လံာ်စီၤပၤခံဘ့ၣ်တဘ့ၣ် 10:29 - Sgaw Karen Common Bible

²⁹ ဘၣ်ဆၣ်အဝဲမၤဒိးစီၤပၤယၤရဘၣ်, အတၢ်ဒဲးဘးန့ၣ်လီၤ. စီၤယၤရၤဘၣ်မ့ၢ်ပှၤလၢအဆှၢဃီၤကီၢ်အံၣ်စရ့လးဆူတၢ်ဒဲးဘး အပူၤခီဖျိတၢ်ဘူၣ်ထီၣ်ဘါထီၣ်ဂီၤဖံးထူတဖၣ်လၢအဝဲပာ်ထီၣ် ဝဲဖဲဝ့ၢ်ဘ့ၤသ့လးဒီးဝ့ၢ်ဒၣ်အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 10:29 Iomraidhean Croise

လံာ်တၢ်ကဲထီၣ်အခီၣ်ထံး 20:9

အန့ၣ်ဝံၤဒီး, စီၤအလံၤမ့လ့းကိးန့ၢ်စီၤအၤဘြၤဟၣ်ဒီးသံ ကွၢ်အီၤ, “နမၤဘၣ်တ့ၢ်ပှၤတၢ်မနုၤတမံၤလဲၣ်. မ့ၢ်ယမၤကမၣ်ဘၣ်တ့ၢ်နၤတၢ်မနုၤတမံၤလၢနကဟဲစိာ်န့ၢ်တၢ်တတၢး တနါလၢယၤဒီးယဘီယမုၢ်အဖီခိၣ်န့ၣ်လဲၣ်. တၢ်လၢနမၤတ့ၢ်ယၤန့ၣ်ပှၤတဂၤတကြၢးမၤဝဲနီတဘျီနီ တဂၤဘၣ်.

လံာ်စီၤပၤအခီၣ်ထံးတဘ့ၣ် 14:16

ယွၤပာ်လီၤတဲာ်ကွံာ်ကီၢ်အံၣ်စရ့လး, မ့ၢ်လၢစီၤယၤရၤဘၣ်မၤ တ့ၢ်တၢ်ဒဲးဘးဒီးဆှၢဃီၤကီၢ်အံၣ်စရ့လးအပှၤဂီၢ်မုၢ်ဆူတၢ် ဒဲးဘးအပူၤအဃိန့ၣ်လီၤ.”

လံာ်စီၤပၤခံဘ့ၣ်တဘ့ၣ် 10:28

တၢ်န့ၣ်မ့ၢ်စီၤယ့ၤဟူမၤဟးဂီၤကွံာ်တၢ်ဘူၣ်ထီၣ်ဘါထီၣ်ဘဧၤ လးလၢကီၢ်အံၣ်စရ့လးအပူၤဒ်လဲၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 10:31

ဘၣ်ဆၣ်, စီၤယ့ၤဟူတစူၢ်ဘၣ်ယွၤ, အံၣ်စရ့လးအကစၢ်ယွၤအတၢ်သိၣ် တၢ်သီလၢအသးဒီဖျၢၣ်ညါဘၣ်. အခိၣ်တလိာ်အဝဲပိာ်ထွဲစီၤယၤရၤဘၣ်, ပှၤလၢအဆှၢဃီၤကီၢ်အံၣ်စရ့လးဆူတၢ်ဒဲးဘးအပူၤ, အဒိအတဲာ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 13:11

အဝဲစ့ၢ်ကီးမၤတ့ၢ်တၢ်ဒဲးဘးထီဒါယွၤ, ဒီးပိာ်ထွဲဒိအၢ တဲာ်သီတဖၣ်လၢစီၤပၤယၤရၤဘၣ်မၤတ့ၢ်ဝဲလၢအဆှၢဃီၤကီၢ်အံၣ်စရ့လး ဆူတၢ်ဒဲးဘးအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 13:2

ဒ်စီၤပၤယၤရၤဘၣ်လၢအဝဲအမဲာ်ညါအသိးန့ၣ်အဝဲမၤတ့ၢ်တၢ်ဒဲး ဘးထီဒါယွၤဒီးဆှၢဃီၤကီၢ်အံၣ်စရ့လးဆူတၢ်ဒဲးဘးအပူၤ န့ၣ်လီၤ. အဝဲတညိကွံာ်ဘၣ်အကျဲအၢကျဲသီတဖၣ်နီတဘျီဘၣ်.

