လံာ်စီၤပၤခံဘ့ၣ်တဘ့ၣ် 15:29 - Sgaw Karen Common Bible

²⁹ ဖဲစီၤပ့ကးကဲစီၤပၤအကတီၢ်န့ၣ်ကီၢ်အၤၡူၢ်အစီၤပၤဖးဒိၣ် တံးကလးပလ့စ့ၢ်မၤန့ၢ်ဝ့ၢ်တဖၣ်လၢအမ့ၢ်ဝဲဧံၤယိၣ်, အၤဘ့ၤလးဘ့ၤသမၤကၤ, ယၤနိဃၤ, က့ဒ့ၣ်ဒီးဃါစိၢ်, ဒီးလီၢ်ကဝီၤတဖၣ်လၢကီၢ်ကံးလဧးလၢအမ့ၢ်ကၤလံၤလါဒီးနးသၤ လံဒီးက့ၤကိးပှၤဂီၢ်မုၢ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ် အသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:29 Iomraidhean Croise

လံာ်စီၤပၤအခီၣ်ထံးတဘ့ၣ် 14:15

ယွၤကစံၣ်ညီၣ်ကီၢ်အံၣ်စရ့လးဒီးကီၢ်အံၣ်စရ့လးကဟူးဝးဝဲဒ် တပိၢ်တဘိလၢအဟူးဝးလၢထံကျိဖိတဘိအပူၤအသိးန့ၣ်လီၤ. အဝဲကထဲးထီၣ်ကွံာ်ကီၢ်အံၣ်စရ့လးအပှၤဂီၢ်မုၢ်လၢကီၢ်ဂ့ၤတဘ့ၣ် အံၤအပူၤ, လၢအဟ့ၣ်တ့ၢ်အဝဲသ့ၣ်အမိၢ်ပၢ်ဖံဖုလၢပျၢၤ, ဒီးအဝဲကမၤလီၤပြံလီၤပြါကွံာ်အဝဲသ့ၣ်ဆူထံကျိဖရၤသး အဝၢ်ဘးခီန့ၣ်လီၤ. အဂ့ၢ်ဒ်အံၤ, အဝဲသ့ၣ်ထိၣ်ဂဲၤထီၣ်တ့ၢ်အတၢ်သးထီၣ်ခီဖျိ မၤထီၣ်ကစၢ်မုၣ်အၡ့ရၤအတၢ်ဂီၤတၢ်ဖီၣ်တဖၣ်အဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 15:20

စီၤပၤဘ့ၤဟဒးအၢၣ်လီၤထွဲစီၤအၤစါအတၢ်ဟ့ၣ်ကူၣ်ဒီးဆှၢလီၤ အသုးခိၣ်သုးနၢ်တဖၣ်ဒီးအသုးမုၢ်တဖၣ်လၢကလဲၤထီၣ်ဒုးကီၢ်အံၣ် စရ့လးအဝ့ၢ်တဖၣ်န့ၣ်အဂီၢ်လီၤ. အဝဲသ့ၣ်မၤန့ၢ်ဝဲဝ့ၢ်တဖၣ်လၢအမ့ၢ်ဧံၤယိၣ်, ဒၣ်, အၤဘ့ၤလးဘ့ၤသမၤကၤ, ဒီးလီၢ်ကဝီၤလၢအအိၣ်ဘူးဒီးပီၣ် လဲၣ်ကၤလံၤလါဒီးကီၢ်နးသၤလံဒီဘ့ၣ်ညါန့ၣ်လီၤ.

