လံာ်စီၤပၤခံဘ့ၣ်တဘ့ၣ် 10:5 - Sgaw Karen Common Bible

⁵ လၢတၢ်န့ၣ်အဃိပဒိၣ်လၢအအိၣ်မူအိၣ်ဒါလၢနူၢ်ပူၤစီၤပူၤဒီး ပဒိၣ်လၢအအိၣ်ဒီးမူဒါလၢဝ့ၢ်အဖီခိၣ်ဃုာ်ဒီးခူဖိဝ့ၢ်ဖိ အတူၢ်ဒိၣ်ကီၤဒိၣ်တဖၣ်, ဒီးပှၤကွၢ်ထွဲတၢ်တဖၣ်, ဆှၢလီၤတၢ်ကစီၣ်အံၤဆူစီၤယ့ၤဟူအအိၣ်စံးဝဲ, “ပမ့ၢ်နခ့နပှၤတဖၣ်ဒီးပအိၣ်ကတဲာ်ကတီၤပသးလၢ ပကမၤကယဲၢ်တၢ်လၢနစံးဘၣ်ပှၤတမံၤလၢ်လၢ်န့ၣ်လီၤ. ဘၣ်ဆၣ်ပတပာ်ထီၣ်ပှၤနီတဂၤလၢစီၤပၤန့ၣ်ဘၣ်. မၤတၢ်တမံၤလၢ်လၢ်လၢနဆိကမိၣ်လၢအမ့ၢ်တၢ်အဂ့ၤကတၢၢ်န့ၣ် တက့ၢ်.”

လံာ်စီၤပၤခံဘ့ၣ်တဘ့ၣ် 10:5 Iomraidhean Croise

လံာ်စီၤပၤအခီၣ်ထံးတဘ့ၣ် 20:32

လၢတၢ်န့ၣ်အဃိအဝဲသ့ၣ်စၢထီၣ်ထၢၣ်တၢ်ကံးယာ်လၢအယီၢ်ဒ့တဖၣ် အလိၤဒီးပျံၤလၢအကိာ်တဖၣ်အလိၤ, လဲၤဝဲဆူစီၤပၤအၤဃာ်အအိၣ်ဒီးစံးဝဲ, “နခ့နပှၤစီၤဘ့ၣ်ဟဒးဃ့ကညးနၤလၢအသးသမူအဂီၢ်န့ၣ်လီၤ.” စီၤအၤဃာ်စံးဆၢဝဲ, “မ့ၢ်အဝဲအိၣ်မူဒံးဧါ. ဂ့ၤလီၤ. အဝဲလီၤဂာ်ဒ်သိးဒီပုၢ်ဝဲၢ်ခွါတဂၤလၢယဂီၢ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 20:4

စီၤအၤဃာ်စံးဆၢဝဲ, “တဲဘၣ်ယကစၢ်, စီၤပၤဘ့ၣ်ဟဒးလၢ, ယဘၣ်သူၣ်ဘၣ်သးယဲလီၤ. အဝဲဟံးန့ၢ်ယၤဒီးကယဲၢ်တၢ်အိၣ်ဒီးယၤခဲလၢာ်သ့ဝဲန့ၣ်လီၤ.”

လံာ်စီၤပၤခံဘ့ၣ်တဘ့ၣ် 10:6

စီၤယ့ၤဟူကွဲးန့ၢ်အဝဲသ့ၣ်လံာ်ပရၢအဂၤတဘ့ၣ်စံးဝဲ, “သုမ့ၢ်အိၣ်လၢယအိၣ်တခီဒီး, သုမ့ၢ်အိၣ်ကတဲာ်ကတီၤသု သးလၢသုကပိာ်ထွဲယကလုၢ်တဖၣ်န့ၣ်, ဟဲစိာ်န့ၢ်ယၤစီၤအၤဃာ် အစၢၤအသွဲၣ်တဖၣ်အခိၣ်တဖၣ်ဆူယအိၣ်ဖဲဝ့ၢ်ယံးစရ့လးလၢမုၢ်ဆ့ၣ် ထီၣ်တနံၤ, အကတီၢ်ဒ်သိးအံၤန့ၣ်တက့ၢ်.” စီၤအၤဃာ်အစၢၤအသွဲၣ်အဂၤနွံဆံဘၣ်တၢ်ကွၢ်ထွဲအီၤလၢၡၤမရံ အခူဖိဝ့ၢ်ဖိတူၢ်ဒိၣ်ကီၤဒိၣ်တဖၣ်လၢအကွၢ်ဒိၣ်ထီၣ်အဝဲသ့ၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 18:14

