဲလၢ, အဝဲအပှၤဂီၢ်မုၢ်တဖၣ်ဘၣ်တၢ်မၤအီၤဒ်အကြၢးဝဲဘၣ်ဝဲ, အိၣ်ဒီးတၢ်စံၣ်ညီၣ်တီတဘိယူၢ်ဃီန့ၣ်လီၤ.

လံာ်စီၤပၤအခီၣ်ထံးတဘ့ၣ် 3:28

တုၤအံၣ်စရ့လးအပှၤဂီၢ်မုၢ်နၢ်ဟူဘၣ်စီၤၡလိၤမိၤအတၢ်စံၣ်ညီၣ် န့ၣ်အဝဲသ့ၣ်ခဲလၢာ်ပှဲၤဝဲဒီးအတၢ်ယူးယီၣ်ပာ်ကဲအီၤဒိၣ်ဒိၣ် မုၢ်မုၢ်မ့ၢ်လၢအဝဲသ့ၣ်, သ့ၣ်ညါဝဲလၢကစၢ်ယွၤဟ့ၣ်လီၤလံအီၤတၢ်ကူၣ်သ့လၢကမၤဘၣ်လီၢ် ဘၣ်စးတၢ်ဂ့ၢ်လိာ်ဘှီလိာ်တီတီလိၤလိၤအဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 3:9

လၢတၢ်န့ၣ်အဃိဟ့ၣ်လီၤယၤတၢ်ကူၣ်သ့လၢယလိၣ်ဘၣ်အီၤဒ်သိး ယကပၢနပှၤဂီၢ်မုၢ်လၢတၢ်စံၣ်ညီၣ်တီအပူၤဒီးယကသ့ၣ်ညါနီၤဖးတၢ်ဂ့ၤ ဒီးတၢ်အၢအဆၢန့ၣ်တက့ၢ်. မ့တမ့ၢ်ဘၣ်ဒ်န့ၣ်ဒီးယပၢနပှၤဂီၢ်မုၢ်ဖးဒိၣ်အံၤကသ့ဝဲတစုစုဒ်လဲၣ်.”

လံာ်စီၤပၤခံဘ့ၣ်တဘ့ၣ် 15:32

လၢစီၤရမါလယၤအဖိခွါစီၤပ့ကးပၢတၢ်ဒ်စီၤပၤလၢကီၢ်အံၣ် စရ့လးအပူၤခံနံၣ်တနံၣ်န့ၣ်စီၤဧူးစံယါအဖိခွါစီၤယိၤသၣ် ကဲထီၣ်ကီၢ်ယူဒၤအစီၤပၤ,

လံာ်စီၤပၤခံဘ့ၣ်တဘ့ၣ် 15:6

ကယဲၢ်တၢ်အဂၤလၢစီၤဧူးစံယါမၤတ့ၢ်ဝဲန့ၣ်, ဘၣ်တၢ်ကွဲးနီၣ်အီၤလၢကီၢ်ယူဒၤအစီၤပၤတဖၣ်အလံာ်တၢ်စံၣ်စိၤ တဲစိၤအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 5:27

ခဲကနံၣ်အံၤစီၤနဧၤမၣ်အတၢ်ဆါကလီၤဘၣ်လၢနလိၤဒီး, နၤဒီးနစၢၤနသွဲၣ်တဖၣ်ကအိၣ်ဒီးတၢ်ဆါအံၤလီၤစိၤလီၤထီန့ၣ် လီၤ.” တုၤစီၤက့ၤဃစံဟးထီၣ်ကွံာ်န့ၣ်အဝဲမၤန့ၢ်တၢ်ဆါဒီးအဖံးဝါ ဝဲဒ်မူခိၣ်ဖီအသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 7:3

ပှၤလွံၢ်ဂၤလၢအဘၣ်တၢ်ဆါအၢလီၤပျံၤလီၤဖုးအိၣ်ဝဲဖဲဝ့ၢ်ၡၤ မရံအတြဲၤအချၢ, ဒီးစံးလိာ်အသးတဂၤဒီးတဂၤ, “ဘၣ်မနုၤလၢပဘၣ်အိၣ်ခိးတၢ်ဖဲအံၤတုၤပကသံန့ၣ်လဲၣ်.

လံာ်ကွဲးနီၣ်တၢ်အခီၣ်ထံးတဘ့ၣ် 3:12

စီၤအမၤစယၤ, စီၤဧစၤရယၤ, စီၤယိၤသၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 5:17

(တၢ်ကွဲးနီၣ်သ့ၣ်တဖၣ်အံၤဘၣ်တၢ်ပာ်ဖှိၣ်တ့ၢ်အီၤဖဲယူဒၤအစီၤ ပၤစီၤယိၤသၣ်ဒီးအံၣ်စရ့လးအစီၤပၤယၤရၤဘၣ်ခံဂၤတဂၤအမုၢ် နံၤတဖၣ်န့ၣ်လီၤ.)