လံာ်စီၤပၤအခီၣ်ထံးတဘ့ၣ် 9:11

ကီၢ်ထါယၢၣ်အစီၤပၤဃံရၣ်ဟ့ၣ်လီၤမၤစၢၤအီၤလၢကယဲၢ်သ့ၣ်ဆှိ အ့ရ့း, သ့ၣ်ဆှိဒီးထူဧိၤလွဲဧိၤခဲလၢာ်လၢအဝဲလိၣ်ဘၣ်ဝဲလၢတၢ်မၤ အံၤအဂီၢ်န့ၣ်လီၤ. တုၤတၢ်မၤအံၤဝံၤဝဲန့ၣ်, စီၤပၤၡလိၤမိၤဟ့ၣ်လီၤစီၤဃံရၣ် လၢဝ့ၢ်အဖျၢၣ်ခံဆံလၢအအိၣ်လၢကီၢ်ကၤလံၤလါအလီၢ်ကဝီၤအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:19

ကီၢ်အၤၡူၢ်အစီၤပၤတံးကလးပလ့စ့ၢ်နုာ်လီၤဒုးကီၢ်အံၣ်စရ့ လးဒီးစီၤမနၤဃ့ၣ်ဟ့ၣ်လီၤစ့လီၤတယၢၢ်အပီၢ်ခံကလးခံကထိ ဃိးကယၤဒ်သိးကမၤန့ၢ်အဝဲအတၢ်ဆီၣ်ထွဲမၤစၢၤအီၤလၢတၢ်ဒုး ဆူၣ်ထီၣ်စီၤမနၤဃ့ၣ်အစိကမီၤလၢထံကီၢ်အဖီခိၣ်အဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 15:20

စီၤမနၤဃ့ၣ်မၤန့ၢ်စ့န့ၣ်လၢကီၢ်အံၣ်စရ့လးအပှၤထူးပှၤတီၤ တဖၣ်အအိၣ်ခီဖျိတၢ်ဃ့ဆူၣ်ပှၤတဂၤစုာ်စုာ်လၢကမၤဘူၣ်လီၤစ့, တဂၤအဘ့ၣ်ယဲၢ်ဆံန့ၣ်လီၤ. လၢတၢ်န့ၣ်အဃိစီၤတံးကလးပလ့စ့ၢ် က့ၤကဒါက့ၤဆူအထံအကီၢ်ဒၣ်ဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:28

အဝဲမၤတ့ၢ်တၢ်ဒဲးဘးထီဒါယွၤ, ပိာ်ထွဲဒိအၢတဲာ်သီလၢစီၤ နဘးအဖိခွါစီၤပၤယၤရၤဘၣ်မၤတ့ၢ်ဝဲ, လၢအမ့ၢ်တၢ်ဆှၢဃီၤကီၢ်အံၣ်စရ့လးဆူတၢ်ဒဲးဘးအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:30

ဖဲစီၤဧူးစံယါအဖိခွါစီၤယိၤသၣ်ပၢတၢ်ဒ်ကီၢ်ယူဒၤအစီၤ ပၤအသိးခံဆံနံၣ်တနံၣ်အပူၤန့ၣ်စီၤအ့လၤအဖိခွါစီၤဟိၤ ၡ့, ကူၣ်တၢ်ထီဒါစီၤပၤပ့ကး, မၤသံကွံာ်အီၤ, ဝံၤဒီးကဲထီၣ်စီၤပၤလၢအဝဲအလီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 16:10

ဖဲစီၤပၤအၤဃးဟးထီၣ်လဲၤဆူဝ့ၢ်ဒၤမ့ၤစ့းလၢကလဲၤသဂၢၢ် စီၤပၤဖးဒိၣ်တံးကလးပလ့စ့ၢ်အဂီၢ်န့ၣ်အဝဲထံၣ်ဘၣ်တၢ်လုၢ်လီၢ် ဖဲန့ၣ်, ဒီးဆှၢလီၤကဒါက့ၤန့ၢ်ပှၤလုၢ်တၢ်အခိၣ်စီၤအူၤရံယၤလၢတၢ် လုၢ်လီၢ်န့ၣ်အက့ၢ်အဂီၤအဒိတမံၤဃီတခါတုၤလၢက့ၢ်ဂီၤအဆံး ကတၢၢ်အဒိ, လၢာ်အခၢးဒၣ်လဲာ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 16:7

