လံာ်စီၤပၤခံဘ့ၣ်တဘ့ၣ် 14:19 - Sgaw Karen Common Bible

¹⁹ တၢ်ကူၣ်အၢတမံၤအိၣ်ထီၣ်ဝဲလၢဝ့ၢ်ယရူၤၡလ့ၣ်အပူၤလၢတၢ်ကမၤသံ စီၤအမၤစယါအဃိအဝဲဃ့ၢ်ပူၤဖျဲးအသးဆူဝ့ၢ်လၤကံၣ်, ဘၣ်ဆၣ်အဒုၣ်အဒါတဖၣ်လူၤထွဲအီၤဖဲန့ၣ်ဒီးမၤသံကွံာ်အီၤန့ၣ် လီၤ.

လံာ်စီၤပၤခံဘ့ၣ်တဘ့ၣ် 14:19 Iomraidhean Croise

လံာ်စီၤပၤခံဘ့ၣ်တဘ့ၣ် 14:18

ကယဲၢ်တၢ်အဂၤခဲလၢာ်လၢစီၤအမၤစယါမၤတ့ၢ်ဝဲန့ၣ်, ဘၣ်တၢ်ကွဲးနီၣ်အီၤလၢကီၢ်ယူဒၤအစီၤပၤတဖၣ်အလံာ်တၢ်စံၣ်စိၤ တဲစိၤအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 14:20

အဝဲအစိၣ်ဘၣ်တၢ်ဟဲက့ၤစိာ်ကဒါက့ၤအီၤဆူဝ့ၢ်ယရူၤၡလ့ၣ်လၢ ကသ့ၣ်တဒုအလိၤဒီးဘၣ်တၢ်ခူၣ်လီၤကွံာ်အီၤလၢစီၤပၤအတၢ်သွၣ် ခိၣ်လၢစီၤဒၤဝံးအဝ့ၢ်ပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:10

စီၤယၤဘ့ၣ်အဖိခွါစီၤၡၤလူၣ်, ကူၣ်တၢ်အၢထီဒါစီၤပၤစကၤရ ယၤ, မၤသံကွံာ်အီၤဖဲဝ့ၢ်ယံးဘျၣ်ဒီးကဲထီၣ်စီၤပၤလၢအလီၢ်န့ၣ် လီၤ.

လံာ်စီၤပၤခံဘ့ၣ်တဘ့ၣ် 15:14

စီၤကၤဒံအဖိခွါစီၤမနၤဃ့ၣ်ဟးထီၣ်လၢဝ့ၢ်တံးရစၢ်ဒီးလဲၤ ဆူၡၤမရံ, မၤသံကွံာ်စီၤၡၤလူၣ်ဒီးကဲထီၣ်စီၤပၤလၢအဝဲအလီၢ် န့ၣ်လီၤ.

လံာ်စီၤပၤခံဘ့ၣ်တဘ့ၣ် 15:25

စီၤပကၤဃယၤအသုး အဖုတဖၣ်အသုးခိၣ်တဂၤလၢအမ့ၢ်စီၤရမါလယၤ အဖိခွါစီၤပ့ကး, ကူၣ်ထီၣ်တၢ်အၢဃုာ်ဒီးပှၤကံးလဧးဖိအဂၤယဲၢ်ဆံဒီးမၤသံ ကွံာ်စီၤပကၤဃယၤဖဲနူၢ်ဧိၤစီၤဧိၤအတိာ်အသးကံၢ်ပူၤလၢၡၤမ ရံ, ဒီးကဲထီၣ်စီၤပၤလၢအဝဲအလီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 15:30

ဖဲစီၤဧူးစံယါအဖိခွါစီၤယိၤသၣ်ပၢတၢ်ဒ်ကီၢ်ယူဒၤအစီၤ ပၤအသိးခံဆံနံၣ်တနံၣ်အပူၤန့ၣ်စီၤအ့လၤအဖိခွါစီၤဟိၤ ၡ့, ကူၣ်တၢ်ထီဒါစီၤပၤပ့ကး, မၤသံကွံာ်အီၤ, ဝံၤဒီးကဲထီၣ်စီၤပၤလၢအဝဲအလီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 18:14

စီၤဃံးစကံယၤဆှၢလီၤတၢ်ကစီၣ်တမံၤဆူစီၤစၤနဃ့ရံာ်အအိၣ်, လၢအအိၣ်ဝဲဖဲဝ့ၢ်လၤကံၣ်, စံးဝဲ, “ယမၤကမၣ်ဘၣ်တၢ်လံ, ဝံသးစူၤဆိကတီၢ်ကွံာ်နတၢ်ဟဲ ထီၣ်ဒုးတၢ်ဒီးယကဟ့ၣ်နၤကယဲၢ်တၢ်တမံၤမံၤလၢနဃ့အီၤန့ၣ်လီၤ. “ကီၢ်အၤၡူၢ်အစီၤပၤဖးဒိၣ်အတၢ်စံးဆၢမ့ၢ်ဝဲစီၤဃံးစကံယၤ ကဘၣ်ဆှၢလီၤန့ၢ်အီၤစ့လီၤတယၢၢ်အကံကၢ်သၢကယၤ ဒီးထူလီၤတယၢၢ်အကံကၢ်သၢဆံန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:17

