လံာ်စီၤပၤခံဘ့ၣ်တဘ့ၣ် 11:17 - Sgaw Karen Common Bible

¹⁷ ပှၤလုၢ်တၢ်အခိၣ်စီၤယဟိယဒါဒုးမၤစီၤပၤယိၤအၣ်ဒီးပှၤဂီၢ် မုၢ်လၢတၢ်အၢၣ်လီၤဒီးယွၤတမံၤလၢအဝဲသ့ၣ်ကမ့ၢ်ယွၤအပှၤဂီၢ် မုၢ်န့ၣ်လီၤ. အဝဲမၤစ့ၢ်ကီးတၢ်အၢၣ်လီၤတမံၤလၢစီၤပၤဒီးပှၤဂီၢ်မုၢ်အဘၢၣ် စၢၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 11:17 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 5:3

လၢတၢ်န့ၣ်အဃိကယဲၢ်ပှၤခိၣ်ပှၤနၢ်လၢကီၢ်အံၣ်စရ့လးအပူၤဟဲဆူ စီၤပၤဒၤဝံးအအိၣ်ဖဲဝ့ၢ်ဃ့ဘြိၣ်န့ၣ်လီၤ. အဝဲမၤတၢ်ဒီသိၣ်ဒီမှံၤဒီးအဝဲသ့ၣ်လၢယွၤအမဲာ်ညါ, ဒီးအဝဲသ့ၣ်ဖှူစီၤဒၤဝံးဒ်သိးကကဲထီၣ်စီၤပၤလၢကီၢ်အံၣ်စရ့လးအဖီခိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 11:4

ဘၣ်ဆၣ်လၢနွံနံၣ်တနံၣ်အပူၤန့ၣ်, ပှၤလုၢ်တၢ်အခိၣ်စီၤယဟိယဒါ, မၤလိာ်သုးခိၣ်သုးနၢ်တဖၣ်လၢအအိၣ်မူအိၣ်ဒါ, လၢတၢ်ခိးစီၤပၤအသးသမူဒီးတၢ်ပၢၤနူၢ်ဧိၤစီၤဧိၤအဂီၢ်, ဒီးတဲဘၣ်အဝဲသ့ၣ်ဒ်သိးကဟဲဆူယွၤအတၢ်လုၢ်ဟံၣ်, ဖဲအဝဲမၢအဝဲသ့ၣ်မၤတၢ်ဆိၣ်ဒီးအီၤ, လၢကအၢၣ်လီၤထွဲ တၢ်လၢအဝဲကူၣ်ကျဲၤမၤဝဲန့ၣ်လီၤ. အဝဲဒုးနဲၣ်အဝဲသ့ၣ်စီၤပၤအဃၤစယၤအဖိခွါ, စီၤယိၤအၣ်

လံာ်စီၤပၤခံဘ့ၣ်တဘ့ၣ် 23:3

အဝဲဆၢထၢၣ်လၢစီၤပၤအတၢ်ဆၢထၢၣ်အလီၢ်, ဒီးမၤတၢ်အၢၣ်လီၤအီလီၤတမံၤဒီးယွၤလၢအကစူၢ်အီၤ, လၢအကတိၢ်န့ၢ်ဖံးဃာ်အဝဲအတၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီး အတၢ်မၤလိာ်တဖၣ်လၢအသူၣ်ကံၢ်သးလဲဒီးအသးဒီဖျၢၣ်, ဒီးတၢ်တဖၣ်လၢကဘၣ်မၤဝဲလၢအအိၣ်ဘျးစဲအသး ဒီးတၢ်အၢၣ်လီၤအီလီၤဒ်အအိၣ်ကွဲးအသးလၢလံာ်အပူၤအသိးန့ၣ်, အဝဲကအိၣ်မူမၤထွဲဝဲန့ၣ်လီၤ. ဒီးကယဲၢ်ပှၤဂီၢ်မုၢ်ခဲလၢာ်အၢၣ်လီၤလၢကတိၢ်န့ၢ်ဖံးဃာ်တၢ်အၢၣ် လီၤအီလီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 11:3

လၢတၢ်န့ၣ်အဃိ, အံၣ်စရ့လးအပှၤခိၣ်ပှၤနၢ်ခဲလၢာ်, ဟဲဆူစီၤပၤဒၤဝံးအအိၣ်ဖဲဃ့ဘြိၣ်န့ၣ်လီၤ. အဝဲမၤတၢ်အၢၣ်လီၤစီဆှံဒီးအဝဲသ့ၣ်, ဒီးအဝဲသ့ၣ်ဖှူအီၤလၢ စီၤပၤဒီးအဝဲကဲထီၣ်အံၣ်စရ့လးအစီၤပၤဒ်ယွၤအၢၣ်လီၤတ့ၢ် တၢ်, ခီဖျိစီၤၡမူၤအ့လးအသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:16

ပှၤလုၢ်တၢ်အခိၣ်စီၤယဟိယဒါမၢစီၤပၤစီၤယိၤအၣ်ဒီးပှၤဂီၢ် မုၢ်ပာ်ဖှိၣ်ဃုာ်အသးဒီးအီၤလၢကမၤတၢ်အၢၣ်လီၤအီလီၤတမံၤလၢ, အဝဲသ့ၣ်ကမ့ၢ်ယွၤအပှၤဂီၢ်မုၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:10

