လံာ်စီၤပၤခံဘ့ၣ်တဘ့ၣ် 13:4 - Sgaw Karen Common Bible

⁴ ဒီးစီၤယဟိအါဃးဘါထုကဖၣ်တၢ်ဆူယွၤအအိၣ်, ဒီးယွၤထံၣ်ဘၣ်ဝဲကီၢ်စူၤရံအစီၤပၤမၤအၢမၤနးပှၤအံၣ်စရ့ လးဖိနးထဲလဲၣ်ထဲလဲၣ်အဃိ, စံးဆၢဝဲအတၢ်ထုကဖၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 13:4 Iomraidhean Croise

လံာ်တၢ်ကဲထီၣ်အခီၣ်ထံး 21:17

ဒီးကစၢ်ယွၤနၢ်ဟူဖိသၣ်ပိာ်ခွါအံၤဟီၣ်ဝဲအကလုၢ်ဒီးလၢမူ ခိၣ်န့ၣ်ကစၢ်ယွၤအကလူးကတိၤတၢ်ဒီးနီၢ်ဟၤကၢ်စံးဝဲ, “နီၢ်ဟၤကၢ်ဧၢ, နကိၢ်တၢ်လၢမနုၤအဂီၢ်န့ၣ်လဲၣ်. ပျံၤတၢ်တဂ့ၤ. ကစၢ်ယွၤနၢ်ဟူလံဖိသၣ်ပိာ်ခွါအတၢ်ဟီၣ်တၢ်ယၢၤန့ၣ်လီၤ.

လံာ်တၢ်ကဲထီၣ်အခီၣ်ထံး 31:42

ယပၢ်တဖၣ်အကစၢ်ယွၤ, စီၤအၤဘြၤဟၣ်ဒီးစီၤအံၤစဲးအက စၢ်ယွၤမ့ၢ်တအိၣ်ဒီးယၤဘၣ်ဒီးနကဆှၢဖျိးကွံာ်ယၤစုယၢ်ခီ န့ၣ်လီၤ. ဘၣ်ဆၣ်ကစၢ်ယွၤထံၣ်တ့ၢ်လံယတၢ်ကိၢ်တၢ်ဂီၤဒီးတၢ်လၢ ယမၤတ့ၢ်ယဲလီၤ. ဒီးဖဲမုၢ်နၤကၢၣ်န့ၣ်အဝဲစံၣ်ညီၣ်တီလံတၢ်လံ.”

လံာ်စီၤပၤခံဘ့ၣ်တဘ့ၣ် 13:22

ကီၢ်စူၤရံအစီၤပၤဃစ့လးမၤနၢၤမၤဃၣ်ပှၤအံၣ်စရ့လးဖိတဖၣ် ဖဲစီၤယဟိအါဃးပၢတၢ်ဒီကတီၢ်,

လံာ်စီၤပၤခံဘ့ၣ်တဘ့ၣ် 13:23

ဘၣ်ဆၣ်ယွၤအသူၣ်အိၣ်သးအိၣ်ဒီးသူၣ်ကညီၤသးကညီၤအဝဲ သ့ၣ်န့ၣ်လီၤ. ယွၤတပျဲဘၣ်အဝဲသ့ၣ်ဘၣ်တၢ်မၤဟးဂီၤကွံာ်အီၤ န့ၣ်ဘၣ်. မ့မ့ၢ်မၤစၢၤအဝဲသ့ၣ်မ့ၢ်လၢအဝဲအတၢ်အၢၣ်လီၤအီလီၤဒီးစီၤ အၤဘြၤဟၣ်, စီၤအံၤစဲးဒီးစီၤယၤကိာ်အဃိန့ၣ်လီၤ. ယွၤတသးပ့ၤနီၣ်ဘၣ် အပှၤဂီၢ်မုၢ်နီတစုဘၣ်.

