လံာ်စီၤပၤခံဘ့ၣ်တဘ့ၣ် 11:18 - Sgaw Karen Common Bible

¹⁸ ဝံၤဒီးပှၤဂီၢ်မုၢ်လဲၤဆူဘဧၤလးအတၢ်လုၢ်ဟံၣ်, ဒီးမၤလီၤပှီၢ်ကွံာ်အီၤန့ၣ်လီၤ. အဝဲသ့ၣ်မၤကၢ်လီၤကလဲကွံာ် တၢ်လုၢ်လီၢ်တဖၣ်ဒီးတၢ်ဂီၤတၢ်ဖီၣ်တဖၣ်, ဒီးမၤသံကွံာ်ဘဧၤလးအပှၤလုၢ်တၢ်အခိၣ်စီၤမးတၣ်, ဖဲတၢ်လုၢ်လီၢ်တဖၣ်အမဲာ်ညါန့ၣ်လီၤ. စီၤယဟိယဒါပာ်လီၤပှၤပၢၤတၢ်ဖိတဖၣ်ဖဲယွၤအတၢ်လုၢ်ဟံၣ်,

လံာ်စီၤပၤခံဘ့ၣ်တဘ့ၣ် 11:18 Iomraidhean Croise

လံာ်စီၤပၤအခီၣ်ထံးတဘ့ၣ် 18:40

စီၤအ့ၤလံယၤမၤလိာ်ပှၤဂီၢ်မုၢ်စံးဝဲ, “ဖီၣ်ဃာ်ဘဧၤလးအ ဝံတဖၣ်တက့ၢ်. ပျဲပူၤဖျဲးအဝဲသ့ၣ်နီတဂၤတဂ့ၤ.” ပှၤဂီၢ်မုၢ်ဖီၣ်ဃာ်အဝဲသ့ၣ်ခဲလၢာ်ဒီးစီၤအ့ၤလံယၤဆှၢဃီၤ အဝဲသ့ၣ်ဆူထံကျိဖိကံၡိၣ်ဒီးမၤသံကွံာ်အဝဲသ့ၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 10:21

ဒီးစီၤယ့ၤဟူဆှၢလီၤတၢ်ကစီၣ်ဆူကီၢ်အံၣ်စရ့လးဒီဘ့ၣ်ညါ န့ၣ်လီၤ. ကယဲၢ်ပှၤတဖၣ်လၢအဘူၣ်ထီၣ်ဘါထီၣ်ဘဧၤလးန့ၣ်ဟဲဝဲ, ပှၤအိၣ်လီၤတဲာ်တအိၣ်ဘၣ်နီတဂၤဘၣ်. အဝဲသ့ၣ်ခဲလၢာ်လဲၤနုာ်ဝဲဆူဘဧၤလးအတၢ်လုၢ်ဟံၣ်ပူၤ, မၤပှဲၤအီၤတုၤအပှဲၤလၢအံၤတခီတုၤဆူအဂၤတခီန့ၣ်လီၤ.

လံာ်စီၤပၤခံဘ့ၣ်တဘ့ၣ် 10:25

ဖဲစီၤယ့ၤဟူလုၢ်ထီၣ်တၢ်လုၢ်တၢ်ပာ်ဝံၤတဘျီဃီန့ၣ်, အဝဲစံးဘၣ်ပှၤခိးတၢ်တဖၣ်ဒီးသုးခိၣ်သုးနၢ်တဖၣ်စံးဝဲ, “လဲၤနုာ်ဒီးမၤသံကွံာ်အဝဲသ့ၣ်ခဲလၢာ်တက့ၢ်. ပျဲပှၤပူၤဖျဲးနီတဂၤတဂ့ၤ.” အဝဲသ့ၣ်လဲၤနုာ်ဝဲအိၣ်ဒီးနးတဖၣ်လၢအထုးထီၣ်ပာ်ဝဲ, ဒီးမၤသံကွံာ်အဝဲသ့ၣ်ခဲလၢာ်, ဒီးတွံၢ်ထုးထီၣ်အစိၣ်တဖၣ်ဆူ တၢ်ချၢန့ၣ်လီၤ. အနံၣ်ဝံၤဒီးအဝဲသ့ၣ်လဲၤနုာ်ဝဲဆူဘဧၤလးအတၢ်လုၢ်ဟံၣ်အသးကံၢ်ပူၤ,

လံာ်စီၤပၤခံဘ့ၣ်တဘ့ၣ် 10:26

ဒီးဟဲစိာ်ထီၣ်ထူၣ်စီဆှံလၢအအိၣ်ဖဲန့ၣ်ဒီးဆူးထီၣ်ကွံာ် အီၤလၢမ့ၣ်အူန့ၣ်လီၤ.

