လံာ်စီၤပၤခံဘ့ၣ်တဘ့ၣ် 10:13 - Sgaw Karen Common Bible

¹³ အဝဲထံၣ်လိာ်အသးဒီးစီၤပၤအဃၤစယၤလၢအသံတ့ၢ်လံတဂၤအဘူး အတံၢ်တနီၤဒီးစီၤယ့ၤဟူသံကွၢ်အဝဲသ့ၣ်, “သုမ့ၢ်မတၤလဲၣ်.” အဝဲသ့ၣ်စံးဆၢဝဲ, “ပမ့ၢ်စီၤအဃၤစယၤအဘူးအတံၢ်တဖၣ်လီၤ. ပကလဲၤဆူဝ့ၢ်ယံးစရ့လးလၢပကဟ့ၣ်တၢ်ယူးယီၣ်ဆူနီၢ်ပၤမုၣ် အံစ့ၤဘ့ၤလးအဖိတဖၣ်ဒီးစီၤပၤအဟံၣ်ဖိဃီဖိအဂၤတဖၣ်န့ၣ် လီၤ.”

လံာ်စီၤပၤခံဘ့ၣ်တဘ့ၣ် 10:13 Iomraidhean Croise

လံာ်စီၤပၤခံဘ့ၣ်တဘ့ၣ် 10:12

စီၤယ့ၤဟူဟးထီၣ်လၢဝ့ၢ်ယံးစရ့လးဒ်သိးကလဲၤဝဲဆူဝ့ၢ်ၡၤ မရံန့ၣ်လီၤ. လၢကျဲဖဲတၢ်လီၢ်ကိးဝဲလၢ, “ပှၤကွၢ်သိတဖၣ်အသူၣ်ဒဲအလီၢ်” န့ၣ်,

လံာ်စီၤပၤခံဘ့ၣ်တဘ့ၣ် 10:14

စီၤယ့ၤဟူဟ့ၣ်လီၤအကလုၢ်ဆူအပှၤတဖၣ်စံးဝဲ, “ဖီၣ်န့ၢ်မူဒံးအဝဲသ့ၣ်တက့ၢ်.” အဝဲသ့ၣ်ဖီၣ်န့ၢ်ပှၤတဖၣ်န့ၣ်ဒီးစီၤယ့ၤဟူမၤသံပှၤတဖၣ်န့ၣ် ဖဲတၢ်ပူၤအိၣ်ဖဲန့ၣ်တပူၤလီၤ. ပှၤခဲလၢာ်အိၣ်လွံၢ်ဆံခံဂၤဒီးပှၤလၢအဘၣ်တၢ်ပာ်မူလီၤတဲာ် တ့ၢ်အီၤတအိၣ်နီတဂၤဘၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 8:24

စီၤယဟိရၣ်သံဝဲ, ဒီးဘၣ်တၢ်ခူၣ်လီၤကွံာ်အီၤလၢစီၤပၤအတၢ် သွၣ်ခိၣ်တဖၣ်လၢအအိၣ်လၢစီၤဒၤဝံးအဝ့ၢ်ပူၤဒီးအဖိခွါစီၤအဃၤစယၤ ကဲထီၣ်စီၤပၤလၢအလီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 8:29

အဝဲဟဲက့ၤကဒါက့ၤဆူဝ့ၢ်ယံးစရ့လးဒ်သိးအတၢ်ပူၤလီၢ်ပူၤ ကျဲတဖၣ်ကဘျါက့ၤဝဲအဂီၢ်, ဒီးစီၤပၤအဃၤစယၤလဲၤအိၣ်သကိးအီၤ ဖဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 21:17

အဝဲသ့ၣ်လဲၤထီၣ်ဒုးကီၢ်ယူဒၤ, ဂုာ်န့ၢ်ဆူၣ်တၢ်လၢစီၤပၤအနီ ပူၤ, ဒီးက့ၤစိာ်ကွံာ်ကယဲၢ်စီၤပၤအမါတဖၣ်ဒီးအဖိခွါတဖၣ်ဒ်ပှၤဘၣ် တၢ်စၢဃာ်တဖၣ်အသိးန့ၣ်လီၤ. ပှၤအိၣ်လီၤတဲာ်မ့ၢ်ဒၣ်ထဲအဖိခွါသဒါစီၤအဃၤစယၤတဂၤဧိၤန့ၣ်လီၤ.

လံာ်ယံးရမံယၤ 41:5

ပှၤအဂၤဃိးဆံဟဲတုၤဝဲလၢ ဝ့ၢ်ၡက့ၣ်, ဝ့ၢ်ၡံလိၤ, ဒီးဝ့ၢ်ၡၤမရံလီၤ. အဝဲသ့ၣ် လူၤကွံာ်အခၣ်ဆူၣ်, ဖှီယာ်အကူအသိးတဖၣ်, ဒီးဂဲာ်လီၤအသးန့ၣ်လီၤ. အဝဲသ့ၣ်လဲၤစိာ်ဘုခ့ဒီး တၢ်နၢမူလၢ ကလုၢ်ထီၣ်တၢ်လၢ ယွၤအတၢ်လုၢ်ဟံၣ်ပူၤအဂီၢ်လီၤ.