လံာ်စီၤပၤခံဘ့ၣ်တဘ့ၣ် 10:11 - Sgaw Karen Common Bible

¹¹ ဝံၤဒီးစီၤယ့ၤဟူမၤသံကွံာ်ကယဲၢ်စီၤအၤဃာ်အဘူးအတံၢ်အဂၤ ခဲလၢာ်လၢအအိၣ်ဆိးလၢဝ့ၢ်ယံးစရ့လးအပူၤဒီးကယဲၢ်အပဒိၣ်ပပှၢ် ခဲလၢာ်, အတံၤသကိးဘူးဘူးတံၢ်တံၢ်တဖၣ်ဒီးအပှၤလုၢ်တၢ်အခိၣ်တဖၣ်န့ၣ် လီၤ. တပာ်လီၤတဲာ်မူဒံးအဝဲသ့ၣ်နီတဂၤဘၣ်.

လံာ်စီၤပၤခံဘ့ၣ်တဘ့ၣ် 10:11 Iomraidhean Croise

လံာ်စီၤပၤအခီၣ်ထံးတဘ့ၣ် 14:10

လၢတၢ်အံၤအဃိယဟဲစိာ်တၢ်တတၢးတနါလၢနစီၤပၤအစၢၤအသွဲၣ်တဖၣ် အလိၤ, ဒီးမၤသံကွံာ်ကယဲၢ်နစၢၤနသွဲၣ်ပိာ်ခွါခဲလၢာ်, ပှၤသးစၢ်မ့ၢ်ဂ့ၤ, ပှၤသးပှၢ်မ့ၢ်ဂ့ၤန့ၣ်လီၤ. ယကဒီၣ်တဲာ်ကွံာ်နပှၤဟံၣ်ဖိဃီဖိတဖၣ်ဒီးအဝဲသ့ၣ်ကဘၣ်တၢ်မၤ ပျီကွံာ်အီၤဒ်တၢ်အ့ၣ်အသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 15:29

တဘျီဃီန့ၣ်, အဝဲစးထီၣ်တၢ်မၤသံကွံာ်ကယဲၢ်စီၤယၤရၤဘၣ်အပှၤ ဟံၣ်ဖိဃီဖိခဲလၢာ်န့ၣ်လီၤ. ဒ်တၢ်လၢယွၤစံးတ့ၢ်ဝဲခီဖျိ အခ့အပှၤ, ပှၤၡံလိၤဖိဝံအဃံယၤအသိးန့ၣ်, ကယဲၢ်စီၤယၤရၤဘၣ်အပှၤဟံၣ်ဖိဃီဖိခဲလၢာ်ဘၣ်တၢ်မၤသံကွံာ် အီၤန့ၣ်လီၤ. ပှၤတအိၣ်လီၤတဲာ်တ့ၢ်နီတဂၤဘၣ်.

လံာ်စီၤပၤအခီၣ်ထံးတဘ့ၣ် 16:11

တုၤစီၤစံၣ်ရံၤကဲထီၣ်စီၤပၤတဘျီန့ၣ်အဝဲမၤသံကွံာ်ကယဲၢ် စီၤဘါၡၤအဟံၣ်ဖိဃီဖိခဲလၢာ်န့ၣ်လီၤ. အဘူးအတံၢ်ဒီးအတံၤသကိးပိာ်ခွါခဲလၢာ်ဘၣ်တၢ်မၤသံကွံာ်အီၤ န့ၣ်လီၤ.

လံာ်စီၤပၤအခီၣ်ထံးတဘ့ၣ် 18:19

ခဲကနံၣ်အံၤဟ့ၣ်လီၤနကလုၢ်လၢကယဲၢ်ကီၢ်အံၣ်စရ့လးအပှၤဂီၢ်မုၢ် ကဟဲထံၣ်ယၤဖဲကစၢၢ်ကၢ်မ့ၤလးအလိၤန့ၣ်တက့ၢ်. ဟဲကိးဃုာ်ဘဧၤလးအဝံလွံၢ်ကယၤယဲၢ်ဆံဂၤဒီးကစၢ်မုၣ်အၡ့ရၤ အဝံလွံၢ်ကယၤဂၤလၢအဘၣ်တၢ်ဆီၣ်ထွဲမၤစၢၤတ့ၢ်အီၤလၢနီၢ်ပၤ မုၣ်အံၤစ့ဘ့ၤလးန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 18:40

စီၤအ့ၤလံယၤမၤလိာ်ပှၤဂီၢ်မုၢ်စံးဝဲ, “ဖီၣ်ဃာ်ဘဧၤလးအ ဝံတဖၣ်တက့ၢ်. ပျဲပူၤဖျဲးအဝဲသ့ၣ်နီတဂၤတဂ့ၤ.” ပှၤဂီၢ်မုၢ်ဖီၣ်ဃာ်အဝဲသ့ၣ်ခဲလၢာ်ဒီးစီၤအ့ၤလံယၤဆှၢဃီၤ အဝဲသ့ၣ်ဆူထံကျိဖိကံၡိၣ်ဒီးမၤသံကွံာ်အဝဲသ့ၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 21:22

