လံာ်စီၤပၤခံဘ့ၣ်တဘ့ၣ် 12:9 - Sgaw Karen Common Bible

⁹ အန့ၣ်ဝံၤဒီး, စီၤယဟိယဒါဟံးန့ၢ်တလါတဖျၢၣ်ဒီးမၤန့ၢ်တၢ် ပူၤဟိတပူၤလၢအခိၣ်ကၢၢ်ဒီးပာ်လီၤတလါန့ၣ်ဖဲတၢ်လုၢ်လီၢ်အ ဃၢၤ, လၢစုထွဲတကပၤဖဲပှၤလဲၤနုာ်လီၤဆူယွၤအတၢ်လုၢ်ဟံၣ်ပူၤန့ၣ် လီၤ. ပှၤလုၢ်တၢ်အခိၣ်တဖၣ်အိၣ်မူအိၣ်ဒါဖဲကျဲစၢၤထံးန့ၣ်, ဒၢနုာ်လီၤစ့လၢအဘၣ်တၢ်ဟ့ၣ်လီၤအီၤလၢပှၤဟဲဘူၣ်တၢ်ဘါတၢ် တဖၣ်ခဲလၢာ်ဆူတလါပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 12:9 Iomraidhean Croise

လံာ်စီၤပၤခံဘ့ၣ်တဘ့ၣ် 12:8

ပှၤလုၢ်တၢ်အခိၣ်တဖၣ်ဘၣ်သူၣ်ဘၣ်သးလၢတၢ်ဂ့ၢ်အံၤ, ဒီးဘၣ်သူၣ်ဘၣ်သးစ့ၢ်ကီးလၢအဝဲသ့ၣ်တဘှီဂ့ၤထီၣ်က့ၤဘၣ်ယွၤ အတၢ်လုၢ်ဟံၣ်လၢအနီၢ်ကစၢ်ဒၣ်ဝဲဘၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 22:4

“လဲၤဆူပှၤလုၢ်တၢ်အခိၣ်အဒိၣ်ကတၢၢ်စီၤဃံးလကံယၤအအိၣ်ဒီး မၤန့ၢ်တၢ်ပာ်ဖျါဘၣ်ထွဲဒီးစ့လၢပှၤလုၢ်တၢ်အခိၣ်အိၣ်မူအိၣ်ဒါတဖၣ်, ဖဲယွၤအတၢ်လုၢ်ဟံၣ်အကျဲစၢၤ, ထၢဖှိၣ်တ့ၢ်ဝဲလၢပှၤဂီၢ်မုၢ်အအိၣ်န့ၣ်တက့ၢ်.

လံာ်စီၤပၤခံဘ့ၣ်တဘ့ၣ် 23:4

ဝံၤဒီး, စီၤယိၤၡံယၤဟ့ၣ်လီၤအကလုၢ်ဆူပှၤလုၢ်တၢ်အခိၣ်အဒိၣ် ကတၢၢ်စီၤဃံးလကံယၤ, အဝဲအပှၤလုၢ်တၢ်အခိၣ်စၢၤတဖၣ်, ဒီးပှၤခိးတၢ်အိၣ်မူအိၣ်ဒါဖဲယွၤအတၢ်လုၢ်ဟံၣ်အကျဲစၢၤတဖၣ်လၢ အကဟဲစိာ်ထီၣ်ကယဲၢ်တၢ်ပီးတၢ်လီခဲလၢာ်လၢအဘၣ်တၢ်သူ အီၤလၢတၢ်ဘူၣ်ထီၣ်ဘါထီၣ်ဘဧၤလးအဂီၢ်, ကစၢ်မုၣ်အၡ့ရၤအဂီၢ်ဒီးဆၣ်ဧိၤဖီဧိၤအဂီၢ်, ဆူယွၤအတၢ်လုၢ်ဟံၣ်အချၢန့ၣ်လီၤ. စီၤပၤဒွဲၣ်အူထီၣ်ကွံာ်တၢ်သ့ၣ်တဖၣ်အံၤခဲလၢာ်လၢဝ့ၢ်အချၢ ဘူးဒီးကံဒြိၣ်အတၢ်တြီၤပူၤ, ဝံၤဒီးမၢပှၤစိာ်ထီၣ်ကွံာ်အချါတဖၣ်ဆူဝ့ၢ်ဘ့ၤသ့လးန့ၣ်လီၤ.