စီၤဃံးစကံယၤဆှၢလီၤတၢ်ကစီၣ်တမံၤဆူစီၤစၤနဃ့ရံာ်အအိၣ်, လၢအအိၣ်ဝဲဖဲဝ့ၢ်လၤကံၣ်, စံးဝဲ, “ယမၤကမၣ်ဘၣ်တၢ်လံ, ဝံသးစူၤဆိကတီၢ်ကွံာ်နတၢ်ဟဲ ထီၣ်ဒုးတၢ်ဒီးယကဟ့ၣ်နၤကယဲၢ်တၢ်တမံၤမံၤလၢနဃ့အီၤန့ၣ်လီၤ. “ကီၢ်အၤၡူၢ်အစီၤပၤဖးဒိၣ်အတၢ်စံးဆၢမ့ၢ်ဝဲစီၤဃံးစကံယၤ ကဘၣ်ဆှၢလီၤန့ၢ်အီၤစ့လီၤတယၢၢ်အကံကၢ်သၢကယၤ ဒီးထူလီၤတယၢၢ်အကံကၢ်သၢဆံန့ၣ်လီၤ.

လံာ်ယံးရမံယၤ 27:17

ဒိကနၣ်အဝဲသ့ၣ်တဂ့ၤ. ဆီၣ်လီၤသုသးလၢ ကီၢ်ဘၤဘူၤလိၣ် အစီၤပၤအဖီလာ်ဒီး သုကမူလီၤ. ဘၣ်မနုၤအဃိ ဝ့ၢ်အံၤကဘၣ် ကဲထီၣ်တၢ်ဟးဂီၤတဖၣ်အပူၣ်တပူၣ်န့ၣ်လဲၣ်.

လံာ်တၢ်ဂံၢ် 11:12

ယတတ့လီၤအဝဲသ့ၣ်မ့ၢ်ဂ့ၤ, ဒုးအိၣ်ဖျဲၣ်ထီၣ်အဝဲသ့ၣ်မ့ၢ်ဂ့ၤ ဘၣ်. ဘၣ်မနုၤလၢနမၢယမၤတၢ်ဒ်ပှၤဒုးအီၣ်နုၢ်ဖိဆံးဒီးစိာ်အဝဲ သ့ၣ်လၢယစုတီၤတဖၣ်အလိၤဒ်ဖိသၣ်ဆံးတဖၣ်အသိးလၢကျဲဒီဘိဆူ ကီၢ်တဘ့ၣ်လၢနအၢၣ်လီၤတ့ၢ်အမိၢ်ပၢ်ဖံဖုလၢပျၢၤတဖၣ်န့ၣ်လဲၣ်.

လံာ်ယိၤဟၣ် 12:26

ပှၤတဂၤလၢ်လၢ်လၢအသးအိၣ်မၤယတၢ်မၤန့ၣ်, ကဘၣ်ကဲထီၣ်ယပျဲၢ်ယဘီၣ်ဒ်သိးဖဲယအိၣ်အလီၢ်န့ၣ် ယခ့ယပှၤကအိၣ်စ့ၢ်ကီးဒီးယၤဖဲန့ၣ်လီၤ. ပှၤတဂၤဂ့ၤတဂၤဂ့ၤမ့ၢ်မၤယတၢ်မၤဒီး, ယပၢ်ကမၤလၤကပီၤအီၤလီၤ.

လံာ်စီၤယိၤၡူ 9:11

ဒီးပခိၣ်ပနၢ်တဖၣ်ဒီးကယဲၢ်မ့ၢ်ပှၤအိၣ်လၢပကီၢ်ပူၤ ခဲလၢာ်စံးဘၣ်ပှၤလၢပကဟံးန့ၢ်တၢ်အီၣ်တၢ်အီလၢပတၢ်လဲၤထံၣ် လိာ်သုအဂီၢ်ဒီးစံးဘၣ်သု, ပမ့ၢ်သုခ့သုပှၤတဖၣ်လီၤ. အခဲအံၤမၤတၢ်အၢၣ်လီၤအီလီၤဒီးပှၤတက့ၢ်.

လံာ်စီၤယိၤၡူ 9:8

အဝဲသ့ၣ်စံးဘၣ်စီၤယိၤၡူ, “ပမ့ၢ်နခ့နပှၤတဖၣ်လီၤ.” ဒီးစီၤယိၤၡူစံးဘၣ်အဝဲသ့ၣ်, “သုမ့ၢ်မတၤတဖၣ်လဲၣ်. ဒီးသုဟဲဖဲလဲၣ်ခီလဲၣ်.”