နပှၤဟံၣ်ဖိဃီဖိကကဲထီၣ်ဒ်စီၤနဘးအဖိခွါစီၤပၤစီၤယၤရၤ ဘၣ်အဟံၣ်ဖိဃီဖိအသိးဒီးဒ်စီၤအဃံယၤအဖိခွါစီၤပၤစီၤဘါ ၡၤအဟံၣ်ဖိဃီဖိအသိး, မ့ၢ်လၢနထိၣ်ဂဲၤထီၣ်ယတၢ်သးဒိၣ်ထီၣ်ခီဖျိနဆှၢဃီၤပှၤအံၣ် စရ့လးဖိဆူတၢ်ဒဲးဘးအပူၤအဃိလီၤ.

လံာ်စီၤပၤအခီၣ်ထံးတဘ့ၣ် 21:29

“မ့ၢ်နပာ်သူၣ်ပာ်သးလၢ, စီၤအၤဃာ်ဆိၣ်လီၤတ့ၢ်အသးလၢယမဲာ် ညါဒ်လဲၣ်န့ၣ်ဧါ. မ့ၢ်လၢအဝဲမၤတ့ၢ်တၢ်အံၤအဃိ, ယတဟဲစိာ်တၢ်တတၢးတနါလၢအဖီခိၣ်ဖဲအဝဲအိၣ်မူဒံးဝဲ အဆၢကတီၢ်န့ၣ်ဘၣ်. တၢ်ဆၢကတီၢ်လၢယကဟဲစိာ်တၢ်တတၢးတနါဆူစီၤ အၤဃာ်အဟံၣ်ဒူၣ်ဃီထၢအဖီခိၣ်န့ၣ်ကမ့ၢ်ဖဲအဝဲအဖိပိာ်ခွါ အစိၤအဆၢကတီၢ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 22:6

လၢတၢ်န့ၣ်အဃိစီၤအၤဃာ်ကိးနုာ်ဝံတဖၣ်ခဲလၢာ်ပှၤအဂၤလွံၢ် ကယၤဃၣ်ဃၣ်ဒီးသံကွၢ်အဝဲသ့ၣ်, “မ့ၢ်ယကဘၣ်လဲၤထီၣ်ဒုးဝ့ၢ်ရၤမိး, မ့တမ့ၢ်ယတဘၣ်လဲၤဘၣ်ဧါ.” အဝဲသ့ၣ်စံးဆၢဝဲ, “လဲၤထီၣ်ဒုးအီၤတက့ၢ်. ယွၤကဟ့ၣ်နၤတၢ်မၤနၢၤလီၤ.”

လံာ်စီၤပၤခံဘ့ၣ်တဘ့ၣ် 10:12

စီၤယ့ၤဟူဟးထီၣ်လၢဝ့ၢ်ယံးစရ့လးဒ်သိးကလဲၤဝဲဆူဝ့ၢ်ၡၤ မရံန့ၣ်လီၤ. လၢကျဲဖဲတၢ်လီၢ်ကိးဝဲလၢ, “ပှၤကွၢ်သိတဖၣ်အသူၣ်ဒဲအလီၢ်” န့ၣ်,

လံာ်စီၤပၤခံဘ့ၣ်တဘ့ၣ် 23:20

အဝဲမၤသံကွံာ်ကယဲၢ်ပှၤတစူၢ်တနာ်ယွၤအပှၤလုၢ်တၢ်အခိၣ်ခဲလၢာ် လၢတၢ်လုၢ်လီၢ်တဖၣ်ဖဲအဝဲသ့ၣ်မၤတ့ၢ်တၢ်မၤအလိၤ, ဒီးအဝဲဒွဲၣ်အူထီၣ်ပှၤကညီအဃံအကွဲတဖၣ်လၢကယဲၢ်တၢ်လုၢ်လီၢ် အဖီခိၣ်န့ၣ်လီၤ. ဝံၤဒီးအဝဲက့ၤကဒါက့ၤဝဲဆူဝ့ၢ်ယရူၤၡလ့ၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 9:7

နကဘၣ်မၤသံကွံာ်နကစၢ်စီၤပၤ, စီၤအၤဃာ်အဖိခွါတဂၤန့ၣ်ဒ်သိး ယကစံၣ်ညီၣ်နီၢ်အံၤစ့ဘ့ၤလးအဂီၢ်, မ့ၢ်လၢအဝဲမၤသံယဝံတဖၣ်, ဒီးယခ့ယပှၤအဂၤတဖၣ်အဃိန့ၣ်လီၤ.

