လံာ်စီၤပၤခံဘ့ၣ်တဘ့ၣ် 12:18 - Sgaw Karen Common Bible

¹⁸ ကီၢ်ယူဒၤအစီၤပၤယိၤအၣ်ဟံးန့ၢ်ကယဲၢ်တၢ်မၤဘူၣ်ခဲလၢာ်လၢပှၤ လၢအမဲာ်ညါတဖၣ်လၢအမ့ၢ်စီၤယဟိၡၤဖး, စီၤယဟိရၣ်ဒီးစီၤအဃၤစယၤလုၢ်ထီၣ်တ့ၢ်ဝဲဆူယွၤအအိၣ်, ပာ်ဖှိၣ်အါထီၣ်ဃုာ်ဝဲဒီးအဝဲအနီၢ်ကစၢ်အတၢ်မၤဘူၣ်တဖၣ်ဒီး ကယဲၢ်ထူခဲလၢာ်အအိၣ်လၢတၢ်ပာ်ဖှိၣ်အလီၢ်လၢယွၤအတၢ်လုၢ်ဟံၣ် အပူၤဒီးနူၢ်ဧိၤစီၤဧိၤအပူၤဒီးဆှၢလီၤဝဲခဲလၢာ်ဒ်တၢ်ဟ့ၣ် အသိးဆူစီၤပၤဃစ့လးအအိၣ်, ဒီးအန့ၣ်တစုဟးထီၣ်ကွံာ်ဒီးအသုးမုၢ်ယံၤဒီးဝ့ၢ်ယရူၤၡလ့ၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 12:18 Iomraidhean Croise

လံာ်စီၤပၤအခီၣ်ထံးတဘ့ၣ် 14:26

အဝဲဟံးန့ၢ်ကွံာ်ကယဲၢ်တၢ်လုၢ်ဒိၣ်ပှ့ၤဒိၣ်ခဲလၢာ်လၢယွၤအတၢ် လုၢ်ဟံၣ်ပူၤဒီးလၢနီအပူၤဃုာ်ဒီးကတီၤထူတဖၣ်လၢစီၤၡလိၤ မိၤမၤတ့ၢ်ဝဲန့ၣ်လီၤ.

လံာ်စီၤပၤအခီၣ်ထံးတဘ့ၣ် 15:18

လၢတၢ်န့ၣ်အဃိစီၤအၤစါဟံးထီၣ်ကယဲၢ်စ့ဒီးထူလၢအအိၣ်လီၤ တဲာ်လၢယွၤအတၢ်လုၢ်ဟံၣ်အပူၤဒီးနီအပူၤ, ဒီးဆှၢလီၤဝဲဆူဒၤမ့ၤစ့း, ဆူကီၢ်စူၤရံအစီၤပၤဘ့ၣ် ဟဒးအအိၣ်ခီဖျိပဒိၣ်ပပှၢ်တနီၤဃုာ်ဒီးတၢ်ကစီၣ်အံၤန့ၣ်လီၤ. စီၤပၤဘ့ၤဟဒးမ့ၢ်စီၤတၤဘြံမိၣ်အဖိခွါ, ဒီးစီၤဃ့စိၣ်အလံၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 12:19

ကယဲၢ်တၢ်အဂၤတမံၤလၢ်လၢ်လၢစီၤပၤယိၤအၣ်မၤတ့ၢ်ဝဲန့ၣ်, ဘၣ်တၢ်ကွဲးနီၣ်အီၤလၢကီၢ်ယူဒၤအစီၤပၤတဖၣ်အလံာ်တၢ်စံၣ်စိၤ တဲစိၤအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 12:4

စီၤယိၤအၣ်ကိးဃီၤပှၤလုၢ်တၢ်အခိၣ်တဖၣ်ဒီးဟ့ၣ်လီၤအကလုၢ်ဆူ အဝဲသ့ၣ်လၢကပာ်ဖှိၣ်ပာ်တံၤစ့လၢအဘၣ်တၢ်ဟ့ၣ်အီၤဘၣ်ထွဲဒီး တၢ်လုၢ်တၢ်ပာ်တဖၣ်လၢယွၤအတၢ်လုၢ်ဟံၣ်အပူၤလၢအမ့ၢ်, တၢ်လၢပှၤဘၣ်ဟ့ၣ်အီၤလၢတၢ်လုၢ်တၢ်ပာ်ဘၣ်ဆၢဘၣ်ကတီၢ်တဖၣ်အဂီၢ် မ့ၢ်ဂ့ၤ, စ့လၢအဘၣ်တၢ်ဟ့ၣ်လီၤအီၤဒ်အမ့ၢ်တၢ်သူၣ်အိၣ်သးအိၣ် အတၢ်ဟ့ၣ်တဖၣ်အသိးမ့ၢ်ဂ့ၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 14:14

