လံာ်စီၤပၤခံဘ့ၣ်တဘ့ၣ် 13:7 - Sgaw Karen Common Bible

⁷ မ့တမ့ၢ်ဘၣ်လၢကသ့ၣ်သုးဖိအဂၤယဲၢ်ဆံ, လ့ၣ်ကဟၣ်အဆိတဆံ ဒီးပှၤခီၣ်သုးဖိအဂၤတကလးဘၣ်န့ၣ်, စီၤယဟိအါဃးအသုးမုၢ် အဂၤတအိၣ်လၢၤဘၣ်. အဂ့ၢ်ဒ်အံၤ, ကီၢ်စူၤရံအစီၤပၤမၤဟးဂီၤကွံာ်ဝဲအဂၤတဖၣ်ခဲလၢာ်, ယီၢ်တံၢ်လီၤကလဲဝဲခဲလၢာ်ဒ်ဖၣ်ကမူၣ်ဖၣ်ဆါအသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 13:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:43

ယတီၢ်သဘှံးအဝဲသ့ၣ်, ဒီးအဝဲသ့ၣ်ကဲထီၣ်ဒ်ဖၣ်ကမူၣ်အသိးန့ၣ် လီၤ. ယယီၢ်တံၢ်အဝဲသ့ၣ်ဒ်ကပံာ်လၢကျဲအဖီခိၣ် အသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:15

လၢတၢ်န့ၣ်အဃိ, စီၤပၤကိးထီၣ်ပှၤသုးခိၣ်သးစၢ်တဖၣ်လၢအအိၣ် လၢကီၢ်ဆၣ်အသုးခိၣ်ဖးဒိၣ်တဖၣ်အတၢ်ပၢအဖီလာ်ဒီးပှၤခဲလၢာ် အိၣ်ဝဲခံကယၤသၢဆံဂၤန့ၣ်လီၤ. အန့ၣ်ဝံၤအဝဲကိးထီၣ်ဝဲကီၢ်အံၣ်စရ့လးအသုးမုၢ်ဒီးပှၤခဲ လၢာ်အိၣ်ဝဲနွံကထိဂၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:27

ပှၤအံၣ်စရ့လးဖိတဖၣ်ဘၣ်တၢ်ကိးထီၣ်အီၤဒီးဒုးသိးထီၣ်အီၤ တၢ်စုကဝဲၤန့ၣ်လီၤ. အဝဲသ့ၣ်လဲၤထီၣ်ဝဲဒီးသူၣ်အဒဲ ခံဖုအိၣ်ကွၢ်ဆၢညါပှၤစူၤရံဖိတဖၣ်န့ၣ်လီၤ. ပှၤအံၣ်စရ့လးဖိတဖၣ်လီၤဂာ်ဒီးမဲာ်တဲးလဲးအဖုအဆံးဖိခံ ဖု, ဖဲတၢ်ထိၣ်သတြီၤအီၤဒီးပှၤစူၤရံဖိတဖၣ်လၢအရၤလီၤအသးပှဲၤ ဒၣ်တၢ်ပျီပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 10:32

ဖဲအဆၢကတီၢ်အဝဲန့ၣ်, ယွၤစးထီၣ်မၤအံၣ်လီၤကီၢ်အံၣ်စရ့လး အလီၢ်ကဝီၤန့ၣ်လီၤ. ကီၢ်စူၤရံအစီၤပၤစီၤဃစ့လးမၤနၢၤကွံာ်ကီၢ်အံၣ်စရ့လး အလီၢ်ကဝီၤခဲလၢာ်,

လံာ်စီၤပၤခံဘ့ၣ်တဘ့ၣ် 13:8

ကယဲၢ်တၢ်အဂၤလၢစီၤယဟိအါဃးမၤတ့ၢ်ဝဲန့ၣ်ဒီးကယဲၢ်အဝဲ အတၢ်မၤအဒူအဃိၤတဖၣ်ဘၣ်တၢ်ကွဲးနီၣ်အီၤလၢကီၢ်အံၣ်စရ့လး အစီၤပၤတဖၣ်အလံာ်တၢ်စံၣ်စိၤတဲစိၤအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 8:12

စီၤဃစ့လးသံကွၢ်အီၤ, “တၢ်ဒိၣ်ဧၢ, ဘၣ်မနုၤအဃိလၢနမဲာ်ထံလီၤန့ၣ်လဲၣ်.” စီၤအလံၤၡါစံးဆၢဝဲ, “မ့ၢ်လၢယသ့ၣ်ညါတၢ်လီၤပျံၤလီၤဖုးတဖၣ်လၢနကမၤအီၤထီဒါ ကီၢ်အံၣ်စရ့လးအပှၤဂီၢ်မုၢ်အဃိန့ၣ်လီၤ. နကဒွဲၣ်ကွံာ်အဝဲသ့ၣ်အတိာ်ဧိၤတာ်ဧိၤတဖၣ်လၢမ့ၣ်အူ, မၤသံကွံာ်အပှၤသးစၢ်တဖၣ်, ကီၢ်အဖိတဖၣ်ဒီးဖှဲးသ့ၣ်ဖးကွံာ် ပိာ်မုၣ်လၢအဒၢတဖၣ်အဟၢဖၢန့ၣ်လီၤ.”

