လံာ်စီၤပၤခံဘ့ၣ်တဘ့ၣ် 12:4 - Sgaw Karen Common Bible

⁴ စီၤယိၤအၣ်ကိးဃီၤပှၤလုၢ်တၢ်အခိၣ်တဖၣ်ဒီးဟ့ၣ်လီၤအကလုၢ်ဆူ အဝဲသ့ၣ်လၢကပာ်ဖှိၣ်ပာ်တံၤစ့လၢအဘၣ်တၢ်ဟ့ၣ်အီၤဘၣ်ထွဲဒီး တၢ်လုၢ်တၢ်ပာ်တဖၣ်လၢယွၤအတၢ်လုၢ်ဟံၣ်အပူၤလၢအမ့ၢ်, တၢ်လၢပှၤဘၣ်ဟ့ၣ်အီၤလၢတၢ်လုၢ်တၢ်ပာ်ဘၣ်ဆၢဘၣ်ကတီၢ်တဖၣ်အဂီၢ် မ့ၢ်ဂ့ၤ, စ့လၢအဘၣ်တၢ်ဟ့ၣ်လီၤအီၤဒ်အမ့ၢ်တၢ်သူၣ်အိၣ်သးအိၣ် အတၢ်ဟ့ၣ်တဖၣ်အသိးမ့ၢ်ဂ့ၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 12:4 Iomraidhean Croise

လံာ်စီၤပၤအခီၣ်ထံးတဘ့ၣ် 3:2

တၢ်လုၢ်ဟံၣ်တဖျၢၣ်တဘၣ်တၢ်သူၣ်ထီၣ်အီၤလၢယွၤအဂီၢ်ဒံးဘၣ်. လၢတၢ်န့ၣ်အဃိပှၤဂီၢ်မုၢ်လုၢ်ထီၣ်ပာ်ထီၣ်ဒံးဒၣ်တၢ်လုၢ်တၢ်ပာ် တဖၣ်လၢတၢ်လုၢ်လီၢ်လၢအလီၤဆီလိာ်အသးအါတီၤအဖီခိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 3:3

စီၤၡလိၤမိၤအဲၣ်ဘၣ်ယွၤဒီးပိာ်ထွဲတ့ၢ်အပၢ်စီၤဒၤဝံးအတၢ် မၤလိာ်ပိာ်လီၤတဖၣ်အခံန့ၣ်လီၤ. ဘၣ်ဆၣ်အဝဲမၤသံစ့ၢ်ကီးဆၣ်ဖိကီၢ်ဖိတဖၣ်ဒီးလုၢ်ထီၣ်အီၤဒ် တၢ်လုၢ်တၢ်ပာ်တဖၣ်အသိးလၢတၢ်လုၢ်လီၢ်အကလုာ်ကလုာ်အဖီခိၣ်န့ၣ် လီၤ.

လံာ်စီၤပၤအခီၣ်ထံးတဘ့ၣ် 7:1

စီၤၡလိၤမိၤသူၣ်ထီၣ်စ့ၢ်ကီးနီတဖျၢၣ်လၢအဂီၢ်ဒၣ်ဝဲ, ဒီးယံာ်ဝဲတဆံသၢနံၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 12:18

