လံာ်စီၤပၤခံဘ့ၣ်တဘ့ၣ် 15:30 - Sgaw Karen Common Bible

³⁰ ဖဲစီၤဧူးစံယါအဖိခွါစီၤယိၤသၣ်ပၢတၢ်ဒ်ကီၢ်ယူဒၤအစီၤ ပၤအသိးခံဆံနံၣ်တနံၣ်အပူၤန့ၣ်စီၤအ့လၤအဖိခွါစီၤဟိၤ ၡ့, ကူၣ်တၢ်ထီဒါစီၤပၤပ့ကး, မၤသံကွံာ်အီၤ, ဝံၤဒီးကဲထီၣ်စီၤပၤလၢအဝဲအလီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 15:30 Iomraidhean Croise

လံာ်စီၤပၤခံဘ့ၣ်တဘ့ၣ် 15:10

စီၤယၤဘ့ၣ်အဖိခွါစီၤၡၤလူၣ်, ကူၣ်တၢ်အၢထီဒါစီၤပၤစကၤရ ယၤ, မၤသံကွံာ်အီၤဖဲဝ့ၢ်ယံးဘျၣ်ဒီးကဲထီၣ်စီၤပၤလၢအလီၢ်န့ၣ် လီၤ.

လံာ်စီၤပၤခံဘ့ၣ်တဘ့ၣ် 15:25

စီၤပကၤဃယၤအသုး အဖုတဖၣ်အသုးခိၣ်တဂၤလၢအမ့ၢ်စီၤရမါလယၤ အဖိခွါစီၤပ့ကး, ကူၣ်ထီၣ်တၢ်အၢဃုာ်ဒီးပှၤကံးလဧးဖိအဂၤယဲၢ်ဆံဒီးမၤသံ ကွံာ်စီၤပကၤဃယၤဖဲနူၢ်ဧိၤစီၤဧိၤအတိာ်အသးကံၢ်ပူၤလၢၡၤမ ရံ, ဒီးကဲထီၣ်စီၤပၤလၢအဝဲအလီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 15:29

ဖဲစီၤပ့ကးကဲစီၤပၤအကတီၢ်န့ၣ်ကီၢ်အၤၡူၢ်အစီၤပၤဖးဒိၣ် တံးကလးပလ့စ့ၢ်မၤန့ၢ်ဝ့ၢ်တဖၣ်လၢအမ့ၢ်ဝဲဧံၤယိၣ်, အၤဘ့ၤလးဘ့ၤသမၤကၤ, ယၤနိဃၤ, က့ဒ့ၣ်ဒီးဃါစိၢ်, ဒီးလီၢ်ကဝီၤတဖၣ်လၢကီၢ်ကံးလဧးလၢအမ့ၢ်ကၤလံၤလါဒီးနးသၤ လံဒီးက့ၤကိးပှၤဂီၢ်မုၢ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ် အသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:31

တၢ်အဂၤလၢစီၤပ့ကးမၤတ့ၢ်ဝဲန့ၣ်, ဘၣ်တၢ်ကွဲးနီၣ်အီၤလၢကီၢ် အံၣ်စရ့လးအစီၤပၤတဖၣ်အလံာ်တၢ်စံၣ်စိၤတဲစိၤအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 16:1

လၢစီၤရမါလယၤအဖိခွါစီၤပ့ကးပၢတၢ်ဒ်ကီၢ်အံၣ်စရ့လးအစီၤ ပၤအသိးတဆံနွံနံၣ်တနံၣ်အပူၤန့ၣ်, စီၤယိၤသၣ်အဖိခွါစီၤအၤဃးကဲထီၣ်ကီၢ်ယူဒၤအစီၤပၤ,

လံာ်စီၤပၤခံဘ့ၣ်တဘ့ၣ် 17:1

လၢကီၢ်ယူဒၤအစီၤပၤအၤဃးပၢတၢ်တဆံခံနံၣ်တနံၣ်အပူၤန့ၣ်, စီၤအ့လၤအဖိခွါစီၤဟိၤၡ့ကဲထီၣ်ကီၢ်အံၣ်စရ့လးအစီၤပၤ ဒီးအဝဲပၢတၢ်လၢၡၤမရံအပူၤခွံနံၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:16

စီၤပၤအၤဃးမၢကီၢ်အၤၡူၢ်အစီၤပၤဖးဒိၣ်, စီၤတံးကလးပလ့စ့ၢ်ဆှၢလီၤန့ၢ်အီၤတၢ်မၤစၢၤ,

လံာ်ယၡါယၤ 7:16

တချုးတၢ်ဆၢကတီၢ်အဝဲန့ၣ်တုၤဒၣ်လဲၣ်န့ၣ်, စီၤပၤခံဂၤလၢအမၤ ပျံၤမၤဖုးသုတဖၣ်အံၤအထံအကီၢ်တဖၣ်ကအိၣ်သယုၢ်သညိဝဲလီၤ.

လံာ်ဟိၤၡ့ 10:15

ဝ့ၢ်ဘ့ၤသ့လးအပှၤဂီၢ်မုၢ်ဧၢ, တၢ်န့ၣ်မ့ၢ်တၢ်လၢအကဟဲဘၣ်နၤမ့ၢ်လၢတၢ်အၢတၢ်သီလီၤပျံၤလီၤ ဖုးလၢနမၤတ့ၢ်အီၤအဃိန့ၣ်လီၤ. တုၤမ့ၢ်တၢ်ဒုးစးထီၣ်တဘျီဃီန့ၣ်ကီၢ်အံၣ်စရ့လးအစီၤပၤကသံ ဝဲန့ၣ်လီၤ.

လံာ်ဟိၤၡ့ 10:3

တယံာ်ဘၣ်ဒီးပှၤဂီၢ်မုၢ်တဖၣ်အံၤကစံးဝဲ, ပတအိၣ်လၢၤဒီးစီၤပၤနီတဂၤဘၣ်. မ့ၢ်လၢပတအိၣ်ဒီးတၢ်ပျံၤယွၤအဃိန့ၣ်လီၤ. ဘၣ်ဆၣ်စီၤပၤတဂၤမၤတၢ်မနုၤလၢပဂီၢ်ကသ့တမံၤလဲၣ်.

လံာ်ဟိၤၡ့ 10:7

တၢ်ကစိာ်ကွံာ်အစီၤပၤဒ်သ့ၣ်အက့တက့လၢထံဖီခိၣ် အသိးန့ၣ်လီၤ.