လံာ်စီၤပၤခံဘ့ၣ်တဘ့ၣ် 14:26

ယွၤထံၣ်ဘၣ်တၢ်နးတၢ်ဖှီၣ်လီၤပျံၤလီၤဖုးလၢပှၤအံၣ်စရ့လး ဖိတူၢ်ဘၣ်ဝဲန့ၣ်လီၤ. ပှၤလၢကမၤစၢၤအဝဲသ့ၣ်တအိၣ်နီတဂၤဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 33:19

စီၤပၤအတၢ်ထုကဖၣ်ဒီးကစၢ်ယွၤအတၢ်စံးဆၢက့ၤအီၤ, ဒီးတၢ်ဂ့ၢ်ဘၣ်ထွဲဒီးတၢ်ဒဲးဘးတဖၣ်လၢအဝဲမၤတ့ၢ်တချုးလၢ အပီၢ်ယၢ်လီၤက့ၤအသး, တၢ်အၢတၢ်သီလၢအမၤတ့ၢ်ဝဲ, ပှၤတစူၢ်တနာ်ယွၤအတၢ်ဘူၣ်တၢ်ဘါအလီၢ်တဖၣ်ဒီးကစၢ်မုၣ်အၡ့ရၤ အတၢ်ပနီၣ်တဖၣ်လၢအမၤထီၣ်တ့ၢ်ဝဲဒီးတၢ်ဂီၤတၢ်ဖီၣ်တဖၣ်လၢအဝဲ ဘူၣ်ထီၣ်ဘါထီၣ်တ့ၢ်ဝဲ, ခဲလၢာ်န့ၣ်ဘၣ်တၢ်ကွဲးနီၣ်ကွဲးဃါအီၤလၢဝံတဖၣ်အတၢ်စံၣ်စိၤ တဲစိၤအလံာ်ပူၤန့ၣ်လီၤ.

လံာ်စီၤဧ့စြၤ 8:23

လၢတၢ်န့ၣ်အဃိပဒုၣ်တ့ၢ်တၢ်အီၣ်တၢ်အီဒီးပဘါထုကဖၣ်တ့ၢ်လၢ ကစၢ်ယွၤကအိၣ်ပှိၤမၤစၢၤပှၤဒီး, အဝဲဒၣ်စံးဆၢတ့ၢ်ပတၢ်ထုကဖၣ် တဖၣ်န့ၣ်လီၤ.

လံာ်စီၤယိၤဘး 22:27

ဖဲနဘါထုကဖၣ်အီၤန့ၣ်အဝဲကဒိကနၣ်နၤ, ဒီးနကမၤလၢထီၣ်ပှဲၤ ထီၣ်ဘၣ်တၢ်ဆိၣ်လၢနမၤတ့ၢ်ဒီးအီၤန့ၣ်လီၤ.

စံးထီၣ်ပတြၢၤ 50:15

လၢတၢ်ကိၢ်တၢ်ဂီၤအမုၢ်တနံၤန့ၣ်ကိးထီၣ်ယၤတက့ၢ်. ယကမၤပူၤဖျဲးနၤ ဒီးနကမၤလၤကပီၤယၤလီၤ.

စံးထီၣ်ပတြၢၤ 78:34

တုၤယွၤမၤသံအဝဲသ့ၣ်တနီၤဒီးအဝဲသ့ၣ်ဃုအီၤ, ဒီးပီၢ်ယၢ်လီၤက့ၤအသးဒီးဃုယွၤလၢ တၢ်သူၣ်ဆူၣ်သးဆူၣ်အပူၤလီၤ.

လံာ်တၢ်ဟးထီၣ်ကွံာ် 3:7

တုၤနုၤတစုယွၤစံးဝဲဒၣ်, “ယထံၣ်တ့ၢ်လံယပှၤဂီၢ်မုၢ်တဖၣ်ဘၣ် တၢ်မၤအၢမၤနးအီၤလၢကီၢ်အဲၤကူပတူးအပူၤန့ၣ်လီၤ. ယနၢ်ဟူတ့ၢ်အဝဲသ့ၣ်ကိးထီၣ်တၢ်မၤပူၤဖျဲးအီၤလၢကုၢ်ကစၢ်တဖၣ် အစုပူၤန့ၣ်လီၤ. ယသ့ၣ်ညါအဝဲသ့ၣ်အတၢ်တူၢ်ဘၣ်ခီၣ်ဘၣ်ခဲလၢာ်န့ၣ်လီၤ.

လံာ်တၢ်ဟးထီၣ်ကွံာ် 3:9

ဒီးခဲကနံၣ်အံၤယနၢ်ဟူတ့ၢ်ယပှၤဂီၢ်မုၢ်အတၢ်ကိးထီၣ်ဒီးယထံၣ် ပှၤအဲၤကူပတူးဖိတဖၣ်အတၢ်မၤနးမၤဖှီၣ်အဝဲသ့ၣ်န့ၣ်လီၤ.

