လံာ်စီၤပၤခံဘ့ၣ်တဘ့ၣ် 10:26 - Sgaw Karen Common Bible

²⁶ ဒီးဟဲစိာ်ထီၣ်ထူၣ်စီဆှံလၢအအိၣ်ဖဲန့ၣ်ဒီးဆူးထီၣ်ကွံာ် အီၤလၢမ့ၣ်အူန့ၣ်လီၤ.

လံာ်စီၤပၤခံဘ့ၣ်တဘ့ၣ် 10:26 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 5:21

ဖဲပှၤဖလ့ၡသးဖိတဖၣ်ဃ့ၢ်ကွံာ်ဝဲန့ၣ်အဝဲသ့ၣ် ပာ်တီၢ်အတၢ်ဂီၤတၢ်ဖီၣ်တဖၣ်လၢအလီၢ်ခံ, ဒီးစီၤဒၤဝံးဒီးအပှၤတဖၣ်စိာ်ကွံာ်တၢ်သ့ၣ်တဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 14:23

အဝဲသ့ၣ်ဘှီထီၣ်တၢ်ဘူၣ်ထီၣ်ဘါထီၣ်အလီၢ်တဖၣ်လၢယွၤကဘျံးကဘျၣ် တဖၣ်အဂီၢ်ဒီးပာ်ထီၣ်လၢၢ်ထူၣ်တဖၣ်, ကစၢ်မုၣ်အၡ့ရၤအပနီၣ်လၢကဘူၣ်ထီၣ်ဘါထီၣ်ဝဲလၢကစၢၢ်ကလိအလိၤ မ့ၢ်ဂ့ၤ, သ့ၣ်အကဒုတဖၣ်အဖီလာ်မ့ၢ်ဂ့ၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 15:13

အဝဲသုးကွံာ်အဖံနီၢ်မၤကၤလၢနီၢ်ပၤမုၣ်အမိၢ်အလီၢ်အလၤ, မ့ၢ်လၢနီၢ်မၤကၤမၤထီၣ်ဟီၣ်ခိၣ်ညၣ်ထ့ၣ်အကစၢ်မုၣ်နီၢ်အၡ့ရၤ အဂီၤတခါလၢအထိၣ်ဂဲၤထီၣ်တၢ်သးကတၢအဃိန့ၣ်လီၤ. စီၤအၤစါမၤဟးဂီၤကွံာ်တၢ်ဂီၤန့ၣ်ဒီးဒွဲၣ်အူကွံာ်အီၤလၢ ကံဒြိၣ်တၢ်တြီၤအပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 16:32

အဝဲဘှီထီၣ်တၢ်လုၢ်ဟံၣ်တဖျၢၣ်လၢဘဧလးအဂီၢ်လၢကီၢ်ၡၤမရံအ ပူၤ, မၤတၢ်လုၢ်လီၢ်တခါလၢအဂီၢ်ဒီးပာ်ဝဲလၢတၢ်လုၢ်ဟံၣ်အပူၤန့ၣ် လီၤ.

လံာ်စီၤပၤခံဘ့ၣ်တဘ့ၣ် 11:18

ဝံၤဒီးပှၤဂီၢ်မုၢ်လဲၤဆူဘဧၤလးအတၢ်လုၢ်ဟံၣ်, ဒီးမၤလီၤပှီၢ်ကွံာ်အီၤန့ၣ်လီၤ. အဝဲသ့ၣ်မၤကၢ်လီၤကလဲကွံာ် တၢ်လုၢ်လီၢ်တဖၣ်ဒီးတၢ်ဂီၤတၢ်ဖီၣ်တဖၣ်, ဒီးမၤသံကွံာ်ဘဧၤလးအပှၤလုၢ်တၢ်အခိၣ်စီၤမးတၣ်, ဖဲတၢ်လုၢ်လီၢ်တဖၣ်အမဲာ်ညါန့ၣ်လီၤ. စီၤယဟိယဒါပာ်လီၤပှၤပၢၤတၢ်ဖိတဖၣ်ဖဲယွၤအတၢ်လုၢ်ဟံၣ်,

