လံာ်စီၤပၤခံဘ့ၣ်တဘ့ၣ် 10:4 - Sgaw Karen Common Bible

⁴ ဝ့ၢ်ၡၤမရံအပှၤပၢတၢ်တဖၣ်ပျံၤတၢ်ဖုးတၢ်န့ၣ်လီၤ. အဝဲသ့ၣ်စံးဝဲဒၣ်, “ဖဲစီၤပၤယဟိရၣ်မ့ၢ်ဂ့ၤ, စီၤပၤအဃၤစယၤမ့ၢ်ဂ့ၤ, ထီဒါစီၤယ့ၤဟူတသ့ဘၣ်အခါန့ၣ်, ပဝဲပထီဒါအီၤကသ့ဒ်လဲၣ်.”

လံာ်စီၤပၤခံဘ့ၣ်တဘ့ၣ် 10:4 Iomraidhean Croise

လံာ်စီၤပၤခံဘ့ၣ်တဘ့ၣ် 10:3

သုကဘၣ်ဃုထၢပှၤထီၣ်ဘးအဂ့ၤကတၢၢ်တဂၤလၢစီၤပၤအစၢၤအသွဲၣ် တဖၣ်အကျါ, ပာ်ထီၣ်အီၤလၢစီၤပၤ, ဒီးဒုးတၢ်လၢတၢ်ကဒီဒၣ်အိၣ်ပှိၤအဂီၢ် န့ၣ်လီၤ.”

လံာ်စီၤပၤခံဘ့ၣ်တဘ့ၣ် 9:24

စီၤယ့ၤဟူထုးထီၣ်အချံၣ်ဒီးလၢအဂံၢ်အဘါခဲလၢာ်အပူၤန့ၣ်အဝဲ ခးပျၢ်တဘ့ၣ်လၢအဆဲးဖျိဘၣ်စီၤယဟိရၣ်အချၢဃံဒီးဆဲးဖျိဆူ အသးန့ၣ်လီၤ. စီၤယဟိရၣ်လီၤဃံၤသံဝဲလၢအလ့ၣ်ကဟၣ်ပူၤ,

လံာ်စီၤပၤခံဘ့ၣ်တဘ့ၣ် 9:27

စီၤပၤအဃၤစယၤထံၣ်ဘၣ်တၢ်မၤအသး, အဃိဒီး, အဝဲဃ့ၢ်ပူၤဖျဲးကွံာ်အသးလၢအလ့ၣ်ကဟၣ်ဒၣ်ဝဲအပူၤဆူ တၤသၣ်လီၢ်အဟံၣ်အကျဲ, ဒီးစီၤယ့ၤဟူလူၤထွဲအီၤန့ၣ်လီၤ. စီၤယ့ၤဟူမၤလိာ်အခ့အပှၤတဖၣ်, “မၤသံကွံာ်အီၤစ့ၢ်ကီးတ က့ၢ်.” ဒီးအဝဲသ့ၣ်မၤဘၣ်ဒိဘၣ်ထံးအီၤဖဲအဝဲနီၣ်အလ့ၣ်ကဟၣ်ဆူ ကျဲလဲၤထီၣ်ဆူကူၢ်ဖဲဝ့ၢ်ယံးဘျၣ်အကပၤန့ၣ်လီၤ. ဘၣ်ဆၣ်အဝဲဃ့ၢ်ဝဲဆူညါကဲဒံးတုၤအလဲၤတုၤဆူဝ့ၢ်မကံးဒိၤ ဒီးသံဝဲဖဲန့ၣ်လီၤ.

လံာ်စီၤယိၤဘး 41:8

ထိးကွၢ်အီၤတဘျီဒီးနတကျဲးစၢးမၤလၢၤတၢ်အံၤနီတစုလၢၤ ဘၣ်. နတသးပ့ၤနီၣ်နဒုးတၢ်ဒီးအီၤနီတစုလၢၤဘၣ်.

လံာ်ယၡါယၤ 27:4

ယတသးဒိၣ်လၢၤစပံးအလီၢ်န့ၣ်လၢၤဘၣ်. တၤဆှုၣ်တၤမဲ မ့ၢ်အိၣ်ဝဲလၢယကဘၣ်မၤပျီကွံာ်အီၤဒီး, ယကဒွဲၣ်အူထီၣ်အီၤ လၢမ့ၣ်အူခဲလၢာ်လီၤ.

လံာ်ယံးရမံယၤ 49:19

ဒ်ခ့ယုၢ်တဒုဟဲဟးထီၣ်လၢ သ့ၣ်ပှၢ်လၢ အတီၣ် လၢအအိၣ်လၢထံကျိယၢ်ဒ့ၣ်အသရ့ၤဆူ တၢ်အီၣ်ဆၣ်လီၢ် လါဟ့အပူၤအသိးန့ၣ်, ယကဟဲဒီး ဒုးဃ့ၢ်ကွံာ်ပှၤအဒိၣ်ဖိ တဖၣ်သတူၢ်ကလာ်လၢ အထံကီၢ်ဒၣ်ဝဲန့ၣ်လီၤ. အန့ၣ်ဝံၤဒီး ခိၣ်နၢ်လၢယဃုထၢအီၤန့ၣ်ကပၢပှၤကလုာ်န့ၣ်လီၤ. မ့ၢ်မတၤထိၣ်သတြီၤအသးဒီးယၤကသ့လဲၣ်. မ့ၢ်မတၤ, တၤယၤကဘူၣ်တဂၤလဲၣ်. မ့ၢ်မတၤလၢအပၢတၢ်ဒီး ထီဒါယၤကသ့တဂၤလဲၣ်.

လံာ်နၤဃူၣ် 1:6

မ့ၢ်မတၤကွၢ်ဆၢၣ်မဲာ်အတၢ်သးထီၣ်ကန့ၢ်တဂၤလဲၣ်. ဒီးမ့ၢ်မတၤတူၢ်အတၢ်သးကဲၤထီၣ်ကကဲဝဲတဂၤန့ၣ်လဲၣ်. လူလီၤဝဲအတၢ်သးကဲၤထီၣ်, ဒီးလၢၢ်ဧိၤလ့ဧိၤကၢ်လီၤကလဲကွံာ်ဆူဖၣ်ကမူၣ်လၢအမဲာ်ညါလီၤ.

လံာ်လူၤကၣ် 14:31

စီၤပၤတဂၤမ့ၢ်ဟးထီၣ်ဒီးပှၤအဂၤတကလးဒ်သိးအကဒုးစီၤပၤ အဂၤတဂၤလၢအဟဲထီဒါအီၤအိၣ်ဒီးပှၤအဂၤခံကလးန့ၣ်, အဝဲဒၣ်ကဆ့ၣ်နီၤဆိဒီးကွၢ်ဆိကမိၣ်ဘၣ်ဃးအဂံၢ် အဘါလၢအကကွၢ်ဆၢၣ်မဲာ်စီၤပၤအဂၤတဂၤအဂီၢ်အိၣ် တအိၣ်လဲၣ်အဂ့ၢ်န့ၣ်လီၤ.