လံာ်စီၤပၤခံဘ့ၣ်တဘ့ၣ် 11:11 - Sgaw Karen Common Bible

¹¹ ဒီးအဝဲပာ်လီၤပှၤတဖၣ်လၢအအိၣ်ဒီးနးတဖၣ်လၢအထုးထီၣ်အသး, ဝးတရံးယွၤအတၢ်လုၢ်ဟံၣ်အမဲာ်ညါလၢကဒီဒၣ်အိၣ်ပှိၤစီၤပၤ အဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 11:11 Iomraidhean Croise

လံာ်စီၤပၤခံဘ့ၣ်တဘ့ၣ် 11:10

အဝဲဟ့ၣ်လီၤသုးခိၣ်သုးနၢ်တဖၣ်လၢဘီတဖၣ်ဒီးကတီၤတဖၣ်လၢ အမ့ၢ်တ့ၢ်စီၤဒၤဝံးအတၢ်, ဒီးဘၣ်တၢ်ပာ်ဃးအီၤလၢတၢ်လုၢ်ဟံၣ်အပူၤ,

လံာ်စီၤပၤခံဘ့ၣ်တဘ့ၣ် 11:12

ဝံၤဒီးစီၤယဟိယဒါဆှၢထီၣ်စီၤယိၤအၣ်ဆူတၢ်ချၢ, ဒီးပာ်ထီၣ်ခိၣ်သလုးလၢအဝဲအခိၣ်လိၤ, ဒီးဟ့ၣ်လီၤအီၤစီၤပၤအတၢ်ပၢအတၢ်သိၣ်တၢ်သီတဖၣ်အလံာ်တဘ့ၣ် န့ၣ်လီၤ. ဝံၤဒီးစီၤယိၤအၣ်ဘၣ်တၢ်ဖှူအီၤဒီးဘၣ်တၢ်ဘိးဘၣ်သ့ၣ်ညါအီၤ ဒ်စီၤပၤအသိးန့ၣ်လီၤ. ပှၤဂီၢ်မုၢ်ဒဲအစုတဖၣ်ဒီးကိးထီၣ်ဝဲ, “မ်စီၤပၤမူဝဲလီၤစိၤလီၤထီတက့ၢ်.”

လံာ်စီၤပၤခံဘ့ၣ်တဘ့ၣ် 11:8

သုကဘၣ်အိၣ်ခိးကဟုကယာ်စီၤပၤစီၤယိၤအၣ်အိၣ်ဒီးနးလၢအအိၣ် ထုးထီၣ်အသးတဖၣ်ဒီးအိၣ်ဒီးအီၤဖဲအဝဲလဲၤတၢ်တပူၤလၢ်လၢ်န့ၣ် လီၤ. ပှၤတဂၤလၢ်လၢ်လၢအဟဲဘူးဒီးသုန့ၣ်ကဘၣ်တၢ်မၤသံကွံာ်အီၤန့ၣ် လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 6:12

အန့ၣ်ဝံၤဒီး, လၢပှၤဂီၢ်မုၢ်အမဲာ်ညါန့ၣ်, စီၤၡလိၤမိၤဂဲၤဆၢ ထၢၣ်ဝဲလၢတၢ်လုၢ်လီၢ်အမဲာ်ညါဒီးယူာ်ထီၣ်အစုလၢတၢ်ထုကဖၣ် အပူၤန့ၣ်လီၤ.

လံာ်တၢ်ဟးထီၣ်ကွံာ် 40:6

ပာ်လီၤတၢ်လုၢ်လီၢ်လၢတၢ်လုၢ်မ့ၣ်အူတဖၣ်အဂီၢ်လၢဒဲစီဆှံ အမဲာ်ညါတက့ၢ်.

လံာ်ယဃ့းစက့လး 8:16

လၢတၢ်န့ၣ်အဃိ, အဝဲဆှၢယၤဆူယွၤအတၢ်လုၢ်ဟံၣ်အဂၢၤလၢတၢ်အိ ပူၤတခီလီၤ. ဖဲန့ၣ်, ဘူးဒီးတၢ်လီၢ်စီဆှံအကျဲစၢၤ, လၢတၢ်လုၢ်လီၢ်ဒီးတၢ်ခိၣ်ဒုးထီၣ်ဘးအဘၢၣ်စၢၤန့ၣ်ပှၤကအိၣ်ဝဲ ခံဆံယဲၢ်ဂၤဃၣ်ဃၣ်န့ၣ်လီၤ. အဝဲသ့ၣ်ဒီအချၢလၢတၢ်လီၢ်စီ ဆှံတခီဒီးသကူးလီၤအသးဆူမုၢ်ထီၣ်တခီဒီးဘူၣ်ထီၣ်ဘါထီၣ်မုၢ် လၢအဟဲထီၣ်န့ၣ်လီၤ.

လံာ်ယိၤအ့လး 2:17

မ်ပှၤလုၢ်တၢ်အခိၣ်လၢအမၤယွၤအတၢ် တဖၣ်ဟီၣ်လၢတၢ်လုၢ်လီၢ်ဒီးယွၤအတၢ်လုၢ်ဟံၣ်အကျဲစၢၤအဘၢၣ် စၢၤဒီးထုကဖၣ်ဒ်အံၤ, ယွၤဧၢ, သးကညီၤနပှၤဂီၢ်မုၢ်တက့ၢ်. မ်ပှၤကလုာ်ဂၤတဖၣ်အသုတသးဘၣ်အၢဒီး ဒုၣ်ဒွဲၣ်စံးအၢပှၤ လၢအတၢ်ကတိၤ, သုကစၢ်အိၣ်ဖဲလဲၣ်, န့ၣ်တဂ့ၤ.

လံာ်မးသဲ 23:35

လၢတၢ်န့ၣ်အဃိ, တၢ်စံၣ်ညီၣ်ဃၣ်ဘၣ်ဃးဒီးတၢ်မၤသံပှၤလၢအတၢ်ကမၣ်တအိၣ်ဘၣ်, စးထီၣ်လၢတၢ်မၤသံကွံာ်စီၤဟ့းဘ့းလးလၢအတၢ်ကမၣ်တအိၣ်ဘၣ်, တုၤလီၤလၢတၢ်မၤသံကွံာ်စီၤဘရ့ကယၤအဖိခွါစီၤစကၤရယၤလၢ သုမၤသံကွံာ်အီၤလၢတၢ်လီၢ်စီဆှံဒီးတၢ်လုၢ်လီၢ်အဘၢၣ်စၢၤန့ၣ်, ကလီၤတီလၢသုလိၤလီၤ.

လံာ်လူၤကၣ် 11:51

လၢတၢ်မၤသံစီၤဟ့းဘ့းလးတုၤလီၤလၢတၢ်မၤသံစီၤစကၤ ရယၤလၢအဘၣ်တၢ်မၤသံအီၤလၢတၢ်လုၢ်လီၢ်ဒီးတၢ်လီၢ်စီဆှံ အဘၢၣ်စၢၤန့ၣ်လီၤ. မ့ၢ်လီၤ. ယစံးဘၣ်တဲဘၣ်သု, ပှၤတစိၤအံၤကဘၣ်တၢ်စံၣ်ညီၣ်အီၤလၢအဝဲသ့ၣ်တဖၣ်ခဲလၢာ်အဃိလီၤ.