လံာ်စီၤပၤခံဘ့ၣ်တဘ့ၣ် 11:2 - Sgaw Karen Common Bible

² ထဲစီၤအဃၤစယၤအဖိခွါစီၤယိၤအၣ်တဂၤဧိၤပူၤဖျဲးဝဲဒၣ်န့ၣ် လီၤ. ဘူးလၢအဝဲကဘၣ်တၢ်မၤသံအီၤဃုာ်ဒီးပှၤအဂၤတဖၣ်, ဘၣ်ဆၣ်တၢ်မၤပူၤဖျဲးအီၤလၢအမုၢ်ဂၢ်နီၢ်ယဟိၤၡ့ဘၤ, လၢအမ့ၢ်စီၤပၤယဟိရၣ်အဖိမုၣ်ဒီးစီၤအဃၤစယၤအဒီပုၢ်ဝဲၢ်မုၣ် လၢအမိၢ်လီၤဆီဝဲ, အဝဲလဲၤဆှၢအီၤဒီးပိာ်မုၣ်လၢအကွၢ်အီၤန့ၣ်, ဆူလီၢ်မံဒၢးတဖျၢၣ်လၢအအိၣ်လၢယွၤအတၢ်လုၢ်ဟံၣ်အပူၤဒီးပာ် ခူသူၣ်အီၤဒ်သိးကပူၤဖျဲးလၢနီၢ်ဧသၤလယၤအတၢ်မၤသံအီၤန့ၣ် လီၤ.

လံာ်စီၤပၤခံဘ့ၣ်တဘ့ၣ် 11:2 Iomraidhean Croise

လံာ်စီၤပၤအခီၣ်ထံးတဘ့ၣ် 11:17

အိၣ်လီၤတဲာ်တ့ၢ်ထဲစီၤဟၤဒးဒီးအပၢ်အခ့အပှၤ, ပှၤအဒိၣ်ဖိတနီၤလၢအဃ့ၢ်ထူၣ်ဖျဲးကွံာ်ဆူကီၢ်အဲၤကူပတူးန့ၣ် လီၤ. (အခါဖဲန့ၣ်စီၤဟၤဒးမ့ၢ်ဒံးဒၣ်ဖိသၣ်ဆံးတဂၤန့ၣ်လီၤ.)

လံာ်စီၤပၤအခီၣ်ထံးတဘ့ၣ် 6:10

တၢ်သူၣ်ထီၣ်ဖိသၢဆီ, လၢတဆီစုာ်စုာ်ကစီၤထီၣ်ဝဲယဲၢ်ပျၢ်န့ၣ် ဘၣ်တၢ်ဘှီထီၣ်အီၤလၢယွၤအတၢ်လုၢ်ဟံၣ်အဒူၣ်အချၢတခီ ဒီးဘၣ်တၢ်ဒုးစဲဘူးအဝဲသ့ၣ်လၢသ့ၣ်ဆှိအ့ရ့းအကျိၤတဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 6:8

ဒၢးဖိလၢတၢ်ဖီလာ်ကတၢၢ်တဆီအကျဲစၢၤအိၣ်ဝဲလၢယွၤအတၢ်လုၢ် ဟံၣ်အကလံၤထံးတကပၤအိၣ်ဒီးဃီသွါတဖၣ်လၢအလဲၤထီၣ်ဆူဒၢးခံ ဆီတဆီဒီးသၢဆီတဆီန့ၣ်လီၤ.

လံာ်စီၤပၤခံဘ့ၣ်တဘ့ၣ် 11:21

စီၤယိၤအၣ်ကဲထီၣ်ကီၢ်ယူဒၤအစီၤပၤဖဲအသးအိၣ်နွံနံၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 11:3

လၢဃုနံၣ်အတီၢ်ပူၤန့ၣ်, နီၢ်ယဟိၤၡ့ဘၤအံးထွဲကွၢ်ထွဲဖိသၣ် ပိာ်ခွါန့ၣ်ဒီးပာ်ခူသူၣ်အီၤလၢယွၤအတၢ်လုၢ်ဟံၣ်အပူၤဖဲနီၢ် ဧသၤလယၤပၢတၢ်ဒ်နီၢ်ပၤမုၣ်တဂၤအသိးအခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 12:1

လၢကီၢ်အံၣ်စရ့လးအစီၤပၤစီၤယ့ၤဟူပၢတၢ်နွံနံၣ်တနံၣ်အပူၤ န့ၣ်, စီၤယိၤအၣ်ကဲထီၣ်ကီၢ်ယူဒၤအစီၤပၤ, ဒီးအဝဲပၢတၢ်လၢဝ့ၢ် ယရူၤၡလ့ၣ်အပူၤအနံၣ်လွံၢ်ဆံန့ၣ်လီၤ. အဝဲအမိၢ်မ့ၢ်ဝဲနီၢ်စံဘယၤ, လၢဝ့ၢ်ဘ့ၢ်ၡဘၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 8:16

