လံာ်စီၤပၤခံဘ့ၣ်တဘ့ၣ် 10:30 - Sgaw Karen Common Bible

³⁰ ယွၤစံးဘၣ်စီၤယ့ၤဟူ, “နမၤတ့ၢ်လံတၢ်ခဲလၢာ်လၢယမၢနမၤဘၣ် စီၤအၤဃာ်အစၢၤအသွဲၣ်တဖၣ်န့ၣ်လံ, လၢတၢ်န့ၣ်အဃိ, ယအၢၣ်လီၤနၤလၢနစၢၤနသွဲၣ်တဖၣ်, ကမ့ၢ်ကီၢ်အံၣ်စရ့လးအစီၤပၤ, တုၤလၢပှၤလွံၢ်စိၤတစိၤဒၣ်လဲာ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 10:30 Iomraidhean Croise

လံာ်စီၤပၤအခီၣ်ထံးတဘ့ၣ် 20:42

အန့ၣ်ဒီး, ဝံန့ၣ်စံးဘၣ်စီၤပၤ, “အအံၤမ့ၢ်ယွၤအတၢ်ကတိၤန့ၣ် လီၤ. မ့ၢ်လၢနပျဲပူၤဖျဲးကွံာ်ပှၤတဂၤလၢယမၤလိာ်လၢကဘၣ်တၢ်မၤသံ ကွံာ်အီၤအသးသမူအဃိန့ၣ်, နကဘၣ်ဟ့ၣ်က့ၤတၢ်အံၤအပှ့ၤလၢနသးသမူဒၣ်နဲ, ဒီးနသုးမုၢ်ကဘၣ်တၢ်မၤဟးဂီၤကွံာ်အီၤလၢနပျဲအဝဲအသုးမုၢ် ပူၤဖျဲးကွံာ်အဃိန့ၣ်လီၤ.”

လံာ်စီၤပၤအခီၣ်ထံးတဘ့ၣ် 21:22

နပှၤဟံၣ်ဖိဃီဖိကကဲထီၣ်ဒ်စီၤနဘးအဖိခွါစီၤပၤစီၤယၤရၤ ဘၣ်အဟံၣ်ဖိဃီဖိအသိးဒီးဒ်စီၤအဃံယၤအဖိခွါစီၤပၤစီၤဘါ ၡၤအဟံၣ်ဖိဃီဖိအသိး, မ့ၢ်လၢနထိၣ်ဂဲၤထီၣ်ယတၢ်သးဒိၣ်ထီၣ်ခီဖျိနဆှၢဃီၤပှၤအံၣ် စရ့လးဖိဆူတၢ်ဒဲးဘးအပူၤအဃိလီၤ.

လံာ်စီၤပၤအခီၣ်ထံးတဘ့ၣ် 21:29

“မ့ၢ်နပာ်သူၣ်ပာ်သးလၢ, စီၤအၤဃာ်ဆိၣ်လီၤတ့ၢ်အသးလၢယမဲာ် ညါဒ်လဲၣ်န့ၣ်ဧါ. မ့ၢ်လၢအဝဲမၤတ့ၢ်တၢ်အံၤအဃိ, ယတဟဲစိာ်တၢ်တတၢးတနါလၢအဖီခိၣ်ဖဲအဝဲအိၣ်မူဒံးဝဲ အဆၢကတီၢ်န့ၣ်ဘၣ်. တၢ်ဆၢကတီၢ်လၢယကဟဲစိာ်တၢ်တတၢးတနါဆူစီၤ အၤဃာ်အဟံၣ်ဒူၣ်ဃီထၢအဖီခိၣ်န့ၣ်ကမ့ၢ်ဖဲအဝဲအဖိပိာ်ခွါ အစိၤအဆၢကတီၢ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 10:35

စီၤယ့ၤဟူသံဝဲဒီးဘၣ်တၢ်ခူၣ်လီၤကွံာ်အီၤလၢကီၢ်ၡၤမရံ အပူၤဒီးအဖိခွါစီၤယဟိအါဃးကဲထီၣ်စီၤပၤလၢအလီၢ်န့ၣ် လီၤ.