လံာ်စီၤယိၤဘး 34:19

အဝဲတကွၢ်မဲာ်ဘၣ်ပှၤပၢတၢ်သ့ၣ်တဖၣ်ဒီးတပာ်ဒိၣ်ပာ်ဂ့ၤဘၣ် ပှၤထူးပှၤတီၤလၢပှၤဖီၣ်ဖိယာ်ဖိအဖီခိၣ်န့ၣ်ဘၣ်. အဂ့ၢ်ဒ်အံၤအဝဲတ့လီၤပှၤကိးဂၤဒဲးလီၤ.

စံးထီၣ်ပတြၢၤ 72:1

ကစၢ်ယွၤဧၢ, ဟ့ၣ်လီၤနတၢ်စံၣ်ညီၣ်ဆူစီၤပၤ, ဒီးနတၢ်တီတၢ်လိၤဆူစီၤပၤအဖိခွါတက့ၢ်.

လံာ်ဟိၤၡ့ 1:1

အအံၤမ့ၢ်တၢ်ကစီၣ်လၢယွၤဟ့ၣ်စီၤဘ့ၤရံအဖိခွါစီၤဟိၤၡ့ ဖဲစီၤပၤစီၤဧူးစံယၤ, စီၤယိၤသၣ်, စီၤအၤဃာ်, စီၤဃံးစကံ ယၤတဖၣ်ပၢတၢ်လၢကီၢ်ယူဒၤအပူၤ, ဒီးလၢအံၣ်စရ့လးကီၢ်ပူၤတခီ စီၤပၤစီၤယိၤအၣ်အဖိခွါစီၤယၤရၤဘၣ်ပၢတၢ်အဆၢကတီၢ်န့ၣ် လီၤ.

လံာ်တၢ်ဘူၣ်ထီၣ်ဘါထီၣ် 13:46

ဖဲတၢ်ဆါအၢအိၣ်ဒီးအီၤအဖၢမုၢ်န့ၣ်အဝဲမ့ၢ်ပှၤတကဆှီ ဘၣ်တဂၤလီၤ. ဒီးအဝဲကဘၣ်အိၣ်လၢတၢ်သူၣ်ဒဲလီၢ်အချၢလၢ အစီၤစုၤဒီးပှၤဂုၤပှၤဂၤန့ၣ်လီၤ.

လံာ်မံကၤ 1:1

ဖဲစီၤယိၤသၣ်, စီၤအၤဃာ်ဒီးစီၤဃံးစကံယၤတဖၣ်မ့ၢ်ကီၢ်ယူ ဒၤအစီၤပၤအကတီၢ်န့ၣ်ယွၤဟ့ၣ်လီၤတၢ်ကစီၣ်အံၤဆူဝံမံကၤ, ပှၤလၢဝ့ၢ်မိရၤၡးတခီလီၤ. ယွၤလီၣ်ဖျါထီၣ်တၢ်ဂ့ၢ်ခဲလၢာ်အံၤဘၣ်ဃးဒီးၡၤမရံဒီး ဝ့ၢ်ယရူၤၡလ့ၣ်ဆူဝံမံကၤန့ၣ်လီၤ.

လံာ်တၢ်ဂံၢ် 12:10

ဒီးတၢ်အၢၣ်ဟးထီၣ်ကွံာ်လၢဒဲစီဆှံအအိၣ်န့ၣ်နီၢ်မံးရယၣ်အဖံးဘ့ၣ်, ဘၣ်တၢ်ကးဘၢအီၤသတူၢ်ကလာ်ဒီးတၢ်ဆါအၢတမံၤဒီးလီၤဝါဝဲဒ်မူ ခိၣ်ဖီအသိးန့ၣ်လီၤ. ဖဲစီၤအၤဟရိၣ်ကွၢ်ဃီၤအီၤဒီးထံၣ်ဘၣ်ဝဲလၢအဝဲဘၣ်တၢ်ဆါအၢ ဒီဂၤညါန့ၣ်,

လံာ်တၢ်ဂံၢ် 12:14

ယွၤစံးဆၢအီၤ, “အဝဲအပၢ်မ့ၢ်ထူးပှဲာ်ဆူအမဲာ်သၣ်ပူၤဒီး အဝဲကဘၣ်ဒိးအတၢ်မဲာ်ဆှးအံၤနွံသီန့ၣ်လီၤ. မၤသးဒ်န့ၣ်ဒီး, နီၣ်ထီၣ်ကွံာ်အီၤဆူသူၣ်ဒဲလီၢ်အချၢတနွံတ က့ၢ်. အန့ၣ်ဝံၤဒီး, အဝဲဘၣ်တၢ်ကိးကဒါက့ၤအီၤသ့န့ၣ်လီၤ.”

လံာ်သိၣ်လီၤသီလီၤတၢ် 24:8

ဖဲသုဘၣ်တၢ်ဆါအၢလီၤပျံၤတမံၤအခါန့ၣ်, မၤလီၤတံၢ်လၢသု ကမၤတၢ်လီၤတံၢ်လီၤဆဲးဒ်တၢ်လၢပှၤလ့ၤဝံဖိအပှၤလုၢ်တၢ်အခိၣ် တဖၣ်တဲဘၣ်သုန့ၣ်တက့ၢ်. ဒီးပိာ်ထွဲတၢ်သိၣ်လိနဲၣ်ယုၤတဖၣ် လၢယဟ့ၣ်လီၤတ့ၢ်အဝဲသ့ၣ်န့ၣ်တက့ၢ်.