လံာ်စီၤပၤခံဘ့ၣ်တဘ့ၣ် 10:6 - Sgaw Karen Common Bible

⁶ စီၤယ့ၤဟူကွဲးန့ၢ်အဝဲသ့ၣ်လံာ်ပရၢအဂၤတဘ့ၣ်စံးဝဲ, “သုမ့ၢ်အိၣ်လၢယအိၣ်တခီဒီး, သုမ့ၢ်အိၣ်ကတဲာ်ကတီၤသု သးလၢသုကပိာ်ထွဲယကလုၢ်တဖၣ်န့ၣ်, ဟဲစိာ်န့ၢ်ယၤစီၤအၤဃာ် အစၢၤအသွဲၣ်တဖၣ်အခိၣ်တဖၣ်ဆူယအိၣ်ဖဲဝ့ၢ်ယံးစရ့လးလၢမုၢ်ဆ့ၣ် ထီၣ်တနံၤ, အကတီၢ်ဒ်သိးအံၤန့ၣ်တက့ၢ်.” စီၤအၤဃာ်အစၢၤအသွဲၣ်အဂၤနွံဆံဘၣ်တၢ်ကွၢ်ထွဲအီၤလၢၡၤမရံ အခူဖိဝ့ၢ်ဖိတူၢ်ဒိၣ်ကီၤဒိၣ်တဖၣ်လၢအကွၢ်ဒိၣ်ထီၣ်အဝဲသ့ၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 10:6 Iomraidhean Croise

လံာ်စီၤပၤခံဘ့ၣ်တဘ့ၣ် 10:5

လၢတၢ်န့ၣ်အဃိပဒိၣ်လၢအအိၣ်မူအိၣ်ဒါလၢနူၢ်ပူၤစီၤပူၤဒီး ပဒိၣ်လၢအအိၣ်ဒီးမူဒါလၢဝ့ၢ်အဖီခိၣ်ဃုာ်ဒီးခူဖိဝ့ၢ်ဖိ အတူၢ်ဒိၣ်ကီၤဒိၣ်တဖၣ်, ဒီးပှၤကွၢ်ထွဲတၢ်တဖၣ်, ဆှၢလီၤတၢ်ကစီၣ်အံၤဆူစီၤယ့ၤဟူအအိၣ်စံးဝဲ, “ပမ့ၢ်နခ့နပှၤတဖၣ်ဒီးပအိၣ်ကတဲာ်ကတီၤပသးလၢ ပကမၤကယဲၢ်တၢ်လၢနစံးဘၣ်ပှၤတမံၤလၢ်လၢ်န့ၣ်လီၤ. ဘၣ်ဆၣ်ပတပာ်ထီၣ်ပှၤနီတဂၤလၢစီၤပၤန့ၣ်ဘၣ်. မၤတၢ်တမံၤလၢ်လၢ်လၢနဆိကမိၣ်လၢအမ့ၢ်တၢ်အဂ့ၤကတၢၢ်န့ၣ် တက့ၢ်.”

လံာ်စီၤပၤခံဘ့ၣ်တဘ့ၣ် 10:7

တုၤစီၤယ့ၤဟူအလံာ်ပရၢဘၣ်တၢ်ဒိးန့ၢ်အီၤန့ၣ်, ၡၤမရံအပှၤခိၣ်အပှၤနၢ်တဖၣ်မၤသံကွံာ်စီၤအၤဃာ်အစၢၤအသွဲၣ် နွံဆံဂၤလၢာ်, ဒီးဒၢနုာ်ဝဲအခိၣ်တဖၣ်ဆူနာ်တဖၣ်အပူၤ, ဒီးဆှၢလီၤအီၤဆူစီၤယ့ၤဟူအအိၣ်ဖဲဝ့ၢ်ယံးစရ့လးန့ၣ်လီၤ.

