လံာ်စီၤပၤခံဘ့ၣ်တဘ့ၣ် 12:15 - Sgaw Karen Common Bible

¹⁵ ပှၤအခိၣ်တဖၣ်လၢအကွၢ်ထွဲတၢ်ဖံးတၢ်မၤန့ၣ်, မ့ၢ်ပှၤအတီအလိၤလၢာ်လၢာ်ဆ့ဆ့အဃိ, အလီၢ်တအိၣ်ဘၣ်လၢတၢ်ကဃ့အဝဲသ့ၣ်စ့ အတၢ်ကွဲးနီၣ်အတၢ်ပာ်ဖျါဘၣ်.

လံာ်စီၤပၤခံဘ့ၣ်တဘ့ၣ် 12:15 Iomraidhean Croise

လံာ်စီၤပၤခံဘ့ၣ်တဘ့ၣ် 12:14

စ့ခဲလၢာ်န့ၣ်ဘၣ်တၢ်သူဒၣ်အီၤလၢတၢ်ကဟ့ၣ်ဘူးဟ့ၣ်လဲ ပှၤမၤတၢ်ဖိတဖၣ်ဒီးတၢ်ကပှ့ၤတၢ်ပီးတၢ်လီတဖၣ်လၢတၢ်ကသူအီၤ လၢတၢ်ဘှီဂ့ၤထီၣ်က့ၤတၢ်အဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 22:7

ပှၤအခိၣ်တဖၣ်လၢအကွၢ်ထွဲပၢဆှၢတၢ်ဖံးတၢ်မၤမ့ၢ်ပှၤအတီအလိၤ လၢာ်လၢာ်ဆ့ဆ့အဃိဒီးအလီၢ်တအိၣ်ဘၣ်လၢတၢ်ကဃ့အဝဲသ့ၣ်စ့အတၢ် ကွဲးနီၣ်အတၢ်ပာ်ဖျါဘၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 34:12

ပှၤလၢအမၤတၢ်တဖၣ်မ့ၢ်ပှၤသူၣ်တီသးလိၤနီၢ်နီၢ်န့ၣ်လီၤ. အဝဲသ့ၣ်ဘၣ်တၢ်ကွၢ်ထွဲပၢဆှၢအီၤလၢပှၤလ့ၤဝံဖိလွံၢ်ဂၤလၢ အမ့ၢ်ဝဲစီၤယၤဃးဒီးစီၤဧိၤဘါဒယၤလၢပှၤမရၤရံအဒူၣ်ထၢ, ဒီးစီၤစကၤရယၤဒီးစီၤမၡူလၣ်လၢပှၤကဃးဖိအဒူၣ်ထၢန့ၣ်လီၤ. (ပှၤလ့ၤဝံဖိတဖၣ်န့ၣ်မ့ၢ်ပှၤသ့ပှၤဘၣ်လၢတၢ်ဒ့တၢ်အူ တကပၤန့ၣ်လီၤ.)

လံာ်စီၤနဃ့မယၤ 7:2

ဒီးယပာ်လီၤပှၤခံဂၤလၢကပၢဆှၢဝ့ၢ်ယရူၤၡလ့ၣ်လၢအမ့ၢ်, ယဒီပုၢ်ဝဲၢ်ခွါစီၤဃနၤနံဒီးတိာ်အပဒိၣ်ဖးဒိၣ်စီၤဃနၤနံ ယၤန့ၣ်လီၤ. စီၤဃနၤနံယၤမ့ၢ်ပှၤလၢပှၤနာ်န့ၢ်အီၤသ့ ဒီးမ့ၢ်ပှၤပျံၤယွၤဒိၣ်န့ၢ်ပှၤအဂၤန့ၣ်လီၤ.

လံာ်မးသဲ 24:45

မ့မ့ၢ်ဒ်န့ၣ်ဒီး, တၢ်အခ့အပှၤလၢအသးတီဝဲဒီးကူၣ်ဘၣ်ကူၣ်သ့, လၢအကစၢ်ဟ့ၣ်မူဟ့ၣ်ဒါအီၤလၢအဟံၣ်ဖိဃီဖိခဲလၢာ်အဖီခိၣ်, ဒ်သိးကဟ့ၣ်အီၣ်ဟ့ၣ်အီအဝဲသ့ၣ်ဘၣ်ဆၢဘၣ်ကတီၢ်န့ၣ်, မ့ၢ်မတၤတဂၤလဲၣ်.

လံာ်လူၤကၣ် 16:1

ယ့ၣ်ၡူးစံးဘၣ်အပျဲၢ်အဘီၣ်တဖၣ်, “ပှၤထူးပှၤတီၤအိၣ်ဝဲဒၣ်တဂၤလၢ အအိၣ်ဒီးပှၤအံးထွဲကွၢ်ထွဲအတၢ်ဖိတၢ်လံၤတဂၤလီၤ. အဝဲဘၣ်တၢ်တဲဘၣ်အီၤလၢအပှၤကွၢ်ထွဲတၢ်ဖိတၢ်လံၤတဂၤအံၤ မၤလၢာ်ဂီၤကလီအကျိၣ်အစ့လီၤ.

၂ ကရံၣ်သူး 8:20

ပအိၣ်ဒီးတၢ်ပလီၢ်ပဒီပသး, ဒ်သိးပသုတထိၣ်ဂဲၤထီၣ်တၢ်ကဒူး ကဒ့ၣ်, တၢ်တမံသူၣ်မံသးတမံၤမံၤဘၣ်ဃးဒီးကျဲလၢပသုးကျဲၤ ကွၢ်ထွဲတၢ်သးအိၣ်အတၢ်ဟ့ၣ်အါအါဂီၢ်ဂီၢ်တမံၤအံၤတဂ့ၤ အဂီၢ်န့ၣ်လီၤ.

၃ ယိၤဟၣ် 1:5

ယတံၤသကိးသးဘိဧၢ, နသးတီဒိၣ်မးဒီးတၢ်မၤလၢ နမၤလၢဒီပုၢ်ဝဲၢ်တဖၣ်အဂီၢ်, ဖဲအဝဲသ့ၣ်မ့ၢ်ပှၤလၢ နတသ့ၣ်ညါဒၣ်လဲာ်အီၤအဆၢကတီၢ်န့ၣ်လီၤ.