လံာ်စီၤပၤခံဘ့ၣ်တဘ့ၣ် 11:14 - Sgaw Karen Common Bible

¹⁴ ဖဲန့ၣ်အဝဲထံၣ်ဘၣ်စီၤပၤအသီဆၢထၢၣ်ဝဲဖဲတၢ်လဲၤနုာ်လီၤဆူ ယွၤအတၢ်လုၢ်ဟံၣ်အကျဲစၢၤအထူၣ်အကပၤဒ်တၢ်လုၢ်တၢ်လၢ်အိၣ်ဝဲ အသိးန့ၣ်လီၤ. စီၤပၤဘၣ်တၢ်အိၣ်ဝးတရံးအီၤလၢသုးခိၣ်သုးနၢ်တဖၣ်ဒီးပှၤအူ ကွဲၤတဖၣ်, ဒီးပှၤဂီၢ်မုၢ်ကိးထီၣ်လၢတၢ်သူၣ်ခုသးခုအပူၤခဲလၢာ်ဒီးအူ ထီၣ်ကွဲၤတဖၣ်န့ၣ်လီၤ. နီၢ်ဧသၤလယၤဖှီယာ်အကူအသိးတဖၣ်လၢတၢ်သူၣ်ကိၢ်သးဂီၤအပူၤ ဒီးကိးထီၣ်ဝဲ, “တၢ်ပူထီၣ်ထီဒါ, တၢ်ပူထီၣ်ထီဒါ” န့ၣ်လီၤ.

လံာ်စီၤပၤခံဘ့ၣ်တဘ့ၣ် 11:14 Iomraidhean Croise

လံာ်တၢ်ကဲထီၣ်အခီၣ်ထံး 37:29

ဒီးဖဲစီၤရူၤဘ့ၣ်ဟဲက့ၤကဒါက့ၤဆူထံပူၤဒီးတထံၣ်ဘၣ်စီၤ ယိၤသးဖဲန့ၣ်ဘၣ်န့ၣ်အဝဲဖှီယာ်ကွံာ်အကူအသိးတဖၣ်လၢတၢ်သူၣ် အုးသးအုးအပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 44:13

ပှၤဒီပုၢ်ဝဲၢ်ခွါတဖၣ်ဖှီယာ်ကွံာ်အဆ့ကၤတဖၣ်လၢတၢ်သူၣ်အုး သးအုးအပူၤ, ပဒၢးထီၣ်အကသ့ၣ်ယီၤတဖၣ်, ဒီးလဲၤကဒါက့ၤဆူဝ့ၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 1:25

အအံၤတနံၤအံၤဒၣ်လဲာ်န့ၣ်အဝဲလဲၤတ့ၢ်ဝဲဒီးလုၢ်ထီၣ်တ့ၢ်တၢ် လုၢ်တၢ်ပာ်လၢအမ့ၢ်ဂီၤဖံးဖါအါအါကလဲာ်, သိဒီးဂီၤဖံးအဘီၣ်တဖၣ်အါအါကလဲာ်န့ၣ်လီၤ. အဝဲကွဲမုာ်နဖိခွါခဲလၢာ်, နပှၤသုးမုၢ်အခိၣ်စီၤယိၤအာ်, ဒီးပှၤလုၢ်တၢ်အခိၣ်စီၤအ့ဘယၤသၢ်, ဒီးခဲကနံၣ်အံၤအဝဲသ့ၣ်အီၣ်တၢ်အီတၢ်ဒီးအီၤဒီးကိးပသူထီၣ်ဝဲ, မ်စီၤပၤအဒိနံၤယၤအိၣ်မူဝဲအါနံၣ်အါလါတက့ၢ်, န့ၣ်လီၤ.

လံာ်စီၤပၤခံဘ့ၣ်တဘ့ၣ် 11:15

စီၤယဟိယဒါတအဲၣ်ဒိးဝဲလၢနီၢ်ဧသၤလယၤကဘၣ်တၢ်မၤသံအီၤလၢ ယွၤအတၢ်လုၢ်ဟံၣ်အလီၢ်ကဝီၤအပူၤန့ၣ်ဘၣ်. လၢတၢ်န့ၣ်အဃိအဝဲဟ့ၣ်လီၤအကလုၢ်ဆူသုးခိၣ်တဖၣ်အအိၣ်စံးဝဲ, “မိၤထီၣ်ကွံာ်အီၤလၢသုးမုၢ်တဖၣ်လၢအအိၣ်ရဲၣ်လီၤအသး, ခံဂ့ၢ်အဘၢၣ်စၢၤ, ဒီးပှၤတဂၤလၢ်လၢ်လၢအဂုာ်ကျဲးစၢးမၤပူၤ ဖျဲးအီၤန့ၣ်မၤသံကွံာ်အီၤတက့ၢ်.”

လံာ်စီၤပၤခံဘ့ၣ်တဘ့ၣ် 23:3

အဝဲဆၢထၢၣ်လၢစီၤပၤအတၢ်ဆၢထၢၣ်အလီၢ်, ဒီးမၤတၢ်အၢၣ်လီၤအီလီၤတမံၤဒီးယွၤလၢအကစူၢ်အီၤ, လၢအကတိၢ်န့ၢ်ဖံးဃာ်အဝဲအတၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီး အတၢ်မၤလိာ်တဖၣ်လၢအသူၣ်ကံၢ်သးလဲဒီးအသးဒီဖျၢၣ်, ဒီးတၢ်တဖၣ်လၢကဘၣ်မၤဝဲလၢအအိၣ်ဘျးစဲအသး ဒီးတၢ်အၢၣ်လီၤအီလီၤဒ်အအိၣ်ကွဲးအသးလၢလံာ်အပူၤအသိးန့ၣ်, အဝဲကအိၣ်မူမၤထွဲဝဲန့ၣ်လီၤ. ဒီးကယဲၢ်ပှၤဂီၢ်မုၢ်ခဲလၢာ်အၢၣ်လီၤလၢကတိၢ်န့ၢ်ဖံးဃာ်တၢ်အၢၣ် လီၤအီလီၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 9:13