လံာ်စီၤပၤခံဘ့ၣ်တဘ့ၣ် 10:27

သတးဒီး, အဝဲသ့ၣ်မၤဟးဂီၤကွံာ်ထူၣ်စီဆှံဒီးတၢ်လုၢ်ဟံၣ် ဒီးဒုးကဲထီၣ်တၢ်လုၢ်ဟံၣ်န့ၣ်ဆူတၢ်ဟးလီၢ်တဖျၢၣ်လၢအအိၣ်ဝဲ တုၤမုၢ်မဆါတနံၤအံၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:4

အဝဲမၤဟးဂီၤကွံာ်ပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်ယွၤ အလီၢ်တဖၣ်, မၤကၢ်လီၤကွံာ်လၢၢ်ထူၣ်တဖၣ်ဒီးကူာ်လီၤကွံာ်ကစၢ်မုၣ်အၡ့ရၤ အဂီၤန့ၣ်လီၤ. အဝဲမၤကၢ်လီၤကလဲကွံာ်စ့ၢ်ကီးဂုၢ်တိၢ်ဘီလၢစီၤမိၤၡ့မၤ န့ၢ်ဝဲလၢအဘၣ်တၢ်ကိးအီၤလၢနဃူၡတၣ်န့ၣ်လီၤ. လၢတၢ်မၤလၤကပီၤဂုၢ်တိၢ်ဘီန့ၣ်အဂီၢ်ကီၢ်အံၣ်စရ့လးအပှၤဂီၢ် မုၢ်ဆိၣ်ကဲၤထီၣ်တၢ်နၢမူတုၤလီၤလၢဆၢကတီၢ်အဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 23:10

ပှၤတစူၢ်တနာ်ယွၤအတၢ်လုၢ်လီၢ်စီဆှံတိဖ့းလၢအမ့ၢ်အဝဲသ့ၣ် အတၢ်ဘူၣ်ထီၣ်ဘါထီၣ်အလီၢ်လၢအအိၣ်လၢဃံနိၣ်အတၢ်တြီၤပူၤန့ၣ်, စီၤပၤယိၤၡံယၤမၤဘၣ်အၢဘၣ်သီကွံာ်အီၤ, ဒ်သိးပှၤလုၢ်ထီၣ်အဖိခွါမ့ၢ်ဂ့ၤ, အဖိမုၣ်မ့ၢ်ဂ့ၤဒ်တၢ်လုၢ်မ့ၣ်အူအသိး, ဆူကစၢ်မိလးအအိၣ်အသုတသ့လၢၤနီတဂၤတဂ့ၤအဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:14

စီၤပၤယိၤၡံယၤမၤကၢ်ကွံာ်လၢၢ်အထူၣ်တဖၣ်ဆူအက့အခီ, ဒီးကူာ်လီၤကွံာ်ကစၢ်မုၣ်အၡ့ရၤအတၢ်ပနီၣ်တဖၣ်, ဒီးတၢ်လီၢ်လၢအဝဲသ့ၣ်အိၣ်ဆၢထၢၣ်ဝဲန့ၣ်အဝဲမၤဘၢကွံာ်ဒီး ပှၤကညီအဃံအကွဲသ့ၣ်တဖၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:20

အဝဲမၤသံကွံာ်ကယဲၢ်ပှၤတစူၢ်တနာ်ယွၤအပှၤလုၢ်တၢ်အခိၣ်ခဲလၢာ် လၢတၢ်လုၢ်လီၢ်တဖၣ်ဖဲအဝဲသ့ၣ်မၤတ့ၢ်တၢ်မၤအလိၤ, ဒီးအဝဲဒွဲၣ်အူထီၣ်ပှၤကညီအဃံအကွဲတဖၣ်လၢကယဲၢ်တၢ်လုၢ်လီၢ် အဖီခိၣ်န့ၣ်လီၤ. ဝံၤဒီးအဝဲက့ၤကဒါက့ၤဝဲဆူဝ့ၢ်ယရူၤၡလ့ၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 21:17

