လံာ်စီၤပၤခံဘ့ၣ်တဘ့ၣ် 1:3 - Sgaw Karen Common Bible

³ ဘၣ်ဆၣ်ဒီးယွၤအကလူးတဂၤမၤလိာ်စီၤအ့ၤလံယၤ, ဝံတဂၤလၢဝ့ၢ်တံးၡဘးဒ်သိးကလဲၤသဂၢၢ်စီၤပၤအဃၤစယၤအပှၤစိာ် တၢ်ကစီၣ်တဖၣ်ဒီးသံကွၢ်အဝဲသ့ၣ်, “ဘၣ်မနုၤလၢသုကဘၣ်လဲၤဃ့တၢ်ဟ့ၣ်ကူၣ်လၢပှၤဧ့ကြိၣ်အကစၢ် ဘဧၤလးစဘူာ်န့ၣ်လဲၣ်. မ့ၢ်သုဆိကမိၣ်လၢကစၢ်တအိၣ်ဘၣ်နီတဂၤလၢကီၢ်အံၣ်စရ့လးအပူၤ အဃိန့ၣ်ဧါ.

လံာ်စီၤပၤခံဘ့ၣ်တဘ့ၣ် 1:3 Iomraidhean Croise

လံာ်စီၤပၤအခီၣ်ထံးတဘ့ၣ် 11:33

ယကမၤတၢ်အံၤမ့ၢ်လၢစီၤၡလိၤမိၤညိကွံာ်လံယၤဒီးဘူၣ်ထီၣ်ဘါ ထီၣ်ပှၤတခီဘီမုၢ်ဖိအကစၢ်တဖၣ်လၢအမ့ၢ်ဝဲ, ကီၢ်စံဒိၣ်အကစၢ်မုၣ်ဧၤၡတြိး, ကီၢ်မိၤအးအကစၢ်ကမိၣ်, ဒီးကီၢ်ဧၣ်မိၣ်အကစၢ်မိလးအဃိန့ၣ်လီၤ. စီၤၡလိၤမိၤတစူၢ်တ့ၢ်ယၤလၢၤဘၣ်. အဝဲမၤကမၣ်တ့ၢ်တၢ်ဒီးတတိၢ် န့ၢ်ဖံးဃာ်ယတၢ်သိၣ်တၢ်သီတဖၣ်ဒီးယတၢ်မၤလိာ်တဖၣ်ဒ်အပၢ်စီၤဒၤ ဝံးမၤတ့ၢ်ဝဲအသိးန့ၣ်ဘၣ်.

လံာ်စီၤပၤအခီၣ်ထံးတဘ့ၣ် 17:1

ဝံတဂၤလၢအမံၤမ့ၢ်စီၤအ့ၤလံယၤ, လၢဝ့ၢ်တံးၡဘး, ကီၢ်ကံးလဧးအပူၤန့ၣ်စံးဘၣ်စီၤပၤအၤဃာ်, “လၢယွၤ, ကီၢ်အံၣ်စရ့လးအကစၢ်ယွၤလၢအမူဝဲလၢယမၤအတၢ်တဂၤ အမံၤအပူၤန့ၣ်, ယတဲဘၣ်နၤလၢမ့တမ့ၢ်လၢယစံးတၢ်တမံၤမံၤဒံးဘၣ်န့ၣ်, ပစီၤထံမ့ၢ်ဂ့ၤတၢ်စူၤထံမ့ၢ်ဂ့ၤတအိၣ်ဘၣ်နီတစဲးလၢဆူညါ ခံနံၣ်မ့တမ့ၢ်သၢနံၣ်အတီၢ်ပူၤဘၣ်လီၤ.”

လံာ်စီၤပၤအခီၣ်ထံးတဘ့ၣ် 18:1

တယံာ်ဘၣ်ဝံၤအလီၢ်ခံ, လၢတၢ်ယီၤဃ့သၢနံၣ်တနံၣ်အပူၤန့ၣ်ယွၤ စံးဘၣ်စီၤအ့ၤလံယၤ, “လဲၤဒီးဒုးနဲၣ်နသးလၢစီၤပၤအၤဃာ်, ဒီးယကဒုးဟဲစူၤလီၤတၢ်လီၤ.”

လံာ်စီၤပၤအခီၣ်ထံးတဘ့ၣ် 18:36

တုၤနၣ်ရံၣ်လၢမုၢ်ဃ့ၢ်လီၤတၢ်လုၢ်တၢ်ပာ်အကတီၢ်တုၤဝဲန့ၣ်, ဝံအ့ၤလံယၤသုးဘူးအသးဆူတၢ်လုၢ်လီၢ်ဒီးဘါထုကဖၣ်ဝဲ, “အိယွၤ, စီၤအၤဘြၤဟၣ်, စီၤအံၤစဲး, စီၤယၤကိာ်အကစၢ်ယွၤဧၢ, ဒုးနဲၣ်နသးခဲကနံၣ်အံၤလၢနမ့ၢ်ကီၢ်အံၣ်စရ့လးအကစၢ်ယွၤဒီး ယမ့ၢ်နခ့နပှၤဒီးယမၤတၢ်မၤခဲလၢာ်ဒ်နတၢ်မၤလိာ်အသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 19:5

အဝဲမံလီၤလၢသ့ၣ်တထံးအဖီလာ်ဒီးမံဘၣ်အသးန့ၣ်လီၤ. သတူၢ်ကလာ်ကလူးတဂၤကိးထီၣ်အီၤဒီးစံးဝဲ, “မံပၢၢ်ထီၣ်ဒီးအီၣ်တၢ်တက့ၢ်.”