ကီၢ်ယူဒၤအစီၤပၤယိၤအၣ်ဟံးန့ၢ်ကယဲၢ်တၢ်မၤဘူၣ်ခဲလၢာ်လၢပှၤ လၢအမဲာ်ညါတဖၣ်လၢအမ့ၢ်စီၤယဟိၡၤဖး, စီၤယဟိရၣ်ဒီးစီၤအဃၤစယၤလုၢ်ထီၣ်တ့ၢ်ဝဲဆူယွၤအအိၣ်, ပာ်ဖှိၣ်အါထီၣ်ဃုာ်ဝဲဒီးအဝဲအနီၢ်ကစၢ်အတၢ်မၤဘူၣ်တဖၣ်ဒီး ကယဲၢ်ထူခဲလၢာ်အအိၣ်လၢတၢ်ပာ်ဖှိၣ်အလီၢ်လၢယွၤအတၢ်လုၢ်ဟံၣ် အပူၤဒီးနူၢ်ဧိၤစီၤဧိၤအပူၤဒီးဆှၢလီၤဝဲခဲလၢာ်ဒ်တၢ်ဟ့ၣ် အသိးဆူစီၤပၤဃစ့လးအအိၣ်, ဒီးအန့ၣ်တစုဟးထီၣ်ကွံာ်ဒီးအသုးမုၢ်ယံၤဒီးဝ့ၢ်ယရူၤၡလ့ၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 12:5

ပှၤလုၢ်တၢ်အခိၣ်တဂၤဘၣ်တဂၤစုာ်စုာ်အိၣ်ဒီးမူဒါလၢစ့လၢအဘၣ် တၢ်ဟဲစိာ်အီၤလၢပှၤတဖၣ်လၢအဝဲမၤန့ၢ်အီၤတၢ်အဂီၢ်, ဒီးစ့န့ၣ်ကဘၣ်တၢ်သူအီၤလၢတၢ်မၤဂ့ၤထီၣ်က့ၤယွၤအတၢ်လုၢ် ဟံၣ်အဂီၢ်ဒ်အလီၢ်အိၣ်ဝဲအသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 14:4

အဝဲတမၤလီၤပှီၢ်ကွံာ်ဘၣ်ပှၤတစူၢ်တနာ်ယွၤတဖၣ်အတၢ်ဘူၣ်ထီၣ်ဘါ ထီၣ်အလီၢ်ဘၣ်. ဒီးပှၤဂီၢ်မုၢ်လုၢ်ထီၣ်ဒံးတၢ်လုၢ်တၢ်ပာ်တဖၣ်ဒီးဆိၣ်ကဲၤဒံး တၢ်နၢမူဖဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:4

ဘၣ်ဆၣ်, ပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်အလီၢ်တဖၣ်တဘၣ်တၢ်မၤ ဟးဂီၤအီၤဘၣ်. ဒီးပှၤဂီၢ်မုၢ်လုၢ်ထီၣ်ဒံးတၢ်လုၢ်တၢ်ပာ်တဖၣ်ဒီးဆိၣ်ကဲၤဒံး တၢ်နၢမူဖဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 16:4

ဖဲပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်အလီၢ်တဖၣ်, လၢတၢ်လူၢ်တဖၣ်အဒီခိၣ်ဒီးလၢကယဲၢ်သ့ၣ်လၢအအိၣ်ဒီးအကဒုတဖၣ် အဖီလာ်န့ၣ်စီၤအၤဃးလုၢ်ထီၣ်တၢ်လုၢ်တၢ်ပာ်တဖၣ်ဒီးဆိၣ်ကဲၤတၢ် နၢမူန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:11

ဒီးအဝဲသ့ၣ်ဆိၣ်ကဲၤတၢ်နၢမူလၢကယဲၢ်ပှၤတစူၢ်တနာ်ယွၤအတၢ်လုၢ် လီၢ်ခဲလၢာ်အဖီခိၣ်, ပိာ်ထွဲတၢ်မၤလၢပှၤဂီၢ်မုၢ်လၢယွၤဟီထီၣ်တ့ၢ်အီၤလၢထံဧိၤ ကီၢ်ဧိၤအပူၤတဖၣ်မၤဝဲန့ၣ်လီၤ. အဝဲသ့ၣ်ထိၣ်ဂဲၤထီၣ်ယွၤအတၢ်သးထီၣ်လၢကယဲၢ်အဝဲသ့ၣ်အ တၢ်မၤအအၢအသီတဖၣ်,

