လံာ်စီၤပၤခံဘ့ၣ်တဘ့ၣ် 1:17 - Sgaw Karen Common Bible

¹⁷ စီၤပၤအဃၤစယၤသံဝဲဒ်ယွၤစံးတ့ၢ်ဝဲခီဖျိစီၤအ့ၤလံယၤန့ၣ်လီၤ. စီၤအဃၤစယၤအဖိခွါတအိၣ်နီတဂၤဘၣ်. လၢတၢ်န့ၣ်အဃိအဝဲအဒီပုၢ်ဝဲၢ်ခွါစီၤယဟိရၣ်ကဲထီၣ်စီၤပၤ လၢအဝဲအလီၢ်, ဖဲစီၤယဟိၡၤဖးအဖိခွါ, ကီၢ်ယူဒၤအစီၤပၤ, စီၤယဟိရၣ်ကဲစီၤပၤပှဲၤထီၣ်ခံနံၣ်တနံၣ်အကတီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 1:17 Iomraidhean Croise

လံာ်စီၤပၤအခီၣ်ထံးတဘ့ၣ် 17:16

ဒ်ယွၤအၢၣ်လီၤတ့ၢ်တၢ်ခီဖျိစီၤအ့ၤလံယၤအသိးန့ၣ်, လၢလီခီပူၤကိၣ်ကမူၣ်တလၢာ်မ့ၢ်ဂ့ၤလၢကိအပူၤသိတလၢာ်မ့ၢ် ဂ့ၤဘၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 22:38

အဝဲအလ့ၣ်ကဟၣ်ဘၣ်တၢ်သ့ကဆှီကွံာ်အီၤလၢဝ့ၢ်ၡၤမရံ အနိၣ် (တၢ်လီၢ်ဖဲပှၤဃဲသဲမုၣ်တဖၣ်လုၢ်ထံ) ဒီးဖဲန့ၣ်ထွံၣ်တဖၣ်လ့ၣ်ကွံာ်အဝဲအသွံၣ်ဒ်ယွၤစံးတ့ၢ်ဝဲလၢ တၢ်ကမၤအသးအသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:42

ဖဲအသးအိၣ်သၢဆံယဲၢ်နံၣ်, ဒီးအဝဲပၢတၢ်လၢဝ့ၢ်ယရူၤၡလ့ၣ် အပူၤခံဆံယဲၢ်နံၣ်န့ၣ်လီၤ. အဝဲအမိၢ်မ့ၢ်စီၤၡံးလဃံအဖိမုၣ်နီၢ်ဧစူဘၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:51

လၢကီၢ်ယူဒၤအစီၤပၤစီၤယဟိၡၤဖးပၢတၢ်တဆံနွံနံၣ်တနံၣ် အပူၤန့ၣ်စီၤအၤဃာ်အဖိခွါစီၤအဃၤစယၤကဲထီၣ်ကီၢ်အံၣ်စရ့လး အစီၤပၤ, ဒီးအဝဲပၢတၢ်လၢဝ့ၢ်ၡၤမရံခံနံၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 1:18

ကယဲၢ်တၢ်အဂၤလၢစီၤပၤအဃၤစယၤမၤဝဲန့ၣ်, ဘၣ်တၢ်ကွဲးနီၣ်ကွဲးဃါအီၤလၢကီၢ်အံၣ်စရ့လး အစီၤပၤတဖၣ်အလံာ်တၢ်စံၣ်စိၤတဲစိၤအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 10:17

တုၤအဝဲသ့ၣ်လဲၤတုၤဖဲန့ၣ်ဒီးစီၤယ့ၤဟူမၤသံကွံာ်ကယဲၢ် စီၤအၤဃာ်အဘူးအတံၢ်ခဲလၢာ်, တပာ်တီၢ်ဝဲနီတဂၤဒၣ်လဲာ်ဘၣ်. တၢ်အံၤမ့ၢ်တၢ်လၢယွၤတဲဘၣ်တ့ၢ်စီၤအ့ၤလံယၤလၢကမၤအသးန့ၣ်လီၤ.

လံာ်စီၤပၤခံဘ့ၣ်တဘ့ၣ် 3:1

လၢကီၢ်ယူဒၤအစီၤပၤစီၤယဟိၡၤဖးပၢတၢ်တဆံဃိးနံၣ်တနံၣ် အပူၤန့ၣ်, စီၤအၤဃာ်အဖိခွါစီၤယဟိရၣ်, ကဲထီၣ်ကီၢ်အံၣ်စရ့လးအစီၤပၤ ဒီးအဝဲပၢတၢ်လၢဝ့ၢ်ၡၤမရံအပူၤတဆံခံနံၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 9:36

ဖဲအဝဲသ့ၣ်က့ၤပာ်ဖျါထီၣ်တၢ်ဂ့ၢ်အံၤဆူစီၤယ့ၤဟူအအိၣ်န့ၣ်, အဝဲစံးဝဲ, “တၢ်အံၤမ့ၢ်တၢ်လၢယွၤစံးတ့ၢ်လၢကမၤအသးဖဲ အဝဲကတိၤတ့ၢ်တၢ်ခီဖျိအခ့အပှၤစီၤအ့ၤလံယၤ, လၢထွံၣ်တဖၣ်ကအီၣ်နီၢ်အံၤစ့ဘ့ၤလးအညၣ်လၢယံးစရ့လးအလီၢ် ကဝီၤပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 17:1

စီၤယဟိၡၤဖးကဲထီၣ်စီၤပၤလၢအပၢ်စီၤအၤစါအလီၢ်ဒီးမၤဂၢၢ် ထီၣ်ကျၢၤထီၣ်အလီၢ်အလၤထီဒါကီၢ်အံၣ်စရ့လးန့ၣ်လီၤ.

လံာ်သိၣ်လီၤသီလီၤတၢ် 34:5

လၢတၢ်န့ၣ်အဃိ, ဒ်ယွၤစံးတ့ၢ်ဝဲလၢအဝဲကသံအသိးန့ၣ်, ယွၤအခ့အပှၤစီၤမိၤၡ့သံဝဲဖဲန့ၣ်, လၢကီၢ်မိၤအးအပူၤန့ၣ် လီၤ.