လံာ်စီၤပၤခံဘ့ၣ်တဘ့ၣ် 10:10 - Sgaw Karen Common Bible

¹⁰ တၢ်အံၤမ့ၢ်တၢ်အုၣ်အသးလၢအပာ်ဖျါထီၣ်ကယဲၢ်တၢ်လၢယွၤစံးတ့ၢ် ဝဲဘၣ်ဃးဒီးစီၤအၤဃာ်အစၢၤအသွဲၣ်တဖၣ်အဂ့ၢ်န့ၣ်ကလၢထီၣ်ပှဲၤ ထီၣ်န့ၣ်လီၤ. ယွၤမၤတ့ၢ်တၢ်လၢအအၢၣ်လီၤတ့ၢ်ဝဲခီဖျိအဝံစီၤအ့ၤလံယၤ န့ၣ်လီၤ.”

လံာ်စီၤပၤခံဘ့ၣ်တဘ့ၣ် 10:10 Iomraidhean Croise

လံာ်စီၤပၤအခီၣ်ထံးတဘ့ၣ် 21:19

တဲဘၣ်အီၤလၢယၤ, ယွၤစံးဘၣ်အီၤ, ဖဲနမၤသံကွံာ်ပှၤတဂၤဝံၤ အလီၢ်ခံန့ၣ်, မ့ၢ်နကဟံးန့ၢ်ကွံာ်အတၢ်စုလီၢ်ခီၣ်ခိၣ်စ့ၢ်ကီးဧါ. တဲဘၣ်အီၤလၢအအံၤမ့ၢ်တၢ်လၢယစံးန့ၣ်တက့ၢ်. ဖဲတၢ်လီၢ်တတီၤဃီလၢထွံၣ်တဖၣ်လ့ၣ်ကွံာ်စီၤနၤဘိးအသွံၣ်န့ၣ် အဝဲသ့ၣ်ကလ့ၣ်ထီၣ်ကွံာ်နသွံၣ်စ့ၢ်ကီးန့ၣ်လီၤ.”

လံာ်စီၤပၤအခီၣ်ထံးတဘ့ၣ် 21:29

“မ့ၢ်နပာ်သူၣ်ပာ်သးလၢ, စီၤအၤဃာ်ဆိၣ်လီၤတ့ၢ်အသးလၢယမဲာ် ညါဒ်လဲၣ်န့ၣ်ဧါ. မ့ၢ်လၢအဝဲမၤတ့ၢ်တၢ်အံၤအဃိ, ယတဟဲစိာ်တၢ်တတၢးတနါလၢအဖီခိၣ်ဖဲအဝဲအိၣ်မူဒံးဝဲ အဆၢကတီၢ်န့ၣ်ဘၣ်. တၢ်ဆၢကတီၢ်လၢယကဟဲစိာ်တၢ်တတၢးတနါဆူစီၤ အၤဃာ်အဟံၣ်ဒူၣ်ဃီထၢအဖီခိၣ်န့ၣ်ကမ့ၢ်ဖဲအဝဲအဖိပိာ်ခွါ အစိၤအဆၢကတီၢ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 10:17

တုၤအဝဲသ့ၣ်လဲၤတုၤဖဲန့ၣ်ဒီးစီၤယ့ၤဟူမၤသံကွံာ်ကယဲၢ် စီၤအၤဃာ်အဘူးအတံၢ်ခဲလၢာ်, တပာ်တီၢ်ဝဲနီတဂၤဒၣ်လဲာ်ဘၣ်. တၢ်အံၤမ့ၢ်တၢ်လၢယွၤတဲဘၣ်တ့ၢ်စီၤအ့ၤလံယၤလၢကမၤအသးန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:12

လၢတၢ်န့ၣ်အဃိ, တၢ်အၢၣ်လီၤအီလီၤလၢယွၤမၤတ့ၢ်ဝဲဒီးစီၤ ပၤယ့ၤဟူန့ၣ်, လၢထီၣ်ပှဲၤထီၣ်ဝဲဒၣ်လီၤ. စံးဝဲဒၣ်, “နစၢၤနသွဲၣ်တဖၣ်တုၤလီၤလၢပှၤလွံၢ်စိၤတစိၤန့ၣ် ကကဲထီၣ်ကီၢ်အံၣ်စရ့လးအစီၤပၤတဖၣ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 9:36