လံာ်ယၡါယၤ 26:16

နစံၣ်ညီၣ်နပှၤဂီၢ်မုၢ်, ယွၤဧၢ, ဒီးလၢတၢ်သးကိၢ်သးဂီၤအပူၤ အဝဲသ့ၣ်ဘါထုကဖၣ်တၢ်ဆူနအိၣ်လီၤ.

လံာ်ယၡါယၤ 63:9

လၢအတၢ်နးတၢ်ဖှီၣ်ခဲလၢာ်အပူၤလီၤ. တၢ်န့ၣ်တမ့ၢ်ဘၣ်မူခိၣ် ကလူးတဂၤလၢအအုၣ်က့ၤခီၣ်က့ၤတ့ၢ်အဝဲသ့ၣ်ဘၣ်. မ့မ့ၢ်, မ့ၢ်ယွၤအကစၢ်ဒၣ်ဝဲလီၤ. လၢအတၢ်အဲၣ်ဒီးအတၢ် သးကညီၤအပူၤ, အဝဲဒၣ်မၤပူၤမၤဖျဲးအဝဲသ့ၣ်လီၤ. ထီဘိန့ၣ်, အဝဲကဟုကယာ်တ့ၢ်အဝဲသ့ၣ်လၢဆၢကတီၢ်အပူၤကွံာ်,

လံာ်ယံးရမံယၤ 2:27

သုဝဲခဲလၢာ်သုဝဲလၢအစံးသ့ၣ်တထူၣ်မ့ၢ်သုပၢ်ဒီးလၢၢ်တထူၣ်မ့ၢ် သုမိၢ်န့ၣ်ကဘၣ်တၢ်မၤမဲာ်ဆှးအီၤန့ၣ်လီၤ. တၢ်အံၤကမၤအသးမ့ၢ်လၢသုဃၣ်ကွံာ် သုသးလၢယၤဒီးသုတဃၣ်ဃီၤဘၣ်သုသးဆူ ယအိၣ်ဘၣ်အဃိလီၤ. ဘၣ်ဆၣ်ဒီးဖဲသုဘၣ်တၢ်ကီတၢ်ခဲန့ၣ်, သုဃ့ကညးလၢယကဟဲဒီးအုၣ်က့ၤခီၣ်က့ၤသုအဂီၢ်န့ၣ်လီၤ.

လံာ်ယံးရမံယၤ 33:3

ကိးထီၣ်ယၤတက့ၢ် “ဒီးယကစံးဆၢနၤလီၤ. ယကဒုးနဲၣ်နၤလၢ တၢ်အဒိၣ်အထီဒီး တၢ်လီၤ လးတဖၣ်လၢ နတသ့ၣ်ညါ လၢအဂ့ၢ်နီတမံၤ ဘၣ်န့ၣ်လီၤ.

လံာ်တၢ်ဂံၢ် 21:7

ပှၤဂီၢ်မုၢ်ဟဲဆူစီၤမိၤၡ့အအိၣ်ဒီးစံးဝဲဒၣ်, “ပမၤဒဲးဘးလံတၢ်ဖဲပကတိၤတၢ်ထီဒါယွၤဒီးထီဒါနၤန့ၣ် လီၤ. ခဲအံၤဘါထုကဖၣ်ဆူယွၤအအိၣ် ဒ်သိးကဟံးထီၣ်ကွံာ်ဂုၢ်သ့ၣ်တဖၣ်အံၤတက့ၢ်.” မၤသးဒ်န့ၣ်ဒီး, စီၤမိၤၡ့ဘါထုကဖၣ်တၢ်လၢပှၤဂီၢ်မုၢ်အဂီၢ်လီၤ.

လံာ်ပှၤစံၣ်ညီၣ်ကွီၢ် 10:10

တုၤနုၤတစု, ပှၤအံၣ်စရ့လးဖိတဖၣ်ကိးထီၣ်ဆူယွၤအအိၣ်ဒီးစံး, “ပမၤတ့ၢ်တၢ်ဒဲးဘးထီဒါနၤလံ. အဂ့ၢ်ဒ်အံၤပညိကွံာ်တ့ၢ်နၤ, ပကစၢ်ယွၤဒီးဘူၣ်ထီၣ်ဘါထီၣ်ဘဧၤလးတဖၣ်န့ၣ်လီၤ.”