စီၤအၤဃးမၢလီၤပှၤတဖၣ်ဆူကီၢ်အၤၡူၢ်အစီၤပၤဖးဒိၣ်တံးကလး ပလ့စ့ၢ်အအိၣ်, အိၣ်ဒီးတၢ်ကစီၣ်ဒ်လာ်အံၤန့ၣ်လီၤ. “ယမ့ၢ်နခ့နပှၤလၢအတီဒီးနၤလီၤ. ဟဲဒီးမၤပူၤဖျဲးယၤလၢကီၢ်စူၤရံအစီၤပၤဒီးကီၢ်အံၣ်စရ့ လးအစီၤပၤတဖၣ်လၢအဟဲထီၣ်ဒုးယၤန့ၣ်တက့ၢ်.”

လံာ်စီၤပၤခံဘ့ၣ်တဘ့ၣ် 17:20

ယွၤညိကွံာ်ကယဲၢ်ပှၤအံၣ်စရ့လးဖိခဲလၢာ်စံၣ်ညီၣ်အဝဲသ့ၣ်ဒီး ဟ့ၣ်လီၤကွံာ်အဝဲသ့ၣ်ဆူဒုၣ်အၢဒါသီတဖၣ်အစုပူၤ, တုၤလၢ, လၢခံကတၢၢ်အဝဲနီၣ်ထီၣ်ကွံာ်အဝဲသ့ၣ်လၢအမဲာ်ညါတစု န့ၣ်လီၤ.

လံာ်စီၤပၤခံဘ့ၣ်တဘ့ၣ် 17:23

တုၤလၢ, လၢခံကတၢၢ်ယွၤနီၣ်ထီၣ်ဟီထီၣ်ကွံာ်အဝဲသ့ၣ်လၢအမဲာ် ညါ, ဒ်အဝဲဟ့ၣ်ပလီၢ်တ့ၢ်ဝဲခီဖျိအခ့အပှၤဝံတဖၣ်လၢကမၤဝဲဒၣ်န့ၣ် လီၤ. လၢတၢ်န့ၣ်အဃိကီၢ်အံၣ်စရ့လးအပှၤဂီၢ်မုၢ်ဘၣ်တၢ်စိာ်မၢကဲကုၢ် ကွံာ်အီၤဆူကီၢ်အၤၡူၢ်အပူၤဖဲအဝဲသ့ၣ်အိၣ်ဆိးဒံးဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:6

လၢအမ့ၢ်စီၤဟိၤၡ့ပၢတၢ်ခွံနံၣ်တနံၣ်န့ၣ်, ကီၢ်အၤၡူၢ်အစီၤပၤဖးဒိၣ်မၤန့ၢ်ၡၤမရံဒီးစိာ်ထီၣ်ကွံာ်ပှၤ အံၣ်စရ့လးဖိတဖၣ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ်အသိး, ဒီးပာ်လီၤအဝဲသ့ၣ်ပှၤတနီၤလၢဝ့ၢ်ဃၤလၤအပူၤ, တနီၤဘူးဒီးထံကျိဃၤဘိၢ်လၢကီၢ်ဆၣ်ကိစၣ်အပူၤ, ဒီးတနီၤလၢကီၢ်မံးဒယၣ်အဝ့ၢ်တဖၣ်အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:11

ကီၢ်အၤၡူၢ်အစီၤပၤဖးဒိၣ်က့ၤကိးပှၤအံၣ်စရ့လးဖိတဖၣ်ဆူ ကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ်အသိး, ဒီးပာ်လီၤန့ၢ်ပှၤတနီၤအလီၢ်အိၣ်လီၢ်ဆိးလၢဝ့ၢ်ဃၤလၤအပူၤ, တနီၤဘူးဒီးထံကျိဃၤဘိၢ်လၢကိစၣ်အကီၢ်ဆၣ်အပူၤ, ဒီးပှၤတနီၤလၢကီၢ်မံးဒယၣ်အဝ့ၢ်တဖၣ်အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 19:11

နနၢ်ဟူတ့ၢ်တၢ်လၢကီၢ်အၤၡူၢ်အစီၤပၤဖးဒိၣ်မၤဘၣ်ထံကီၢ်တဘ့ၣ် ဘ့ၣ်လၢအဝဲပာ်လီၤအသးလၢကမၤဟးဂီၤဝဲန့ၣ်ဒ်လဲၣ်န့ၣ်လီၤ. မ့ၢ်နဆိကမိၣ်လၢနပူၤဖျဲးကသ့န့ၣ်ဧါ.