ဖဲအဝဲသ့ၣ်က့ၤပာ်ဖျါထီၣ်တၢ်ဂ့ၢ်အံၤဆူစီၤယ့ၤဟူအအိၣ်န့ၣ်, အဝဲစံးဝဲ, “တၢ်အံၤမ့ၢ်တၢ်လၢယွၤစံးတ့ၢ်လၢကမၤအသးဖဲ အဝဲကတိၤတ့ၢ်တၢ်ခီဖျိအခ့အပှၤစီၤအ့ၤလံယၤ, လၢထွံၣ်တဖၣ်ကအီၣ်နီၢ်အံၤစ့ဘ့ၤလးအညၣ်လၢယံးစရ့လးအလီၢ် ကဝီၤပူၤန့ၣ်လီၤ.

လံာ်နီၢ်အ့ၤစတၢ် 6:10

အန့ၣ်ဒီးစီၤပၤစံးဘၣ်စီၤဟၤမၣ်, “မၤချ့ချ့ဒီးလဲၤဟံးန့ၢ်ဆ့ကၤဖးထီ တဖၣ်ဒီးကသ့ၣ်, ဒီးသုးကျဲၤတၢ်လၤကပီၤဒ်အံၤတဖၣ်လၢပှၤယူဒၤ ဖိစီၤမၢ်ဒကဲၤအဂီၢ်တက့ၢ်. မၤတၢ်ကိးမံၤဒဲးလၢအဝဲအဂီၢ်ဒ်နဟ့ၣ်ကူၣ်အသိးတက့ၢ်. နကထံၣ်ဘၣ်အဝဲဆ့ၣ်နီၤဖဲနီအကျဲစၢၤန့ၣ်လီၤ.”

လံာ်စကၤရယၤ 1:6

ယဟ့ၣ်လီၤတ့ၢ်သုမိၢ်ပၢ်ဖံဖုတဖၣ်လၢယတၢ်မၤလိာ် တဖၣ်ဒီးတၢ်ဟ့ၣ်ပလီၢ်တဖၣ်ခီဖျိယခ့ယပှၤဝံသ့ၣ်တဖၣ် ဘၣ်ဆၣ်ဒီးအဝဲသ့ၣ်တကနၣ်ဃုာ်ဝဲတၢ်သ့ၣ်တဖၣ်န့ၣ်အဃိတူၢ်ဘၣ် က့ၤတၢ်လၢတၢ်သ့ၣ်တဖၣ်န့ၣ်အဂီၢ်လီၤ. အဝဲသ့ၣ်ပီၢ်ယၢ်လီၤက့ၤအသးဒီးအၢၣ်လီၤအီလီၤဝဲဒီးသ့ၣ်ညါ ဝဲလၢယၤ, သ့တၢ်လၢာ်ယွၤစံၣ်ညီၣ်တ့ၢ်အဝဲသ့ၣ်ဒ်အဝဲသ့ၣ်ကြၢးတူၢ်ဘၣ်တၢ် အသိးဒီးဒ်ယပာ်လီၤတ့ၢ်ယသးလၢယကမၤတၢ်အသိးန့ၣ်လီၤ.”

လံာ်မၢ်ကူး 13:31

မူခိၣ်ဒီးဟီၣ်ခိၣ်အစိၤကကတၢၢ်ကွံာ်ဝဲဒၣ်, ဘၣ်ဆၣ်ဒီးယတၢ်ကတိၤတဖၣ်ကအိၣ်ဂၢၢ်ဆိးကျၢၤလီၤစိၤလီၤထီလီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:29

ကီၢ်အံၣ်စရ့လးအကစၢ်ယွၤလၢအကဟုကညီၢ်ဒိၣ်န့ၣ်တလီတၢ်မ့ၢ်ဂ့ၤ, ဆီတလဲအတၢ်ပာ်သူၣ်ပာ်သးမ့ၢ်ဂ့ၤဘၣ်. အဝဲတမ့ၢ်ပှၤကညီတဂၤ, ဒီးအဝဲတဆီတလဲအတၢ်ပာ်သူၣ်ပာ်သးဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 3:19

တုၤစီၤၡမူၤအ့လးဒိၣ်ထီၣ်ဝဲဒီး, ယွၤအိၣ်ဒီးအီၤဒီးမၤလၢ ထီၣ်ပှဲၤထီၣ်ကယဲၢ်တၢ်လၢစီၤၡမူၤအ့လးစံးဝဲခဲလၢာ်န့ၣ်လီၤ.