လံာ်စီၤပၤခံဘ့ၣ်တဘ့ၣ် 14:25 - Sgaw Karen Common Bible

²⁵ အဝဲဒုးန့ၢ်ကဒါက့ၤကယဲၢ်လီၢ်ကဝီၤလၢအဘၣ်ဃးဒီးကီၢ်အံၣ်စရ့ လးခဲလၢာ်, စးထီၣ်လၢတၢ်လဲၤနုာ်ဆူဝ့ၢ်ဃမါသးလၢကလံၤစိးတခီတုၤလၢ ပီၣ်လဲၣ်သံလၢကလံၤထံးတခီန့ၣ်လီၤ. အအံၤမ့ၢ်တၢ်လၢယွၤ, အံၣ်စရ့လးအကစၢ်ယွၤအၢၣ်လီၤတ့ၢ်ဝဲခီဖျိအဝဲအခ့အပှၤဝံယိၤနါ, လၢအမ့ၢ်စီၤအမံးတဲၤအဖိခွါလၢဝ့ၢ်ကၤသးဃ့ဖ့ၢ်တခီန့ၣ်လီၤ.

လံာ်စီၤပၤခံဘ့ၣ်တဘ့ၣ် 14:25 Iomraidhean Croise

လံာ်တၢ်ကဲထီၣ်အခီၣ်ထံး 14:3

စီၤပၤယဲၢ်ဂၤအံၤကရၢကရိထီၣ်အသးဒ်ပှၤဒီသိၣ်ဒီမှံၤအသိး ဒီးပာ်ဖှိၣ်ထီၣ်အသုးမုၢ်တဖၣ်လၢစံးဒံၣ်တၢ်တြီၤပူၤ, ဒ်ပစံးတၢ်အသိး, ခဲကနံၣ်အံၤမ့ၢ်ဝဲပီၣ်လဲၣ်သံန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:65

ဖဲန့ၣ်လၢယွၤအတၢ်လုၢ်ဟံၣ်န့ၣ်, စီၤၡလိၤမိၤဒီးကယဲၢ်ကီၢ်အံၣ် စရ့လးအပှၤဂီၢ်မုၢ်ခဲလၢာ်မၤဝဲဘူၣ်ဒဲလၢနွံသီအတီၢ်ပူၤ န့ၣ်လီၤ. ဖဲန့ၣ်, ပှၤဂီၢ်မုၢ်ဖးဒိၣ်အိၣ်ဝဲလၢအဟဲဝဲ, ယံၤမးလၢတၢ်လဲၤနုာ်ဆူဝ့ၢ်ဃမါသးဒီးလၢအဲၤကူပတူးအကီၢ် အဆၢလၢကလံၤထံးတခီန့ၣ်လီၤ.

လံာ်စီၤပၤခံဘ့ၣ်တဘ့ၣ် 10:32

ဖဲအဆၢကတီၢ်အဝဲန့ၣ်, ယွၤစးထီၣ်မၤအံၣ်လီၤကီၢ်အံၣ်စရ့လး အလီၢ်ကဝီၤန့ၣ်လီၤ. ကီၢ်စူၤရံအစီၤပၤစီၤဃစ့လးမၤနၢၤကွံာ်ကီၢ်အံၣ်စရ့လး အလီၢ်ကဝီၤခဲလၢာ်,

လံာ်စီၤပၤခံဘ့ၣ်တဘ့ၣ် 13:25

အန့ၣ်ဝံၤဒီးကီၢ်အံၣ်စရ့လးအစီၤပၤယိၤအၣ်မၤနၢၤကွံာ်စီၤ ဘ့ၣ်ဟဒးသၢဘျီ, ဒီးမၤန့ၢ်က့ၤဝ့ၢ်တဖၣ်လၢစီၤဘ့ၣ်ဟဒးဟံးန့ၢ်ကွံာ်ဝဲ, ဖဲစီၤယဟိအါဃးလၢအမ့ၢ်စီၤယိၤအၣ်အပၢ်ပၢတၢ်အခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 13:5

ယွၤဟ့ၣ်လီၤကီၢ်အံၣ်စရ့လးလၢခိၣ်နၢ်တဂၤ, လၢကမၤပူၤဖျဲးအဝဲသ့ၣ်လၢပှၤစူၤရံဖိတဖၣ်အစုပူၤ, ဒီးလၢတၢ်န့ၣ်အဃိပှၤအံၣ်စရ့လးဖိတဖၣ်အိၣ်ဆိးဘၣ်ဝဲမုာ်မုာ် ခုၣ်ခုၣ်ဒ်လၢညါအသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 14:24

အဝဲမၤတ့ၢ်တၢ်ဒဲးဘးထီဒါယွၤ, ပိာ်ထွဲပှၤလၢအဝဲအမဲာ်ညါလၢ အမ့ၢ်စီၤနဘးအဖိခွါစီၤပၤယၤရၤဘၣ်အဒိအၢတဲာ်သီတဖၣ်လၢအ မ့ၢ်, တၢ်ဆှၢဃီၤကီၢ်အံၣ်စရ့လးဆူတၢ်ဒဲးဘးအပူၤန့ၣ်လီၤ.

