လံာ်စီၤပၤခံဘ့ၣ်တဘ့ၣ် 14:10 - Sgaw Karen Common Bible

¹⁰ ခဲကနံၣ်အံၤစီၤအမၤစယါဧၢ, နမၤနၢၤကွံာ်လံပှၤအဒိၣ်ဖိတဖၣ် ဒီးနပှဲၤဒီးတၢ်ပာ်ကဖၢလၢသးန့ၣ်လီၤ. သးမံလၢနတၢ်မံၤဟူ သၣ်ဖျါအဃိ, ဒီးအိၣ်လၢနဟံၣ်တက့ၢ်. ဘၣ်မနုၤလၢနဘၣ်ထီၣ်ဂဲၤထီၣ်တၢ်ကီတၢ်ခဲ, လၢကဟဲစိာ်န့ၢ်ဒၣ်နၤ ဒီးနပှၤဂီၢ်မုၢ်လၢတၢ်ဟးဂူာ်ဟးဂီၤန့ၣ်လဲၣ်.”

လံာ်စီၤပၤခံဘ့ၣ်တဘ့ၣ် 14:10 Iomraidhean Croise

လံာ်စီၤပၤခံဘ့ၣ်တဘ့ၣ် 14:7

စီၤအမၤစယါမၤသံကွံာ်ပှၤအဒိၣ်အသုးဖိအဂၤတကလးလၢအံသၣ်တၢ် တြီၤပူၤန့ၣ်လီၤ. အဝဲမၤန့ၢ်ကွံာ်ဝ့ၢ်စ့လၤလၢတၢ်ဒုးအပူၤ, ဒီးကိးအီၤလၢယိးကသ့ၣ်လး, ဒီးမံၤအံၤအိၣ်ဝဲတုၤမုၢ်မဆါတနံၤအံၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:16

ဘၣ်ဆၣ်, တုၤစီၤပၤစီၤဧူးစံယါအဂံၢ်အဘါဆူၣ်ထီၣ်ဝဲန့ၣ်, အဝဲအတၢ်သးထီၣ်ထီဒိၣ်ထီၣ်ဝဲ, ဒီးတၢ်န့ၣ်ဆှၢဃီၤအီၤဆူ အတၢ်ဟးဂီၤအပူၤန့ၣ်လီၤ. အဝဲခီၣ်ဆၢယွၤ, ကစၢ်ယွၤ, ခီဖျိအတၢ်လဲၤနုာ်ဆူယွၤအတၢ်လုၢ်ဟံၣ်လၢအကဆူးကဲၤ တၢ်နၢမူဖဲတၢ်လုၢ်လီၢ်လၢတၢ်ဆူးကဲၤတၢ်နၢမူန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:25

ဘၣ်ဆၣ်စီၤပၤဃံးစကံယၤပာ်ထီၣ်ထီအသးကဲာ်ဆိးလၢကဒုးနဲၣ် အတၢ်စံးဘျုးဆၢက့ၤလၢ, တၢ်လၢယွၤမၤတ့ၢ်လၢအဂီၢ်အဃိန့ၣ်လီၤ. ဒီးကီၢ်ယူဒၤဒီးဝ့ၢ်ယရူၤရှလ့ၣ်တူၢ်ဘၣ်တၢ်လၢတၢ်န့ၣ်အဃိလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 35:21

ဘၣ်ဆၣ်စီၤပၤနကိၤဆှၢလီၤန့ၢ်စီၤယိၤၡံယၤလၢတၢ်ကစီၣ်အံၤ စံးဝဲ, “တၢ်ဒုးလၢယဒုးအံၤ, တဘၣ်ထွဲဒီးနၤ, ကီၢ်ယူဒၤအစီၤပၤဘၣ်. မ့မ့ၢ်ယဟဲဒ်သိးယကဒုးယဒုၣ်ယဒါတဖၣ်, ဒီးကစၢ်ယွၤတဲဘၣ်တ့ၢ်ယၤလၢယကဘၣ်မၤချ့ချ့န့ၣ်လီၤ. ကစၢ်ယွၤအိၣ်လၢယအိၣ်တကပၤလီၤ. လၢတၢ်န့ၣ်အဃိ ထီဒါယၤတဂ့ၤ. မ့တမ့ၢ်ဘၣ်ဒီးအဝဲကမၤဟးဂီၤနၤန့ၣ်လီၤ.”

