လံာ်စီၤပၤခံဘ့ၣ်တဘ့ၣ် 12:10 - Sgaw Karen Common Bible

¹⁰ တဘျီလၢ်လၢ်ဖဲစ့အါထီၣ်လၢတလါအပူၤန့ၣ်, စီၤပၤအပှၤကွဲးလံာ်ဒိၣ်, ဒီးပှၤလုၢ်တၢ်အခိၣ်အဒိၣ်ကတၢၢ်ကဟဲဝဲ, ဒီးဂံၢ်စ့န့ၣ်, ဒီးဒၢနုာ်ဝဲဆူထၢၣ်တဖၣ်တပူၤဒီးစၢဃာ်ဝဲအခိၣ်လီၤ.

လံာ်စီၤပၤခံဘ့ၣ်တဘ့ၣ် 12:10 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 20:25

စီၤၡဝၤမ့ၢ်ကွီၢ်ဘျီၣ်အပှၤကွဲးလံာ်ဒိၣ်, စီၤစၤဒိးဒီးစီၤအ့ဘယၤသၢ် မ့ၢ်ပှၤလုၢ်တၢ်အခိၣ်တဖၣ်,

လံာ်စီၤၡမူၤအ့လးခံဘ့ၣ်တဘ့ၣ် 8:17

စီၤအဃံတူာ်အဖိခွါစီၤစၤဒိးဒီးစီၤအ့ဘယၤသၢ်အဖိခွါစီၤ အဃံၤမ့လ့းမ့ၢ်ပှၤလုၢ်တၢ်အခိၣ်တဖၣ်န့ၣ်လီၤ. ဒီးစီၤစရါယၤမ့ၢ်ကွီၢ်ဘျီၣ်အပှၤကွဲးလံာ်ဒိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 12:11

ဖဲတၢ်မၤနီၣ်မၤဃါစ့အတၢ်ဂံၢ်လီၤတံၢ်လီၤဆဲးဝံၤအလီၢ်ခံ န့ၣ်, အဝဲသ့ၣ်ကဟ့ၣ်လီၤစ့န့ၣ်ဆူပှၤအိၣ်မူအိၣ်ဒါတဖၣ်လၢအမၤတၢ်လၢ ယွၤအတၢ်လုၢ်ဟံၣ်ပူၤအအိၣ်, ဒီးအဝဲသ့ၣ်ကဟ့ၣ်ဘူးဟ့ၣ်လဲပှၤမၤတၢ်လၢသ့ၣ်တဖၣ်, ပှၤဘှီထီၣ်တၢ်တဖၣ်, ပှၤမၤတၢ်လၢအီကတဲတဖၣ်, ပှၤကူးတဲာ်လၢၢ်တဖၣ်.

လံာ်စီၤပၤခံဘ့ၣ်တဘ့ၣ် 19:2

အဝဲမၢလီၤပှၤကွၢ်ထွဲနူၢ်ဧိၤစီၤဧိၤအခိၣ်စီၤအ့ၤလယါကံၣ်, ကွီၢ်ဘျီၣ်အပှၤကွဲးလံာ်ဒိၣ်စီၤၡ့ၤဘနၤဒီးပှၤလုၢ်တၢ်အခိၣ် အဒိၣ်တဖၣ်ဒ်သိးကလဲၤဆူစီၤအၤမိးအဖိခွါဝံယၡါယၤအအိၣ်န့ၣ် လီၤ. အဝဲသ့ၣ်စ့ၢ်ကီးကူသိးဝဲထၢၣ်တၢ်ကံးညာ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 22:12

ဒီးဟ့ၣ်လီၤအကလုၢ်ဒ်လာ်အံၤဆူပှၤလုၢ်တၢ်အခိၣ်စီၤဃံးလကံယၤ, ဆူစီၤၡၤဖၣ်အဖိခွါစီၤအဃံကၣ်, ဆူစီၤမံၤကါယၤအဖိခွါ စီၤဧးကဘိၢ်, ဆူကွီၢ်ဘျီၣ်အပှၤကွဲးလံာ်ဒိၣ်စီၤၡၤဖၣ်ဒီးဆူပှၤကွၢ်ထွဲမၤ စၢၤစီၤပၤစီၤဧစါယၤအအိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:4

ဝံၤဒီး, စီၤယိၤၡံယၤဟ့ၣ်လီၤအကလုၢ်ဆူပှၤလုၢ်တၢ်အခိၣ်အဒိၣ် ကတၢၢ်စီၤဃံးလကံယၤ, အဝဲအပှၤလုၢ်တၢ်အခိၣ်စၢၤတဖၣ်, ဒီးပှၤခိးတၢ်အိၣ်မူအိၣ်ဒါဖဲယွၤအတၢ်လုၢ်ဟံၣ်အကျဲစၢၤတဖၣ်လၢ အကဟဲစိာ်ထီၣ်ကယဲၢ်တၢ်ပီးတၢ်လီခဲလၢာ်လၢအဘၣ်တၢ်သူ အီၤလၢတၢ်ဘူၣ်ထီၣ်ဘါထီၣ်ဘဧၤလးအဂီၢ်, ကစၢ်မုၣ်အၡ့ရၤအဂီၢ်ဒီးဆၣ်ဧိၤဖီဧိၤအဂီၢ်, ဆူယွၤအတၢ်လုၢ်ဟံၣ်အချၢန့ၣ်လီၤ. စီၤပၤဒွဲၣ်အူထီၣ်ကွံာ်တၢ်သ့ၣ်တဖၣ်အံၤခဲလၢာ်လၢဝ့ၢ်အချၢ ဘူးဒီးကံဒြိၣ်အတၢ်တြီၤပူၤ, ဝံၤဒီးမၢပှၤစိာ်ထီၣ်ကွံာ်အချါတဖၣ်ဆူဝ့ၢ်ဘ့ၤသ့လးန့ၣ်လီၤ.