လၢစီၤအၤဃာ်အဖိခွါကီၢ်အံၣ်စရ့လးအစီၤပၤစီၤယဟိရၣ်ပၢတၢ် ယဲၢ်နံၣ်တနံၣ်န့ၣ်စီၤယဟိၡၤဖးအဖိခွါစီၤယဟိရၣ်ကဲထီၣ်ကီၢ် ယူဒၤအစီၤပၤ,

လံာ်စီၤပၤခံဘ့ၣ်တဘ့ၣ် 8:19

ဘၣ်ဆၣ်ယွၤတသးအိၣ်လၢကမၤဟးဂီၤကီၢ်ယူဒၤဘၣ်. အဂ့ၢ်ဒ်အံၤ, ယွၤအၢၣ်လီၤတ့ၢ်အခ့အပှၤစီၤဒၤဝံးလၢအဝဲ အစၢၤအသွဲၣ်တဖၣ်ကပၢထွဲဒံးတၢ်ဆူညါထီဘိန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 3:11

စီၤယဟိရၣ်, စီၤအဃၤစယၤ, စီၤယိၤအၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 22:11

စီၤအဃၤစယၤအိၣ်ဒီးအဒီပုၢ်ဝဲၢ်မုၣ်တဂၤလၢအမိၢ်တမ့ၢ်တဂၤဃီ ဘၣ်လၢအမံၤမ့ၢ်နီၢ်ယဟိၡဘၤလၢအဒိးတ့ဒိးဖျီအသးဒီးပှၤလုၢ် တၢ်အခိၣ်တဂၤလၢအမ့ၢ်ဝဲစီၤယဟိယဒါန့ၣ်လီၤ. လၢတၢ်ခူသူၣ်အပူၤ, အဝဲမၤပူၤဖျဲးစီၤအဃၤစယၤအဖိခွါတဖၣ် အကျါတဂၤလၢအမ့ၢ်စီၤယိၤအၣ်န့ၣ်လီၤ. အဝဲစိာ်ကွံာ်အီၤလၢစီၤပၤဖိခွါအဂၤလၢတၢ်ကမၤသံအီၤတဖၣ် အကျါဒီးပာ်ခူသူၣ်အီၤဃုာ်ဒီးပိာ်မုၣ်လၢအကွၢ်အီၤတဂၤလၢ ယွၤအတၢ်လုၢ်ဟံၣ်အဒၢးတဖျၢၣ်အပူၤန့ၣ်လီၤ. လၢအဝဲအတၢ်ပာ်ခူသူၣ်အံၤအဃိ, အဝဲမၤပူၤမၤဖျဲးအီၤလၢနီၢ်ဧသၤလယၤအတၢ်မၤသံအီၤန့ၣ်လီၤ.

လံာ်တၢ်ဟးထီၣ်ကွံာ် 8:3

ထံကျိနံၤလါကပှဲၤဒီးဒ့ၣ်ဧိၤကွီၣ်ဧိၤတုၤဒၣ်လဲာ်ကလဲၤဆူ နနူၢ်ပူၤစီၤပူၤ, နလီၢ်မံဒၢးပူၤ, နလီၢ်မံခးအလိၤ, နပဒိၣ် ပပှၢ်ဒီးနပှၤဂီၢ်မုၢ်အဟံၣ်ပူၤဒီးတုၤဒၣ်လဲာ်လၢနဖၣ်ကပူၤ, ဒီးနစံၢ်ကိၣ်အသပၢၤပူၤန့ၣ်လီၤ.

တၢ်ကတိၤဒိ. 21:30

ယွၤမ့ၢ်ထီဒါနၤဒီး, ပှၤကညီအတၢ်ကူၣ်သ့, အတၢ်သ့တုာ်, အတၢ်ထံၣ်တၢ်လၢသးတဖၣ်ကဲထီၣ်တၢ်မၤစၢၤတသ့ဘၣ်နီ တမံၤဘၣ်.

လံာ်ယၡါယၤ 37:35

ယကကဟုကယာ်ဝ့ၢ်အံၤဒီးဒီဒၣ်အိၣ်ပှိၤအီၤလၢယလၤကပီၤဒၣ်ယဲ အဂီၢ်, ဒီးလၢယမၤတ့ၢ်တၢ်အၢၣ်လီၤအီလီၤဒီးယခ့ ယပှၤစီၤဒၤဝံးအဃိန့ၣ်လီၤ.”

လံာ်ယံးရမံယၤ 33:17

ယၤ, ယွၤအံၤ, ယအၢၣ်လီၤလၢ စီၤဒၤဝံးအစၢၤအသွဲၣ်တဂၤ ကအိၣ်ဝဲထီဘိလၢ ကကဲကီၢ်အံၣ်စရ့လးအစီၤပၤအဂီၢ်.

