လံာ်စီၤပၤခံဘ့ၣ်တဘ့ၣ် 13:16 - Sgaw Karen Common Bible

¹⁶ ဒီးစီၤအလံၤၡါတဲဘၣ်အီၤလၢကအိၣ်ကတဲာ်ကတီၤအသးဒ်သိးကခးတၢ် အဂီၢ်န့ၣ်လီၤ. စီၤပၤမၤဝဲဒ်န့ၣ်, ဒီးစီၤအလံၤၡါပာ်ထီၣ်အစုလၢစီၤပၤအစု လိၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 13:16 Iomraidhean Croise

လံာ်တၢ်ကဲထီၣ်အခီၣ်ထံး 49:24

ဘၣ်ဆၣ်ဒီးအဝဲအချံၣ်အိၣ်ဂၢၢ်ကျၢၤဝဲဒီးအစုဒုၣ်တဖၣ်ဘၣ်တၢ် ဒုးဆူၣ်ထီၣ်အီၤလၢတၢ်စိတၢ်ကမီၤလၢအဟဲဝဲလၢသ့တၢ်လၢာ်, ပှၤကွၢ်သိ, ဒီးပှၤကဟုကယာ်ကီၢ်အံၣ်စရ့လးတဂၤအအိၣ်လီၤ.

လံာ်စီၤပၤခံဘ့ၣ်တဘ့ၣ် 13:15

စီၤအလံၤၡါမၤလိာ်အီၤစံးဝဲ, “ဟံးန့ၢ်ချံၣ်တဘိဒီးပျၢ်တ နီၤတက့ၢ်.” စီၤယိၤအၣ်မၤန့ၢ်တၢ်တဖၣ်န့ၣ်,

လံာ်စီၤပၤခံဘ့ၣ်တဘ့ၣ် 13:17

ဝံၤဒီးဒ်ဝံသိၣ်လိနဲၣ်ယုၤအီၤအသိးန့ၣ်, စီၤပၤအိးထီၣ်ပဲတြီ လၢအကွၢ်ဆၢညါတၢ်ဆူကီၢ်စူၤရံန့ၣ်လီၤ. စီၤအလံၤၡါဟ့ၣ်လီၤအကလုၢ်, “ခးပျၢ်န့ၣ်တက့ၢ်.” ဖဲစီၤပၤခးပျၢ်တဘျီဃီန့ၣ်, ဝံစံးဝဲဒၣ်, “နမ့ၢ်ယွၤအပျၢ်လၢအဝဲကမၤနၢၤကွံာ်ကီၢ်စူၤရံခီဖျိနၤန့ၣ်လီၤ. နကဒုးတၢ်ဒီးပှၤစူၤရံဖိတဖၣ်ဖဲဝ့ၢ်အဖ့း, တုၤနမၤနၢၤကွံာ်အဝဲသ့ၣ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 4:34

အန့ၣ်ဝံၤဒီးအဝဲမံလီၤလၢဖိသၣ်ပိာ်ခွါအလိၤဒီးပာ်လီၤအထး ခိၣ်, အမဲာ်ချံတဖၣ်ဒီးအစုတဖၣ်လၢဖိသၣ်ပိာ်ခွါအထးခိၣ်, အမဲာ်ချံတဖၣ်ဒီးအစုတဖၣ်အလိၤန့ၣ်လီၤ. ဖဲအဝဲမံလီၤစူၣ်ထီၣ်အသးလၢဖိသၣ်ပိာ်ခွါအလိၤန့ၣ်, ဖိသၣ်ပိာ်ခွါအနီၢ်ခိစးထီၣ်လၢၤထီၣ်ဝဲန့ၣ်လီၤ.

စံးထီၣ်ပတြၢၤ 144:1

ယွၤ, ယလၢၢ်ယလ့, ပှၤလၢအသိၣ်လိယစုလၢတၢ်ဒုးအဂီၢ်, ဒီးယစုမုၢ်စုနၢတဖၣ်လၢ တၢ်ဒုးသုးအဂီၢ်တဂၤန့ၣ်, မ်အဘၣ်တၢ်စံးထီၣ်ပတြၢၤအီၤတက့ၢ်.