လံာ်စီၤပၤခံဘ့ၣ်တဘ့ၣ် 8:11

အန့ၣ်ဝံၤဒီးစီၤအလံၤၡါကွၢ်စူၣ်အီၤလၢမဲာ်သၣ်လၢအလီၤပျံၤ လီၤဖုးတုၤစီၤဃစ့လးအသူၣ်ကိၢ်သးဂီၤဝဲန့ၣ်လီၤ. သတူာ်ကလာ်စီၤအလံၤၡါအမဲာ်ထံပုာ်ထီၣ်ယွၤလီၤဝဲန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 5:22

အဝဲသ့ၣ်မၤသံကွံာ်အဒုၣ်အဒါအါအါဂီၢ်ဂီၢ်မ့ၢ်လၢတၢ်ဒုးတၢ် ယၤမ့ၢ်ကစၢ်ယွၤအတၢ်ဘၣ်အသးအဃိန့ၣ်လီၤ. ဒီးအဝဲသ့ၣ်အိၣ်ဝဲဆိးဝဲဖဲတၢ်လီၢ်ဖဲန့ၣ်တုၤအဘၣ်တၢ်စိာ်မၢ ကဲကုၢ်အီၤတစုန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 5:26

လၢတၢ်န့ၣ်အဃိကစၢ်ယွၤထိၣ်ဂဲၤထီၣ်ကီၢ်အၤၡူၢ်အစီၤပၤဖးဒိၣ် ပူလး (ဘၣ်တၢ်သ့ၣ်ညါစ့ၢ်ကီးလၢစီၤပၤတံးကလးပလ့စ့ၢ်) အသးလၢကနုာ်လီၤဒုးအဝဲသ့ၣ်အထံအကီၢ်န့ၣ်လီၤ. ဒီးအဝဲဟီထီၣ်ကွံာ်ပှၤရူၤဘ့ၣ်, ကးဒီးမုၢ်ထီၣ်မနၤၡ့ၤအဒူၣ် တဖၣ်ဒီးလဲၤဒုးအိၣ်ဆိးဂၢၢ်ကျၢၤအဝဲသ့ၣ်လၢဃၤလၤ, ဃၤဘိၢ်, ဟၤရၢ်ဒီးထံကျိကိစၣ်အကပၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 5:6

ပှၤအၤၡူၢ်ဖိအစီၤပၤဖးဒိၣ်တံးလကးပံးလန့စ့ၢ်စိာ်မၢကဲ ကုၢ်စီၤဘ့ရၤလၢအမ့ၢ်ပှၤအဒူၣ်ဖိအခိၣ်တဂၤဒီးဟီထီၣ်ကွံာ် အီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 16:4

စီၤဘ့ၣ်ဟဒးဘၣ်သူၣ်ဘၣ်သးတ့ၢ်လၢစီၤအၤစါအတၢ်ဃ့, ဒီးအဝဲဆှၢလီၤအပှၤသုးမုၢ်အခိၣ်တဖၣ်ဃုာ်ဒီးအဝဲသ့ၣ်အသုး မုၢ်တဖၣ်ဒ်သိးအကလဲၤဒုးကီၢ်အံၣ်စရ့လးအဝ့ၢ်တဖၣ်န့ၣ်လီၤ. အဝဲသ့ၣ်မၤန့ၢ်ကွံာ်ဝ့ၢ်ဧံၤယိၣ်, ဝ့ၢ်ဒၣ်, ဝ့ၢ်အၤဘ့ၤလးဘ့ၤ သမၤကၤဒီးကယဲၢ်ဝ့ၢ်ခဲလၢာ်လၢနးသၤလံအကီၢ်ပူၤဖဲတၢ်လၢတၢ် လိၣ်ဘၣ်တဖၣ်ဘၣ်တၢ်ပိာ်ဖှိၣ်အီၤအလီၢ်န့ၣ်လီၤ.

