လံာ်စီၤပၤခံဘ့ၣ်တဘ့ၣ် 14:7 - Sgaw Karen Common Bible

⁷ စီၤအမၤစယါမၤသံကွံာ်ပှၤအဒိၣ်အသုးဖိအဂၤတကလးလၢအံသၣ်တၢ် တြီၤပူၤန့ၣ်လီၤ. အဝဲမၤန့ၢ်ကွံာ်ဝ့ၢ်စ့လၤလၢတၢ်ဒုးအပူၤ, ဒီးကိးအီၤလၢယိးကသ့ၣ်လး, ဒီးမံၤအံၤအိၣ်ဝဲတုၤမုၢ်မဆါတနံၤအံၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 14:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 8:13

ဖဲအဝဲဟဲက့ၤလၢတၢ်မၤသံကွံာ်ပှၤအဒိၣ်ဖိအဂၤတကလးဃိးကထိ လၢတၢ်တြီၤအံသၣ်ပူၤအခါန့ၣ်စီၤဒၤဝံးအမံၤဟူ ဒိၣ်ထီၣ်အါန့ၢ်အလီၢ်ဒၣ်လဲာ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:14

အဝဲဆီထီၣ်တၢ်ဒုးတၢ်ယၤအသူၣ်ဒဲအလီၢ်တဖၣ်သကုၤကီၢ်အဒိၣ်ဒီး ပှၤဂီၢ်မုၢ်ဖဲန့ၣ်တဖၣ်ကဲထီၣ်ပှၤလၢအဝဲပၢဘၣ်အီၤန့ၣ်လီၤ. ယွၤဒုးမၤနၢၤစီၤဒၤဝံးအတၢ်လၢတၢ်လီၢ်ကိးပူၤဒဲးန့ၣ်လီၤ.

လံာ်စီၤပၤခံဘ့ၣ်တဘ့ၣ် 14:10

ခဲကနံၣ်အံၤစီၤအမၤစယါဧၢ, နမၤနၢၤကွံာ်လံပှၤအဒိၣ်ဖိတဖၣ် ဒီးနပှဲၤဒီးတၢ်ပာ်ကဖၢလၢသးန့ၣ်လီၤ. သးမံလၢနတၢ်မံၤဟူ သၣ်ဖျါအဃိ, ဒီးအိၣ်လၢနဟံၣ်တက့ၢ်. ဘၣ်မနုၤလၢနဘၣ်ထီၣ်ဂဲၤထီၣ်တၢ်ကီတၢ်ခဲ, လၢကဟဲစိာ်န့ၢ်ဒၣ်နၤ ဒီးနပှၤဂီၢ်မုၢ်လၢတၢ်ဟးဂူာ်ဟးဂီၤန့ၣ်လဲၣ်.”

လံာ်ကွဲးနီၣ်တၢ်အခီၣ်ထံးတဘ့ၣ် 18:12

နီၢ်စရူယၤအဖိခွါစီၤအဘံၡဲၤမၤနၢၤကွံာ်ပှၤအဒိၣ်ဖိတဖၣ် ဖဲကစၢၢ်ကဆူးအံသၣ်ဒီးမၤသံကွံာ်ပှၤ ၁၈၀၀၀ ဂၤန့ၣ်လီၤ.

စံးထီၣ်ပတြၢၤ 60:1

ကစၢ်ယွၤဧၢ, နညိကွံာ်တ့ၢ်လံပှၤလံ. နမၤလီၤမုၢ်လီၤဖးလံပှၤလံ. နသးထီၣ်တ့ၢ်လံ. ဘၣ်ဆၣ်ခဲအံၤ ဃၣ်က့ၤနသးဆူပအိၣ်တက့ၢ်.

လံာ်ယၡါယၤ 16:1

လၢဝ့ၢ်စ့လၤလၢပှၢ်မုၢ်ကနၢအပူၤတခီ, ပှၤမိၤအးဖိတဖၣ်ဆှၢအသိတဒုဒ်တၢ် ဟ့ၣ်တခါအသိးဆူပှၤတဂၤလၢအပၢတၢ်လၢဝ့ၢ် ယရူၤၡလ့ၣ်အပူၤန့ၣ်လီၤ.

လံာ်ယံးရမံယၤ 49:16

နတၢ်ပာ်ကဖၢလၢနသးလီန့ၢ်နၤလီၤ. ပှၤတပျံၤဘၣ်နၤနီတဂၤ, ထဲသိးနဆိကမိၣ်လၢ အဝဲသ့ၣ်ကပျံၤဝဲန့ၣ်ဘၣ်. နအိၣ်နဆိးလၢ လ့ကဘျၣ်တဖၣ်အဖီခိၣ်အိၣ်ထီၣ်ထီဝဲလၢ ကစၢၢ်ဒီခိၣ် အလိၤန့ၣ်လီၤ. ဘၣ်ဆၣ်ဒီး, နမ့ၢ်အိၣ်မ့ၢ်ဆိးထီၣ်ထီထဲသိးဒီး လံာ်ကြီကြာ်ဒၣ်လဲာ်န့ၣ်, ယွၤကထုးလီၤကွံာ်နၤလီၤ. ယွၤကတိၤလံတၢ်လံ.”

လံာ်ဧိၤဘါဒယၤ 1:3

နတၢ်သးထီၣ်ထီန့ၣ်လီန့ၢ်လံနၤလံ. နဝ့ၢ်ခိၣ်မ့ၢ်တိာ်ခၢၣ်သနၢၣ်လၢတၢ်မၤကျၢၤအီၤဒီးလၢၢ် နအိၣ်နဆိးအလီၢ်လၢတၢ်လီၢ်ထီၣ်ထီ ဒီးနစံးလၢအသးကံၢ်ပူၤ, “မ့ၢ်မတၤထုးလီၤယၤကန့ၢ်တဂၤလဲၣ်.”

လံာ်စီၤယိၤၡူ 15:38

ဒံလၣ်, မံးစပၤ, ယိးကသ့လး,