လံာ်စီၤပၤခံဘ့ၣ်တဘ့ၣ် 9:9

ယကမၤဘၣ်အဝဲအဟံၣ်ဖိဃီဖိဒ်အဝဲမၤဘၣ်တ့ၢ်ကီၢ်အံၣ်စရ့လးအစီၤ ပၤစီၤယၤရၤဘၣ်အဟံၣ်ဖိဃီဖိဒီးကီၢ်အံၣ်စရ့လးအစီၤပၤဘါ ၡၤအဟံၣ်ဖိဃီဖိအသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 22:7

ကစၢ်ယွၤသူတၢ်လဲၤအိၣ်သကိးစီၤယဟိရၣ်အံၤဒ်ကျဲလၢကကဲထီၣ် စီၤအဃၤစယၤအတၢ်ဟးဂီၤအဂီၢ်န့ၣ်လီၤ. ဖဲစီၤအဃၤစယၤအိၣ်ဝဲဖဲန့ၣ်အခါန့ၣ်, အဝဲဒီးစီၤယဟိရၣ်ဘၣ် ကွၢ်ဆၢၣ်မဲာ်လိာ်အသးဒီးပှၤတဂၤလၢအမံၤမ့ၢ်ဝဲစီၤယ့ၤဟူ, လၢအမ့ၢ်စီၤနံၣ်ၡံၤအဖိခွါ, ပှၤတဂၤလၢယွၤဃုထၢတ့ၢ်အီၤလၢ ကမၤဟးဂီၤကွံာ်စီၤအၤဃာ်အစၢၤအသွဲၣ်အတၢ်ပၢအစိၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 22:8

ဖဲစီၤယ့ၤဟူမၤထွဲကစၢ်ယွၤအတၢ်စံၣ်ညီၣ်လၢစီၤအၤဃာ်အစၢၤ အသွဲၣ်အတၢ်ပၢအစိၤအဂီၢ်န့ၣ်, အဝဲဘၣ်သဃိာ်လိာ်အသးဒီးပှၤတဖုလၢအမ့ၢ်ဝဲ, ပှၤယူဒၤဖိအခိၣ်အနၢ်တဖၣ်ဒီးစီၤအဃၤစယၤအဖိဒိၣ်ခွါတဖၣ်လၢ အဟဲပိာ်ထွဲစီၤအဃၤစယၤအခံလၢတၢ်လဲၤအိၣ်သကိးအပူၤန့ၣ်လီၤ. စီၤယ့ၤဟူမၤသံကွံာ်အဝဲသ့ၣ်ခဲလၢာ်န့ၣ်လီၤ.

လံာ်စီၤယိၤဘး 18:19

အဝဲအဖိအလံၤမ့တမ့ၢ် အစၢၤအသွဲၣ်တဖၣ်တအိၣ် လၢအပှၤဂီၢ်မုၢ်အကျါလၢၤဘၣ်. တၢ်လီၢ်ဖဲတဘျီအဝဲအိၣ်မူတ့ၢ်ဝဲန့ၣ်, ပှၤမူတ့ၢ်ဒံးတအိၣ် နီတဂၤဘၣ်.

စံးထီၣ်ပတြၢၤ 109:13

မ်အစၢၤအသွဲၣ်ဘၣ်တၢ်ဒီၣ်တဲာ်ကွံာ်အီၤ, မ်အမံၤဘၣ်တၢ်တြူာ်ကွံာ်အီၤလၢ ပှၤလၢခံတစိၤအကျါန့ၣ်တက့ၢ်.

စံးထီၣ်ပတြၢၤ 125:5

မ့မ့ၢ်ပှၤလၢ ပိာ်ကျဲအက့ၣ်အကူတဖၣ်န့ၣ် ယွၤကဟီထီၣ်ကွံာ်အီၤဃုာ်ဒီး ပှၤမၤတၢ်အၢန့ၣ်လီၤ. မ်တၢ်ဃူတၢ်ဖိးအိၣ်လၢအံၣ်စရ့လးအပူၤတက့ၢ်.

တၢ်ကတိၤဒိ. 13:20

လဲၤတၢ်ဒီးပှၤကူၣ်သ့ဒီးနကကဲထီၣ်ပှၤကူၣ်သ့န့ၣ်လီၤ. နမ့ၢ်မၤတံၤမၤသကိးဒီးပှၤဟးဂီၤဖိတဖၣ်န့ၣ်နကဟးဂီၤလီၤ.

