လံာ်စီၤပၤခံဘ့ၣ်တဘ့ၣ် 13:10 - Sgaw Karen Common Bible

¹⁰ လၢကီၢ်ယူၤဒၤအစီၤပၤစီၤယိၤအၣ်ပၢတၢ်သၢဆံနွံနံၣ်တနံၣ် အပူၤန့ၣ်, စီၤယဟိအါဃးအဖိခွါစီၤယိၤအၣ်ကဲထီၣ်ကီၢ်အံၣ်စရ့လးအစီၤ ပၤဒီးအဝဲပၢတ့ၢ်တၢ်လၢၡၤမရံတဆံဃုနံၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 13:10 Iomraidhean Croise

လံာ်စီၤပၤခံဘ့ၣ်တဘ့ၣ် 10:30

ယွၤစံးဘၣ်စီၤယ့ၤဟူ, “နမၤတ့ၢ်လံတၢ်ခဲလၢာ်လၢယမၢနမၤဘၣ် စီၤအၤဃာ်အစၢၤအသွဲၣ်တဖၣ်န့ၣ်လံ, လၢတၢ်န့ၣ်အဃိ, ယအၢၣ်လီၤနၤလၢနစၢၤနသွဲၣ်တဖၣ်, ကမ့ၢ်ကီၢ်အံၣ်စရ့လးအစီၤပၤ, တုၤလၢပှၤလွံၢ်စိၤတစိၤဒၣ်လဲာ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 12:1

လၢကီၢ်အံၣ်စရ့လးအစီၤပၤစီၤယ့ၤဟူပၢတၢ်နွံနံၣ်တနံၣ်အပူၤ န့ၣ်, စီၤယိၤအၣ်ကဲထီၣ်ကီၢ်ယူဒၤအစီၤပၤ, ဒီးအဝဲပၢတၢ်လၢဝ့ၢ် ယရူၤၡလ့ၣ်အပူၤအနံၣ်လွံၢ်ဆံန့ၣ်လီၤ. အဝဲအမိၢ်မ့ၢ်ဝဲနီၢ်စံဘယၤ, လၢဝ့ၢ်ဘ့ၢ်ၡဘၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 13:1

လၢစီၤအဃၤစယၤအဖိခွါကီၢ်ယူဒၤအစီၤပၤစီၤယိၤအၣ်ပၢတၢ် အနံၣ်ပှဲၤထီၣ်ခံဆံသၢနံၣ်တနံၣ်အပူၤန့ၣ်, စီၤယ့ၤဟူအဖိခွါစီၤယဟိအါဃးကဲထီၣ်ကီၢ်အံၣ်စရ့လးအစီၤ ပၤ, ဒီးအဝဲပၢတ့ၢ်တၢ်လၢကီၢ်ၡၤမရံအပူၤတဆံနွံနံၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 13:11

အဝဲစ့ၢ်ကီးမၤတ့ၢ်တၢ်ဒဲးဘးထီဒါယွၤ, ဒီးပိာ်ထွဲဒိအၢ တဲာ်သီတဖၣ်လၢစီၤပၤယၤရၤဘၣ်မၤတ့ၢ်ဝဲလၢအဆှၢဃီၤကီၢ်အံၣ်စရ့လး ဆူတၢ်ဒဲးဘးအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 13:9

အဝဲဒၣ်သံဝဲ, ဒီးဘၣ်တၢ်ခူၣ်လီၤကွံာ်အီၤလၢၡၤမရံအပူၤ, ဒီးအဝဲအဖိခွါစီၤယိၤအၣ်ကဲထီၣ်စီၤပၤလၢအလီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 14:1

လၢစီၤယဟိအါဃးအဖိခွါစီၤယိၤအၣ်ပၢတၢ်ဒ်ကီၢ်အံၣ်စရ့လး အစီၤပၤအသိးခံနံၣ်တနံၣ်အပူၤန့ၣ်စီၤယိၤအၣ်အဖိခွါစီၤအမၤ စယါကဲထီၣ်ကီၢ်ယူဒၤအစီၤပၤ,

လံာ်စီၤပၤခံဘ့ၣ်တဘ့ၣ် 14:17

ကီၢ်ယူဒၤအစီၤပၤအမၤစယါအိၣ်မူဒံးဝဲတဆံယဲၢ်နံၣ်ဖဲကီၢ် အံၣ်စရ့လးအစီၤပၤယိၤအၣ်သံဝံၤအလီၢ်ခံန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:12

လၢတၢ်န့ၣ်အဃိ, တၢ်အၢၣ်လီၤအီလီၤလၢယွၤမၤတ့ၢ်ဝဲဒီးစီၤ ပၤယ့ၤဟူန့ၣ်, လၢထီၣ်ပှဲၤထီၣ်ဝဲဒၣ်လီၤ. စံးဝဲဒၣ်, “နစၢၤနသွဲၣ်တဖၣ်တုၤလီၤလၢပှၤလွံၢ်စိၤတစိၤန့ၣ် ကကဲထီၣ်ကီၢ်အံၣ်စရ့လးအစီၤပၤတဖၣ်န့ၣ်လီၤ.”