လံာ်စီၤပၤခံဘ့ၣ်တဘ့ၣ် 14:24

အဝဲမၤတ့ၢ်တၢ်ဒဲးဘးထီဒါယွၤ, ပိာ်ထွဲပှၤလၢအဝဲအမဲာ်ညါလၢ အမ့ၢ်စီၤနဘးအဖိခွါစီၤပၤယၤရၤဘၣ်အဒိအၢတဲာ်သီတဖၣ်လၢအ မ့ၢ်, တၢ်ဆှၢဃီၤကီၢ်အံၣ်စရ့လးဆူတၢ်ဒဲးဘးအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:18

တုၤလၢမုၢ်နံၤလၢအဝဲသံဒၣ်လဲာ်န့ၣ်စီၤမနၤဃ့ၣ်မၤတ့ၢ်တၢ် ဒဲးဘးထီဒါယွၤ, ခီဖျိပိာ်ထွဲစီၤနဘးအဖိခွါစီၤပၤယၤရၤဘၣ်အဒိအၢတဲာ်သီ လၢအမ့ၢ်တၢ်ဆှၢဃီၤကီၢ်အံၣ်စရ့လးဆူတၢ်ဒဲးဘးအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:24

အဝဲမၤတ့ၢ်တၢ်ဒဲးဘးထီဒါယွၤ, ပိာ်ထွဲဒိအၢတဲာ်သီလၢစီၤ နဘးအဖိခွါစီၤပၤယၤရၤဘၣ်မၤတ့ၢ်ဝဲလၢအမ့ၢ်တၢ်ဆှၢဃီၤကီၢ် အံၣ်စရ့လးဆူတၢ်ဒဲးဘးအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:28

အဝဲမၤတ့ၢ်တၢ်ဒဲးဘးထီဒါယွၤ, ပိာ်ထွဲဒိအၢတဲာ်သီလၢစီၤ နဘးအဖိခွါစီၤပၤယၤရၤဘၣ်မၤတ့ၢ်ဝဲ, လၢအမ့ၢ်တၢ်ဆှၢဃီၤကီၢ်အံၣ်စရ့လးဆူတၢ်ဒဲးဘးအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:9

ဒ်ပှၤလၢအမဲာ်ညါတဖၣ်အသိးန့ၣ်, အဝဲမၤတ့ၢ်တၢ်ဒဲးဘးထီ ဒါယွၤန့ၣ်လီၤ. အဝဲပိာ်ထွဲဒိအၢတဲာ်သီလၢစီၤနဘးအဖိခွါ စီၤပၤယၤရၤဘၣ်မၤတ့ၢ်ဝဲ, လၢအမ့ၢ်တၢ်ဆှၢဃီၤကီၢ်အံၣ်စရ့လးဆူတၢ်ဒဲးဘးအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:22

အဝဲသ့ၣ်ပိာ်ထွဲစီၤယၤရၤဘၣ်အခံ, ဒီးမၤထွဲကယဲၢ်တၢ်ဒဲးဘး ခဲလၢာ်လၢစီၤယၤရၤဘၣ်မၤတ့ၢ်ဝဲ,

လံာ်စီၤပၤခံဘ့ၣ်တဘ့ၣ် 3:3

မ့ၢ်နာ်သက့ဒ်န့ၣ်ဒီး, ဒ်စီၤနဘးအဖိခွါစီၤပၤယၤရၤဘၣ်လၢအ ကဲစီၤပၤလၢအဝဲအမဲာ်ညါတဂၤအသိးန့ၣ်, အဝဲဆှၢဃီၤကီၢ်အံၣ်စရ့ လးဆူတၢ်ဒဲးဘးအပူၤဒီးတဆိကတီၢ်ဘၣ်ဝဲဘၣ်.

လံာ်တၢ်ဟးထီၣ်ကွံာ် 32:21

အဝဲစံးဘၣ်စီၤအၤဟရိၣ်, “ဒ်သိးနကမၤတုၤပှၤဂီၢ်မုၢ်မၤတၢ် ဒဲးဘးလီၤပျံၤလီၤဖုးတမံၤအံၤအဂီၢ်န့ၣ်အဝဲသ့ၣ်မၤနၤမနုၤ တမံၤလဲၣ်.”