လံာ်စီၤနဃ့မယၤ 9:32

အိယွၤ, ပကစၢ်ယွၤဧၢ, နဒိၣ်ဝဲထီဝဲဆံးဒိၣ်လဲၣ်. နလီၤပျံၤဒီးနစိကမီၤဒိၣ်ဝဲဆံးဒိၣ်လဲၣ်. နဟံးဃာ်ဂၢၢ်ကျၢၤနတၢ်အၢၣ်လီၤလၢတၢ်သးတီ အပူၤလီၤ. စးထီၣ်လၢကီၢ်အၤၡူၢ်အစီၤပၤတဖၣ် မၤနးမၤဖှီၣ်ပှၤဒီး တုၤခဲကနံၣ်အံၤဒၣ်လဲာ်ပတူၢ်ဘၣ်ခီၣ်ဘၣ်တၢ်ထဲလဲၣ်. ပစီၤပၤတဖၣ်, ပခိၣ်ပနၢ်တဖၣ်, ပပှၤလုၢ်တၢ်အခိၣ်တဖၣ်, ပဝံတဖၣ်, ပမိၢ်ပၢ်ဖံဖုလၢပျၢၤတဖၣ်ဒီးပပှၤဂီၢ်မုၢ်တဖၣ်တူၢ်ဘၣ်တ့ၢ်လံ တၢ်န့ၣ်လီၤ. သ့ၣ်နီၣ်ထီၣ်ပတူၢ်ဘၣ်တ့ၢ်တၢ်ထဲလဲၣ်န့ၣ်တက့ၢ်.

လံာ်ယၡါယၤ 1:7

သုထံသုကီၢ်ဘၣ်တၢ်မၤဟးဂီၤမၤလီၤဃီအီၤ, ဒီးသုဝ့ၢ်တဖၣ်ဘၣ်တၢ်ဒွဲၣ်အူလီၤပှီၢ်အီၤန့ၣ်လီၤ. ဖဲသုကွၢ်ဒံးတၢ်န့ၣ်, ပှၤတခီဘီမုၢ်ဖိတဖၣ်ဟံး န့ၢ်ကွံာ်သုထံသုကီၢ်ဒီးမၤဟးဂီၤကွံာ် တၢ်ခဲလၢာ်န့ၣ်လီၤ.

လံာ်ယၡါယၤ 37:18

ယွၤဧၢ, ပဝဲခဲလၢာ်ပသ့ၣ်ညါလၢကီၢ်အၤၡူၢ်အစီၤပၤဖးဒိၣ်တဖၣ် မၤဟးဂီၤတ့ၢ်ပှၤကလုာ်အါကလုာ်ဒီးဒုးအိၣ်သယုၢ်သညိ အထံအကီၢ်တဖၣ်,

လံာ်ယၡါယၤ 7:16

တချုးတၢ်ဆၢကတီၢ်အဝဲန့ၣ်တုၤဒၣ်လဲၣ်န့ၣ်, စီၤပၤခံဂၤလၢအမၤ ပျံၤမၤဖုးသုတဖၣ်အံၤအထံအကီၢ်တဖၣ်ကအိၣ်သယုၢ်သညိဝဲလီၤ.

လံာ်ယၡါယၤ 7:20

ဖဲတၢ်ဆၢကတီၢ်အဝဲန့ၣ်တုၤဃီၤဝဲဒီး, ယွၤကဒိးလဲပှၤတံာ်ခိၣ် သူတဂၤလၢထံကျိဖရၤသးဝၢ်ဘးခီတခီ, လၢအမ့ၢ်ဝဲကီၢ်အၤၡူၢ် အစီၤပၤ, ဒီးအဝဲကလူၤကွံာ်သုခၣ်ဆူၣ်, ဒီးသုခိၣ်သူလၢ သုခိၣ်တဖၣ်အလိၤ, ဒီးသုဆူၣ်လၢသုနီၢ်ခိတဖၣ်အလိၤလီၤ.