လံာ်စီၤပၤခံဘ့ၣ်တဘ့ၣ် 18:4

အဝဲမၤဟးဂီၤကွံာ်ပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်ယွၤ အလီၢ်တဖၣ်, မၤကၢ်လီၤကွံာ်လၢၢ်ထူၣ်တဖၣ်ဒီးကူာ်လီၤကွံာ်ကစၢ်မုၣ်အၡ့ရၤ အဂီၤန့ၣ်လီၤ. အဝဲမၤကၢ်လီၤကလဲကွံာ်စ့ၢ်ကီးဂုၢ်တိၢ်ဘီလၢစီၤမိၤၡ့မၤ န့ၢ်ဝဲလၢအဘၣ်တၢ်ကိးအီၤလၢနဃူၡတၣ်န့ၣ်လီၤ. လၢတၢ်မၤလၤကပီၤဂုၢ်တိၢ်ဘီန့ၣ်အဂီၢ်ကီၢ်အံၣ်စရ့လးအပှၤဂီၢ် မုၢ်ဆိၣ်ကဲၤထီၣ်တၢ်နၢမူတုၤလီၤလၢဆၢကတီၢ်အဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 19:18

ဒီးဒွဲၣ်အူကွံာ်အဝဲသ့ၣ်အကစၢ်တဖၣ်, လၢအတမ့ၢ်ဘၣ်ကစၢ်လ့ၤတ က့ၤ, မ့ၢ်ဒၣ်ထဲတၢ်ဂီၤတၢ်ဖီၣ်တဖၣ်လၢပှၤကညီမၤအီၤလၢသ့ၣ်ဒီးလၢၢ် န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:12

တၢ်လုၢ်လီၢ်တဖၣ်လၢကီၢ်ယူဒၤအစီၤပၤတဖၣ်မၤထီၣ်က့ၤဝဲ လၢနူၢ်ဧိၤစီၤဧိၤအခိၣ်ဒုးလိၤ, လၢအအိၣ်ဝဲလၢစီၤပၤအၤဃး အိၣ်ဆိးအလီၢ်အဖီခိၣ်န့ၣ်, စီၤပၤယိၤၡံယၤမၤလီၤပှီၢ်ကွံာ်အီၤဃုာ်ဒီးတၢ်လုၢ်လီၢ်တဖၣ် လၢအဘၣ်တၢ်ပာ်ထီၣ်လၢစီၤပၤမနၤၡ့ၤ, လၢယွၤအတၢ်လုၢ်ဟံၣ်အဂၢၤအဂၤခံတီၤအပူၤန့ၣ်လီၤ. အဝဲမၤလီၤကလဲကွံာ်တၢ်လုၢ်လီၢ်တဖၣ်အံၤဆူအက့က့အခီခီ ဒီးတ့ၢ်လီၤအီၤဆူကံဒြိၣ်အတၢ်တြီၤအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 23:4

ဝံၤဒီး, စီၤယိၤၡံယၤဟ့ၣ်လီၤအကလုၢ်ဆူပှၤလုၢ်တၢ်အခိၣ်အဒိၣ် ကတၢၢ်စီၤဃံးလကံယၤ, အဝဲအပှၤလုၢ်တၢ်အခိၣ်စၢၤတဖၣ်, ဒီးပှၤခိးတၢ်အိၣ်မူအိၣ်ဒါဖဲယွၤအတၢ်လုၢ်ဟံၣ်အကျဲစၢၤတဖၣ်လၢ အကဟဲစိာ်ထီၣ်ကယဲၢ်တၢ်ပီးတၢ်လီခဲလၢာ်လၢအဘၣ်တၢ်သူ အီၤလၢတၢ်ဘူၣ်ထီၣ်ဘါထီၣ်ဘဧၤလးအဂီၢ်, ကစၢ်မုၣ်အၡ့ရၤအဂီၢ်ဒီးဆၣ်ဧိၤဖီဧိၤအဂီၢ်, ဆူယွၤအတၢ်လုၢ်ဟံၣ်အချၢန့ၣ်လီၤ. စီၤပၤဒွဲၣ်အူထီၣ်ကွံာ်တၢ်သ့ၣ်တဖၣ်အံၤခဲလၢာ်လၢဝ့ၢ်အချၢ ဘူးဒီးကံဒြိၣ်အတၢ်တြီၤပူၤ, ဝံၤဒီးမၢပှၤစိာ်ထီၣ်ကွံာ်အချါတဖၣ်ဆူဝ့ၢ်ဘ့ၤသ့လးန့ၣ်လီၤ.

