လံာ်စီၤပၤခံဘ့ၣ်တဘ့ၣ် 15:24 - Sgaw Karen Common Bible

²⁴ အဝဲမၤတ့ၢ်တၢ်ဒဲးဘးထီဒါယွၤ, ပိာ်ထွဲဒိအၢတဲာ်သီလၢစီၤ နဘးအဖိခွါစီၤပၤယၤရၤဘၣ်မၤတ့ၢ်ဝဲလၢအမ့ၢ်တၢ်ဆှၢဃီၤကီၢ် အံၣ်စရ့လးဆူတၢ်ဒဲးဘးအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:24 Iomraidhean Croise

လံာ်စီၤပၤခံဘ့ၣ်တဘ့ၣ် 1:18

ကယဲၢ်တၢ်အဂၤလၢစီၤပၤအဃၤစယၤမၤဝဲန့ၣ်, ဘၣ်တၢ်ကွဲးနီၣ်ကွဲးဃါအီၤလၢကီၢ်အံၣ်စရ့လး အစီၤပၤတဖၣ်အလံာ်တၢ်စံၣ်စိၤတဲစိၤအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:18

တုၤလၢမုၢ်နံၤလၢအဝဲသံဒၣ်လဲာ်န့ၣ်စီၤမနၤဃ့ၣ်မၤတ့ၢ်တၢ် ဒဲးဘးထီဒါယွၤ, ခီဖျိပိာ်ထွဲစီၤနဘးအဖိခွါစီၤပၤယၤရၤဘၣ်အဒိအၢတဲာ်သီ လၢအမ့ၢ်တၢ်ဆှၢဃီၤကီၢ်အံၣ်စရ့လးဆူတၢ်ဒဲးဘးအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:23

လၢကီၢ်ယူဒၤအစီၤပၤဧူးစံယါပၢတၢ်အနံၣ်ယဲၢ်ဆံအပူၤန့ၣ်, စီၤမနၤဃ့ၣ်အဖိခွါစီၤပကၤဃယၤကဲထီၣ်ကီၢ်အံၣ်စရ့လးအစီၤ ပၤဒီးအဝဲပၢတၢ်လၢၡၤမရံအပူၤခံနံၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 15:25

စီၤပကၤဃယၤအသုး အဖုတဖၣ်အသုးခိၣ်တဂၤလၢအမ့ၢ်စီၤရမါလယၤ အဖိခွါစီၤပ့ကး, ကူၣ်ထီၣ်တၢ်အၢဃုာ်ဒီးပှၤကံးလဧးဖိအဂၤယဲၢ်ဆံဒီးမၤသံ ကွံာ်စီၤပကၤဃယၤဖဲနူၢ်ဧိၤစီၤဧိၤအတိာ်အသးကံၢ်ပူၤလၢၡၤမ ရံ, ဒီးကဲထီၣ်စီၤပၤလၢအဝဲအလီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 15:9

ဒ်ပှၤလၢအမဲာ်ညါတဖၣ်အသိးန့ၣ်, အဝဲမၤတ့ၢ်တၢ်ဒဲးဘးထီ ဒါယွၤန့ၣ်လီၤ. အဝဲပိာ်ထွဲဒိအၢတဲာ်သီလၢစီၤနဘးအဖိခွါ စီၤပၤယၤရၤဘၣ်မၤတ့ၢ်ဝဲ, လၢအမ့ၢ်တၢ်ဆှၢဃီၤကီၢ်အံၣ်စရ့လးဆူတၢ်ဒဲးဘးအပူၤန့ၣ်လီၤ.