လံာ်စီၤပၤအခီၣ်ထံးတဘ့ၣ် 19:7

ယွၤအကလူးန့ၣ်ဟဲက့ၤကဒါက့ၤဒီးထိၣ်ဂဲၤထၢၣ်အီၤခံဘျီတ ဘျီဒီးစံးဝဲ, “မံပၢၢ်ထီၣ်ဒီးအီၣ်တၢ်တက့ၢ်. အဂ့ၢ်ဒ်အံၤ, နတၢ်လဲၤကယံၤလၢနဂီၢ်ဒိၣ်မးလီၤ.”

လံာ်စီၤပၤအခီၣ်ထံးတဘ့ၣ် 21:17

တုၤနုၤတစု, ယွၤစံးဘၣ်စီၤအ့ၤလံယၤ, ဝံလၢဝ့ၢ်တံးၡဘး,

လံာ်စီၤပၤခံဘ့ၣ်တဘ့ၣ် 1:2

ကီၢ်အံၣ်စရ့လးအစီၤပၤအဃၤစယၤလီၤတဲာ်ကွံာ်ဝဲဒၣ်လၢအနီ အဘျီၣ်ခိၣ်ဒုးဖီခိၣ်လၢဝ့ၢ်ၡၤမရံအပူၤဒီးဘၣ်ဒိဘၣ်ထံးနး နးကလဲာ်န့ၣ်လီၤ. လၢတၢ်န့ၣ်အဃိအဝဲမၢလီၤပှၤစိာ်တၢ်ကစီၣ်တနီၤလၢကလဲၤဃ့တၢ် ဟ့ၣ်ကူၣ်ဒီးပှၤဖလ့ၡသးဖိအဝ့ၢ်ဧ့ကြိၣ်အကစၢ်ဘဧၤလးစဘူာ်, လၢကသ့ၣ်ညါဘၣ်ဝဲဘျါက့ၤသ့, တသ့ဘၣ်အဂ့ၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 1:6

အဝဲသ့ၣ်စံးဆၢဝဲဒၣ်, “ပဘၣ်တၢ်ဟဲသဂၢၢ်ပှၤလၢပှၤတဂၤလၢအတဲ ဘၣ်ပှၤလၢပကဟဲက့ၤကဒါက့ၤဒီးတဲဘၣ်နၤလၢယွၤစံးဘၣ်ဝဲ, ဘၣ်မနုၤလၢနဆှၢလီၤနပှၤစိာ်တၢ်ကစီၣ်တဖၣ်ဆူ ပှၤဧ့ကြိၣ်အကစၢ်ဘဧၤလးစဘူာ်အအိၣ်လၢကဃ့န့ၢ်တၢ်ဟ့ၣ်ကူၣ်န့ၣ် လဲၣ်. တၢ်န့ၣ်မ့ၢ်နဆိကမိၣ်လၢကစၢ်တအိၣ်နီတဂၤလၢကီၢ်အံၣ်စရ့လး အပူၤအဃိန့ၣ်ဧါ. နတဘျါက့ၤဘၣ်လၢနတၢ်ဘၣ်ဒိဘၣ်ထံးန့ၣ်ဘၣ်. နကသံလီၤ.”

လံာ်စီၤပၤခံဘ့ၣ်တဘ့ၣ် 1:8

အဝဲသ့ၣ်စံးဆၢဝဲဒၣ်, “ပှၤတဂၤန့ၣ်ကူသိးဝဲဆ့ကၤဖးဒိၣ် တဘ့ၣ်လၢအဘၣ်တၢ်ဆးအီၤလၢဆၣ်ဖိကီၢ်ဖိအဖံး, ဒီးကံာ်တူာ်အယီၢ်ဒ့ဒီးယီၢ်တကိးတၢ်ဖံးတဘိန့ၣ်လီၤ.” စီၤပၤကိးထီၣ်ဝဲ, “ပှၤန့ၣ်မ့ၢ်ဒၣ်စီၤအ့ၤလံယၤလီၤ.”

လံာ်စီၤပၤခံဘ့ၣ်တဘ့ၣ် 5:15

အဝဲက့ၤကဒါက့ၤဆူစီၤအလံၤၡါအအိၣ်ဃုာ်ဒီးအပှၤခဲလၢာ်ဒီး စံးဝဲဒၣ်, “ခဲကနံၣ်အံၤယသ့ၣ်ညါလၢ, လၢပှၤအံၣ်စရ့လးဖိအကစၢ်ယွၤအမဲာ် ညါန့ၣ်ကစၢ်အဂၤတအိၣ်နီတဂၤဘၣ်န့ၣ်လီၤ. လၢတၢ်န့ၣ်အဃိတၢ်ဒိၣ်ဧၢ, တူၢ်လိာ်ဘၣ်ယတၢ်ဟ့ၣ်တမံၤတက့ၢ်.”