လံာ်ဟိၤၡ့ 1:4

ယွၤတဲဘၣ်စီၤဟိၤၡ့, “ကိးအမံၤလၢစီၤယံးစရ့လးတက့ၢ်. အဂ့ၢ်ဒ်အံၤ, တယံာ်ဘၣ်ဒီးယကစံၣ်ညီၣ်ကီၢ်အံၣ်စရ့လးအစီၤပၤ, လၢတၢ်မၤသံလၢပှၤလၢအဝဲအစၢၤအသွဲၣ်တဂၤ, စီၤယ့ၤဟူ မၤတ့ၢ်ဝဲလၢယံးစရ့လးအတြီၤပူၤအဃိန့ၣ်လီၤ. ယကဒုးကတၢၢ်ကွံာ်စီၤယ့ၤဟူအဘီအမုၢ်န့ၣ်လီၤ.

လံာ်စီၤယိၤၡူ 10:30

ဒီးယွၤဟ့ၣ်လီၤစ့ၢ်ကီးဝ့ၢ်လံးဘနၤဒီးအစီၤပၤဆူပှၤအံၣ်စရ့လးဖိအစု ပူၤန့ၣ်လီၤ. အဝဲသ့ၣ်တဒုးပူၤဖျဲးပှၤနီတဂၤဘၣ်ဒီးမၤသံပှၤခဲ လၢာ်လၢဝ့ၢ်ပူၤန့ၣ်လီၤ. ဒ်အဝဲသ့ၣ်မၤတ့ၢ်ဝ့ၢ်ယရံၤဃိအစီၤပၤအသိး, မၤဝ့ၢ်လံးဘနၤအစီၤပၤဒ်န့ၣ်အသိးလီၤ.

လံာ်စီၤယိၤၡူ 11:8

ဒီးယွၤဟ့ၣ်လီၤအဝဲသ့ၣ်လၢအံၣ်စရ့လးဖိအစုပူၤဒီးဘၣ်တၢ်ကျီ သံကွံာ်အီၤဒီးလူၤအီၤပၢၢ်တုၤလၢဝ့ၢ်စံဒိၣ်ဖးဒိၣ်ဒီး ဝ့ၢ်မံးစြဖိးမၤယံၣ်လၢကလံၤစိးတကပၤ, ဒီးပၢၢ်တုၤလၢမံးစပၤ တၢ်ပၢၤခိၣ်ကစၢၢ်ကဆူးလၢမုၢ်ထီၣ်တကပၤန့ၣ်လီၤ. တၢ်ဒုးမၤအသးတုၤလၢဒုၣ်ဒါတအိၣ်မူလၢၤနီတဂၤဘၣ်န့ၣ်လီၤ.

လံာ်လီၣ်ဖျါ 19:20

တၢ်ဒူတၢ်ဃိၤတဒုန့ၣ်ဘၣ်တၢ်ဖီၣ်န့ၢ်အီၤတပူၤဃီဒီးဝံ အဘျၣ်လၢအမၤတ့ၢ်တၢ်လီၤလးတဖၣ်လၢတၢ်ဒူတၢ်ဃိၤ တဒုန့ၣ်အမဲာ်ညါလီၤ. (ခီဖျိတၢ်လီၤလးတဖၣ်န့ၣ်, အဝဲဒၣ်လီန့ၢ်တ့ၢ်ပှၤသ့ၣ်တဖၣ်လၢအအိၣ်ဒီးတၢ်ဒူတၢ်ဃိၤ တဒုန့ၣ်အတၢ်ပနီၣ်, ဒီးပှၤသ့ၣ်တဖၣ်လၢအဘါတ့ၢ်တၢ်ဒူတၢ်ဃိၤတဒုန့ၣ် အက့ၢ်အဂီၤလီၤ.) တၢ်ဒူတၢ်ဃိၤဒီးဝံအဘျၣ်စ့ၢ်ကီး, ဘၣ်တၢ်တ့ၢ်လီၤမူဒံးအီၤဆူနိၣ်မ့ၣ်အူလၢအအီၣ်ဃုာ် တၢ်ဒီးကးန့ၣ်လီၤ.

လံာ်လီၣ်ဖျါ 20:10

တုၤနုၤတစုမုၣ်ကီၤလံၢ်, လၢအလီန့ၢ်တ့ၢ်အဝဲသ့ၣ်န့ၣ် ဘၣ်တၢ်တ့ၢ်လီၤအီၤဆူမ့ၣ်အူဒီးကးအနိၣ်အပူၤဖဲ တၢ်ဒူတၢ်ဃိၤဒီးဝံအဘျၣ်ဘၣ်တၢ်တ့ၢ်လီၤတ့ၢ်အီၤ, ဒီးအဝဲသ့ၣ်ကဘၣ်တၢ်မၤနးမၤဖှီၣ်အီၤလၢမုၢ်ဆါ ဒီးမုၢ်နၤအစိၤစိၤအဃၣ်ဃၣ်လီၤ.