လံာ်စီၤပၤခံဘ့ၣ်တဘ့ၣ် 11:5 - Sgaw Karen Common Bible

⁵ ဒီးဟ့ၣ်လီၤအဝဲသ့ၣ်တၢ်မၤလိာ်တဖၣ်ဒ်လာ်အံၤအသိးလီၤ. ဖဲသုဟဲဒ်သိးသုကမၤသုမူသုဒါလၢအိၣ်ဘှံးအနံၤန့ၣ်, သုဝဲပှၤသၢပူတပူကဘၣ်ခိးနူၢ်ဧိၤစီၤဧိၤ,

လံာ်စီၤပၤခံဘ့ၣ်တဘ့ၣ် 11:5 Iomraidhean Croise

လံာ်စီၤပၤအခီၣ်ထံးတဘ့ၣ် 10:5

အဝဲထံၣ်ဘၣ်တၢ်အီၣ်တၢ်အီလၢအဘၣ်တၢ်ပာ်လီၤအီၤလၢအစီၢ်နီၤ ခိၣ်, အပဒိၣ်ပပှၢ်တဖၣ်အတၢ်အိၣ်တၢ်ဆိးအလီၢ်သ့ၣ်တဖၣ်, အဝဲအတၢ်ကရၢကရိထီၣ်ပှၤမၤတၢ်လၢနီပူၤတဖၣ်ဒီးတၢ်ကူတၢ်ကၤ လၢအဒ်သိးသိးလၢအဝဲသ့ၣ်ကူသိးဝဲ, အခ့အပှၤတဖၣ်လၢအပာ်လီၤန့ၢ်အီၤလီခီတဖၣ်ဖဲအဝဲအီၣ်တၢ်အခါ ဒီးတၢ်လုၢ်တၢ်ပာ်တဖၣ်လၢအဝဲလုၢ်ထီၣ်ဝဲလၢယွၤအတၢ်လုၢ်ဟံၣ် အပူၤန့ၣ်လီၤ. တၢ်န့ၣ်မ့ၢ်တၢ်လၢအဒုးကမၢကမၣ်အီၤဒီးမၤသးလီၤကတုၤအီၤန့ၣ် လီၤ.

လံာ်စီၤပၤခံဘ့ၣ်တဘ့ၣ် 11:19

ဝံၤဒီးအဝဲဒီးသုးခိၣ်သုးနၢ်တဖၣ်, ပှၤခိးစီၤပၤအသးသမူ တဖၣ်, ဒီးပှၤပၢၤနူၢ်ဧိၤစီၤဧိၤတဖၣ်လဲၤဃုာ်ဒီးကဟုကယာ်စီၤပၤလၢ ယွၤအတၢ်လုၢ်ဟံၣ်ဆူနူၢ်ဧိၤစီၤဧိၤဒီးပှၤဂီၢ်မုၢ်ခဲလၢာ်ပိာ်ထွဲ အခံန့ၣ်လီၤ. စီၤယိၤအၣ်လဲၤနုာ်ခီဖျိတၢ်ခိးတၢ်အတြဲၤဒီး ဟံးန့ၢ်အလီၢ်လၢစီၤပၤအလီၢ်ပစိာ်အဖီခိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 11:6

အဂၤသၢပူတပူ, ကဘၣ်ပၢၤယွၤအတၢ်လုၢ်ဟံၣ်အတြဲၤ, ဒီးအဂၤသၢပူတပူကဘၣ်ဆၢထၢၣ်ခိးတၢ်ဖဲပှၤခိးတၢ်အဂၤတဖၣ် အလီၢ်ခံတြဲၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 16:18

ဒီးလၢတၢ်မၤဘၣ်ကီၢ်အၤၡူၢ်အစီၤပၤဖးဒိၣ်အသးအဂီၢ်န့ၣ်, စီၤအၤဃးသုးကွံာ်စ့ၢ်ကီးစိၤမိၤလၢစီၤပၤအလီၢ်ပစိာ်အိၣ် ဝဲလၢအဖီခိၣ်န့ၣ်လၢယွၤအတၢ်လုၢ်ဟံၣ်အပူၤဒီးကးတံၢ်ဃးကျဲစၢၤ လၢတၢ်ပာ်လီၤဆီအီၤလၢစီၤပၤကဟဲနုာ်ဆူယွၤအတၢ်လုၢ်ဟံၣ် ပူၤ, အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 23:32

အဝဲသ့ၣ်ဘၣ်တၢ်ဟ့ၣ်မူဟ့ၣ်ဒါအီၤလၢကအံးထွဲကွၢ်ထွဲယွၤအဒဲ စီဆှံလၢယွၤအိၣ်ဝဲ, ဒီးယွၤအတၢ်လုၢ်ဟံၣ်, ဒီးကဘၣ်မၤစၢၤအဝဲသ့ၣ်အဘူးအတံၢ်တဖၣ်, ပှၤလုၢ်တၢ်အခိၣ်တဖၣ်လၢအဟဲလီၤစၢၤလီၤသွဲၣ်လၢစီၤအၤဟရိၣ်လၢ တၢ်ဘူၣ်တၢ်ဘါလၢတၢ်လုၢ်ဟံၣ်ပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:25

ပှၤပၢၤတၢ်ဖိတဖၣ်အံၤဘၣ်တၢ်မၤစၢၤအီၤလၢအဘူးအတံၢ်တဖၣ်လၢ အအိၣ်ဝဲဆိးဝဲလၢဒူသဝီတဖၣ်အပူၤ, လၢအဟံးန့ၢ်တၢ်ပၢၤတၢ်အမူအဒါတဘျီနွံသီတကတီၢ်ဘၣ်တကတီၢ်စုာ် စုာ်န့ၣ်လီၤ.

လံာ်ယံးရမံယၤ 26:10

ဖဲကီၢ်ယူဒၤအခိၣ်အနၢ်တဖၣ် နၢ်ဟူတၢ်လၢအမၤတ့ၢ် အသးအံၤန့ၣ်, အဝဲသ့ၣ်ဟးထီၣ်ချ့ချ့လၢ စီၤပၤအနူၢ်ပူၤ ဟဲဝဲဆူယွၤအတၢ်လုၢ်ဟံၣ် ဒီးဟံးန့ၢ်တၢ်အလီၢ်တဖၣ် ဖဲယွၤအတၢ်လုၢ်ဟံၣ်အတြဲၤအသီန့ၣ်လီၤ.