လံာ်စီၤပၤခံဘ့ၣ်တဘ့ၣ် 25:18

လၢန့ၣ်အမဲာ်ညါ, ပှၤသုးမုၢ်အသုးခိၣ်ကျၢၢ်စီၤနဘူစၢ်ရဒၣ်က့ၤ ကိးပှၤလုၢ်တၢ်အခိၣ်အဒိၣ်ကတၢၢ်စီၤစရါယၤ, ပှၤလုၢ်တၢ်အခိၣ်အဒိၣ်ကတၢၢ်ခံဂၤတဂၤစီၤစဖါနယၤဒီးယွၤအတၢ် လုၢ်ဟံၣ်အပဒိၣ်လၢအကါဒိၣ်အဂၤသၢဂၤဒ်ပှၤဘၣ်တၢ်စၢဃာ်တဖၣ် အသိးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:24

ပှၤလုၢ်တၢ်အခိၣ်တဖၣ်လၢအမ့ၢ်ဝဲစီၤၡဘၤနယၤ, စီၤယဟိၡၤဖး, စီၤနၤသန့လး, စီၤဧမၤစဲ, စီၤစကၤရယါ, စီၤဘနါယၤဒီးစီၤ အလၤဧစၢ်တဖၣ်ဘၣ်တၢ်ဃုထၢအီၤလၢကအူကွဲၤတဖၣ်လၢတၢ်အၢၣ်လီၤအီ လီၤအတလါအမဲာ်ညါန့ၣ်လီၤ.

စံးထီၣ်ပတြၢၤ 84:10

အဂ့ၢ်ဒ်အံၤ, ပအိၣ်ပဆိးလၢနဂၢၤတဖၣ်အပူၤတနံၤန့ၣ်, ဂ့ၤန့ၢ်ပအိၣ်ပဆိးလၢတၢ်လီၢ်အဂၤ အနံၤတကထိတက့ၢ်လီၤ. ယဃုထၢတၢ်ပၢၤကျဲစၢၤအလီၢ်လၢ ယကစၢ်ယွၤအဟံၣ်ပူၤန့ၣ် ဂ့ၤဒိၣ်န့ၢ် ယအိၣ်ယဆိးလၢပှၤတတီတလိၤ အဟံၣ်တဖၣ်အပူၤတက့ၢ်လီၤ.

လံာ်ယံးရမံယၤ 35:4

ဒီးဟဲက့ၤကိးအဝဲသ့ၣ်ဆူ ယွၤအတၢ်လုၢ်ဟံၣ်အပူၤန့ၣ်လီၤ. ယကိးဃီၤအဝဲသ့ၣ်ဆူစီၤယံးကဒးလယၤ အဖိခွါဝံဃၤနၣ် အပျဲၢ်အဘီၣ်တဖၣ်အဒၢးပူၤလီၤ. ဒၢးအဝဲအံၤအိၣ်လၢ စီၤၡၤလူၣ်အဖိခွါ, ပှၤပၢၤတြဲၤအခိၣ်စီၤမၤစ့ယၤအ ဒၢးအဖီခိၣ်ဒီး အိၣ်ဘူးဒီး ပဒိၣ်ဖးဒိၣ်အဂၤတဖၣ် အဒၢးန့ၣ်လီၤ.

လံာ်ယံးရမံယၤ 52:24

အါန့ၢ်အန့ၣ်, စီၤနဘူစၢ်ရဒၣ်လၢ အမ့ၢ်သုးခိၣ် ဖးဒိၣ်, စိာ်မၢကဲကုၢ် ကွံာ်ပှၤလုၢ်တၢ်အခိၣ်အဒိၣ် ကတၢၢ်စီၤစရါယၤ, ဒီးပှၤလုၢ်တၢ်အခိၣ် ခံဂၤတဂၤလၢ အမ့ၢ်စီၤစဖါနယၤ, ဒီးယွၤအတၢ်လုၢ်ဟံၣ်အပဒိၣ် ပပှၢ်လၢအကါဒိၣ်အဂၤသၢဂၤန့ၣ်လီၤ.

လံာ်မၢ်ကူး 12:41

ယ့ၣ်ၡူးဆ့ၣ်နီၤဝဲဖဲပှၤဒၢနုာ်တိၢ်မၤဘူၣ်အလီၢ်အမဲာ်ညါလိၤ လိၤအဖၢမုၢ်န့ၣ်, ထံၣ်ပှၤတဖၣ်ဒၢနုာ်အတိၢ်မၤဘူၣ်လၢတၢ်မၤဘူၣ်အတလါတဖၣ်ပူၤ လီၤ. ပှၤထူးပှၤတီၤအါဂၤဒၢနုာ်တိၢ်အါအါကလဲာ်လီၤ.

လံာ်လူၤကၣ် 21:1

ယ့ၣ်ၡူးကွၢ်တၢ်ဝးတရံးဒီးထံၣ်ဘၣ်ပှၤထူးပှၤတီၤတဖၣ်ဒၢနုာ်လီၤ အတၢ်ဟ့ၣ်တဖၣ်ဆူတၢ်လုၢ်ဟံၣ်အတၢ်ပာ်ဖှိၣ်ကျိၣ်စ့အလီၢ်န့ၣ်လီၤ.