လံာ်စီၤပၤခံဘ့ၣ်တဘ့ၣ် 10:25 - Sgaw Karen Common Bible

²⁵ ဖဲစီၤယ့ၤဟူလုၢ်ထီၣ်တၢ်လုၢ်တၢ်ပာ်ဝံၤတဘျီဃီန့ၣ်, အဝဲစံးဘၣ်ပှၤခိးတၢ်တဖၣ်ဒီးသုးခိၣ်သုးနၢ်တဖၣ်စံးဝဲ, “လဲၤနုာ်ဒီးမၤသံကွံာ်အဝဲသ့ၣ်ခဲလၢာ်တက့ၢ်. ပျဲပှၤပူၤဖျဲးနီတဂၤတဂ့ၤ.” အဝဲသ့ၣ်လဲၤနုာ်ဝဲအိၣ်ဒီးနးတဖၣ်လၢအထုးထီၣ်ပာ်ဝဲ, ဒီးမၤသံကွံာ်အဝဲသ့ၣ်ခဲလၢာ်, ဒီးတွံၢ်ထုးထီၣ်အစိၣ်တဖၣ်ဆူ တၢ်ချၢန့ၣ်လီၤ. အနံၣ်ဝံၤဒီးအဝဲသ့ၣ်လဲၤနုာ်ဝဲဆူဘဧၤလးအတၢ်လုၢ်ဟံၣ်အသးကံၢ်ပူၤ,

လံာ်စီၤပၤခံဘ့ၣ်တဘ့ၣ် 10:25 Iomraidhean Croise

လံာ်စီၤပၤအခီၣ်ထံးတဘ့ၣ် 18:40

စီၤအ့ၤလံယၤမၤလိာ်ပှၤဂီၢ်မုၢ်စံးဝဲ, “ဖီၣ်ဃာ်ဘဧၤလးအ ဝံတဖၣ်တက့ၢ်. ပျဲပူၤဖျဲးအဝဲသ့ၣ်နီတဂၤတဂ့ၤ.” ပှၤဂီၢ်မုၢ်ဖီၣ်ဃာ်အဝဲသ့ၣ်ခဲလၢာ်ဒီးစီၤအ့ၤလံယၤဆှၢဃီၤ အဝဲသ့ၣ်ဆူထံကျိဖိကံၡိၣ်ဒီးမၤသံကွံာ်အဝဲသ့ၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 11:18

ဝံၤဒီးပှၤဂီၢ်မုၢ်လဲၤဆူဘဧၤလးအတၢ်လုၢ်ဟံၣ်, ဒီးမၤလီၤပှီၢ်ကွံာ်အီၤန့ၣ်လီၤ. အဝဲသ့ၣ်မၤကၢ်လီၤကလဲကွံာ် တၢ်လုၢ်လီၢ်တဖၣ်ဒီးတၢ်ဂီၤတၢ်ဖီၣ်တဖၣ်, ဒီးမၤသံကွံာ်ဘဧၤလးအပှၤလုၢ်တၢ်အခိၣ်စီၤမးတၣ်, ဖဲတၢ်လုၢ်လီၢ်တဖၣ်အမဲာ်ညါန့ၣ်လီၤ. စီၤယဟိယဒါပာ်လီၤပှၤပၢၤတၢ်ဖိတဖၣ်ဖဲယွၤအတၢ်လုၢ်ဟံၣ်,

လံာ်စီၤပၤခံဘ့ၣ်တဘ့ၣ် 23:20

အဝဲမၤသံကွံာ်ကယဲၢ်ပှၤတစူၢ်တနာ်ယွၤအပှၤလုၢ်တၢ်အခိၣ်ခဲလၢာ် လၢတၢ်လုၢ်လီၢ်တဖၣ်ဖဲအဝဲသ့ၣ်မၤတ့ၢ်တၢ်မၤအလိၤ, ဒီးအဝဲဒွဲၣ်အူထီၣ်ပှၤကညီအဃံအကွဲတဖၣ်လၢကယဲၢ်တၢ်လုၢ်လီၢ် အဖီခိၣ်န့ၣ်လီၤ. ဝံၤဒီးအဝဲက့ၤကဒါက့ၤဝဲဆူဝ့ၢ်ယရူၤၡလ့ၣ်န့ၣ်လီၤ.

လံာ်တၢ်ဟးထီၣ်ကွံာ် 22:20

ပှၤတဂၤလၢ်လၢ်လၢအလုၢ်တၢ်ပာ်တၢ်ဆူကစၢ်အဂုၤအဂၤတဂၤလၢ်လၢ် အအိၣ်လၢယၤ, ယွၤအမဲာ်ညါန့ၣ်, စံၣ်ညီၣ်သံကွံာ်အီၤတက့ၢ်.

လံာ်တၢ်ဟးထီၣ်ကွံာ် 32:27

ဒီးအဝဲစံးဘၣ်အဝဲသ့ၣ်, “ယွၤ, ကီၢ်အံၣ်စရ့လးအကစၢ်ယွၤမၤ လိာ်သုဝဲကိးဂၤဒဲးလၢသုကဟံးထီၣ်သုနး, ဒီးလဲၤခီဂာ်တၢ်သူၣ်ဒဲအလီၢ်စးထီၣ်လၢကျဲစၢၤအံၤတုၤဆူ ကျဲစၢၤဘးခီတတီၤန့ၣ်ဒီးမၤသံကွံာ်သုဒီပုၢ်ဝဲၢ်ခွါတ ဖၣ်, သုတံၤသကိးတဖၣ်, ဒီးပှၤအိၣ်လၢသုဃၢၤတဖၣ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 22:17

အန့ၣ်ဝံၤဒီးစီၤစီလူးစံးဘၣ်ပှၤပၢၤအသးသမူတဖၣ်လၢအဆၢထၢၣ် ဖဲအဃၢၤန့ၣ်, “မၤသံကွံာ်ယွၤအပှၤလုၢ်တၢ်အခိၣ်တဖၣ်တက့ၢ်. အဝဲသ့ၣ်ကူၣ်ထီၣ်ဖးလီၤသကိးတၢ်အၢတမံၤဃီဒီးစီၤဒၤဝံးဒီး သ့ၣ်ညါဝဲတၢ်ဂ့ၢ်ခဲလၢာ်ဘၣ်ဆၣ်ဒီး တတဲဘၣ်ယၤလၢအဝဲထွးထီၣ်ဃ့ၢ် အဂ့ၢ်န့ၣ်ဘၣ်.” ဘၣ်ဆၣ်ဒီးပှၤပၢၤအသးသမူတဖၣ် ဂ့ၢ်လိာ်ဝဲလၢကယူာ်ထီၣ်အစုဒ်သိးကမၤသံ ယွၤအပှၤလုၢ်တၢ်အခိၣ်တဖၣ် န့ၣ်လီၤ.