လံာ်စီၤပၤခံဘ့ၣ်တဘ့ၣ် 22:4

“လဲၤဆူပှၤလုၢ်တၢ်အခိၣ်အဒိၣ်ကတၢၢ်စီၤဃံးလကံယၤအအိၣ်ဒီး မၤန့ၢ်တၢ်ပာ်ဖျါဘၣ်ထွဲဒီးစ့လၢပှၤလုၢ်တၢ်အခိၣ်အိၣ်မူအိၣ်ဒါတဖၣ်, ဖဲယွၤအတၢ်လုၢ်ဟံၣ်အကျဲစၢၤ, ထၢဖှိၣ်တ့ၢ်ဝဲလၢပှၤဂီၢ်မုၢ်အအိၣ်န့ၣ်တက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 18:11

စီၤပၤဒၤဝံးပာ်စီဆှံတၢ်သ့ၣ်တဖၣ်န့ၣ်လၢတၢ်ကသူအီၤလၢတၢ် ဘူၣ်တၢ်ဘါအပူၤအဂီၢ်ဃုာ်ဒီးကျိၣ်ဧိၤစ့ဧိၤ, ထူဧိၤလွဲဧိၤလၢအဟံးန့ၢ်တ့ၢ်ဝဲလၢပှၤကလုာ်လၢအမၤနၢၤကွံာ် ဝဲလၢအမ့ၢ်, ပှၤအဒိၣ်ဖိ, ပှၤမိၤအးဖိ, ပှၤဧၣ်မိၣ်ဖိ, ပှၤဖလ့ၡသးဖိဒီးပှၤဧမၤလ့းဖိတဖၣ်အအိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:17

ယသ့ၣ်ညါလၢနမၤကွၢ်ပှၤခဲလၢာ်အသး, ဒီးနမုာ်သူၣ်မုာ်သးတ့ၢ် ဒီးပှၤဂီၢ်မုၢ်လၢအသူၣ်တီသးရၤန့ၣ်လီၤ. ဒီးလၢတၢ်သူၣ်တီသးလိၤနီၢ်နီၢ်အပူၤန့ၣ်, ယဟ့ၣ်လီၤတၢ်သ့ၣ်တဖၣ်အံၤခဲလၢာ်ဆူနၤ, လၢတၢ်သူၣ်အိၣ်သးအိၣ်အပူၤ, ဒီးယထံၣ်တ့ၢ်နပှၤဂီၢ်မုၢ်လၢအဟဲပာ်ဖှိၣ်အသးဖဲအံၤတဖၣ်သူၣ် ဖှံသးညီတ့ၢ်ဒ်လဲၣ်, လၢကဟဲစိာ်တၢ်မၤဘူၣ်တဖၣ်ဆူနအိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 15:18

ကယဲၢ်တၢ်အဃၢၤအဃိာ်ခဲလၢာ်လၢအပၢ်စီၤအဘံယၤပာ်စီဆှံ တ့ၢ်ဝဲဆူကစၢ်ယွၤအအိၣ်န့ၣ်, အဝဲပာ်ဝဲလၢယွၤအတၢ်လုၢ်ဟံၣ်အ ပူၤ, ဃုာ်ဒီးတၢ်အဃၢၤအဃိၢ်ထူဒီးစ့တဖၣ်လၢအဝဲအကစၢ်ဒၣ်ဝဲ ပာ်စီဆှံတ့ၢ်အီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:12

ဒီးဒၢနုာ်ကယဲၢ်တၢ်ဟ့ၣ်ခဲလၢာ်ဒီးတၢ်မၤဘူၣ်ဆံဆဲၣ်ပူတပူ လၢတၢ်ပာ်ဖှိၣ်အဒၢးတဖၣ်န့ၣ်အပူၤလၢတၢ်ကပၢၤဃာ်အီၤအဂီၢ်န့ၣ် လီၤ. အဝဲသ့ၣ်ပာ်လီၤပှၤလ့ၤဝံဖိစီၤကနၤနယၤလၢပှၤအခိၣ်လၢကကွၢ် ထွဲတၢ်အဂီၢ်, ဒီးဒုးကဲထီၣ်အဝဲအဒီပုၢ်ဝဲၢ်ခွါစီၤၡံမံၤလၢပှၤကမၤစၢၤ အီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 35:2

