လံာ်စီၤပၤခံဘ့ၣ်တဘ့ၣ် 13:11 - Sgaw Karen Common Bible

¹¹ အဝဲစ့ၢ်ကီးမၤတ့ၢ်တၢ်ဒဲးဘးထီဒါယွၤ, ဒီးပိာ်ထွဲဒိအၢ တဲာ်သီတဖၣ်လၢစီၤပၤယၤရၤဘၣ်မၤတ့ၢ်ဝဲလၢအဆှၢဃီၤကီၢ်အံၣ်စရ့လး ဆူတၢ်ဒဲးဘးအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 13:11 Iomraidhean Croise

လံာ်စီၤပၤခံဘ့ၣ်တဘ့ၣ် 10:29

ဘၣ်ဆၣ်အဝဲမၤဒိးစီၤပၤယၤရဘၣ်, အတၢ်ဒဲးဘးန့ၣ်လီၤ. စီၤယၤရၤဘၣ်မ့ၢ်ပှၤလၢအဆှၢဃီၤကီၢ်အံၣ်စရ့လးဆူတၢ်ဒဲးဘး အပူၤခီဖျိတၢ်ဘူၣ်ထီၣ်ဘါထီၣ်ဂီၤဖံးထူတဖၣ်လၢအဝဲပာ်ထီၣ် ဝဲဖဲဝ့ၢ်ဘ့ၤသ့လးဒီးဝ့ၢ်ဒၣ်အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 13:10

လၢကီၢ်ယူၤဒၤအစီၤပၤစီၤယိၤအၣ်ပၢတၢ်သၢဆံနွံနံၣ်တနံၣ် အပူၤန့ၣ်, စီၤယဟိအါဃးအဖိခွါစီၤယိၤအၣ်ကဲထီၣ်ကီၢ်အံၣ်စရ့လးအစီၤ ပၤဒီးအဝဲပၢတ့ၢ်တၢ်လၢၡၤမရံတဆံဃုနံၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 13:12

ကယဲၢ်တၢ်အဂၤလၢစီၤယိၤအၣ်မၤတ့ၢ်ဝဲ, ဃုာ်ဒီးအတၢ်သူၣ်ဒူသး ဒူလၢတၢ်ဒုးအပူၤထီဒါကီၢ်ယူဒၤအစီၤပၤအမၤစယါန့ၣ်ဘၣ်တၢ် ကွဲးနီၣ်အီၤလၢကီၢ်အံၣ်စရ့လးအစီၤပၤတဖၣ်အလံာ်တၢ်စံၣ်စိၤ တဲစိၤအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 13:2

ဒ်စီၤပၤယၤရၤဘၣ်လၢအဝဲအမဲာ်ညါအသိးန့ၣ်အဝဲမၤတ့ၢ်တၢ်ဒဲး ဘးထီဒါယွၤဒီးဆှၢဃီၤကီၢ်အံၣ်စရ့လးဆူတၢ်ဒဲးဘးအပူၤ န့ၣ်လီၤ. အဝဲတညိကွံာ်ဘၣ်အကျဲအၢကျဲသီတဖၣ်နီတဘျီဘၣ်.

လံာ်စီၤပၤခံဘ့ၣ်တဘ့ၣ် 13:6

ဘၣ်ဆၣ်အဝဲသ့ၣ်တညိကွံာ်ဒံးဘၣ်တၢ်ဒဲးဘးတဖၣ်လၢစီၤပၤယၤရၤ ဘၣ်ဒုးမၤတ့ၢ်ကီၢ်အံၣ်စရ့လးန့ၣ်ဘၣ်. မ့မ့ၢ်အဝဲသ့ၣ်မၤဒံးဒၣ်တၢ်ဒဲးဘးတဖၣ်န့ၣ်ဒီးကစၢ်မုၣ်အၡ့ ရၤအဂီၤအိၣ်ဒံးဒၣ်လၢကီၢ်ၡၤမရံအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 3:3

မ့ၢ်နာ်သက့ဒ်န့ၣ်ဒီး, ဒ်စီၤနဘးအဖိခွါစီၤပၤယၤရၤဘၣ်လၢအ ကဲစီၤပၤလၢအဝဲအမဲာ်ညါတဂၤအသိးန့ၣ်, အဝဲဆှၢဃီၤကီၢ်အံၣ်စရ့ လးဆူတၢ်ဒဲးဘးအပူၤဒီးတဆိကတီၢ်ဘၣ်ဝဲဘၣ်.