တဘျီဃီန့ၣ်, စီၤယ့ၤဟူအသုးခိၣ်ကဒဲကဒဲတဖၣ်, ဒါလီၤအဆ့ကၤဖးဒိၣ်တဖၣ်လၢဃီသွါတဖၣ်အဖီခိၣ်လၢစီၤယ့ၤဟူ ကဆၢထၢၣ်ဝဲအဂီၢ်, အူထီၣ်ကွဲၤတဖၣ်ဒီးကိးထီၣ်ဝဲ, “စီၤယ့ၤဟူမ့ၢ်စီၤပၤလီၤ.”

လံာ်စီၤပၤခံဘ့ၣ်တဘ့ၣ် 9:23

ဖဲစီၤယဟိရၣ်ဃၣ်တရံးက့ၤအလ့ၣ်ကဟၣ်အခိၣ်ဒီးဃ့ၢ်ပူၤဖျဲးအသး အခါန့ၣ်, ကိးထီၣ်ဝဲ, “စီၤအဃၤစယၤဧၢ, တၢ်အံၤမ့ၢ်တၢ်ပူထီၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 12:40

ပှၤကလံၤစိးအဒူၣ်တဖၣ်လၢအအိၣ်ယံၤယံၤကလဲာ်ဒ်အမ့ၢ်ပှၤယံးစၣ် ကၢ်, ပှၤစဘူလိၣ်, ဒီးပှၤနၤသးလံဖိအပှၤဂီၢ်မုၢ်တဖၣ်ဒၣ်လဲာ်ဟဲဝဲ ဒီးကသ့ၣ်ယီၤတဖၣ်, ကီၤလၤအူးတဖၣ်, ကသ့ၣ်လၤတဖၣ်, ဂီၤဖံးတဖၣ်လၢအပဒၢးဝဲဒီးတၢ်အီၣ်လၢအမ့ၢ်, ကိၣ်ကမူၣ်, ချၢၣ်ဒၢသၣ်, စပံးသၣ်အဃ့, စပံးထံဒီးသ့ၣ်စၤယံး အသိလီၤ. အဝဲသ့ၣ်ဟဲစိာ်စ့ၢ်ကီးဂီၤဘုၣ်ဂီၤဖံးဒီးသိတဖၣ်လၢကမၤသံ ဒီးအီၣ်ဝဲလီၤ. ကယဲၢ်တၢ်ခဲလၢာ်အံၤမ့ၢ်တၢ်ပာ်ဖျါထီၣ်တၢ်သူၣ်ခုသးခုတမံၤလၢ ထံကီၢ်ဒီတဘ့ၣ်ညါကလၢၢ်ဘၣ်ဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:31

အဝဲဂဲၤဆၢထၢၣ်လၢတၢ်လီၢ်ဖဲတၢ်ပာ်လီၤဆီအီၤလၢစီၤပၤအဂီၢ် န့ၣ်, ဒီးမၤတၢ်အၢၣ်လီၤအီလီၤတမံၤဒီးယွၤ, လၢကစူၢ်အီၤ, ကတိၢ်န့ၢ်ဖံးဃာ်အဝဲအတၢ်သိၣ်တၢ်သီတဖၣ်ဒီးအတၢ် မၤလိာ်တဖၣ်လၢအသူၣ်ကံၢ်သးလဲဒီးအသးဒီဖျၢၣ်ညါ, ဒီးမၤထွဲအဝဲအတၢ်အဲၣ်ဒိးလၢအဃ့ဝဲတဖၣ်လၢအအိၣ်စဲဃုာ်အသး ဒီးတၢ်အၢၣ်လီၤအီလီၤန့ၣ်, ဒ်တၢ်ကွဲးလီၤအီၤလၢလံာ်န့ၣ်အပူၤ, အသိးန့ၣ်လီၤ.

တၢ်ကတိၤဒိ. 29:2

ဒုးနဲၣ်ယၤပှၤပၢတၢ်အတီအလိၤတဂၤတက့ၢ်. ဒီးယကဒုးနဲၣ်နၤပှၤဂီၢ်မုၢ်လၢအသူၣ်ဖှံသးညီတဖုလီၤ. ဒုးနဲၣ်ယၤပှၤပၢတၢ်အအၢအသီတဂၤတက့ၢ်. ဒီးယကဒုးနဲၣ်နၤပှၤဂီၢ်မုၢ်လၢအဘၣ်ကိၢ်ဘၣ်ဂီၤတဖုန့ၣ်လီၤ.

လံာ်လူၤကၣ် 19:37

ဖဲအဝဲဒၣ်ဟဲဘူးထီၣ်ဒီးဝ့ၢ်ယရူၤၡလ့ၣ်ဖဲတၢ်လီၢ်တတီၤလၢ ကျဲလဲၤလီၤလၢကစၢၢ်သ့ၣ်စၤယံးအဒီခိၣ်န့ၣ်, အပျဲၢ်အဘီၣ်ဂီၢ်မုၢ်ဂီၢ်ပၤ စံးဘျုးကစၢ်ယွၤဒီးစံးထီၣ်ပတြၢၤအီၤလၢအကလုၢ်ဖးဒိၣ်မ့ၢ်လၢတၢ် အဒိၣ်အမုၢ်လၢအဝဲသ့ၣ်ထံၣ်ဘၣ်တ့ၢ်ဝဲခဲလၢာ်တဖၣ်အဃိန့ၣ်လီၤ.