လံာ်တၢ်ဟးထီၣ်ကွံာ် 32:4

အဝဲဒၣ်ဟံးန့ၢ်ထူအကွီၤတဖၣ်ဒီးဃ့ၣ်ပှံၢ်လီၤအီၤဒီးလူလီၤ ထူအထံဆူတၢ်ဂီၤသိအသးအတကွီၣ်တခါအပူၤ, ဒီးဒုးကဲထီၣ်ဂီၤ ဖံးထူအဖါတဒုန့ၣ်လီၤ. ဒီးပှၤဂီၢ်မုၢ်စံးဝဲ, “ကီၢ်အံၣ်စရ့လးဧၢ, အဝဲအံၤမ့ၢ်ပကစၢ်, ပှၤလၢအထူးထီၣ်ကွံာ်ပှၤလၢကီၢ်အဲၤကူပတူး အပူၤန့ၣ်လီၤ.”

လံာ်ယဃ့းစက့လး 23:8

အဝဲမၤထွဲဒံးတၢ်လၢအစးထီၣ်မၤတ့ၢ်ဝဲဒ်ပှၤဃဲသဲမုၣ်တဂၤ အသိးလၢကီၢ်အဲၤကူပတူးအပူၤ, ဖဲအဝဲအတၢ်မ့ၢ်ပှၤမုၣ်ကနီၤလီၤမၢ်ကွံာ်ဝဲဒၣ်န့ၣ်လီၤ. စးထီၣ်လၢအဝဲမ့ၢ်ပိာ်မုၣ်ဖိသၣ်တဂၤလံၤလံၤန့ၣ်, ပိာ်ခွါတဖၣ်မံဃုာ်ဒီးအီၤဒီးပာ်အီၤဒ်ပှၤဃဲသဲမုၣ်တဂၤ အသိးန့ၣ်လီၤ.

လံာ်ဟိၤၡ့ 10:5

ပှၤဂီၢ်မုၢ်လၢအအိၣ်လၢဝ့ၢ်ၡၤမရံကပျံၤတၢ်ဖုးတၢ်ဒီး ကသူၣ်အုးသးအုးလၢဂီၤဖံးထူအတၢ်လီၤမၢ်ကွံာ်လၢဝ့ၢ် ဘ့ၤသ့လးအဃိန့ၣ်လီၤ. အဝဲသ့ၣ်ဒီးပှၤလုၢ်တၢ်အခိၣ်တဖၣ်လၢအမၤတၢ်လၢတၢ်ဂီၤတၢ်ဖီၣ် အဂီၢ်ကဟီၣ်တၢ်ယၢၤတၢ်လၢအဃိန့ၣ်လီၤ. အဝဲသ့ၣ်ကဟီၣ်တၢ်ယၢၤတၢ်ဖဲထူကပြုၢ်ကပြီၤတဖၣ်ဘၣ်တၢ်အိးကွံာ် အီၤအခါန့ၣ်လီၤ.

လံာ်ဟိၤၡ့ 13:2

အဝဲသ့ၣ်ကမၤဒံးတၢ်ဒဲးဘးခီဖျိအတၢ်သိထီၣ်တၢ်ဂီၤတဖၣ်လၢ အဘၣ်တၢ်မၤအီၤလၢစ့, တိၢ်ဒီးထးလၢကဘါထီၣ်ဝဲအဂီၢ်တၢ်ဂီၤတဖၣ်လၢအဘၣ်တၢ်မၤအီၤလၢ စ့, ဘၣ်တၢ်ဒုးအိၣ်ထီၣ်လၢပှၤကညီအတၢ်ဆိကမိၣ်ဒီးမၤအီၤလၢပှၤကညီ အစုတဖၣ်န့ၣ်လီၤ. ဒီးအဝဲသ့ၣ်စံးဝဲ, လုၢ်ထီၣ်တၢ်လုၢ်တၢ်ပာ်တဖၣ်ဆူအီၤတက့ၢ်. ပှၤကညီတဖၣ်နၢမူတၢ်ဂီၤတၢ်ဖီၣ်တဖၣ်အံၤ, တၢ်ဂီၤတဖၣ်လၢအအိၣ်လၢဂီၤဖံးဖါတဖၣ်အက့ၢ်အဂီၤကသ့ဒ်လဲၣ်.

လံာ်စီၤၡမူၤအ့လးအခီၣ်ထံးတဘ့ၣ် 2:24

ဆိကတီၢ်ကွံာ်အီၤယဖိခွါသ့ၣ်ဧၢ. အဝဲအံၤမ့ၢ်တၢ်လီၤပျံၤ လီၤဖုးဒိၣ်မးလၢယွၤအပှၤဂီၢ်မုၢ်ကတိၤဝဲအဂ့ၢ်န့ၣ်လီၤ.