လံာ်စီၤပၤခံဘ့ၣ်တဘ့ၣ် 15:20 - Sgaw Karen Common Bible

²⁰ စီၤမနၤဃ့ၣ်မၤန့ၢ်စ့န့ၣ်လၢကီၢ်အံၣ်စရ့လးအပှၤထူးပှၤတီၤ တဖၣ်အအိၣ်ခီဖျိတၢ်ဃ့ဆူၣ်ပှၤတဂၤစုာ်စုာ်လၢကမၤဘူၣ်လီၤစ့, တဂၤအဘ့ၣ်ယဲၢ်ဆံန့ၣ်လီၤ. လၢတၢ်န့ၣ်အဃိစီၤတံးကလးပလ့စ့ၢ် က့ၤကဒါက့ၤဆူအထံအကီၢ်ဒၣ်ဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:20 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:32

စီၤဘၢ်စံးလဲမ့ၢ်ပှၤသးပှၢ်ဒိၣ်မးတဂၤလၢအသးအိၣ်လံအနံၣ်ဃိး ဆံလံန့ၣ်လီၤ. အဝဲထူးတီၤဒိၣ်မးဒီးမၤစၢၤဆီၣ်ထွဲတ့ၢ် စီၤပၤလၢတၢ်အီၣ်တၢ်အီ, ဖဲအဝဲအိၣ်ဆိးလၢဝ့ၢ်မၤဃန့ၤအခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:19

ကီၢ်အၤၡူၢ်အစီၤပၤတံးကလးပလ့စ့ၢ်နုာ်လီၤဒုးကီၢ်အံၣ်စရ့ လးဒီးစီၤမနၤဃ့ၣ်ဟ့ၣ်လီၤစ့လီၤတယၢၢ်အပီၢ်ခံကလးခံကထိ ဃိးကယၤဒ်သိးကမၤန့ၢ်အဝဲအတၢ်ဆီၣ်ထွဲမၤစၢၤအီၤလၢတၢ်ဒုး ဆူၣ်ထီၣ်စီၤမနၤဃ့ၣ်အစိကမီၤလၢထံကီၢ်အဖီခိၣ်အဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 15:21

ကယဲၢ်တၢ်အဂၤလၢစီၤမနၤဃ့ၣ်မၤတ့ၢ်ဝဲန့ၣ်, ဘၣ်တၢ်ကွဲးနီၣ်အီၤလၢကီၢ်အံၣ်စရ့လးအစီၤပၤတဖၣ်အလံာ်တၢ်စံၣ် စိၤတဲစိၤအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:29

ဖဲစီၤပ့ကးကဲစီၤပၤအကတီၢ်န့ၣ်ကီၢ်အၤၡူၢ်အစီၤပၤဖးဒိၣ် တံးကလးပလ့စ့ၢ်မၤန့ၢ်ဝ့ၢ်တဖၣ်လၢအမ့ၢ်ဝဲဧံၤယိၣ်, အၤဘ့ၤလးဘ့ၤသမၤကၤ, ယၤနိဃၤ, က့ဒ့ၣ်ဒီးဃါစိၢ်, ဒီးလီၢ်ကဝီၤတဖၣ်လၢကီၢ်ကံးလဧးလၢအမ့ၢ်ကၤလံၤလါဒီးနးသၤ လံဒီးက့ၤကိးပှၤဂီၢ်မုၢ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ် အသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 23:35

လၢတၢ်ဃုမၤန့ၢ်စ့ဒ်သိးတၢ်ကဟ့ၣ်တၢ်ခိတၢ်သွဲလၢအဘၣ်တၢ်ဃ့ အီၤလၢကီၢ်အဲၤကူပတူးအစီၤပၤအဂီၢ်န့ၣ်, စီၤပၤယဟိၤယါကံၣ်, ထၢဖှိၣ်တၢ်ခိတၢ်သွဲလၢပှၤဂီၢ်မုၢ်အအိၣ်, ဒ်အဝဲသ့ၣ်အတၢ်ထူးတၢ်တီၤအိၣ်ဝဲအသိးန့ၣ်လီၤ.

လံာ်စီၤယိၤဘး 1:3

ဒီးအတၢ်ဖိတၢ်လံၤမ့ၢ်သိနွံကထိ, ကီၤလၤအူးသၢကထိ, ဂီၤဖံးတကထိ, ဒီးကသ့ၣ်ယီၤမိၢ်ယဲၢ်ကယၤ, ဒီးအခ့အပှၤ အိၣ်ဝဲအါအါကလဲာ်န့ၣ်လီၤ. ပှၤတဂၤအံၤမ့ၢ်ပှၤအကဲဒိၣ် ကတၢၢ်လၢပှၤမုၢ်ထီၣ်ဖိခဲလၢာ်အကျါန့ၣ်လီၤ.

လံာ်နီၢ်ရူၤသး 2:1

နီၢ်နၤဧမံအိၣ်ဒီးအဘူးအတံၢ်လၢအမံၤမ့ၢ်စီၤဘိၤဧး, ပှၤဘၣ်ထွဲဒီးအဝၤစီၤအလံၤမ့လ့းအဒူၣ်ဖိထၢဖိတဂၤန့ၣ်လီၤ. အဝဲမ့ၢ်ပှၤထူးပှၤတီၤလၢအအိၣ်ဒီးအစိအကမီၤန့ၣ်လီၤ.