အဝဲဟံးန့ၢ်ကွံာ်ကယဲၢ်စ့ဒီးထူလၢအထံၣ်န့ၢ်ဝဲသ့ခဲလၢာ်, ကယဲၢ်တၢ်လုၢ်ဟံၣ်အဃၢၤအဃိာ်, ဒီးနူၢ်ဧိၤစီၤဧိၤအတၢ်ထူးတၢ် တီၤခဲလၢာ်, ဒီးက့ၤစိာ်ဝဲဆူၡၤမရံန့ၣ်လီၤ. အဝဲက့ၤကိးဃုာ်စ့ၢ်ကီးပှၤလၢအဘၣ်တၢ်ဟ့ၣ်အုၣ်ကီၤတဖၣ်ဒီးအီၤ န့ၣ်လီၤ.

လံာ်စီၤပၤခံဘ့ၣ်တဘ့ၣ် 16:8

စီၤအၤဃာ်ဟံးထီၣ်စ့ဒီးထူလၢယွၤအတၢ်လုၢ်ဟံၣ်ဒီးနူၢ်ဧိၤ စီၤဧိၤအတၢ်ပာ်ဖှိၣ်လီၢ်အပူၤဒီးဆှၢလီၤအီၤဆူစီၤပၤဖး ဒိၣ်အအိၣ်ဒ်တၢ်ဟ့ၣ်ကနၢၤအသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 8:12

စီၤဃစ့လးသံကွၢ်အီၤ, “တၢ်ဒိၣ်ဧၢ, ဘၣ်မနုၤအဃိလၢနမဲာ်ထံလီၤန့ၣ်လဲၣ်.” စီၤအလံၤၡါစံးဆၢဝဲ, “မ့ၢ်လၢယသ့ၣ်ညါတၢ်လီၤပျံၤလီၤဖုးတဖၣ်လၢနကမၤအီၤထီဒါ ကီၢ်အံၣ်စရ့လးအပှၤဂီၢ်မုၢ်အဃိန့ၣ်လီၤ. နကဒွဲၣ်ကွံာ်အဝဲသ့ၣ်အတိာ်ဧိၤတာ်ဧိၤတဖၣ်လၢမ့ၣ်အူ, မၤသံကွံာ်အပှၤသးစၢ်တဖၣ်, ကီၢ်အဖိတဖၣ်ဒီးဖှဲးသ့ၣ်ဖးကွံာ် ပိာ်မုၣ်လၢအဒၢတဖၣ်အဟၢဖၢန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 16:2

လၢတၢ်န့ၣ်အဃိစီၤအၤစါဟံးထီၣ်ကွံာ်စ့ဒီးထူလၢယွၤအတၢ် လုၢ်ဟံၣ်ဒီးနီအတၢ်ပာ်ဖှိၣ်အလီၢ်တဖၣ်ဒီးဆှၢလီၤဝဲဆူဝ့ၢ်ဒၤ မ့ၤစ့းဆူကီၢ်စူၤရံအစီၤပၤဘ့ၣ်ဟဒးအအိၣ်ဃုာ်ဒီးတၢ်ကစီၣ်အံၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 24:17

ဘၣ်ဆၣ်တုၤစီၤယဟိယဒါသံဝဲတဘျီန့ၣ်, ကီၢ်ယူဒၤအခိၣ်အနၢ်တဖၣ် ကွဲန့ၢ်လွဲန့ၢ်စီၤပၤယိၤအၣ်အသးလၢကဒိကနၣ်က့ၤအဝဲသ့ၣ်လၢ တၢ်ပိာ်ထွဲစီၤယဟိယဒါအတၢ်အတၢ်သိၣ်လိနဲၣ်ယုၤတ့ၢ်တဖၣ်အလီၢ် န့ၣ်လီၤ.

လံာ်ယိၤအ့လး 3:5

သုစိာ်ကွံာ်ယစ့ညၣ်, ယထူဒီးယတၢ်ထူးတၢ်တီၤဆူသုတၢ်လုၢ်ဟံၣ် တဖၣ်အပူၤလီၤ.