လံာ်ယံးရမံယၤ 33:21

ဒ်န့ၣ်အသိး, ယမၤတ့ၢ်စ့ၢ်ကီး တၢ်အၢၣ်လီၤအီလီၤတမံၤဒီး ယခ့ယပှၤစီၤဒၤဝံး, လၢထီဘိအဝဲကအိၣ်ဒီး အစၢၤအသွဲၣ် တဂၤ လၢကကဲစီၤပၤအဂီၢ်, ဒီးယမၤတၢ်အၢၣ်လီၤအီလီၤတမံၤဒီး ပှၤလုၢ်တၢ်အခိၣ်တဖၣ်လၢ လ့ၤဝံအဒူၣ်တခီလၢ ထီဘိအဝဲ သ့ၣ်ကမၤယတၢ်မၤန့ၣ်လီၤ. ဒီးတၢ်အၢၣ်လီၤအီလီၤတဖၣ်အံၤ တၢ်မၤဟးဂီၢ်အီၤတန့ၢ်ဘၣ်နီတစုဘၣ်.

လံာ်ယံးရမံယၤ 33:26

ဒီးဒ်ယမ့ၢ်တ့ၢ်တၢ်အံၤ သပှၢ်ကတၢၢ်အသိး, ယကဟံးဃာ် ဂၢၢ်ကျၢၤယတၢ်အၢၣ်လီၤအီလီၤဒီး စီၤယၤကိာ်အစၢၤအသွဲၣ် တဖၣ်, ဒီးယခ့ယပှၤစီၤဒၤဝံးန့ၣ်လီၤ. ယကဃုထၢ စီၤဒၤဝံး အစၢၤအသွဲၣ်အကျါတဂၤလၢကပၢစီၤအၤဘြၤဟၣ်, စီၤအံၤစဲး ဒီးစီၤယၤကိာ်အစၢၤအသွဲၣ် တဖၣ်န့ၣ်လီၤ. ယကသူၣ်ကညီၤသးကညီၤ ယပှၤဂီၢ်မုၢ်ဒီး ဒုးဘီၣ်ထီၣ် ကဒီးအဝဲသ့ၣ်န့ၣ်လီၤ.”

လံာ်ယံးရမံယၤ 35:2

“လဲၤဆူပှၤရ့ကးဖိအဒူၣ်ထၢ အဟံၣ်ဖိဃီဖိတဖၣ်အအိၣ်ဒီး ကတိၤတၢ်ဒီး အဝဲသ့ၣ်တက့ၢ်. ဝံၤဒီးဟဲက့ၤ ကိးအဝဲ သ့ၣ်ဆူဒၢးအကျါတဒၢးလၢ ယွၤအတၢ်လုၢ်ဟံၣ်အပူၤဒီး ဟ့ၣ်အီအဝဲသ့ၣ် လၢစပံးထံတနီၤတက့ၢ်.”

လံာ်ယံးရမံယၤ 36:26

အန့ၣ်ဝံၤဒီး, စီၤပၤခါလီၤအကလုၢ်ဆူ စီၤပၤဖိခွါစီၤယရၤဃမအ့လး, ဃုာ်ဒီးစီၤဧၤစရံၤအ့လးအဖိခွါစီၤစရါယၤ ဒီၤစီၤဧၤဘံးဒ့လးအဖိခွါ စီၤၡလ့မယၤဒ်သိး ယကဖီၣ်ယၤဒီး အပှၤကွဲးလံာ်စီၤဘၤရူးန့ၣ်လီၤ. ဘၣ်ဆၣ်ယွၤပာ်ခူသူၣ်ပှၤန့ၣ်လီၤ.

လံာ်ယဃ့းစက့လး 40:45

ပှၤတဂၤန့ၣ်စံးဘၣ်ယၤလၢဒၢးတဖျၢၣ်လၢအကွၢ်ဃီၤတၢ်ဆူ ကလံၤထံးန့ၣ်မ့ၢ်ဝဲဒၣ်လၢပှၤလုၢ်တၢ်အဒိၣ်တဖၣ်လၢအမၤတၢ် လၢယွၤအတၢ်လုၢ်ဟံၣ်အပူၤအဂီၢ်,

လံာ်ပှၤစံၣ်ညီၣ်ကွီၢ် 9:5

ဒီးအဝဲလဲၤဆူအပၢ်အဟံၣ်ဖဲဝ့ၢ်ဧိးဖြၤဒီးမၤသံကွံာ်အဒီပုၢ်ဝဲၢ်ခွါအဂၤနွံဆံလၢအမ့ၢ် စီၤကံးဒဧိၣ်အဖိခွါတဖၣ်လၢလၢၢ်တဖျၢၣ်ဃီအဖီခိၣ်လီၤ. ဘၣ်ဆၣ်စီၤကံးဒဧိၣ်အဖိခွါအဆံးကတၢၢ်စီၤယိၤသၣ်တဂၤန့ၣ် အိၣ်ခူသူၣ်ဝဲအဃိတၢ်တမၤသံဘၣ်အီၤဘၣ်.