လံာ်ယဃ့းစက့လး 23:9

လၢတၢ်န့ၣ်အဃိယဟ့ၣ်လီၤကွံာ်အီၤဆူ, ပှၤတဖၣ်လၢအဝဲအဲၣ်ဝဲ, ပှၤအၤၡူၢ်ဖိတဖၣ်လၢအဝဲသးလီတ့ၢ်ဝဲဒိၣ်မးအစုပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:32

ဒီးယကမၤဟးဂီၤကွံာ်သုထံဧိၤကီၢ်ဧိၤလၢာ်လၢာ်ဆ့ဆ့တုၤ ဒၣ်လဲာ်သုဒုၣ်သုဒါတဖၣ်လၢအမၤန့ၢ်အီၤန့ၣ်ကကမၢကမၣ်ဝဲလီၤ.

လံာ်ဧၤမိၣ် 1:13

ဒီးယွၤစံးဝဲဒၣ်, “ပှၤကီၢ်ဧၤမိၣ်ဖိတဖၣ်မၤတ့ၢ်လံတၢ်ဒဲးဘး တဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်န့ၣ်လီၤ. လၢအဝဲသ့ၣ်တၢ်ဒုးတၢ်ယၤတဖၣ်ဒ်သိးကမၤလဲၢ်ထီၣ်အကီၢ်အဃၢၤအဂီၢ် အပူၤန့ၣ်, ကွဲးသ့ၣ်ဖးဒၣ်လဲာ်ကီၢ်ကံးလဧးအပိာ်မုၣ်လၢအဒၢတဖၣ် အဟၢဖၢန့ၣ်လီၤ.

လံာ်ဧၤမိၣ် 1:3

ဒီးယွၤစံးဝဲဒၣ်, “ပှၤဒၤမ့ၤစ့းဖိတဖၣ်မၤတ့ၢ်လံတၢ်ဒဲးဘးတဘျီ ဝံၤတဘျီလံ. လၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်မၤဆါတ့ၢ်ပှၤကံးလဧးဖိအၢအၢသီသီန့ၣ်လီၤ.

လံာ်ဧၤမိၣ် 5:27

ဖဲယကဆှၢလီၤသုဆူတၢ်စိာ်မၢကဲကုၢ်အလီၢ်ဆူကီၢ်အယံၤတဘ့ၣ်လၢ ဝ့ၢ်ဒၤမ့ၤစ့းအဘးခီန့ၣ်လီၤ. ယွၤ, လၢအမံၤမ့ၢ်သ့တၢ်လၢာ်ကစၢ်ယွၤစံးဝဲဒၣ်လီၤ.

လံာ်ဧၤမိၣ် 6:14

ယွၤ, သ့တၢ်လၢာ်ကစၢ်ယွၤအနီၢ်ကစၢ်ဒၣ်ဝဲစံးဝဲဒၣ်, ကီၢ်အံၣ်စရ့လးအပှၤဂီၢ်မုၢ်ဧၢ, ယကဆှၢလီၤထံဂၤကီၢ်ဂၤ အသုးမုၢ်တဖုလၢကမၤနၢၤသုထံသုကီၢ်လီၤ. ဒီးကမၤအၢမၤနးသု စးထီၣ်လၢတၢ်လဲၤနုာ်ဆူဝ့ၢ်ဃမါသးအကျဲစၢၤလၢကလံၤစိးတုၤ ဆူပီၣ်လဲၣ်သံလၢကလံၤထံးတကပၤန့ၣ်လီၤ.