စံးထီၣ်ပတြၢၤ 18:42

ယမၤသဘှံးအဝဲသ့ၣ်ဒီးကဲထီၣ်ဒ်ဖၣ်ကမူၣ် လၢကလံၤအူဒံကွံာ်အီၤအသိး, ယယီၢ်တံၢ်အဝဲသ့ၣ်ဒ် ကပံာ်လၢကျဲအလိၤအသိးန့ၣ်လီၤ.

လံာ်ယၡါယၤ 36:8

ယကတၤသုလၢယစီၤပၤဖးဒိၣ်အမံၤအပူၤလီၤ. သုဃုပှၤဒိးကသ့ၣ်သ့အါအါမ့ၢ်ဘၣ်ဒီး, ယကဟ့ၣ်လီၤသုလၢကသ့ၣ်အဒုခံကထိန့ၣ်လီၤ.

လံာ်ယၡါယၤ 41:2

ပှၤလၢအဟဲက့ၤကိးစီၤပၤဖးဒိၣ်လၢမုၢ်ထီၣ်တခီန့ၣ်, မ့ၢ်မတၤတဂၤလဲၣ်. ပှၤလၢအဒုးကဲထီၣ်အီၤလၢအကမၤန့ၣ်မၤနၢၤတၢ်ဖဲအလဲၤတပူၤလၢ် လၢ်န့ၣ်မ့ၢ်မတၤလဲၣ်. မ့ၢ်မတၤဟ့ၣ်အီၤတၢ်မၤနၢၤလၢစီၤပၤတဖၣ်ဒီးပှၤကလုာ်တဖၣ်အဖီ ခိၣ်န့ၣ်လဲၣ်. အနးကျီလီၤကွံာ်အဝဲသ့ၣ်လီၤဂာ်မးဒ်အဝဲသ့ၣ်မ့ၢ်ဟီၣ်ခိၣ် ကမူၣ်အသိးလီၤ. အပျၢ်တဖၣ်မၤပြံမၤပြါအဝဲသ့ၣ်လီၤဂာ်ဒ်ဘုလီၢ်လၢကလံၤအူဘၣ် အီၤအသိးလီၤ.

လံာ်ယိၤအ့လး 3:14

ပှၤအကထိဒီးအကထိတဖၣ် အိၣ်ဝဲလၢတၢ်စံၣ်ညီၣ်အတြီၤပူၤန့ၣ်လီၤ. အဂ့ၢ်ဒ်အံၤ, ယွၤအမုၢ်နံၤကဟဲတုၤဝဲဖဲန့ၣ်ဘူးထီၣ်လံန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:17

ဒီးယကဃၣ်ဒူချၢယသးလၢသုဒ်သိးသုကဘၣ်တၢ်မၤနၢၤသု ဒီးပှၤလၢအသးဟ့သုကပၢသုလီၤ. သုကပျံၤတၢ်ဖုးတၢ်တုၤဒၣ်လဲာ်ပှၤမ့ၢ်တလူၤသုဘၣ်ဆၣ်, သုကဃ့ၢ်လီၤ.

လံာ်ဧၤမိၣ် 1:3

ဒီးယွၤစံးဝဲဒၣ်, “ပှၤဒၤမ့ၤစ့းဖိတဖၣ်မၤတ့ၢ်လံတၢ်ဒဲးဘးတဘျီ ဝံၤတဘျီလံ. လၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်မၤဆါတ့ၢ်ပှၤကံးလဧးဖိအၢအၢသီသီန့ၣ်လီၤ.

လံာ်ဧၤမိၣ် 4:10

ယမၢလီၤတၢ်သံသတြိာ်လၢသုကျါဒ်ယမၤတ့ၢ်လၢကီၢ်အဲၤကူပတူး အသိးန့ၣ်လီၤ. ယမၤသံကွံာ်သုပှၤသးစၢ်တဖၣ်လၢတၢ်ဒုးတၢ်ယၤ အပူၤဒီးစိာ်ကွံာ်သုကသ့ၣ်တဖၣ်န့ၣ်လီၤ. ယမၤပှဲၤသုနါဒ့တဖၣ်ဒီးတၢ်သံစိၣ်အတၢ်နၢအုၣ်လၢသုသူၣ်ဒဲ လီၢ်တဖၣ်အပူၤလီၤ. ဘၣ်ဆၣ်ဒီးသုတဟဲက့ၤကဒါက့ၤဆူယအိၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 13:15

စီၤၡမူၤအ့လးဟးထီၣ်လၢဝ့ၢ်ကံးလကၤလးဒီးလဲၤအကျဲဒၣ်ဝဲလီၤ. ပှၤဂီၢ်မုၢ်အိၣ်လီၤတဲာ်တဖၣ်ပိာ်ထီၣ်စီၤစီလူး အခံဖဲလၢ အဝဲလဲၤပာ်ဖှိၣ်အသးဒီးအသုးမုၢ်န့ၣ်လီၤ. အဝဲသ့ၣ်လဲၤလၢဝ့ၢ်ကံးလကၤလးဆူဝ့ၢ်ကံးဘဧၤလၢအအိၣ်ဝဲလၢ ပှၤဘံၣ်ယၤမံၣ်အလီၢ်ကဝီၤအပူၤန့ၣ်လီၤ. စီၤစီလူးသမံသမိးအသုးမုၢ်သံၣ်ဘိတဖၣ်ဒီးပှၤပိာ်ခွါအိၣ်ဝဲ အဂၤဃုကယၤအကပိာ်ကပၤန့ၣ်လီၤ.