လံာ်စီၤပၤခံဘ့ၣ်တဘ့ၣ် 5:23

စီၤနဧၤမၣ်စံးဆၢဝဲ, “ဝံသးစူၤက့ၤစိာ်စ့အဘ့ၣ်ဃုကထိတ က့ၢ်.” အဝဲတဲတၢ်ဂ့ၢ်န့ၣ်သပှၢ်ပှၢ်, ဒီးစၢဃာ်စ့န့ၣ်လၢထၢၣ်ခံဖျၢၣ် အပူၤအိၣ်ဒီးတၢ်ကူတၢ်သိးအဂ့ၤလၢပှၤကလံၤကလဲအသးခံဘျီအ ဂီၢ်, ဒီးဟ့ၣ်လီၤဝဲဆူအခ့အပှၤခံဂၤ, ဒီးမၢအလဲၤတၢ်လၢစီၤက့ၤ ဃစံအမဲာ်ညါဒီးစိာ်န့ၢ်အီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:19

စီၤၡၤလူၣ်လၢအမ့ၢ်စီၤကိၤရ့အဖိခွါဒီးစီၤအဘံယၤစာ်အလံၤခွါ, ဃုာ်ဒီးအဝဲအဒူၣ်ထၢအဟံၣ်ဖိဃီဖိကဒဲကဒဲလၢပှၤကိၤရးအဒူၣ် ထၢပူၤတဖၣ်, အိၣ်မူဒါလၢတၢ်ပၢၤကျဲစၢၤလဲၤနုာ်ဆူ ယွၤအိၣ်ဝဲဆိးဝဲအလီၢ်အဒဲ, ဒ်အဝဲသ့ၣ်အပၢ်ဖးဒိၣ်လၢပျၢၤ တဖၣ်မၤတ့ၢ်ဝဲ, ဖဲအဝဲသ့ၣ်မ့ၢ်ပှၤအခိၣ်တဖၣ်လၢယွၤသူၣ်ဒဲအလီၢ်အဂီၢ်အသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 24:11

ကိးမုၢ်နံၤဒဲးပှၤလ့ၤဝံဖိတဖၣ်ဘၣ်လဲၤစိာ်တလါန့ၣ်ဆူစီၤ ပၤအပဒိၣ်လၢအကွၢ်ထွဲတလါအအိၣ်န့ၣ်လီၤ. ဖဲတလါပှဲၤတဘျီလၢ်လၢ်န့ၣ်စီၤပၤအပှၤကွဲးလံာ်ဒိၣ်ဒီးပှၤလုၢ် တၢ်အခိၣ်အဒိၣ်ကတၢၢ်အခၢၣ်စး, ဘၣ်ထုးထီၣ်ကွံာ်စ့ခဲလၢာ်ဒီးပာ်ကဒါက့ၤတလါလၢအလီၢ်န့ၣ်လီၤ. လၢတၢ်န့ၣ်အဃိအဝဲသ့ၣ်ထၢဖှိၣ်န့ၢ်စ့အါအါဂီၢ်ဂီၢ်န့ၣ်လီၤ.

လံာ်စီၤဧ့စြၤ 3:7

ပှၤဂီၢ်မုၢ်ဟ့ၣ်လီၤစ့လၢပှၤမၤတၢ်လၢလၢၢ်တဖၣ်ဒီးပှၤစုသ့ တဖၣ်ဒီးဟ့ၣ်တၢ်အီၣ်တၢ်အီ, ဒီးသ့ၣ်စၤယံးအသိဒ်သိးကဘၣ်တၢ်ဆှၢအီၤဆူဝ့ၢ်ထါယၢၣ်ဒီးဝ့ၢ် စံဒိၣ်တဖၣ်လၢတၢ်ကလဲလိာ်အီၤဒီးလဘၤနိၣ်အသ့ၣ်ဆှိအ့ရ့းတဖၣ် လၢကဘၣ်တၢ်ဟဲစိာ်အီၤလၢပီၣ်လဲၣ်အကျဲတကပၤဆူဝ့ၢ်ယၤဖိၤန့ၣ် လီၤ. ကယဲၢ်တၢ်အံၤခဲလၢာ်ဘၣ်တၢ်မၤအီၤဒၣ်လၢကီၢ်ပၤရၣ်အစီၤပၤဖး ဒိၣ်စီၤကိရ့ၣ်အတၢ်ပျဲန့ၣ်လီၤ.