လံာ်စီၤပၤခံဘ့ၣ်တဘ့ၣ် 11:19 - Sgaw Karen Common Bible

¹⁹ ဝံၤဒီးအဝဲဒီးသုးခိၣ်သုးနၢ်တဖၣ်, ပှၤခိးစီၤပၤအသးသမူ တဖၣ်, ဒီးပှၤပၢၤနူၢ်ဧိၤစီၤဧိၤတဖၣ်လဲၤဃုာ်ဒီးကဟုကယာ်စီၤပၤလၢ ယွၤအတၢ်လုၢ်ဟံၣ်ဆူနူၢ်ဧိၤစီၤဧိၤဒီးပှၤဂီၢ်မုၢ်ခဲလၢာ်ပိာ်ထွဲ အခံန့ၣ်လီၤ. စီၤယိၤအၣ်လဲၤနုာ်ခီဖျိတၢ်ခိးတၢ်အတြဲၤဒီး ဟံးန့ၢ်အလီၢ်လၢစီၤပၤအလီၢ်ပစိာ်အဖီခိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 11:19 Iomraidhean Croise

လံာ်တၢ်ကဲထီၣ်အခီၣ်ထံး 37:36

အကတီၢ်ဖဲန့ၣ်, လၢကီၢ်အဲၤကူပတူးအပူၤ, ပှၤမံးဒယၣ်ဖိတဖၣ်ဆါလီၤကွံာ်လံစီၤယိၤသးဆူစီၤပိၤတံၤ ဖၢ်, ပှၤပၢၤနီအခိၣ်တဂၤလၢအမ့ၢ်စီၤပၤအပဒိၣ်ပပှၢ်တဖၣ်အကျါတဂၤအစု ပူၤလီၤ.

လံာ်စီၤပၤအခီၣ်ထံးတဘ့ၣ် 1:13

“လဲၤတဘျီဃီဆူစီၤပၤဒၤဝံးအအိၣ်ဒီးသံကွၢ်အီၤ, တၢ်ဒိၣ်ကစၢ်စီၤပၤဧၢ, မ့ၢ်နတအၢၣ်လီၤတ့ၢ်နဲယၤသမှံၤသပှၢ်လၢ ယဖိခွါစီၤၡလိၤမိၤကကဲထီၣ်စီၤပၤလၢနလီၢ်န့ၣ်ဘၣ်ဧါ. ခဲကနံၣ်အံၤ, စီၤအဒိနံၤယၤကဲထီၣ်စီၤပၤန့ၣ်, မ့ၢ်တၢ်လဲၤအသးဒ်လဲၣ်.”

လံာ်စီၤပၤအခီၣ်ထံးတဘ့ၣ် 14:27

လၢတၢ်မၤပှဲၤက့ၤတၢ်သ့ၣ်တဖၣ်န့ၣ်အလီၢ်အဂီၢ်, စီၤပၤရဃၤဘၣ်မၤကတီၤတိၢ်ဘီတဖၣ်, ဒီးဟ့ၣ်လီၤအးလီၤဝဲဆူ ပဒိၣ်ပပှၢ်တဖၣ်လၢအအိၣ်မူအိၣ်ဒါလၢတၢ်ပၢၤနီအတြဲၤဖးဒိၣ်တ ဖၣ်, အစုပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:23

လၢတၢ်န့ၣ်အဃိ, စီၤၡလိၤမိၤကဲထီၣ်ဘၣ်စီၤပၤလၢအပၢ်စီၤဒၤ ဝံးအလီၢ်လၢလီၢ်ပစိာ်လၢယွၤပာ်လီၤတ့ၢ်ဝဲအဖီခိၣ်န့ၣ်လီၤ. အဝဲမ့ၢ်စီၤပၤတဂၤလၢအတၢ်မၤကဲထီၣ်လိၣ်ထီၣ်ဒီးအံၣ်စရ့လး အပှၤကလုာ်ခဲလၢာ်စူၢ်အီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:19

စီၤယဟိယဒါပာ်လီၤစ့ၢ်ကီးပှၤပၢၤတၢ်ဖိတဖၣ်လၢကအိၣ်မူ အိၣ်ဒါဖဲယွၤအတၢ်လုၢ်ဟံၣ်အတြဲၤ, လၢကတြီကွံာ်ပှၤတဂၤလၢ်လၢ်, လၢအတကဆှီဘၣ်ဒ်တၢ်အလုၢ်အလၢ်အိၣ်ဝဲအသိးအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:20

သုးခိၣ်သုးနၢ်တဖၣ်, ပှၤတူၢ်ဒိၣ်ကီၤဒိၣ်တဖၣ်, ပဒိၣ်ပပှၢ်တဖၣ်, ဒီးကယဲၢ်ပှၤဂီၢ်မုၢ်အိၣ်လီၤတဲာ်တဖၣ်ပာ်ဖှိၣ်ဃုာ် အသးဒီးစီၤယဟိယဒါလၢတၢ်ဟးထီၣ်လဲၤသကိးတၢ်လၢတၢ်ဟဲ ကိးထီၣ်စီၤပၤလၢယွၤအတၢ်လုၢ်ဟံၣ်ဆူစီၤပၤအနီအဂီၢ်န့ၣ်လီၤ. အဝဲသ့ၣ်ဟဲနုာ်လီၤဝဲလၢတၢ်မဲာ်ညါအတြဲၤဖးဒိၣ်, ဒီးစီၤပၤဟံးန့ၢ်အလီၢ်လၢလီၢ်ပစိာ်အဖီခိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:5

