လံာ်စီၤပၤခံဘ့ၣ်တဘ့ၣ် 13:20 - Sgaw Karen Common Bible

²⁰ စီၤအလံၤၡါသံဝဲ, ဒီးဘၣ်တၢ်ခူၣ်လီၤကွံာ်အီၤန့ၣ်လီၤ. လၢတၢ်မဲထီၣ်သီအကတီၢ်ကိးနံၣ်ဒဲးန့ၣ်, မိၤအးအပှၤဒုးတၢ်ဖိ အဖုအဂီၢ်တဖၣ်ညီနုၢ်ဟဲနုာ်လီၤဒုးကီၢ်အံၣ်စရ့လးန့ၣ်လီၤ.

လံာ်စီၤပၤခံဘ့ၣ်တဘ့ၣ် 13:20 Iomraidhean Croise

လံာ်တၢ်ကဲထီၣ်အခီၣ်ထံး 48:1

လၢခံတယံာ်ဘၣ်န့ၣ်, စီၤယိၤသးဘၣ်တၢ်တဲဘၣ်အီၤလၢအပၢ်ဘၣ်ဆူး ဘၣ်ဆါဝဲဒၣ်န့ၣ်လီၤ. အဃိအဝဲ, ကိးထီၣ်အဖိခွါခံဂၤလၢအမ့ၢ်စီၤမနၤ ၡ့ၤဒီးစီၤအ့ဖရဲၣ်, ဒီးလဲၤထံၣ်စီၤယၤကိာ်န့ၣ်လီၤ.

လံာ်တၢ်ကဲထီၣ်အခီၣ်ထံး 49:33

ဖဲစီၤယၤကိာ်ဟ့ၣ်လီၤအတၢ်သိၣ်လီၤသီလီၤတဖၣ်ဆူအဖိခွါတဖၣ် အအိၣ်ဝံၤန့ၣ်အဝဲမံလီၤကဒါက့ၤဒီးသံဝဲဒၣ်လီၤ.

လံာ်စီၤပၤခံဘ့ၣ်တဘ့ၣ် 24:2

ယွၤမၢလီၤသုးဖိအဖုတဖၣ်လၢအမ့ၢ်, ပှၤဘၤဘူၤလိၣ်ဖိ, ပှၤစူၤရံဖိ, ပှၤမိၤအးဖိဒီးပှၤဧၣ်မိၣ်ဖိထီဒါစီၤယဟိၤယါ ကံၣ်လၢတၢ်ကမၤဟးဂီၤကွံာ်ကီၢ်ယူဒၤအဂီၢ်, ဒ်ယွၤစံးတ့ၢ်ခီဖျိအခ့အပှၤဝံတဖၣ်, လၢကမၤဝဲအသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 3:5

ဘၣ်ဆၣ်တုၤကီၢ်အံၣ်စရ့လးအစီၤပၤစီၤအၤဃာ်သံဝဲန့ၣ်စီၤမ့ ၡၤပူထီၣ်တၢ်ထီဒါကီၢ်အံၣ်စရ့လးလီၤ.

လံာ်စီၤပၤခံဘ့ၣ်တဘ့ၣ် 3:7

အဝဲဆှၢလီၤတၢ်ကစီၣ်ဆူကီၢ်ယူဒၤအစီၤပၤယဟိၡၤဖးအအိၣ်ဒီး စံးဝဲဒၣ်, “ကီၢ်မိၤအးအစီၤပၤပူထီၣ်တၢ်ထီဒါယၤလံ. မ့ၢ်နကလဲၤသကိးတၢ်ဒီးယၤလၢတၢ်ဒုးထီဒါအီၤအဂီၢ်န့ၣ်ဧါ.” စီၤပၤယဟိၡၤဖးစံးဆၢဝဲဒၣ်, “ယကလဲၤလီၤ. ယအိၣ်လၢနတၢ်သုးတၢ်ကျဲၤအပူၤလီၤ. ယပှၤဂီၢ်မုၢ်ဒီးယကသ့ၣ်တဖၣ် မ့ၢ်ဒ်န့ၣ်အသိးစ့ၢ်ကီးလီၤ.

လံာ်စီၤပၤခံဘ့ၣ်တဘ့ၣ် 5:2

လၢအဝဲသ့ၣ်အတၢ်လဲၤဒုးထီဒါကီၢ်အံၣ်စရ့လးအကျါတဘျီ အပူၤန့ၣ်, ပှၤစူၤရံဖိတဖၣ်ဟဲက့ၤကိးဝဲပှၤအံၣ်စရ့လးပိာ် မုၣ်ဖိတဂၤလၢအကဲထီၣ်စီၤနဧၤမၣ်အမါအကုၢ်ပိာ်မုၣ်ဖိန့ၣ်လီၤ.

လံာ်စီၤပၤခံဘ့ၣ်တဘ့ၣ် 6:23

လၢတၢ်န့ၣ်အဃိကီၢ်အံၣ်စရ့လးအစီၤပၤမၤန့ၢ်အဝဲသ့ၣ်လၢတၢ် အီၣ်အမူးဖးဒိၣ်တမူးန့ၣ်လီၤ. တုၤအဝဲသ့ၣ်အီၣ်တၢ်ဒီးအီမူၤအသးဝံၤန့ၣ်, အဝဲဆှၢလီၤကဒါက့ၤအဝဲသ့ၣ်ဆူကီၢ်စူၤရံအစီၤပၤအအိၣ်န့ၣ်လီၤ. စးထီၣ်ဖဲန့ၣ်ဒီးဆူညါပှၤစူၤရံဖိတဖၣ်ဆိကတီၢ်ဒုးကီၢ်အံၣ် စရ့လးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 24:16

အဝဲသ့ၣ်ခူၣ်လီၤကွံာ်အီၤလၢစီၤပၤအတၢ်သွၣ်ခိၣ်တဖၣ်အပူၤလၢ အအိၣ်လၢစီၤဒၤဝံးအဝ့ၢ်ပူၤ, လၢတၢ်သ့ၣ်ညါနီၣ်တၢ်မၤလၢအဝဲမၤဝဲတ့ၢ်လၢကီၢ်အံၣ်စရ့လး အပှၤဂီၢ်မုၢ်တဖၣ်အဂီၢ်, လၢကစၢ်ယွၤအဂီၢ်ဒီးလၢယွၤအတၢ်လုၢ်ဟံၣ်အဂီၢ်အဃိန့ၣ်လီၤ.

လံာ်စကၤရယၤ 1:5

သုမိၢ်ပၢ်ဖံဖုလၢပျၢၤတဖၣ်န့ၣ်တအိၣ်မူလၢၤဘၣ်.

မၤတၢ် 8:2

သနာ်က့ဒီး, ပှၤအဲၣ်ထူအဲၣ်ယွၤတနီၤခူၣ်လီၤကွံာ်စီၤစတ့းဖၣ်ဒီးဟီၣ်တၢ် ယၢၤတၢ်လၢအဃိဒိၣ်ဒိၣ်ကလဲာ်လီၤ.

လံာ်ပှၤစံၣ်ညီၣ်ကွီၢ် 3:12

ကီၢ်အံၣ်စရ့လးအပှၤဂီၢ်မုၢ်မၤကဒီးတၢ်ဒဲးဘးထီဒါယွၤန့ၣ် လီၤ. လၢတၢ်အံၤအဃိယွၤဒုးဆူၣ်ထီၣ်ကီၢ်မိၤအးအစီၤပၤဧ့းကလိၣ် အဂံၢ်အဘါအါန့ၢ်ပှၤအံၣ်စရ့လးဖိန့ၣ်လီၤ.