လံာ်တၢ်ဂံၢ် 32:1

ရူၤဘ့ၣ်အဒူၣ်ဒီးကးအဒူၣ်အိၣ်ဒီးဂီၤဘုၣ်ဂီၤဖံးအါအါကလဲာ် လီၤ. ဖဲအဝဲသ့ၣ်ထံၣ်ဘၣ်လၢကီၢ်ယၤစ့ၢ်ဒီးကီၢ်ကံးလဧးန့ၣ်ကြၢးဝဲ လၢဂီၤဘုၣ်ဂီၤဖံးအဂီၢ်ဒီး,

လံာ်တၢ်ဂံၢ် 32:40

မၤသးဒ်န့ၣ်ဒီး, စီၤမိၤၡ့ဟ့ၣ်လီၤကီၢ်ကံးလဧးဆူစီၤမၤကံၢ် အဒူၣ်ထၢအစုပူၤဒီးအဝဲသ့ၣ်အိၣ်ဆိးဝဲဖဲန့ၣ်လီၤ.

လံာ်သိၣ်လီၤသီလီၤတၢ် 28:25

ယွၤကဟ့ၣ်သုဒုၣ်သုဒါတဖၣ်အတၢ်မၤနၢၤလၢသုဖီခိၣ်လီၤ. သုကလဲၤထီၣ်ဒုးအဝဲသ့ၣ်လၢကျိၤကျဲတကျိၤ, ဘၣ်ဆၣ်သုကဘၣ်ဃ့ၢ်ကွံာ်လၢအဝဲသ့ၣ်အအိၣ်လၢကျိၤကျဲခဲလၢာ်အပူၤ, ဒီးကယဲၢ်ပှၤဂီၢ်မုၢ်ခဲလၢာ်လၢဟီၣ်ခိၣ်ချၢကပျံၤဘၣ်ဖုးဘၣ်တၢ် ဖဲအဝဲသ့ၣ်ထံၣ်တၢ်လၢအမၤအသးဒီးသုန့ၣ်လီၤ.

လံာ်သိၣ်လီၤသီလီၤတၢ် 3:15

ယဟ့ၣ်လီၤကီၢ်ကံးလဧးဆူစီၤမၤကံၢ်အဒူၣ်ထၢ, လၢအဘၣ်ဃးဒီးမနၤၡ့ၤအဒူၣ်အစုပူၤန့ၣ်လီၤ.

လံာ်စီၤယိၤၡူ 11:1

တုၤဝ့ၢ်ဃါစိၢ်အစီၤပၤယၤဘံၣ်နၢ်ဟူအံၣ်စရ့လးအတၢ်မၤနၢၤအဂ့ၢ်ဒီး, အဝဲဆှၢလီၤတၢ်ကစီၣ်ဆူဝ့ၢ်မၤဒိၣ်အစီၤပၤယိဘာ်အအိၣ်ဒီးဝ့ၢ် ၡံးမရိၣ်ဒီးဝ့ၢ်အးကၡးအစီၤပၤတဖၣ်အအိၣ်,

လံာ်စီၤယိၤၡူ 11:10

ဒီးအကတီၢ်ဖဲန့ၣ်စီၤယိၤၡူဃၣ်ကဒီး အသးဆူဝ့ၢ်ဃါစိၢ်ဒီးဒုးန့ၢ်အီၤဝံၤကျီသံကွံာ်အစီၤပၤလၢ နးန့ၣ်လီၤ. (အကတီၢ်ဖဲန့ၣ်ဝ့ၢ်ဃါစိၢ်အစိကမီၤဒိၣ်ကတၢၢ် လၢထံကီၢ်သ့ၣ်တဖၣ်အကျါလီၤ.)

လံာ်စီၤယိၤၡူ 11:13

ဘၣ်ဆၣ်ဒီးပှၤအံၣ်စရ့လးဖိတဖၣ်တဒွဲၣ်အူထီၣ်ဝ့ၢ်တဖၣ်လၢ အဘၣ်တၢ်သူၣ်ထီၣ်အီၤလၢတၢ်စိခိၣ်န့ၣ်ဘၣ်. စီၤယိၤၡူဒွဲၣ်ဒၣ်ထဲဝ့ၢ်ဃါစိၢ်တဖျၢၣ်ဧိၤန့ၣ်လီၤ.