အဝဲသ့ၣ်လဲၤထီၣ်ဒုးကီၢ်ယူဒၤ, ဂုာ်န့ၢ်ဆူၣ်တၢ်လၢစီၤပၤအနီ ပူၤ, ဒီးက့ၤစိာ်ကွံာ်ကယဲၢ်စီၤပၤအမါတဖၣ်ဒီးအဖိခွါတဖၣ်ဒ်ပှၤဘၣ် တၢ်စၢဃာ်တဖၣ်အသိးန့ၣ်လီၤ. ပှၤအိၣ်လီၤတဲာ်မ့ၢ်ဒၣ်ထဲအဖိခွါသဒါစီၤအဃၤစယၤတဂၤဧိၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:4

လၢအဝဲအတၢ်ကျဲၤအပူၤန့ၣ်, အဝဲအပှၤတဖၣ်တီၢ်လီၤကလဲ ကွံာ်တၢ်လုၢ်လီၢ်တဖၣ်ဖဲဘဧၤလးဘၣ်တၢ်ဘူၣ်ထီၣ်ဘါထီၣ်တ့ၢ်အီၤ, ဒီးမၤလီၤပှီၢ်ကွံာ်တၢ်လုၢ်နၢမူအတၢ်လုၢ်လီၢ်တဖၣ်လၢအအိၣ်ဘူးဖဲန့ၣ်, န့ၣ်လီၤ. အဝဲသ့ၣ်မၤလီၤကမူၣ်ကွံာ်ကစၢ်မုၣ်အၡ့ရၤအဂီၤတဖၣ် ဒီးကယဲၢ်တၢ်ဂီၤတၢ်ဖီၣ်အဂၤတဖၣ်, ဝံၤဒီးဖှံလီၤကွံာ်တၢ်ကမူၣ်တဖၣ်လၢပှၤဂီၢ်မုၢ်လၢအလုၢ်ထီၣ် တၢ်ဆူအဝဲသ့ၣ်တဖၣ်အတၢ်သွၣ်ခိၣ်အလိၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:7

လၢကလံၤစိးဘီမုၢ်အလီၢ်ကဝီၤသကုၤဆးဒးန့ၣ်, အဝဲမၤလီၤကလဲကွံာ်တၢ်လုၢ်လီၢ်တဖၣ်ဒီးကစၢ်မုၣ်အၡ့ရၤ အတၢ်ပနီၣ်တဖၣ်, မၤလီၤကမူၣ်ကွံာ်တၢ်ဂီၤတၢ်ဖီၣ်တဖၣ်ဆူဖၣ်ဆါ, ဒီးမၤကၢ်ကွံာ်ကယဲၢ်တၢ်လုၢ်နၢမူအတၢ်လုၢ်လီၢ်တဖၣ်ဆူ တၢ်အက့က့အခီခီန့ၣ်လီၤ. ဝံၤဒီးအဝဲဟဲက့ၤကဒါက့ၤဆူ ဝ့ၢ်ယရူၤၡလ့ၣ်န့ၣ်လီၤ.

လံာ်တၢ်ဟးထီၣ်ကွံာ် 32:20

အဝဲဟံးထီၣ်ဂီၤဖံးဖါဖိလၢအဝဲသ့ၣ်မၤဝဲ, ဒီးဃ့ၣ်ပှံၢ်လီၤဒီးတိၢ်ကမူၣ်ဝဲဒီးဃါဃုာ်အီၤလၢထံလီၤ. ဝံၤဒီးအဝဲမၢအံၣ်စရ့လးအပှၤဂီၢ်မုၢ်အိအီၤန့ၣ်လီၤ.

လံာ်ယၡါယၤ 2:18

တၢ်ဂီၤတၢ်ဖီၣ်တဖၣ်ကဟါမၢ်ကွံာ်ဝဲလၢာ်လၢာ်ဆ့ဆ့ဒီးထဲယွၤ တဂၤဧိၤကဘၣ်တၢ်ပာ်ထီၣ်ထီအီၤလၢမုၢ်နံၤအဝဲန့ၣ်, န့ၣ်လီၤ.

လံာ်သိၣ်လီၤသီလီၤတၢ် 12:2

လၢကီၢ်လၢသုမၤန့ၢ်အီၤအပူၤန့ၣ်မၤဟးဂီၤကွံာ်ကယဲၢ်တၢ်လီၢ် တဖၣ်ဖဲပှၤဂီၢ်မုၢ်ဘူၣ်ထီၣ်ဘါထီၣ်အယွၤတဖၣ်လၢကစၢၢ်အထီ တဖၣ်အလိၤ, လၢတၢ်လူၢ်တဖၣ်အလိၤ, ဒီးလၢကယဲၢ်သ့ၣ်သံ ကစဲာ်တဖၣ်အဖီလာ်န့ၣ်တက့ၢ်.