လံာ်စီၤပၤခံဘ့ၣ်တဘ့ၣ် 10:9

လၢမုၢ်ဆ့ၣ်ထီၣ်န့ၣ်, အဝဲဟးထီၣ်ဆူဝ့ၢ်အတြဲၤဒီးစံးဘၣ်ပှၤ ဂီၢ်မုၢ်လၢအအိၣ်ဖဲန့ၣ်တဖၣ်, “ယမ့ၢ်ပှၤတဂၤ, လၢအကူၣ်ထီၣ်တၢ်အၢထီဒါစီၤပၤယဟိရၣ်ဒီးမၤသံအီၤန့ၣ်လီၤ. သုတအိၣ်ဒီးမူဒါလၢတၢ်န့ၣ်အဖီခိၣ်ဘၣ်. ဘၣ်ဆၣ်ပှၤသ့ၣ်တဖၣ် အံၤ, မတၤမၤသံအီၤန့ၣ်လဲၣ်.

လံာ်စီၤပၤခံဘ့ၣ်တဘ့ၣ် 9:32

စီၤယ့ၤဟူကွၢ်ထီၣ်တၢ်ဒီးကိးထီၣ်ဝဲ, “မ့ၢ်မတၤအိၣ်လၢယအိၣ် တခီလဲၣ်.” ပှၤဒ့ဒံၣ်ဖိခံဂၤမ့တမ့ၢ်သၢဂၤကွၢ်လီၤအီၤလၢပဲတြီဖိ တဘ့ၣ်အပူၤ,

လံာ်စီၤယိၤဘး 21:19

သုစံးသုဝဲလၢကစၢ်ယွၤစံၣ်ညီၣ်ဖိတဂၤလၢအပၢ်အတၢ်ဒဲးဘး တဖၣ်အဃိန့ၣ်လီၤ. တမ့ၢ်ဘၣ်. မ်ကစၢ်ယွၤစံၣ်ညီၣ်ပှၤတၢ်ဒဲး ဘးဖိတဖၣ်ဒၣ်ဝဲ, ဒီးပာ်ဖျါထီၣ်လၢအမၤတၢ်အံၤမ့ၢ်လၢအဝဲ သ့ၣ်အတၢ်ဒဲးဘးတဖၣ်အဃိန့ၣ်တက့ၢ်.

လံာ်မးသဲ 12:30

ပှၤတဂၤလၢ်လၢ်လၢအတအိၣ်ဒီးယၤဘၣ်န့ၣ်, မ့ၢ်ပှၤလၢအထီဒါယၤလီၤ. ပှၤလၢအတမၤစၢၤယၤလၢတၢ်ထၢဖှိၣ်က့ၤတၢ်အပူၤန့ၣ်, မ့ၢ်ပှၤလၢအမၤလီၤပြံလီၤပြါတၢ်လီၤ.

လံာ်လူၤကၣ် 9:50

ယ့ၣ်ၡူးစံးဘၣ်အီၤဒီးအပျဲၢ်အဘီၣ်အဂၤတဖၣ်, “တဘၣ်ဂုာ်ကျဲးစၢးတြီအီၤတဂ့ၤ. ပှၤလၢအတထီဒါသုန့ၣ်မ့ၢ်ပှၤလၢအအိၣ်ပှိၤသုလီၤ.”

လံာ်သိၣ်လီၤသီလီၤတၢ် 5:9

တီၤလီၤလၢတၢ်ဂီၤတၢ်ဖီၣ်တမံၤမံၤအမဲာ်ညါမ့ၢ်ဂ့ၤ, ဘါထီၣ်အီၤမ့ၢ်ဂ့ၤန့ၣ်တဂ့ၤ. အဂ့ၢ်ဒ်အံၤ, ယမ့ၢ်ယွၤ, သုကစၢ်ယွၤလၢအသးက့ၣ်တၢ်န့ၣ်လီၤ. ယဟဲစိာ်တၢ်စံၣ်ညီၣ်လၢကယဲၢ်ပှၤတဖၣ်လၢအသးဟ့ယၤအလိၤဒီးလၢ အဝဲသ့ၣ်အစၢၤအသွဲၣ်တဖၣ်အလိၤတုၤလီၤလၢပှၤသၢစိၤတစိၤဒီး လွံၢ်စိၤတစိၤန့ၣ်လီၤ.