လံာ်စီၤယိၤၡူ 16:6

ဒီးကီၢ်ဆၢန့ၣ်လဲၤဆူပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်န့ၣ်လီၤ. ဝ့ၢ်မံးကမသၤအိၣ်လၢအဝဲသ့ၣ်အကလံၤစိးန့ၣ်လီၤ. ဒီးလၢမုၢ်ထီၣ်တခီကီၢ်ဆၢလဲၤတရံးကဒါဆူဝ့ၢ်တၤနး ၡံလိၤဒီးလဲၤပူၤကွံာ်လၢမုၢ်ထီၣ်တခီဆူဝ့ၢ်ယၤနိဃၤန့ၣ်လီၤ.

လံာ်စီၤယိၤၡူ 19:35

ဝ့ၢ်အိၣ်ခၢၣ်အနၢၣ်တဖၣ်မ့ၢ်ဝဲစံးဒံၣ်, စ့ၢ်, ဃးမး, ရကး, ကံးနရ့း,

လံာ်စီၤယိၤၡူ 19:37

က့ဒ့ၣ်, အ့ဒြံၤ, ဧ့ၣ်ဃစိၢ်, ယံးရိၣ်, မံးကဒၤလ့လး, ဃိးရ့ၣ်, ဘ့ၤသၤနးဒီးဘ့ၤသၡ့ မ့ၣ်န့ၣ်လီၤ. မ့ၢ်ဝ့ၢ်တဆံနွံဖျၢၣ်ဃုာ်ဒီးဝ့ၢ်ဖိလၢအအိၣ်ဝးတရံးအီၤတဖၣ်န့ၣ်လီၤ.

လံာ်စီၤယိၤၡူ 20:7

အန့ၣ်သတးဒီး, အဝဲသ့ၣ်ပာ်လီၤဆီဝ့ၢ်က့ဒ့ၣ်လၢကီၢ်ကၤလံၤလါ, နးသၤလံကစၢၢ်အလိၤ, ဝ့ၢ်ၡက့ၣ်လၢအ့ဖရဲၣ်ကစၢၢ်အလိၤဒီး ဝ့ၢ်ဃ့ဘြိၣ်လၢယူဒၤကစၢၢ်အလိၤန့ၣ်လီၤ.

လံာ်ပှၤစံၣ်ညီၣ်ကွီၢ် 18:30

ဒီးပှၤဒၣ်ဖိတဖၣ်ဆီလီၤတၢ်ဂီၤစိးပျၤအသးလၢတၢ်ကဘူၣ်ထီၣ် ဘါထီၣ်အီၤအဂီၢ်ဒီးစီၤမိၤၡ့အလံၤ, စီၤက့ရၡိၣ်အဖိခွါ, စီၤယိနၤသၣ်မၤပှၤလုၢ်တၢ်အဒိၣ်အတၢ်ဖံးတၢ်မၤလၢပှၤဒၣ်ဖိတဖၣ်အဂီၢ်လီၤ. ဒီးအစၢၤအသွဲၣ်တဖၣ်မၤပှၤလုၢ်တၢ်အဒိၣ်အတၢ်မၤတုၤလၢပှၤဂီၢ်မုၢ် ဘၣ်တၢ်စိာ်ကွံာ်အီၤဆူတၢ်စိာ်မၢကဲကုၢ်အလီၢ်တစုန့ၣ်လီၤ.

လံာ်ပှၤစံၣ်ညီၣ်ကွီၢ် 4:2

လၢတၢ်န့ၣ်အဃိယွၤပျဲကနၤဧၣ်အစီၤပၤယၤဘံၣ်လၢအပၢတၢ်ဖဲ ဝ့ၢ်ဃါစိၢ်အပူၤ, လၢအကမၤနၢၤအဝဲသ့ၣ်န့ၣ်လီၤ. အဝဲအသုးခိၣ်ဖးဒိၣ်မ့ၢ်ဝဲစီၤစံစရၤလၢအအိၣ်လၢဝ့ၢ်ဃရိၡ့းဘၣ်ဃး ဒီးပှၤကလုာ်ဂၤတဖၣ်န့ၣ်လီၤ.