လံာ်သိၣ်လီၤသီလီၤတၢ် 12:3

မၤလီၤပှီၢ်ကွံာ်အဝဲသ့ၣ်အတၢ်လုၢ်လီၢ်တဖၣ်, ဒီးတီၢ်လီၤကလဲကွံာ်အလၢၢ်ထူၣ်စီဆှံတဖၣ်တက့ၢ်. ဆူးထီၣ်ကွံာ်အကစၢ်မုၣ်အၡ့ရၤအတၢ်ပနီၣ်တဖၣ်လၢမ့ၣ်အူ, ဒီးကျီတဲာ်ကွံာ်အဝဲသ့ၣ်အတၢ်ဂီၤတၢ်ဖီၣ်တဖၣ်ဒ်သိးအဝဲသ့ၣ်သု တဘါထီၣ်လၢၤတၢ်လၢတၢ်လီၢ်တဖၣ်အံၤနီတဘျီလၢၤတဂ့ၤအဂီၢ်န့ၣ်တ က့ၢ်.

လံာ်သိၣ်လီၤသီလီၤတၢ် 13:10

ကွံာ်သံအီၤလၢလၢၢ်တက့ၢ်. အဝဲကျဲးစၢးဆှၢယံၤကွံာ်သု လၢယွၤသုကစၢ်ယွၤအအိၣ်, ယွၤတဂၤလၢအမၤပူၤဖျဲးသု လၢကီၢ်အဲၤကူပတူး, ဖဲသုမ့ၢ်တ့ၢ်ကုၢ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 13:5

မ့မ့ၢ်မၤသံကွံာ်ပှၤဖးတၢ်မံမီၢ်တဖၣ်အခီပညီတဂၤလၢ်လၢ်မ့ တမ့ၢ်ဝံတဂၤလၢအတဲဘၣ်သုလၢသုကပူထီၣ်ထီဒါယွၤ, လၢအမၤပူၤဖျဲးသုလၢကီၢ်အဲၤကူပတူးအပူၤတၢ်လီၢ်ဖဲသုမ့ၢ်တ့ၢ်ကုၢ်တဖၣ်န့ၣ်တက့ၢ်. ပှၤဒ်အံၤတဂၤန့ၣ်အၢဝဲသီဝဲဒီးကျဲးစၢးဆှၢကွံာ်သုလၢတၢ် အိၣ်မူလၢယွၤမၤလိာ်တ့ၢ်သုလၢသုကအိၣ်မူအီၤန့ၣ်လီၤ. အဝဲကြၢးဘၣ်တၢ်မၤသံအီၤဒ်သိးသုကမၤပူၤဖျဲးသုသးလၢတၢ် အၢတၢ်သီအံၤန့ၣ်လီၤ.

လံာ်သိၣ်လီၤသီလီၤတၢ် 13:6

သုဒီပုၢ်ဝဲၢ်ခွါမ့တမ့ၢ်သုဖိခွါ, မ့တမ့ၢ်သုဖိမုၣ်မ့ တမ့ၢ်သုမါလၢသုအဲၣ်အီၤမ့တမ့ၢ်သုတံၤသကိးလၢအဘူးတံၢ်ကတၢၢ်ဒီးသုဒၣ်လဲာ်, ကဟ့ၣ်ဂံၢ်ဟ့ၣ်ဘါခူသူၣ်သုလၢသုကဘါထီၣ်ကစၢ်အဂၤတဖၣ်, ကစၢ်တဖၣ်လၢသုဝဲဒီးသုမိၢ်ပၢ်ဖံဖုလၢပျၢၤတဖၣ်တဘါတ့ၢ်အီၤ နီတစုဘၣ်န့ၣ်လီၤ.

လံာ်သိၣ်လီၤသီလီၤတၢ် 13:9

မၤသံကွံာ်အီၤတက့ၢ်. ကဲထီၣ်ပှၤအဆိကတၢၢ်တဂၤလၢက ကွံာ်အီၤလၢလၢၢ်တက့ၢ်. ဝံၤဒီးပျဲပှၤအဂၤခဲလၢာ်ကွံာ်စ့ၢ် ကီးအီၤလၢလၢၢ်တက့ၢ်.