လံာ်တၢ်ဟးထီၣ်ကွံာ် 8:9

စီၤမိၤၡ့စံးဆၢဝဲ, “ထဲပာ်လီၤန့ၢ်ယၤတၢ်ဆၢကတီၢ်လၢယက ဃ့ကညးတၢ်လၢနဂီၢ်, နပဒိၣ်ပပှၢ်အဂီၢ်, ဒီးနပှၤဂီၢ်မုၢ်အဂီၢ်တက့ၢ်. တုၤနုၤတစုဒ့ၣ်ဧိၤကွီၢ်ဧိၤတဖၣ်ကဟးထီၣ်ကွံာ်လၢသုအိၣ်, ဒီးမ့တမ့ၢ်ဘၣ်လၢထံကျိနံၤလါအပူၤန့ၣ်, လၢတၢ်လီၢ်အဂၤတအိၣ်လီၤတဲာ်ဘၣ်နီတမံၤဘၣ်.”

တၢ်ကတိၤဒိ. 15:18

တၢ်သးကဲၤထီၣ်ဒုးအိၣ်ထီၣ်တၢ်ဂ့ၢ်လိာ်ဘှီလိာ်တဖၣ်လီၤ. မ့မ့ၢ်, တၢ်ဝံသးစူၤဟဲစိာ်တၢ်ဃူတၢ်ဖိးလီၤ.

တၢ်ကတိၤဒိ. 16:18

တၢ်ပာ်ထီၣ်ထီသးန့ၣ်ဆှၢပှၤဆူတၢ်ဟးဂီၤ, ဒီးတၢ်ပာ်ကဖိသးန့ၣ်ဆူတၢ်လီၤပှီၢ်လီၤ.

တၢ်ကတိၤဒိ. 17:14

တၢ်စးထီၣ်တၢ်ဂ့ၢ်လိာ်ဘှီလိာ်တမံၤန့ၣ်လီၤဂာ်ဒ်ထံတမၢၣ်တဘိ အတၢ်စးထီၣ်ကၢ်အသိးလီၤ. ဆိကတီၢ်အီၤတချုးလၢအလဲၤ ဆူညါန့ၣ်တက့ၢ်.

တၢ်ကတိၤဒိ. 20:3

ပှၤဟးဂီၤဖိတဂၤလၢ်လၢ်စးထီၣ်တၢ်ဂ့ၢ်လိာ်ဘှီလိာ်တဖၣ်သ့လီၤ. မ့မ့ၢ်တၢ်အိၣ်ယံၤဒီးတၢ်အ့ၣ်လိာ်ဆိးက့လိာ်န့ၣ်, မ့ၢ်တၢ်လၤကပီၤတမံၤလီၤ.

တၢ်ကတိၤဒိ. 25:8

လဲၤချ့ကဲၣ်ဆိးဆူကွီၢ်ဘျီၣ်ပူၤဘၣ်ဃးတၢ်လၢနထံၣ်ဘၣ်တ့ၢ် တမံၤအဂ့ၢ်န့ၣ်တဂ့ၤ. ပှၤအုၣ်အသးအဂၤလၢခံတဂၤမ့ၢ်ဒုးနဲၣ်ဖျါဝဲလၢနကမၣ်လံဒီး, တုၤနုၤတစုနကမၤက့ၤနဲဒ်လဲၣ်.

တၢ်ကတိၤဒိ. 26:17

တၢ်မၤဃါဃုာ်ပသးလၢတၢ်ဂ့ၢ်လိာ်ဘှီလိာ်တမံၤလၢအတဘၣ်ဃးဒီး ပှၤအပူၤန့ၣ်လီၤဂာ်ဒ်တၢ်လဲၤလီၤဆူကျဲပူၤဒီးစှီၤထွံၣ်တဒုဖဲအနၢ် အသိးန့ၣ်လီၤ.

တၢ်ကတိၤဒိ. 3:30

ဂ့ၢ်လိာ်ဘှီလိာ်တၢ်ကလီကလီဒီးပှၤတဂၤဂၤဖဲအဝဲတမၤဆါတ့ၢ် ဘၣ်နၤနီတမံၤန့ၣ်တဂ့ၤ.

လံာ်ယဃ့းစက့လး 28:5

နမၤပနံၣ်တၢ်ကၤအတၢ်မၤအိၣ်ဒီးတၢ်သးဆး, တၢ်ပ့ၢ်တၢ်ဆှါဒီး နမၤအါထီၣ်နတၢ်စုလီၢ်ခီၣ်ခိၣ်ကွ့ၢ်ကွ့ၢ်န့ၣ်လီၤ. နပာ်ထီၣ်ထီနသးလၢ နတၢ်ထူးတၢ်တီၤတဖၣ်အဃိဒိၣ်မးလဲၣ်.