ဒီးခဲကနံၣ်အံၤယပာ်လီၤယသးလၢယကမၤတၢ်အၢၣ်လီၤအီလီၤတမံၤ ဒီးယွၤ, အံၣ်စရ့လးအကစၢ်ယွၤ, ဒ်သိးအဝဲသုတသးထီၣ်ဘၣ်ပှၤလၢၤတဂ့ၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:31

အဝဲဂဲၤဆၢထၢၣ်လၢတၢ်လီၢ်ဖဲတၢ်ပာ်လီၤဆီအီၤလၢစီၤပၤအဂီၢ် န့ၣ်, ဒီးမၤတၢ်အၢၣ်လီၤအီလီၤတမံၤဒီးယွၤ, လၢကစူၢ်အီၤ, ကတိၢ်န့ၢ်ဖံးဃာ်အဝဲအတၢ်သိၣ်တၢ်သီတဖၣ်ဒီးအတၢ် မၤလိာ်တဖၣ်လၢအသူၣ်ကံၢ်သးလဲဒီးအသးဒီဖျၢၣ်ညါ, ဒီးမၤထွဲအဝဲအတၢ်အဲၣ်ဒိးလၢအဃ့ဝဲတဖၣ်လၢအအိၣ်စဲဃုာ်အသး ဒီးတၢ်အၢၣ်လီၤအီလီၤန့ၣ်, ဒ်တၢ်ကွဲးလီၤအီၤလၢလံာ်န့ၣ်အပူၤ, အသိးန့ၣ်လီၤ.

လံာ်စီၤဧ့စြၤ 10:3

ခဲကနံၣ်အံၤ, ပကဘၣ်မၤတၢ်အၢၣ်လီၤအီလီၤသညူးသပှၢ်တမံၤဆူပကစၢ် ယွၤလၢပကဆှၢဖျိးကွံာ်ပှၤပိာ်မုၣ်တဖၣ်အံၤဒီးအဖိသၣ်တဖၣ်န့ၣ်လီၤ. ပကမၤတၢ်ဒ်နၤဒီးပှၤဂုၤပှၤဂၤတဖၣ်လၢအစူၢ်ကစၢ်ယွၤအတၢ်မၤလိာ် ဟ့ၣ်ကူၣ်ပှၤလၢပကမၤအီၤအသိးန့ၣ်လီၤ. ပကမၤတၢ်ဒ်ကစၢ်ယွၤအတၢ်သိၣ်တၢ်သီမၢပှၤအသိးန့ၣ်လီၤ.

လံာ်စီၤနဃ့မယၤ 9:38

မ့ၢ်လၢတၢ်မၤအသးခဲလၢာ်သ့ၣ်တဖၣ်အံၤအဃိပဝဲကီၢ်အံၣ်စရ့လး အပှၤဂီၢ်မုၢ်, ပမၤတၢ်အၢၣ်လီၤသမှံၤသပှၢ်တခါလၢအအိၣ်ကွဲးလီၤအသး, ဒီးပခိၣ်ပနၢ်တဖၣ်, ပပှၤလ့ၤဝံဖိတဖၣ်ဒီးပပှၤလုၢ်တၢ်အခိၣ်တဖၣ် စဲဃာ်အီၤဒီးအဝဲသ့ၣ်အတၢ်ပနီၣ်တဖၣ်န့ၣ်လီၤ.

လံာ်ယံးရမံယၤ 34:8

စီၤပၤစံးဒကံယၤဒီး ဝ့ၢ်ရူၤၡလ့ၣ်အပှၤဂီၢ် မုၢ်မၤတ့ၢ်တၢ်အၢၣ်လီၤအီလီၤတမံၤလၢ ကပျၢ်ပူၤဖျဲး

၂ ကရံၣ်သူး 8:5

မ့ၢ်တၢ်လၢအဒိၣ်န့ၢ်အါန့ၢ်တၢ်လၢပမုၢ်လၢ်ပဝဲကသ့တက့ၢ်လီၤ. အဆိကတၢၢ်အဝဲသ့ၣ်ဟ့ၣ်လီၤအသးဆူကစၢ်အအိၣ်, ဒီး အန့ၣ်ဝံၤအလီၢ်ခံ, လၢကစၢ်ယွၤအတၢ်ဘၣ်အသးအပူၤ, ဟ့ၣ်လီၤအသးဆူပအိၣ်စ့ၢ်ကီးန့ၣ်လီၤ.

လံာ်စီၤယိၤၡူ 24:25

ဒီးမုၢ်နံၤအဝဲန့ၣ်, စီၤယိၤၡူမၤတၢ်အၢၣ်လီၤအီလီၤဃုာ်ဒီးပှၤဂီၢ်မုၢ်, ဒီးဟ့ၣ်လီၤအဝဲသ့ၣ်တၢ်မၤလိာ်တဖၣ်လၢကပိာ်ထွဲဝဲအဂီၢ်ဖဲဝ့ၢ်ၡက့ၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:25

စီၤၡမူၤအ့လးတဲနၢ်ပၢၢ်ပှၤဂီၢ်မုၢ်လၢ စီၤပၤတဂၤအခွဲးအယာ်တဖၣ်ဒီးအမူအဒါတဖၣ်, ဝံၤဒီးကွဲးလီၤအီၤလၢလံာ်တဘ့ၣ်အပူၤ, လံာ်လၢအဘၣ်တၢ်ပာ်အီၤလၢတၢ်လီၢ်စီဆှံတတီၤန့ၣ်လီၤ. အန့ၣ်ဝံၤဒီးအဝဲမၢပှၤကိးဂၤဒဲးက့ၤဆူအဟံၣ်လီၤ.