အဂၤသၢပူတပူကခိးပၢၤစီၤပၤအနီ, ဒီးပှၤအိၣ်လီၤတဲာ်တဖၣ် ကဘၣ်တၢ်ပာ်လီၤအီၤဖဲတၢ်အခီၣ်ထံးအတြဲၤဖးဒိၣ်န့ၣ်လီၤ. ကယဲၢ်ပှၤဂီၢ်မုၢ်ခဲလၢာ်ကအိၣ်ဖှိၣ်ရိဖှိၣ်ဝဲဒၣ်ဖဲယွၤအတၢ် လုၢ်ဟံၣ်အဂၢၤပူၤန့ၣ်လီၤ.

လံာ်ယံးရမံယၤ 17:25

အန့ၣ်ဒီး, အဝဲသ့ၣ်အစီၤပၤတဖၣ်ဒီးအစီၤပၤဖိခွါတဖၣ်ကဟဲနုာ်လီၤ လၢဝ့ၢ်ယရူၤၡလ့ၣ်အတြဲၤတဖၣ်, ဒီးကအိၣ်ဒီးစီၤလိၣ်စီၤပၤ အစိကမီၤတမံၤဃီဒ်စီၤဒၤဝံးမၤန့ၢ်တ့ၢ်ဝဲအသိးန့ၣ်လီၤ. အဝဲသ့ၣ်ကဒိးလ့ၣ်ကဟၣ်ဒီးကသ့ၣ်တဖၣ်ဃုာ်ဒီးကီၢ်ယူဒၤဒီးဝ့ၢ် ယရူၤၡလ့ၣ်အပှၤဂီၢ်မုၢ်, ဒီးဝ့ၢ်ယရူၤၡလ့ၣ်ကပှဲၤ ဝဲဒီးပှၤဂီၢ်မုၢ်ထီဘိန့ၣ်လီၤ.

လံာ်ယံးရမံယၤ 22:30

“ပှၤတဂၤအံၤဘၣ်တၢ်စံၣ်ညီၣ်ဃၣ်အီၤလၢကမ့ၢ်ပှၤတူာ်ဖိ, ဒီးတကဲထီၣ်ပှၤတဂၤလၢကမၤန့ၢ်မၤနၢၤတၢ် နီတစုဘၣ်လီၤ. အဝဲအစၢၤအသွဲၣ်တဖၣ်လၢကပၢဘၣ်တၢ်လၢ ကီၢ်ယူဒၤအပူၤ ဒ်ပှၤထီၣ်က့ၤစီၤဒၤဝံးအလီၢ်ပစိာ်တအိၣ်နီတဂၤဘၣ်. ယွၤအံၤ, ကတိၤလံတၢ်လံ.”

လံာ်ယံးရမံယၤ 22:4

သုမ့ၢ်မၤဒ်ယမၤလိာ်တ့ၢ်သုနီၢ်နီၢ်ဒီး, စီၤဒၤဝံးအစၢၤ အသွဲၣ်တဖၣ်ကမ့ၢ်ဒံးဒၣ်စီၤပၤတဖၣ်ဆူညါပှီၢ်ပှီၢ်န့ၣ်လီၤ. ဒီးအဝဲသ့ၣ်, ဃုာ်ဒီးအပဒိၣ်ပပှၢ်တဖၣ်ဒီးအပှၤဂီၢ် မုၢ်တဖၣ်ကနုာ်က့ၤဟးထီၣ်ဒံးဒၣ်လၢနူၢ်ဧိၤစီၤဧိၤအံၤအတြဲၤ တဖၣ်လၢလ့ၣ်ကဟၣ်တဖၣ်အပူၤဒီးလၢကသ့ၣ်တဖၣ်အဖီခိၣ်န့ၣ်လီၤ.

လံာ်မးသဲ 19:28

ယ့ၣ်ၡူးစံးဘၣ်အဝဲသ့ၣ်, “နာ်ယၤတက့ၢ်. လၢစိၤအသီအပူၤ, ဖဲပှၤကညီဖိခွါကဆ့ၣ်နီၤလၢအလီၢ်ပစိာ်လၢအအိၣ်ဒီး အလၤကပီၤအဖီခိၣ်န့ၣ်, သုဝဲလၢအပိာ်တ့ၢ်ယခံတဖၣ်, သုကဆ့ၣ်နီၤလၢလီၢ်ပစိာ်တဆံခံဖျၢၣ်အဖီခိၣ်, ဒီးပၢဘၣ်ပှၤအံၣ်စရ့လးဖိတဆံခံဒူၣ်န့ၣ်လီၤ.

လံာ်မးသဲ 25:31

တုၤပှၤကညီဖိခွါဟဲဝဲအိၣ်ဒီးအလၤကပီၤဒ်စီၤပၤတဂၤအသိး ဃုာ်ဒီးအကလူးခဲလၢာ်န့ၣ်, ကဆ့ၣ်နီၤဝဲလၢအလီၢ်ပစိာ်ကဟုကညီၢ်တဖျၢၣ်အဖီခိၣ်,