လံာ်စီၤပၤခံဘ့ၣ်တဘ့ၣ် 10:12 - Sgaw Karen Common Bible

¹² စီၤယ့ၤဟူဟးထီၣ်လၢဝ့ၢ်ယံးစရ့လးဒ်သိးကလဲၤဝဲဆူဝ့ၢ်ၡၤ မရံန့ၣ်လီၤ. လၢကျဲဖဲတၢ်လီၢ်ကိးဝဲလၢ, “ပှၤကွၢ်သိတဖၣ်အသူၣ်ဒဲအလီၢ်” န့ၣ်,

လံာ်စီၤပၤခံဘ့ၣ်တဘ့ၣ် 10:12 Iomraidhean Croise

လံာ်စီၤပၤခံဘ့ၣ်တဘ့ၣ် 10:11

ဝံၤဒီးစီၤယ့ၤဟူမၤသံကွံာ်ကယဲၢ်စီၤအၤဃာ်အဘူးအတံၢ်အဂၤ ခဲလၢာ်လၢအအိၣ်ဆိးလၢဝ့ၢ်ယံးစရ့လးအပူၤဒီးကယဲၢ်အပဒိၣ်ပပှၢ် ခဲလၢာ်, အတံၤသကိးဘူးဘူးတံၢ်တံၢ်တဖၣ်ဒီးအပှၤလုၢ်တၢ်အခိၣ်တဖၣ်န့ၣ် လီၤ. တပာ်လီၤတဲာ်မူဒံးအဝဲသ့ၣ်နီတဂၤဘၣ်.

လံာ်စီၤပၤခံဘ့ၣ်တဘ့ၣ် 10:13

အဝဲထံၣ်လိာ်အသးဒီးစီၤပၤအဃၤစယၤလၢအသံတ့ၢ်လံတဂၤအဘူး အတံၢ်တနီၤဒီးစီၤယ့ၤဟူသံကွၢ်အဝဲသ့ၣ်, “သုမ့ၢ်မတၤလဲၣ်.” အဝဲသ့ၣ်စံးဆၢဝဲ, “ပမ့ၢ်စီၤအဃၤစယၤအဘူးအတံၢ်တဖၣ်လီၤ. ပကလဲၤဆူဝ့ၢ်ယံးစရ့လးလၢပကဟ့ၣ်တၢ်ယူးယီၣ်ဆူနီၢ်ပၤမုၣ် အံစ့ၤဘ့ၤလးအဖိတဖၣ်ဒီးစီၤပၤအဟံၣ်ဖိဃီဖိအဂၤတဖၣ်န့ၣ် လီၤ.”

လံာ်စီၤပၤခံဘ့ၣ်တဘ့ၣ် 10:14

စီၤယ့ၤဟူဟ့ၣ်လီၤအကလုၢ်ဆူအပှၤတဖၣ်စံးဝဲ, “ဖီၣ်န့ၢ်မူဒံးအဝဲသ့ၣ်တက့ၢ်.” အဝဲသ့ၣ်ဖီၣ်န့ၢ်ပှၤတဖၣ်န့ၣ်ဒီးစီၤယ့ၤဟူမၤသံပှၤတဖၣ်န့ၣ် ဖဲတၢ်ပူၤအိၣ်ဖဲန့ၣ်တပူၤလီၤ. ပှၤခဲလၢာ်အိၣ်လွံၢ်ဆံခံဂၤဒီးပှၤလၢအဘၣ်တၢ်ပာ်မူလီၤတဲာ် တ့ၢ်အီၤတအိၣ်နီတဂၤဘၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 22:8

ဖဲစီၤယ့ၤဟူမၤထွဲကစၢ်ယွၤအတၢ်စံၣ်ညီၣ်လၢစီၤအၤဃာ်အစၢၤ အသွဲၣ်အတၢ်ပၢအစိၤအဂီၢ်န့ၣ်, အဝဲဘၣ်သဃိာ်လိာ်အသးဒီးပှၤတဖုလၢအမ့ၢ်ဝဲ, ပှၤယူဒၤဖိအခိၣ်အနၢ်တဖၣ်ဒီးစီၤအဃၤစယၤအဖိဒိၣ်ခွါတဖၣ်လၢ အဟဲပိာ်ထွဲစီၤအဃၤစယၤအခံလၢတၢ်လဲၤအိၣ်သကိးအပူၤန့ၣ်လီၤ. စီၤယ့ၤဟူမၤသံကွံာ်အဝဲသ့ၣ်ခဲလၢာ်န့ၣ်လီၤ.