ကီၢ်အၤၡူၢ်အစီၤပၤဖးဒိၣ်ဆှၢလီၤသုးမုၢ်ဖးဒိၣ်တဖုလၢဝ့ၢ် လၤကံၣ်လၢကလဲၤထီၣ်ဒုးစီၤဃံးစကံယၤဖဲဝ့ၢ်ယရူၤရှလ့ၣ်န့ၣ် လီၤ. သုးမုၢ်န့ၣ်ဘၣ်တၢ်ပၢဆှၢအီၤလၢအဝဲအသုးခိၣ်ဖးဒိၣ်အဒိၣ်က တၢၢ်သၢဂၤန့ၣ်လီၤ. ဖဲအဝဲသ့ၣ်လဲၤတုၤဆူဝ့ၢ်ယရူၤရှလ့ၣ်န့ၣ်, အဝဲသ့ၣ်မၤန့ၢ်ကွံာ်ကျဲဖဲပှၤစုၣ်တၢ်ကံးညာ်မၤတၢ်, တၢ်လီၢ်ဖဲတၢ်ကျိၤလၢအဟဲစိာ်လီၤထံလၢနိၣ်လၢထးခီ, အကပၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 21:23

စီၤအၤမိၣ်အပဒိၣ်ပပှၢ်တဖၣ်ကူၣ်ထီၣ်တၢ်ထီဒါအီၤဒီးမၤသံကွံာ် အီၤလၢအနူၢ်ပူၤစီၤပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 9:27

စီၤပၤအဃၤစယၤထံၣ်ဘၣ်တၢ်မၤအသး, အဃိဒီး, အဝဲဃ့ၢ်ပူၤဖျဲးကွံာ်အသးလၢအလ့ၣ်ကဟၣ်ဒၣ်ဝဲအပူၤဆူ တၤသၣ်လီၢ်အဟံၣ်အကျဲ, ဒီးစီၤယ့ၤဟူလူၤထွဲအီၤန့ၣ်လီၤ. စီၤယ့ၤဟူမၤလိာ်အခ့အပှၤတဖၣ်, “မၤသံကွံာ်အီၤစ့ၢ်ကီးတ က့ၢ်.” ဒီးအဝဲသ့ၣ်မၤဘၣ်ဒိဘၣ်ထံးအီၤဖဲအဝဲနီၣ်အလ့ၣ်ကဟၣ်ဆူ ကျဲလဲၤထီၣ်ဆူကူၢ်ဖဲဝ့ၢ်ယံးဘျၣ်အကပၤန့ၣ်လီၤ. ဘၣ်ဆၣ်အဝဲဃ့ၢ်ဝဲဆူညါကဲဒံးတုၤအလဲၤတုၤဆူဝ့ၢ်မကံးဒိၤ ဒီးသံဝဲဖဲန့ၣ်လီၤ.

လံာ်ယံးရမံယၤ 34:7

ဖဲကီၢ်ဘၤဘူၤလိၣ်အစီၤပၤ အသုးမုၢ်ထီၣ်ဒုးဝ့ၢ်အံၤအခါန့ၣ်လီၤ. သုးမုၢ်အံၤထီၣ်ဒုးစ့ၢ်ကီးကီၢ်ယူဒၤအဝ့ၢ်အဂၤတဖၣ် လၢ အမ့ၢ်ဝ့ၢ်လၤကံၣ်ဒီး ဝ့ၢ်ဧစ့ကၤန့ၣ်လီၤ. လၢကီၢ်ယူဒၤအပူၤန့ၣ်, ဝ့ၢ်လၢအအိၣ်ဒီး အတိာ်ဧိၤတာ်ဧိၤန့ၣ် အိၣ်တ့ၢ်ထဲအဝဲသ့ၣ် ခံဖျၢၣ်ဧိၤန့ၣ်လီၤ.

လံာ်မံကၤ 1:13

ပှၤအိၣ်ဝဲဆိးဝဲလၢဝ့ၢ်လၤကံၣ်အပူၤသ့ၣ်ဧၢ, ဂီၤကၢ်ထီၣ်ကသ့ၣ်တဖၣ်လၢလ့ၣ်ကဟၣ်ဒုးသုးတဖၣ်အဂီၢ်တက့ၢ်. သုကွၢ်လိပှၤအံၣ်စရ့လးဖိအတၢ်ဒဲးဘးတဖၣ် လၢအဒုးမၤဘၣ်ဝ့ၢ်ယရူၤၡလ့ၣ်လၢတၢ်ဒဲးဘးလီၤ.

လံာ်စီၤယိၤၡူ 10:3

အန့ၣ်ဒီး, ဝ့ၢ်ယရူၤၡလ့ၣ်အစီၤပၤအဒိၤနံၤစ့ဒ့းဆှၢလီၤတၢ်ကစီၣ်ဆူဝ့ၢ်ဃ့ဘြိၣ်အစီၤပၤဟိဟၣ်, ဝ့ၢ်ယၢ်မူသးအစီၤပၤပံးရၣ်, ဝ့ၢ်လၤကံၣ်အစီၤပၤယၤဖံ, ဒီးဝ့ၢ်ဧ့းကလိၣ်အစီၤပၤဒဘံၢ်အအိၣ်ဒီးစံးဝဲ,

လံာ်စီၤယိၤၡူ 10:31

တၢ်အံၤဝံၤဒီးစီၤယိၤၡူဒီးအသုးမုၢ်လဲၤထီၣ်လၢဝ့ၢ်လံးဘနၤဆူဝ့ၢ်လၤ ကံၣ်, ကဝီၤဃာ်ဝ့ၢ်ဒီးဒုးအီၤန့ၣ်လီၤ.

လံာ်စီၤယိၤၡူ 15:39

လၤကံၣ်, ဘိးစကး, ဧ့ၣ်ကလိၣ်,