လံာ်ယဃ့းစက့လး 38:17

နမ့ၢ်ပှၤတဂၤလၢယကတိၤတၢ်လၢအဂ့ၢ်ယံာ်တ့ၢ်လံ, ဖဲယဘိးဘၣ် သ့ၣ်ညါတ့ၢ်တၢ်ခီဖျိယခ့ယပှၤကီၢ်အံၣ်စရ့လးအဝံတဖၣ်, လၢမုၢ်နံၤ တဖၣ်လၢအကဟဲဝဲန့ၣ်, ယကဟဲစိာ်ဃီၤပှၤတဂၤလၢ ကဒုးပှၤအံၣ်စရ့လးဖိတဖၣ်န့ၣ်လီၤ.” ယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 38:5

ပှၤပိာ်ခွါတဖၣ်လၢကီၢ်ပၤရၣ်, ကီၢ်ကူၤၡးဒီးကီၢ်လံးဘယၣ်အိၣ် ဒီးအီၤဒီးအဝဲသ့ၣ်ခဲလၢာ်အိၣ်ဒီးကတီၤတဖၣ်ဒီးခိၣ်ကုာ်သုးတဖၣ် န့ၣ်လီၤ.

လံာ်ဒၤနံးယ့လး 11:12

ဒီးဖဲအမၤန့ၢ်ဒုၣ်ဒါအသုးမုၢ်ဖးဒိၣ်န့ၣ်အသးကထီၣ်ထီဝဲလၢ အတၢ်မၤနၢၤအဃိဒီးမၤသံကွံာ်ပှၤအကလးသ့ၣ်တဖၣ်လီၤ. ဘၣ်ဆၣ်ဒီးတမၤနၢၤတၢ်ဆူညါလၢၤဘၣ်.

လံာ်ဃဘးကူာ် 2:4

ဒီးတၢ်ကစီၣ်န့ၣ်မ့ၢ်တၢ်အံၤ, “ပှၤတတီတလိၤတဖၣ်န့ၣ်တမူ ဘၣ်ဝဲဘၣ်. မ့မ့ၢ်ပှၤတီပှၤလိၤန့ၣ်ကမူဝဲလၢအတၢ်သးတီဒီး ကစၢ်ယွၤအဃိန့ၣ်လီၤ.”

လံာ်ဃဘးကူာ် 2:5

တၢ်ထူးတၢ်တီၤန့ၣ်ပှဲၤဒီးတၢ်လီတၢ်ဝ့ၤလီၤ. ပှၤသူၣ်လီသးကွံတၢ်တဖၣ်န့ၣ်အသးထီၣ်ထီ ဒီးတအိၣ်ဘၣ်ဒီးသးအတၢ်ဃူတၢ်ဖိးဘၣ်. ဒီးဒ်တၢ်သံအသိး, အတၢ်သူၣ်မံသးမံတအိၣ်နီတဘျီဘၣ်. တၢ်န့ၣ်မ့ၢ်တၢ်ဂ့ၢ်လၢအဝဲသ့ၣ်မၤနၢၤပှၤကလုာ်တကလုာ် ဝံၤတကလုာ်လၢအဂီၢ်န့ၣ်လီၤ.

လံာ်သိၣ်လီၤသီလီၤတၢ် 8:14

ဒ်သိးသုသုတပာ်ထီၣ်ထီသုသးတဂ့ၤ, ဒီးသုတသးပ့ၤနီၣ်ကွံာ် ယွၤသုကစၢ်ယွၤလၢအမၤပူၤမၤဖျဲးသုလၢကီၢ်အဲၤကူပတူးဖဲ သုမ့ၢ်ကုၢ်တဖၣ်တဂ့ၤအဂီၢ်န့ၣ်မၤလီၤတံၢ်သုသးတက့ၢ်.

ယၤကိာ် 1:9

ပှၤခရံာ်ဖိလၢအဖှီၣ်တဂၤဖဲကစၢ်ယွၤပာ်ထီၣ်ထီအီၤန့ၣ်, ကဘၣ်သးခုလီၤ.

ယၤကိာ် 4:6

ဘၣ်ဆၣ်ဒီး, တၢ်ဘျုးတၢ်ဖှိၣ်လၢကစၢ်ယွၤဟ့ၣ်လီၤအံၤ အဂံၢ်အဘါဆူၣ်ဒိၣ်ဒၣ်တၢ်တက့ၢ်လီၤ. ဒ်တၢ်ကွဲးအသးစံးဝဲ အသိး, “ယွၤထီဒါပှၤပာ်ထီၣ်ထီအသး, ဘၣ်ဆၣ်ဟ့ၣ်လီၤတၢ်ဘျုးတၢ်ဖှိၣ်လၢပှၤလၢအဆီၣ်လီၤအသးလီၤ.”

လံာ်ပှၤစံၣ်ညီၣ်ကွီၢ် 9:52

တုၤစီၤအဘံၤမ့လ့းဟဲဒ်သိးကဒုးတၢးထီန့ၣ် အဝဲလဲၤထီၣ်ဆူတြဲၤအအိၣ်ဒ်သိးအကဆူးကဲၤထီၣ်အီၤလၢမ့ၣ်အူန့ၣ်လီၤ.