လံာ်စီၤပၤခံဘ့ၣ်တဘ့ၣ် 10:9 - Sgaw Karen Common Bible

⁹ လၢမုၢ်ဆ့ၣ်ထီၣ်န့ၣ်, အဝဲဟးထီၣ်ဆူဝ့ၢ်အတြဲၤဒီးစံးဘၣ်ပှၤ ဂီၢ်မုၢ်လၢအအိၣ်ဖဲန့ၣ်တဖၣ်, “ယမ့ၢ်ပှၤတဂၤ, လၢအကူၣ်ထီၣ်တၢ်အၢထီဒါစီၤပၤယဟိရၣ်ဒီးမၤသံအီၤန့ၣ်လီၤ. သုတအိၣ်ဒီးမူဒါလၢတၢ်န့ၣ်အဖီခိၣ်ဘၣ်. ဘၣ်ဆၣ်ပှၤသ့ၣ်တဖၣ် အံၤ, မတၤမၤသံအီၤန့ၣ်လဲၣ်.

လံာ်စီၤပၤခံဘ့ၣ်တဘ့ၣ် 10:9 Iomraidhean Croise

လံာ်စီၤပၤခံဘ့ၣ်တဘ့ၣ် 10:6

စီၤယ့ၤဟူကွဲးန့ၢ်အဝဲသ့ၣ်လံာ်ပရၢအဂၤတဘ့ၣ်စံးဝဲ, “သုမ့ၢ်အိၣ်လၢယအိၣ်တခီဒီး, သုမ့ၢ်အိၣ်ကတဲာ်ကတီၤသု သးလၢသုကပိာ်ထွဲယကလုၢ်တဖၣ်န့ၣ်, ဟဲစိာ်န့ၢ်ယၤစီၤအၤဃာ် အစၢၤအသွဲၣ်တဖၣ်အခိၣ်တဖၣ်ဆူယအိၣ်ဖဲဝ့ၢ်ယံးစရ့လးလၢမုၢ်ဆ့ၣ် ထီၣ်တနံၤ, အကတီၢ်ဒ်သိးအံၤန့ၣ်တက့ၢ်.” စီၤအၤဃာ်အစၢၤအသွဲၣ်အဂၤနွံဆံဘၣ်တၢ်ကွၢ်ထွဲအီၤလၢၡၤမရံ အခူဖိဝ့ၢ်ဖိတူၢ်ဒိၣ်ကီၤဒိၣ်တဖၣ်လၢအကွၢ်ဒိၣ်ထီၣ်အဝဲသ့ၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 10:8

ဖဲစီၤယ့ၤဟူဘၣ်တၢ်တဲဘၣ်အီၤလၢစီၤအၤဃာ်အစၢၤအသွဲၣ်တဖၣ် အခိၣ်တဖၣ်ဘၣ်တၢ်ဟဲစိာ်အီၤလံန့ၣ်, အဝဲဟ့ၣ်လီၤအကလုၢ်လၢပှၤကပူၣ်ထီၣ်အီၤခံပူၣ်ဖဲဝ့ၢ်အတြဲၤ, ဒီးပှၤကပာ်တီၢ်အီၤဖဲန့ၣ်တုၤမုၢ်ဆ့ၣ်ထီၣ်တနံၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 12:21

စီၤယိၤအၣ်ဘၣ်တၢ်ခူၣ်လီၤကွံာ်အီၤဖဲစီၤပၤအတၢ်သွၣ်ခိၣ်လၢ စီၤဒၤဝံးအဝ့ၢ်ပူၤဒီးအဖိခွါစီၤအမၤစယါကဲထီၣ်စီၤပၤလၢ အလီၢ်န့ၣ်လီၤ.

လံာ်ယၡါယၤ 5:3

လၢတၢ်န့ၣ်အဃိခဲအံၤယတံၤသကိးစံးဝဲဒၣ်, “သုဝဲလၢအအိၣ်လၢဝ့ၢ်ယရူၤၡလ့ၣ်ဒီးကီၢ်ယူဒၤတဖၣ်ဧၢ, စံၣ်ညီၣ်တၢ်လၢယၤဒီးယစပံးလီၢ်အဘၢၣ်စၢၤတက့ၢ်.

လံာ်ဟိၤၡ့ 1:4

ယွၤတဲဘၣ်စီၤဟိၤၡ့, “ကိးအမံၤလၢစီၤယံးစရ့လးတက့ၢ်. အဂ့ၢ်ဒ်အံၤ, တယံာ်ဘၣ်ဒီးယကစံၣ်ညီၣ်ကီၢ်အံၣ်စရ့လးအစီၤပၤ, လၢတၢ်မၤသံလၢပှၤလၢအဝဲအစၢၤအသွဲၣ်တဂၤ, စီၤယ့ၤဟူ မၤတ့ၢ်ဝဲလၢယံးစရ့လးအတြီၤပူၤအဃိန့ၣ်လီၤ. ယကဒုးကတၢၢ်ကွံာ်စီၤယ့ၤဟူအဘီအမုၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:3

ကွၢ်ကွၢ်, ယၤလီၤ. ယမ့ၢ်မၤတ့ၢ်တၢ်ကမၣ်တမံၤမံၤဒီး, ဆှိးထီၣ်ယၤခဲအံၤလၢယွၤဒီးစီၤပၤလၢအဝဲဃုထီၣ်အီၤအမဲာ် ညါတက့ၢ်. မ့ၢ်ယဟံးန့ၣ်ပှၤတဂၤဂၤအဂီၤဖံးမိၢ်ဒီးပှၤတဂၤဂၤအကသ့ၣ်ယီၤဧါ. မ့ၢ်ယလီတၢ်ဒီးမၤနးမၤဖှီၣ်ပှၤတဂၤဂၤဧါ. မ့ၢ်ယတူၢ်လိာ်ခိၣ်ဖးလာ်ဆှိးလၢပှၤတဂၤဂၤအအိၣ်ဧါ. ယမ့ၢ်မၤတ့ၢ်တၢ်တမံၤမံၤလၢတၢ်တဖၣ်အံၤအကျါန့ၣ်ယကလိးက့ၤတၢ် လၢယဟံးန့ၢ်တ့ၢ်အီၤန့ၣ်လီၤ.”