လံာ်စီၤပၤခံဘ့ၣ်တဘ့ၣ် 23:6

ကစၢ်မုၣ်အၡ့ရၤအတၢ်ပနီၣ်လၢအအိၣ်လၢယွၤအတၢ်လုၢ်ဟံၣ်အပူၤန့ၣ်, အဝဲသုးကွံာ်ဝဲဒီးစိာ်ထီၣ်ဝဲဆူဝ့ၢ်အချၢဆူကံဒြိၣ်အတၢ်တြီၤပူၤ, ဒွဲၣ်အူထီၣ်ကွံာ်ဝဲ, တိၢ်လီၤကမူၣ်ဝဲတုၤအကဲထီၣ်ချါဖၣ်ဆါ ဒီးဖှံလီၤဝဲလၢကမျၢၢ်အတၢ်သွၣ်ခိၣ်အဖီခိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 3:2

အဝဲမၤတ့ၢ်တၢ်ဒဲးဘးထီဒါယွၤဘၣ်ဆၣ်, အဝဲတအၢထဲသိးဒီးအပၢ် မ့ၢ်ဂ့ၤ, အမိၢ်နီၢ်အံၤစ့ဘ့ၤလးမ့ၢ်ဂ့ၤန့ၣ်ဘၣ်. အဝဲထုးလီၤပှီၢ်ကွံာ်တၢ်ဂီၤတၢ်ဖီၣ်လၢအပၢ်ပာ်ထီၣ်တ့ၢ်ဝဲလၢ တၢ်ကဘါထီၣ်ဘဧၤလးအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 14:12

တုၤပှၤဖလ့ၡသးဖိတဖၣ်ထွးထီၣ်ဃ့ၢ်ကွံာ်ဝဲန့ၣ်အဝဲသ့ၣ်ပာ်တီၢ် တ့ၢ်အတၢ်ဂီၤတၢ်ဖီၣ်သ့ၣ်တဖၣ်, ဒီးစီၤဒၤဝံးဟ့ၣ်လီၤအကလုၢ်လၢကဘၣ်တၢ်ဒွဲၣ်ကွံာ်အီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:7

လၢကလံၤစိးဘီမုၢ်အလီၢ်ကဝီၤသကုၤဆးဒးန့ၣ်, အဝဲမၤလီၤကလဲကွံာ်တၢ်လုၢ်လီၢ်တဖၣ်ဒီးကစၢ်မုၣ်အၡ့ရၤ အတၢ်ပနီၣ်တဖၣ်, မၤလီၤကမူၣ်ကွံာ်တၢ်ဂီၤတၢ်ဖီၣ်တဖၣ်ဆူဖၣ်ဆါ, ဒီးမၤကၢ်ကွံာ်ကယဲၢ်တၢ်လုၢ်နၢမူအတၢ်လုၢ်လီၢ်တဖၣ်ဆူ တၢ်အက့က့အခီခီန့ၣ်လီၤ. ဝံၤဒီးအဝဲဟဲက့ၤကဒါက့ၤဆူ ဝ့ၢ်ယရူၤၡလ့ၣ်န့ၣ်လီၤ.

လံာ်ယၡါယၤ 27:9

ဘၣ်ဆၣ်ဒီးကီၢ်အံၣ်စရ့လးအတၢ်ဒဲးဘးတဖၣ်ကဘၣ်တၢ်ပျၢ် အီၤဖဲဒၣ်ပှၤဘါတၢ်ဂီၤအတၢ်လုၢ်လီၢ်အလၢၢ်တဖၣ်လီၤကလဲ ကွံာ်ဝဲဒ်ထူၣ်ဝါအကမူၣ်အသိး, ဒီးတၢ်နၢမူအတၢ်လုၢ်လီၢ် တဖၣ်မ့ၢ်ဂ့ၤ, ကစၢ်မုၣ်အၡ့ရၤအတၢ်ပနီၣ်တဖၣ်မ့ၢ်ဂ့ၤတအိၣ် လီၤတဲာ်လၢၤဘၣ်အဆၢကတီၢ်န့ၣ်လီၤ.

လံာ်သိၣ်လီၤသီလီၤတၢ် 7:5

လၢတၢ်န့ၣ်အဃိ, မၤလီၤပှီၢ်ကွံာ်အဝဲသ့ၣ်အတၢ်လုၢ်လီၢ်တဖၣ်, မၤကၢ်ကွံာ်အဝဲသ့ၣ်အလၢၢ်ထူၣ်စီဆှံတဖၣ်ဆူအက့အခီတဖၣ်ကျီ ကွံာ်အဝဲသ့ၣ်အကစၢ်မုၢ်အၡ့ရၤအပနီၣ်တဖၣ်ဒီးဒွဲၣ်အူထီၣ်ကွံာ် အဝဲသ့ၣ်အတၢ်ဂီၤတၢ်ဖီၣ်တဖၣ်န့ၣ်တက့ၢ်.