လံာ်စီၤပၤခံဘ့ၣ်တဘ့ၣ် 12:16 - Sgaw Karen Common Bible

¹⁶ စ့လၢအဘၣ်တၢ်ဟ့ၣ်အီၤလၢတၢ်မၤကမၣ်တၢ်အဂီၢ်ဒီးလၢတၢ်မၤတၢ် ဒဲးဘးအဂီၢ်န့ၣ်တဘၣ်တၢ်ဒၢနုာ်လီၤအီၤဆူတလါအပူၤဘၣ်. တၢ်န့ၣ်မ့ၢ်ပှၤလုၢ်တၢ်အခိၣ်တဖၣ်အတၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 12:16 Iomraidhean Croise

လံာ်စီၤနဃ့မယၤ 13:13

ယပာ်လီၤပှၤလၢလာ်တဖၣ်အံၤဒ်ပှၤကကွၢ်ထွဲတၢ်ပာ်ဖှိၣ်အဒၢးတဖၣ် န့ၣ်လီၤ. အဝဲသ့ၣ်တဖၣ်န့ၣ်မ့ၢ်ဝဲပှၤလုၢ်တၢ်အခိၣ်စီၤၡလ့မယၤ, ပှၤတဂၤလၢအသ့ဝဲဘၣ်ဝဲလၢယူဒၤအတၢ်သိၣ်တၢ်သီစီၤစၤဒိး, ဒီးပှၤလ့ၤဝံဖိစီၤပဒါယၤန့ၣ်လီၤ. စီၤဃၤနၣ်လၢအမ့ၢ်စီၤစးကူၢ်အဖိခွါဒီးစီၤမးတၤနယၤအလံၤ ခွါမ့ၢ်ပှၤမၤစၢၤအဝဲသ့ၣ်န့ၣ်လီၤ. ယသ့ၣ်ညါလၢယနာ်န့ၢ်ပှၤတဖၣ်အံၤသ့လၢတၢ်ဟ့ၣ်နီၤလီၤတၢ်တဖၣ်ဆူ ပှၤမၤသကိးတၢ်ဒီးအဝဲသ့ၣ်ကဒဲကဒဲအဂီၢ်န့ၣ်လီၤ.

လံာ်ဟိၤၡ့ 4:8

သုကဲဒိၣ်ထီၣ်လၢယပှၤဂီၢ်မုၢ်အတၢ်ဒဲးဘးတဖၣ်အဃိ, ဒီးလၢတၢ်န့ၣ်အဃိသုအဲၣ်ဒိးလၢအဝဲသ့ၣ်ကမၤတၢ်ဒဲးဘးအါထီၣ်အါ ထီၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:24

ဒီးပာ်အစုလၢမဲာ်တဲးလဲးန့ၣ်အခိၣ်အလိၤဒီးမၤသံအီၤဖဲတၢ် လီၢ်လၢအဝဲသ့ၣ်မၤသံတၢ်လုၢ်မ့ၣ်အူလၢယွၤအမဲာ်ညါန့ၣ်လီၤ. အဝဲအံၤမ့ၢ်တၢ်လုၢ်မၤဘူၣ်တၢ်ပျၢ်လၢတၢ်ဒဲးဘးအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:29

ဒီးကဘၣ်ပာ်အစုလၢအတၢ်လုၢ်မၤဘူၣ်န့ၣ်အခိၣ်လိၤ, ဒီးမၤသံအီၤဖဲတၢ်လီၢ်လၢအဝဲသ့ၣ်မၤသံတၢ်လုၢ်မၤဘူၣ်လၢ မ့ၣ်အူအလီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:7

တၢ်သိၣ်တၢ်ဘျၢအိၣ်ဝဲတဘီလၢတၢ်လုၢ်တၢ်ပျၢ်တၢ်ဒဲးဘးဒီးတၢ် ဟ့ၣ်ဆၢက့ၤအတၢ်လုၢ်တၢ်ပျၢ်တၢ်ကမၣ်အဂီၢ်န့ၣ်, မ့ၢ်ဝဲတၢ်အညၣ်န့ၣ်ဘၣ်ဃးဒီးပှၤလုၢ်တၢ်အခိၣ်လၢအလုၢ်ထီၣ်ပာ် ထီၣ်တၢ်န့ၣ်လီၤ.

လံာ်တၢ်ဂံၢ် 18:19

ကယဲၢ်တၢ်မၤဘူၣ်လီၤဆီလၢပှၤအံၣ်စရ့လးဖိတဖၣ်ဟ့ၣ်ထီၣ်ဆူ ယအိၣ်န့ၣ်ယဟ့ၣ်လီၤနၤ, နဖိခွါတဖၣ်ဒီးနဖိမုၣ်တဖၣ်အစိၤစိၤ အဃၣ်ဃၣ်လီၤ. တၢ်အံၤမ့ၢ်တၢ်အၢၣ်လီၤအီလီၤတမံၤလၢ တၢ်မၤဟးဂီၤကွံာ်အီၤတသ့ဘၣ်လၢယမၤတ့ၢ်ဒီးနစၢၤနသွဲၣ်တဖၣ် န့ၣ်လီၤ.”