လံာ်စီၤပၤခံဘ့ၣ်တဘ့ၣ် 5:8

တုၤဝံအလံၤၡါနၢ်ဟူတၢ်လၢအမၤတ့ၢ်အသးန့ၣ်အဝဲဆှၢလီၤတၢ် ကစီၣ်ဆူအအိၣ်စံးဝဲ, “ဘၣ်မနုၤအဃိ, နဘၣ်သးတံာ်တာ်ထဲအံၤညါန့ၣ်လဲၣ်. ဆှၢလီၤပှၤတဂၤန့ၣ်ဆူယအိၣ်တက့ၢ်. ဒီးယကဒုးနဲၣ်အီၤလၢဝံအိၣ်ဝဲတဂၤလၢကီၢ်အံၣ်စရ့လးအပူၤ န့ၣ်လီၤ.”

စံးထီၣ်ပတြၢၤ 76:1

ကစၢ်ယွၤဘၣ်တၢ်သ့ၣ်ညါအီၤလၢယူဒၤအပူၤ, ဒီးအမံၤဘၣ်တၢ်မၤလၤကပီၤအီၤလၢ အံၣ်စရ့လးအပူၤန့ၣ်လီၤ.

လံာ်ယၡါယၤ 8:19

ဘၣ်ဆၣ်ဒီး, ပှၤကစံးဘၣ်သုလၢသုကဃ့န့ၢ်တၢ်ကစီၣ်တဖၣ်လၢ ပှၤဖးတၢ်ဟဲဝံဟဲစိာ်တဖၣ်အအိၣ်, ပှၤကွဲပှၤသံအကလၤတဖၣ် အအိၣ်လၢအကတိၤတၢ်ပံးပံးပးပးဒီးကတိၤတၢ်ကတူၢ်ကတူၢ် တဖၣ်န့ၣ်လီၤ. အဝဲသ့ၣ်ကစံးဝဲ, “ဂ့ၤတက့ၢ်လၢပှၤဂီၢ်မုၢ်ဃ့ န့ၢ်တၢ်ကစီၣ်တဖၣ်လၢသးတဖၣ်ဒီးသံကွၢ်သံဒိးပှၤအသံလၢ ပှၤအမူအခၢၣ်စးန့ၣ်လီၤ.”

လံာ်ယိၤနါ 2:8

ပှၤလၢအဘူၣ်ထီၣ်ဘါထီၣ်တၢ်ဂီၤ တၢ်ဖီၣ်တဂိာ်တသီၣ်ဘၣ်တဖၣ်န့ၣ်ညိကွံာ်အတၢ်သးတီဒီးနၤလီၤ.

လံာ်မၢ်ကူး 3:22

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတနီၤ လၢအဟဲလီၤလၢဝ့ၢ်ယရူၤၡလ့ၣ်စံးဝဲ, “ဘဧၤလးစဘူာ်ဒိးအီၤဒီး ခီဖျိတၢ်နါအခိၣ်တဒုအံၤဟ့ၣ်အီၤတၢ်စိတၢ်ကမီၤအဃိ, အဝဲဒၣ်ဟီထီၣ်ကွံာ်တၢ်နါတဖၣ်လီၤ.”

မၤတၢ် 8:26

ကစၢ်အကလူးတဂၤစံးဘၣ်စီၤဖံလံးပူး, “ကတီၤထီၣ်နသးဝံၤလဲၤလီၤဆူကလံၤထံးတခီ, ဒီးပိာ်လီၤကျဲလၢအလဲၤလၢဝ့ၢ်ယရူၤၡလ့ၣ်ဆူဝ့ၢ်ဂါစၤန့ၣ်တက့ၢ်.” (ကျဲအံၤတဘၣ်တၢ်သူအီၤလၢၤဘၣ်).

လံာ်စီၤၡမူၤအ့လးအခီၣ်ထံးတဘ့ၣ် 17:46

တနံၤဃီအံၤန့ၣ်ယွၤကပာ်နၤလၢယစိကမီၤအဖီလာ်လီၤ. ယကမၤနၢၤကွံာ်နၤဒီးကျီတဲာ်နခိၣ်လီၤ. ဒီးယကဟ့ၣ်လီၤပှၤဖလ့ၡသးဖိအသုးမုၢ်တဖၣ်အနီၢ်ခိဆူ ထိၣ်ဖိလံာ်ဖိဒီးဆၣ်ဖိကီၢ်ဖိတဖၣ်ကအီၣ်တၢ်အဂီၢ်လီၤ. တုၤနုၤတစု, ဟီၣ်ခိၣ်ဒီဘ့ၣ်ညါကသ့ၣ်ညါလၢကီၢ်အံၣ်စရ့လး အိၣ်ဒီးကစၢ်ယွၤတဂၤလီၤ.