အဝဲပာ်လီၤန့ၢ်ပှၤလုၢ်တၢ်အခိၣ်တဖၣ်လၢမူဒါတဖၣ်လၢအဝဲသ့ၣ် ကဘၣ်မၤဝဲလၢယွၤအတၢ်လုၢ်ဟံၣ်အပူၤ, ဒီးဟ့ၣ်ဂံၢ်ဟ့ၣ်ဘါအဝဲသ့ၣ်ဒ်သိးကမၤဝဲဂ့ၤဂ့ၤဘၣ်ဘၣ် အဂီၢ်န့ၣ်လီၤ.

လံာ်စီၤဧ့စြၤ 1:6

ကယဲၢ်ပှၤအိၣ်ခိၣ်အိၣ်ဃၢၤခဲလၢာ်မၤစၢၤအဝဲသ့ၣ်ခီဖျိဟ့ၣ်အ ဝဲသ့ၣ်လၢတၢ်အါမံၤဒ်, တၢ်အဃၢၤအဃိၢ်စ့တဖၣ်, ထူဧိၤလွဲဧိၤ, တၢ်အလိၣ်တဖၣ်, ဆၣ်ဖိကီၢ်ဖိအဒၢလၢဂီၤကၢ်အသး တဖၣ်, တၢ်လုၢ်ဒိၣ်ပှ့ၤဒိၣ်အဂၤတဖၣ်, ဒီးတၢ်မၤဘူၣ်မၤတီၢ်တဖၣ်လၢတၢ် လုၢ်ဟံၣ်အဂီၢ်န့ၣ်လီၤ.

လံာ်စီၤဧ့စြၤ 2:69

အဝဲသ့ၣ်ဟ့ၣ်တၢ်ဒ်အဟ့ၣ်ဝဲန့ၢ်အသိးလၢတၢ်မၤအံၤအဂီၢ်, တုၤတၢ်ပာ်ဖှိၣ်ခဲလၢာ်အိၣ်ဝဲ, ပှၤပၤရၣ်ဖိအထူကဘျၣ်ဃုကလး တကထိဘ့ၣ်, စ့အတၢ်ဃီၣ်ယဲၢ်ကထိမၤနၤဒီးပှၤလုၢ်တၢ်အခိၣ်အဆ့ကၤဒိၣ်အဘ့ၣ် တကယၤန့ၣ်လီၤ.

လံာ်စီၤဧ့စြၤ 7:16

နကဘၣ်လဲၤစိာ်ဃုာ်စ့ၢ်ကီးကယဲၢ်စ့ဒီးထူလၢနထၢဖှိၣ်လၢကီၢ် ဘၤဘူၤလိၣ်ဒီဘ့ၣ်ညါဒီးတၢ်မၤဘူၣ်တဖၣ်လၢအံၣ်စရ့လးအပှၤဂီၢ် မုၢ်ဒီးအဝဲသ့ၣ်အပှၤလုၢ်တၢ်အခိၣ်တဖၣ်ဟ့ၣ်လီၤဝဲလၢအကစၢ်ယွၤ အတၢ်လုၢ်ဟံၣ်လၢအအိၣ်လၢဝ့ၢ်ယရူၤၡလ့ၣ်အပူၤအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 35:22

ပှၤကိးဂၤဒဲးလၢအသးအိၣ်တၢ်, ပိာ်မုၣ်မ့ၢ်ဂ့ၤပိာ်ခွါမ့ၢ်ဂ့ၤ ခဲလၢာ်ဟဲစိာ်တၢ်ကယၢကယဲ, ထးကမိာ်ခံတဖၣ်, နၢ်ဒံးတဖၣ်, ပသံးတဖၣ်, ဖဲတဖၣ်ဒီးကယဲၢ်ထူ, တၢ်မျၢ်လုၢ်ဒိၣ်ပှ့ၤဒိၣ်တဖၣ်ဒီးပာ်စီဆှံထီၣ်အီၤဆူ ယွၤအအိၣ်လီၤ.

