လံာ်စီၤပၤခံဘ့ၣ်တဘ့ၣ် 10:32 - Sgaw Karen Common Bible

³² ဖဲအဆၢကတီၢ်အဝဲန့ၣ်, ယွၤစးထီၣ်မၤအံၣ်လီၤကီၢ်အံၣ်စရ့လး အလီၢ်ကဝီၤန့ၣ်လီၤ. ကီၢ်စူၤရံအစီၤပၤစီၤဃစ့လးမၤနၢၤကွံာ်ကီၢ်အံၣ်စရ့လး အလီၢ်ကဝီၤခဲလၢာ်,

လံာ်စီၤပၤခံဘ့ၣ်တဘ့ၣ် 10:32 Iomraidhean Croise

လံာ်စီၤပၤအခီၣ်ထံးတဘ့ၣ် 19:17

ပှၤတဂၤလၢ်လၢ်လၢအပူၤဖျဲးဒီးစီၤဃစ့လးအတၢ်မၤသံန့ၣ်စီၤ ယ့ၤဟူကမၤသံအီၤ, ဒီးပှၤတဂၤလၢ်လၢ်လၢအပူၤဖျဲးဒီးစီၤယ့ၤဟူအတၢ်မၤသံန့ၣ်, စီၤအလံၤၡါကမၤသံအီၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 12:17

ဖဲအဆၢကတီၢ်န့ၣ်ကီၢ်စူၤရံအစီၤပၤဃစ့လးလဲၤထီၣ်ဒုးဝ့ၢ်ကၤ သးဒီးမၤန့ၢ်အီၤန့ၣ်လီၤ. အန့ၣ်ဝံၤဒီးအဝဲပာ်လီၤအသးလၢကလဲၤထီၣ်ဒုးဝ့ၢ်ယရူၤၡလ့ၣ် န့ၣ်လီၤ.

လံာ်စီၤပၤခံဘ့ၣ်တဘ့ၣ် 13:22

ကီၢ်စူၤရံအစီၤပၤဃစ့လးမၤနၢၤမၤဃၣ်ပှၤအံၣ်စရ့လးဖိတဖၣ် ဖဲစီၤယဟိအါဃးပၢတၢ်ဒီကတီၢ်,

လံာ်စီၤပၤခံဘ့ၣ်တဘ့ၣ် 13:25

အန့ၣ်ဝံၤဒီးကီၢ်အံၣ်စရ့လးအစီၤပၤယိၤအၣ်မၤနၢၤကွံာ်စီၤ ဘ့ၣ်ဟဒးသၢဘျီ, ဒီးမၤန့ၢ်က့ၤဝ့ၢ်တဖၣ်လၢစီၤဘ့ၣ်ဟဒးဟံးန့ၢ်ကွံာ်ဝဲ, ဖဲစီၤယဟိအါဃးလၢအမ့ၢ်စီၤယိၤအၣ်အပၢ်ပၢတၢ်အခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 14:25

အဝဲဒုးန့ၢ်ကဒါက့ၤကယဲၢ်လီၢ်ကဝီၤလၢအဘၣ်ဃးဒီးကီၢ်အံၣ်စရ့ လးခဲလၢာ်, စးထီၣ်လၢတၢ်လဲၤနုာ်ဆူဝ့ၢ်ဃမါသးလၢကလံၤစိးတခီတုၤလၢ ပီၣ်လဲၣ်သံလၢကလံၤထံးတခီန့ၣ်လီၤ. အအံၤမ့ၢ်တၢ်လၢယွၤ, အံၣ်စရ့လးအကစၢ်ယွၤအၢၣ်လီၤတ့ၢ်ဝဲခီဖျိအဝဲအခ့အပှၤဝံယိၤနါ, လၢအမ့ၢ်စီၤအမံးတဲၤအဖိခွါလၢဝ့ၢ်ကၤသးဃ့ဖ့ၢ်တခီန့ၣ်လီၤ.

လံာ်စီၤပၤခံဘ့ၣ်တဘ့ၣ် 8:12

စီၤဃစ့လးသံကွၢ်အီၤ, “တၢ်ဒိၣ်ဧၢ, ဘၣ်မနုၤအဃိလၢနမဲာ်ထံလီၤန့ၣ်လဲၣ်.” စီၤအလံၤၡါစံးဆၢဝဲ, “မ့ၢ်လၢယသ့ၣ်ညါတၢ်လီၤပျံၤလီၤဖုးတဖၣ်လၢနကမၤအီၤထီဒါ ကီၢ်အံၣ်စရ့လးအပှၤဂီၢ်မုၢ်အဃိန့ၣ်လီၤ. နကဒွဲၣ်ကွံာ်အဝဲသ့ၣ်အတိာ်ဧိၤတာ်ဧိၤတဖၣ်လၢမ့ၣ်အူ, မၤသံကွံာ်အပှၤသးစၢ်တဖၣ်, ကီၢ်အဖိတဖၣ်ဒီးဖှဲးသ့ၣ်ဖးကွံာ် ပိာ်မုၣ်လၢအဒၢတဖၣ်အဟၢဖၢန့ၣ်လီၤ.”

စံးထီၣ်ပတြၢၤ 107:39

တုၤကစၢ်ယွၤအပှၤဂီၢ်မုၢ်တဖၣ်ဘၣ်တၢ်မၤနၢၤအီၤ ဒီးဘၣ်တၢ်ဆီၣ်ဘံၣ်ဆီၣ်ဘၢအီၤလၢ တၢ်မၤနၢၤမၤဃၣ်နးနးကလဲာ်ဒီး တၢ်တူၢ်ဘၣ်ခီၣ်ဘၣ်န့ၣ်,