လံာ်စီၤပၤခံဘ့ၣ်တဘ့ၣ် 12:13 - Sgaw Karen Common Bible

¹³ ဘၣ်ဆၣ်ဒီးစ့တဘၣ်တၢ်သူအီၤနီတစဲးလၢတၢ်ကဟ့ၣ်တၢ်အပှ့ၤလၢတၢ် မၤလီခီစ့တဖၣ်မ့ၢ်ဂ့ၤ, သလၢတဖၣ်မ့ၢ်ဂ့ၤ, ကွဲၤတဖၣ်မ့ၢ်ဂ့ၤ, တၢ်ပီးတၢ်လီလၢတၢ်မၤကဆှီမ့ၣ်အူဒၢတဖၣ် အဂီၢ်လၢတၢ်အဃၢၤအဃိၣ်အဂၤလၢစ့ဒီးထူတဖၣ်အဂီၢ်မ့ၢ်ဂ့ၤန့ၣ်ဘၣ်.

လံာ်စီၤပၤခံဘ့ၣ်တဘ့ၣ် 12:13 Iomraidhean Croise

လံာ်စီၤပၤခံဘ့ၣ်တဘ့ၣ် 12:14

စ့ခဲလၢာ်န့ၣ်ဘၣ်တၢ်သူဒၣ်အီၤလၢတၢ်ကဟ့ၣ်ဘူးဟ့ၣ်လဲ ပှၤမၤတၢ်ဖိတဖၣ်ဒီးတၢ်ကပှ့ၤတၢ်ပီးတၢ်လီတဖၣ်လၢတၢ်ကသူအီၤ လၢတၢ်ဘှီဂ့ၤထီၣ်က့ၤတၢ်အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 24:14

ဖဲတၢ်ဘှီဂ့ၤက့ၤတဖၣ်ဝံၤဝဲန့ၣ်, ထူစ့လၢအအိၣ်တ့ၢ်တဖၣ်ဘၣ် တၢ်ဟ့ၣ်က့ၤအီၤဆူစီၤပၤဒီးစီၤယဟိယဒါဒီးအဝဲသ့ၣ်ကသူဝဲ လၢကမၤက့ၤလီခီတဖၣ်ဒီးတၢ်အဃၢၤအဃိၢ်အဂၤတဖၣ်လၢယွၤ အတၢ်လုၢ်ဟံၣ်အဂီၢ်န့ၣ်လီၤ. ဖဲစီၤယဟိယဒါအိၣ်မူဒံးဝဲအမုၢ်နံၤတဖၣ်န့ၣ်, တၢ်လုၢ်တၢ်ပာ်တဖၣ်ဘၣ်တၢ်လုၢ်ထီၣ်အီၤဒ်တၢ်အလုၢ်အလၢ်အိၣ်ဝဲအသိး ဘၣ်ဆၢဘၣ်ကတီၢ်န့ၣ်လီၤ.

လံာ်စီၤဧ့စြၤ 3:7

ပှၤဂီၢ်မုၢ်ဟ့ၣ်လီၤစ့လၢပှၤမၤတၢ်လၢလၢၢ်တဖၣ်ဒီးပှၤစုသ့ တဖၣ်ဒီးဟ့ၣ်တၢ်အီၣ်တၢ်အီ, ဒီးသ့ၣ်စၤယံးအသိဒ်သိးကဘၣ်တၢ်ဆှၢအီၤဆူဝ့ၢ်ထါယၢၣ်ဒီးဝ့ၢ် စံဒိၣ်တဖၣ်လၢတၢ်ကလဲလိာ်အီၤဒီးလဘၤနိၣ်အသ့ၣ်ဆှိအ့ရ့းတဖၣ် လၢကဘၣ်တၢ်ဟဲစိာ်အီၤလၢပီၣ်လဲၣ်အကျဲတကပၤဆူဝ့ၢ်ယၤဖိၤန့ၣ် လီၤ. ကယဲၢ်တၢ်အံၤခဲလၢာ်ဘၣ်တၢ်မၤအီၤဒၣ်လၢကီၢ်ပၤရၣ်အစီၤပၤဖး ဒိၣ်စီၤကိရ့ၣ်အတၢ်ပျဲန့ၣ်လီၤ.

လံာ်တၢ်ဟးထီၣ်ကွံာ် 25:38

မၤထီၣ်အနီၣ်တံာ်မ့ၣ်အူဒီးနီၣ်တံာ်အလီခီတဖၣ်လၢထူစီတက့ၢ်.