လံာ်စီၤပၤခံဘ့ၣ်တဘ့ၣ် 13:1

လၢစီၤအဃၤစယၤအဖိခွါကီၢ်ယူဒၤအစီၤပၤစီၤယိၤအၣ်ပၢတၢ် အနံၣ်ပှဲၤထီၣ်ခံဆံသၢနံၣ်တနံၣ်အပူၤန့ၣ်, စီၤယ့ၤဟူအဖိခွါစီၤယဟိအါဃးကဲထီၣ်ကီၢ်အံၣ်စရ့လးအစီၤ ပၤ, ဒီးအဝဲပၢတ့ၢ်တၢ်လၢကီၢ်ၡၤမရံအပူၤတဆံနွံနံၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 13:10

လၢကီၢ်ယူၤဒၤအစီၤပၤစီၤယိၤအၣ်ပၢတၢ်သၢဆံနွံနံၣ်တနံၣ် အပူၤန့ၣ်, စီၤယဟိအါဃးအဖိခွါစီၤယိၤအၣ်ကဲထီၣ်ကီၢ်အံၣ်စရ့လးအစီၤ ပၤဒီးအဝဲပၢတ့ၢ်တၢ်လၢၡၤမရံတဆံဃုနံၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 14:23

လၢစီၤယိၤအၣ်အဖိခွါစီၤအမၤစယါပၢတၢ်ဒ်ကီၢ်ယူဒၤအစီၤပၤ အသိးတဆံယဲၢ်နံၣ်တနံၣ်အပူၤန့ၣ်, စီၤယိၤအၣ်အဖိခွါစီၤယၤရၤဘၣ်ခံဂၤတဂၤကဲထီၣ်ကီၢ်အံၣ်စရ့ လးအစီၤပၤ, ဒီးအဝဲပၢတ့ၢ်တၢ်လၢၡၤမရံအပူၤလွံၢ်ဆံတနံၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 14:29

စီၤယၤရၤဘၣ်ခံဂၤတဂၤသံဝဲဒီးဘၣ်တၢ်ခူၣ်လီၤကွံာ်အီၤလၢ စီၤပၤတဖၣ်အတၢ်သွၣ်ခိၣ်ဒီးအဝဲအဖိခွါစီၤစကၤရယၤကဲထီၣ် စီၤပၤလၢအလီၢ်န့ၣ်လီၤ.

လံာ်ဟိၤၡ့ 1:4

ယွၤတဲဘၣ်စီၤဟိၤၡ့, “ကိးအမံၤလၢစီၤယံးစရ့လးတက့ၢ်. အဂ့ၢ်ဒ်အံၤ, တယံာ်ဘၣ်ဒီးယကစံၣ်ညီၣ်ကီၢ်အံၣ်စရ့လးအစီၤပၤ, လၢတၢ်မၤသံလၢပှၤလၢအဝဲအစၢၤအသွဲၣ်တဂၤ, စီၤယ့ၤဟူ မၤတ့ၢ်ဝဲလၢယံးစရ့လးအတြီၤပူၤအဃိန့ၣ်လီၤ. ယကဒုးကတၢၢ်ကွံာ်စီၤယ့ၤဟူအဘီအမုၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:25

ဒီးယကဟဲစိာ်တၢ်ဒုးတၢ်ယၤလၢအမ့ၢ်တၢ်စံၣ်ညီၣ်သုလၢသု လုၢ်သ့ၣ်ခါပတာ်ယတၢ်အၢၣ်လီၤအီလီၤအဃိန့ၣ်လီၤ. ဒီးသုမ့ၢ်ပာ်ဖှိၣ်ထီၣ်သုသးလၢသုဝ့ၢ်တဖၣ်အပူၤလၢ တၢ်ပူၤဖျဲးအဂီၢ်ဒီးယကဆှၢလီၤတၢ်ဆါသံသတြိာ်လၢသုကျါဒီး သုကဘၣ်တၢ်မၤဆူၣ်သုဒီးဟ့ၣ်လီၤကွံာ်သုဆူသုဒုၣ်သုဒါအစုပူၤန့ၣ်လီၤ.