လံာ်ယဃ့းစက့လး 11:10

ဒီးသုကဘၣ်တၢ်မၤသံသုလၢတၢ်ဒုးတၢ်ယၤအပူၤလၢသုထံ သုကီၢ်ဒၣ်ဝဲအပူၤလီၤ. တုၤနုၤတစုပှၤကိးဂၤဒဲးကသ့ၣ်ညါလၢ ယမ့ၢ်ယွၤန့ၣ်လီၤ.

လံာ်ဧၤမိၣ် 6:14

ယွၤ, သ့တၢ်လၢာ်ကစၢ်ယွၤအနီၢ်ကစၢ်ဒၣ်ဝဲစံးဝဲဒၣ်, ကီၢ်အံၣ်စရ့လးအပှၤဂီၢ်မုၢ်ဧၢ, ယကဆှၢလီၤထံဂၤကီၢ်ဂၤ အသုးမုၢ်တဖုလၢကမၤနၢၤသုထံသုကီၢ်လီၤ. ဒီးကမၤအၢမၤနးသု စးထီၣ်လၢတၢ်လဲၤနုာ်ဆူဝ့ၢ်ဃမါသးအကျဲစၢၤလၢကလံၤစိးတုၤ ဆူပီၣ်လဲၣ်သံလၢကလံၤထံးတကပၤန့ၣ်လီၤ.

လံာ်ယိၤနါ 1:1

ဘၣ်တနံၤယွၤကတိၤတၢ်ဒီးစီၤအမံးတဲၤအဖိခွါစီၤယိၤနါဒီးစံးဝဲ,

လံာ်တၢ်ဂံၢ် 13:21

မၤသးဒ်န့ၣ်ဒီး, ပှၤတဖၣ်န့ၣ်လဲၤထီၣ်ဆူကလံၤစိးဒီးဃုသ့ၣ်ညါ ကီၢ်န့ၣ်အဂ့ၢ်စးထီၣ်လၢကီၢ်အကလံၤထံးပှၢ်မုၢ်ကနၢစံၣ်ဒီးကျဲ ဒီဘိတုၤဆူရဃိာ်အိၣ်ဘူးဒီးကျဲဆူဃမါသးကလံၤစိးတခီန့ၣ် လီၤ.

လံာ်မးသဲ 16:4

ပှၤတစိၤလၢအအၢအသီဒီးအကလုၢ်တတီဒီးယွၤတဖၣ်ဃ့တၢ်လီၤလး, ဘၣ်ဆၣ်ဒီးတၢ်လီၤလးအဂၤတဘၣ်တၢ်ဟ့ၣ်လီၤအီၤဘၣ်. ကဘၣ်တၢ်ဟ့ၣ်လီၤအီၤထဲစီၤယိၤနါအတၢ်လီၤလးတမံၤဧိၤလီၤ.” စံးတၢ်န့ၣ်ဝံၤဒီးဟးဖးဒီးအဝဲသ့ၣ်လီၤ.

လံာ်သိၣ်လီၤသီလီၤတၢ် 3:17

လၢမုၢ်နုာ်တခီန့ၣ်အဝဲသ့ၣ်အလီၢ်ကဝီၤလဲၤတုၤဝဲတုၤဆူ ထံကျိယၢ်ဒ့ၣ်စးထီၣ်လၢပီၣ်လဲၣ်ကၤလံၤလါလၢကလံၤစိးတခီ, တုၤလီၤဆူပီၣ်လဲၣ်သံလၢကလံၤထံးတခီ, ဒီးဆူကစၢၢ်ပံးစကၤ အခီၣ်ထံးလၢမုၢ်ထီၣ်တခီန့ၣ်လီၤ.

လံာ်စီၤယိၤၡူ 19:13

ဒီးလဲၤဝဲဖဲန့ၣ်ဆူမုၢ်ထီၣ်တခီဆူဝ့ၢ်ကံးတၤဃ့ဖ့ၢ်, ဆူဝ့ၢ်ဧးတၤကစံၣ်, ဒီးဟးထီၣ်ဝဲဆူဝ့ၢ်ရံးမိၣ်, ဆူဝ့ၢ်န့ဧၤ,