လံာ်တၢ်ဟးထီၣ်ကွံာ် 35:29

ကယဲၢ်ကီၢ်အံၣ်စရ့လးအပှၤဂီၢ်မုၢ်လၢအသးအိၣ်ဟဲစိာ်တၢ်လုၢ်မၤ ဘူၣ်ဆူယွၤအအိၣ်လၢတၢ်ဖံးတၢ်မၤအဂီၢ်ဒ်ယွၤမၤလိာ်စီၤမိၤၡ့ လၢကမၤဝဲန့ၣ်, ဟဲစိာ်ဝဲကိးဂၤဒဲးလီၤ.

လံာ်တၢ်ဟးထီၣ်ကွံာ် 35:5

မၤတၢ်လုၢ်မၤဘူၣ်တမံၤဆူယွၤအအိၣ်တက့ၢ်. ပှၤကိးဂၤလၢအသး အိၣ်တၢ်ဒ်န့ၣ်အသိးန့ၣ်, ကဘၣ်ဟဲစိာ်တၢ်လုၢ်မၤဘူၣ်တမံၤလၢထူ, စ့, မ့တမ့ၢ်တိၢ်ဘီ,

လံာ်တၢ်ဟးထီၣ်ကွံာ် 36:3

အဝဲသ့ၣ်ဒိးန့ၢ်ကယဲၢ်တၢ်လုၢ်မၤဘူၣ်လၢပှၤအံၣ်စရ့လးဖိတဖၣ် ဟဲစိာ်ဝဲခဲလၢာ်လၢတၢ်သူၣ်ထီၣ်ဒဲစီဆှံအဂီၢ်လၢစီၤမိၤၡ့အစုပူၤလီၤ. ဘၣ်ဆၣ်ဒီးကီၢ်အံၣ်စရ့လးအပှၤဂီၢ်မုၢ်ဟဲစိာ်ဒံးအတၢ်လုၢ်မၤဘူၣ်တဖၣ်ဆူ စီၤမိၤၡ့အအိၣ်ကိးမုၢ်ဂီၤဒဲးလီၤ.

လံာ်တၢ်ဘူၣ်ထီၣ်ဘါထီၣ် 27:31

ဒီးပှၤမ့ၢ်သးအိၣ်ပှ့ၤက့ၤအီၤန့ၣ်ကဘၣ်ဟ့ၣ် တၢ်အပှ့ၤဒ်စ့အနီၣ်ထိၣ်အိၣ်ဝဲအသိးအမဲာ်ညါကဘၣ် ဟ့ၣ်အါထီၣ်ဝဲခံဆံမျးကယၤန့ၣ်လီၤ.

လံာ်လူၤကၣ် 21:4

အဂ့ၢ်ဒ်အံၤ, ပှၤအဂၤတဖၣ်ဟ့ၣ်လီၤအတၢ်ဟ့ၣ်လၢ အတၢ်ထူးတၢ်တီၤအဘျဲၣ်အစဲၢ်အပူၤလီၤ. မ့မ့ၢ်အဝဲဒၣ်န့ၣ်, မ့ၢ်ဖှီၣ်ဝဲယာ်ဝဲထဲထဲအံၤသနာ်က့, ဟ့ၣ်လီၤတၢ်လၢအအိၣ်ဒီးအီၤခဲလၢာ်လၢအကလုၢ်အီၣ် အသးသမူအဂီၢ်လီၤ.”